اخوانى الأعزاء
كل سنه وانتم طيبن
رمضان اقترب ياترى حد استعد هيعمل ايه فى فترة الصيام حتى الأذان؟
اخواننا المدخنين هتقدروا تقضوا اليوم حتى الساعه 8 م او اكثر بدون سييجاره؟
طبعا هتقدروا ولو لتانى يوم
طب ليه منستعدش من الأن نبطل السجاير مش عشان صحتنا
لا......لوجه الله تعالى.
*وايضا ...اولادك الصغار..زوجتك ..وعشان نفسك..
*ياترى لحد امتى هتفضل الإجابه مقدرش ابطل انت مجربتش
*ليه يا عم؟ اصل السجاير دى ادمان
*مقدرش اركز ...معرفش اسوق... ببقى عصبى جدا
مفيش اجابات جديده يا جماعه
*مثلا: انا مكسل ..عايز ابطلها بدون مجهود..
عايز بس مش عارف او محاولتش ...او من الأخر
انت مستسلم ليها...
لو فكرت انك تتركها لربنا بس ...هيعينك
حاول وهتقدر ...والله هتقدر ..وانت عندك عزيمه وقوه لكن كسلان مش عايز تتعب
وانا اعرف ناس كانو مدخنين لفتره من 15 الى 20سنه
ومع ذلك بطله وفى فتره بسيطه ...
ومن يتوكل على الله فهو حسبه
هتلاقى حد قد ربنا يقف جنبك؟ مفيش
مين اللى هيديك قوة الإراده والتحمل؟ الله
فكر تعمل حاجه جديده محدش عملها
حول ال 275قرش كل يوم *30يوم اى فى الشهر 82.5ج
انت وزمايلك
وضع كل 10 ج فى ظرف وروح على مستشفى ابو الريش للأطفال ولف على عنابر الأطفال وضع لكل ام ظرف انا شفت المنظر ده بعينى من 10 ج الى 200 ج حسب المقدره
او لعب اطفال لكل طفل متتصورش سعادة الأهالى قد ايه ولا الدعاء ولا جزائك عند ملك الملوك وروح الدمرداش والطلبه ولف واتعب وخد ثواب وانا مستعد ان اشترك معكم ولو بالقليل كلنا يا جماعه لازم نعمل حاجه لله *متتصورش حالة الأمهات المحجوزه فى مستشفيات الحكومه بالشهر والشهرين والثلاثه بعيده عن زوجها واولادها ربنا يعافيكم انا عاصرت هذه الأمور لمدة سنه ونصف شفت الأعاجيب فى ناس تحت خط الفقر فعلا
*وكل ده واحنا مش عارفين نستغنى عن علبة سجاير
والإنسان بغيره وليس بنفسه فنحن ببعضنا وليس كل شخص حر فيما يفعله
*فى اطفال تدخل قسم القلب عشان عمليه تقد شهر واتنين وتلاته مركونه واللى يخش الأول اللى معاه وسطه وبعد ما حالة الطفل تسوء يدخلوه العمليات يخرج ميت شوف حال الأم والأب ساعة خروجه من العمليات تخيل نفسك وولدك عيش هذه اللحظات بقلبك وبخيالك ياترى هتحس بطعم الأكل فمابالك بطعم السيجاره
*سامحونى على كلامى هذا والله عندما كتبت بداية الكلمات لم اعلم انى سادخل الى هذا الموضوع فالذكرى اليمه ومن رأى ليس كمن سمع ولو ظللت اكتب ما رايت خلال 18شهر لن يسعنى المنتدى ولن تتحملوا قصصا اليمه ومحزنه وظلم واضح حتى فى حق الحياه فمن معه مال توظف له الإمكانيات ومن لا يملك ينتظر دوره حتى يخرج من العمليات ميتا هذا ان دخلها اصلا فهل من متعاون على البر والتقوى هل من مشارك لرفع جزء من معاناة اطفال بائسين
*هل من توبة الى الله ...هل من دور نستطيع عمله
*سامحونى على الإطاله