Follow us on Facebook Follow us on Twitter Linked In Flickr Watch us on YouTube My Space Blogger
التسجيل
صفحة 4 من 12 الأولىالأولى 1234567 ... الأخيرةالأخيرة
النتائج 46 إلى 60 من 168

من أجمل ما قرأت..ايه؟

هذا الموضوع : من أجمل ما قرأت..ايه؟ داخل المنتدى العامالتابع الي قسم ملتقى الأعضاء : المشاركة الأصلية كتبت بواسطة diamond السلام عليكم k o g d يا باشا الرباعيات بتاعة صلاح جاهين فيها تكامل بس ...

  1. #46

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74
    اقتباس المشاركة الأصلية كتبت بواسطة diamond مشاهدة المشاركة
    السلام عليكم
    k o g d
    يا باشا الرباعيات بتاعة صلاح جاهين فيها تكامل بس كل فقرة مستقلة بحد زاتها
    انا هتعبك ليه
    شوف

    رباعيات( صلاح جاهين) طويلة لكن ممتعه


    صلاح جاهين فنان رائع وهوه فى غنى عن التعريف ولديه رباعياته من اشهر ما كتب وطبعا هوه مؤلف الليله الكبيره



    خرج ابن آدم من العدم قلت : ياه
    رجع ابن آدم للعدم قلت : ياه
    تراب بيحيا ... وحي بيصير تراب
    الأصل هو الموت ولا الحياه ؟
    وعجبي

    ضريح رخام فيه السعيد اندفن
    و حفره فيها الشريد من غير كفن
    مريت عليهم .. قلت يا للعجب
    لاتنين ريحتهم لها نفس العفن
    وعجبي

    ياما صادفت صحاب و ما صاحبتهمش
    و كاسات خمور و شراب و ما شربتهمش
    أندم علي الفرص اللي أنا سبتهم
    و إلا علي الفرص اللي ما سبتهمش
    وعجبي

    و الكون ده كيف موجود من غير حدود
    و فيه عقارب ليه و تعابين ودود ؟؟
    عالم مجرب فات و قال سلامات
    ده ياما فيه سؤالات من غير ردود
    وعجبي

    أنا شاب لكن عمري ألف عام
    وحيد لكن بين ضلوعي زحام
    خايف و لكن خوفي مني أنا
    أخرس و لكن قلبي مليان كلام
    وعجبي

    يا باب يا مقفول ... إمتي الدخول
    صبرت ياما و اللي يصبر ينول
    دقيت سنين .. و الرد يرجع لي : مين ؟
    لو كنت عارف مين أنا .. كنت أقول
    وعجبي

    أحب أعيش ولو في الغابات
    أصحي كما ولدتني أمي و أبات
    طائر .. حوان.. حشرة .. بشر ..بس أعيش
    محلا الحياة.. حتى في هيئة نبات
    وعجبي

    سهّير ليالي و ياما لفيت و طفت
    و ف ليه راجع في الضلام قمت شفت
    الخوف ... كأنه كلب سد الطريق
    و كنت عاوز أقتله .. بس خفت
    وعجبي

    كان فيه زمان سحليه طول فرسخين
    كهفين عيونها و خشمها بربخين
    ماتت لكين الرعب لم عمره مات
    مع إنه فات بدل التاريخ تاريخين
    وعجبي

    عجبتني كلمة من كلام الورق
    النور شرق من بين حروفها و برق
    حبيت أشيلها ف قلبي .. قالت حرام
    ده أنا كل قلب دخلت فيه اتحرق
    وعجبي

    رقبه إزازة و قلبي فيها انحشر
    شربت كاس و اتنين و خامس عشر
    صاحبت ناس م الخمرة ترجع وحوش
    و صاحبت ناس م الخمرة ترجع بشر
    وعجبي

    ليه يا حبيبتي ما بيننا دايما سفر
    ده البعد ذنب كبير لا يغتفر
    ليه يا حبيبتي ما بيننا دايما بحور
    أعدي بحر ألاقي غيره اتحفر
    وعجبي

    ورا كل شباك ألف عين مفتوحين
    و أنا وأنتي ماشيين يا غرامي الحزين
    لو التصقنا نموت بضربة حجر
    و لو افترقنا نموت متحسرين
    وعجبي




    انت جبت اسم محمد دا من فين

    بجد تسلم ايدك
    الله على الرباعيات وجمالها




    نوح راح لحاله و الطوفان استمر

    مركبنا تايهه لسه مش لاقيه بر

    آه م الطوفان وآهين يا بر الأمان

    إزاي تبان و الدنيا غرقانه شر

    عجبي !!






    علي رجلي دم .. نظرت له ما احتملت

    علي إيدي دم.. سألت ليه ؟ لم وصلت

    علي كتفي دم.. و حتي علي رأسي دم

    أنا كلي دم .. قتلت ؟ ..... والا اتقتلت

    عجبي !!



    انا كل يوم أسمع ........ فلان عذبوه

    أسرح في بغداد و الجزاير واتوه

    ما أعجبش م اللي يطيق بجسمه العذاب

    و اعجب من اللي يطيق يعذب أخوه

    عجبي !!!




    ينبوع و في الحواديت أنا سمعت عنه

    إنه عجيب .. و ف وسط لهاليب لكنه

    شقيت كما الفرسان طريقي .. لقيت

    حتي الخنازير و الكلاب شربوا منه

    عجبي !!!!



    يا قرص شمس ما لهش قبة سما

    يا ورد من غير أرض شب و نما

    يا أي معني جميل سمعنا عليه

    الخلق ليه عايشين حياه مؤلمة

    عجبي !!!



    شاف الطبيب جرحي وصف له الأمل

    وعطاني منه مقام يا دوب ما اندمل

    مجروح جديد يا طبيب و جرحي لهيب

    ودواك فرغ مني .... و إيه العمل

    عجبي !!!









    إيش تطلبي يا نفس فوق كل ده

    حظك بيضحك و انتي متنكده

    ردت قالت لي النفس : قول للبشر

    ما يبصوليش بعيون حزينة كده

    عجبي !!



    إقلع غماك يا تور وارفض تلف

    إكسر تروس الساقية و اشتم وتف

    قال : بس خطوة كمان .. وخطوة كمان

    يا اوصل نهاية السكة يا البير تجف

    عجبي !!!




    يا حزين يا قمقم تحت بحر الضياع

    حزين أنا زيك و إيه مستطاع

    الحزن ما بقالهوش جلال يا جدع

    الحزن زي البرد ... زي الصداع

    عجبي !!!!





    في يوم صحيت شاعر براحة و صفا

    الهم زال و الحزن راح و اختفي

    خدني العجب و سألت روحي سؤال

    أنا مت ؟ و لا وصلت للفلسفة

    عجبي !!!



    الفيلسوف قاعد يفكر سيبوه

    لا تعملوه سلطان و لا تصلبوه

    ما تعرفوش إن الفلاسفه يا هوه

    اللي يقولوه بيرجعوا يكدبوه

    عجبي !!!




    علي بعد مليون ميل من أرضنا

    من الفراغ الكوني بصيت أنا

    لا شفت فرق بين جبال و بحور

    و لا شفت فرق ما بين عذاب أو هنا

    عجبي !!



    إنسان أيا إنسان ما أجهلك

    ما أتفهك في الكون و ما أضألك

    شمس وقمر و سدوم و ملايين نجوم

    و فاكرها يا موهوم مخلوقه لك

    عجبي !!




    نظرت فوق للنجوم و انا ساير

    رجليا عترت في الحفر و الحجاير

    بقيت أقول و انا ع التراب: يا سلام

    مش بس عبره أخذت لكن عباير

    عجبي !!!





    - يا نجم .. نورك ليه كده بيرتجف ؟

    هو انت قنديل زيت ؟ أو تختلف

    - أنا نجم عالي .. بس عالي قوي

    و كل ما انظر تحت اخاف انحدف

    عجبي !!!!



    السم لو كان في الدوا منين يضر ؟

    و الموت لو عدونا .. منين يسر؟

    حط القلم في الحبر و اكتب كمان

    .. و العبد للشهوات .. منين هو حر؟

    عجبي !!!




    وقفت بين شطين علي قنطــــــــــــــــــرة

    الكدب فين و الصدق فيـــــــــــن يا تري

    محتار ح اموت .. الحوت خرج لي وقالي

    هو الكلام يتقــــــــــــاس بالمســـــــــــطرة

    عجبي !!!








    نسمة ربيع لكن بتكوي الوشـــــــوش

    طيور جميلة بس من غير عشـــوش

    قلوب بتخفق إنما وحـــــــــــــــــدها

    هي الحياه كده .. كلها في الفاشوش

    عجبي !!!!



    يا طير يا عالي في الســــــما طظ فيك

    ما تفتكرشي ربنا مصطــــــــــــــــفيك

    برضـــــــــــك بتاكل دود و للطين تعًًًًودً

    تمـــــــــص فيه يا حلو .. و يمص فيك

    عجبي !!!




    كروان جريح مضروب شعاع م القمر

    سقط من السموات فؤاده انكســـــــــر

    جريت عليه قطه علشان تبلعـــــــــــه

    أتاريه خيال شعراء و مالهـــــوش أثر

    عجبي !!!





















    جالك أوان ووقفت موقف وجـــود

    يا تجود بده يا قلبي يا بده تجــــود

    ما حد يقدر يبقي علي كل شـــــــئ

    مع إن – عجبي – كل شئ موجود

    عجبي !!!



    نصحتك يابنى لما صوتى اتنبح
    متخافش من جنى ولا من شبح
    ولو طلعلك عفريت قتيل اسأله
    مدافعش ليه عن نفسه بوم ما اندبح

    عجبي !!



    أنا كنت شئ و صبحت شئ ثم شــئ

    شوف ربنا .. قادرعلي كل شـــــــئ

    هز الشجر شواشيه ووشوشني قال :

    لابد ما يموت شئ عشان يحيا شئ

    عجبي !!




    يا مشرط الجراح أمانة علـــــــــــيك

    و انت ف حشايا تبص من حواليــك

    فيه نقطة سوده في قلبي بدأت تبان

    شيلها كمان .. و الفضل يرجع إليك

    عجبي !!!




    كيف شفت قلبي و النبي يا طبيــــــــــــب

    همد و مات و الا سامع له دبيـــــــــــــب

    قاللي لقيته مختنق بالدمــــــــــــــــــــ ـوع

    و ما لوش دوا غير لمسه من إيد حبيب

    عجبي !!!!




    تسلم يا غصن الخوخ يا عود الحطـــــــــب

    بييجي الربيع .. تطلـــــــــــع زهورك عجب

    و انا ليه بيمضـــــــــــي ربيع وييجي ربيع

    و لسه برضك قلــــــــــــــــــبي حتة خشب

    عجبي !!!






    .. دي مزكرات و كتبتها من ســـــــــنين

    في نوتة زرقا لون بحور الحنيــــــــــــن

    عترت فيها .. رميتها في المهمـــــــلات

    وقلت صحيح أما صحيح كلام مخبولين

    عجبي !!




    دخل الشتا وقفل البيبان ع البـــيوت

    وجعل شعاع الشمس خيط عنكبوت

    وحاجات كتير بتموت في ليل الشــتا

    لكن حاجات أكتر بترفض تمــــــوت

    عجبي !!




    - الدنيا من غير الربيع مــــــــيته

    ورقة شجر ضعفـــــــانه و مـــفـــــتــته

    - لا يا جدع غلطان تأمل وشوف

    زهر الشتا طالع فــــــــي عز الشـــــتا

    عجبي !!!




    ياللي انت بيتك قش مفروش بريش

    تقوي عليه الريح .. يصبح ما فيش

    عجبي عليك حواليك مخالب كـــــبار

    و ما لكش غير منقار و قادر تعيش

    عجبي !!!!



    سمعت نقطة ميه جوه المحيـــــــط

    بتقول لنقطه ما تنزليش في الغويط

    أخاف عليكي م الغرق .. قلـــــت أنا

    ده اللي يخاف م الوعد يبقي عبيط

    عجبي !!!



    بحر الحياه مليان بغرقي الحياه

    صرخت خش الموج في حلقي ملاه

    قارب نجاه .. صرخت قالوا مفيش

    غير بس هو الحب قارب نجاه

    عجبي !!!












    كرباج سعاده وقلبي منه اجلد

    رمح كأنه حصان و لف البلد

    و رجع لي نصل الليل و سألني .. ليه

    خجلان تقول انك سعيد يا ولد

    عجبي !!!



    زحام و أبواق سيارات مزعجـــــة

    للي يطول له رصيف.. يبقي نجـــا

    لو كنت جنبي يا حبيبي أنــــــــــــا

    مش كنت أشوف إن الحياة مبهجة

    عجبي!!






    يا ميت ندامه ع القلوب الخـــــــــــلا

    لا محبة فيها و لا كراهـــــــــــه ولا

    حتي يا قلبي الحزن ما عادش فيـــــك

    معلهش .. لك يوم برضه راح تتملا

    عجبي !!



    مرحب ربيع مرحب ربيع مرحبــــــــــه

    يا طفل يا للي ف دمي ناغا وحبــــــــا

    علشان عيونك يا صغنن هويــــــــــــت

    حتي ديدان الأرض و الأغربــــــــــــــة

    عجبي !!!



    فتحت شباكي لشمس الصبـــــــــــــــــاح

    ما دخلش منه غيــــــــــر عويل الريـــاح

    و فتحت قلبي عشان ابوح بالألـــــــــــــم

    ما خرجش منه غير محبه و سمــــــــاح

    عجبي !!!!




    غمست سنك في السواد يا قلـــــــــــــــم

    عشان ما تكتب شعر يقطر ألــــــــــــــــم

    مالك جرالك إيه يا مجنون ... و ليــــــــه

    رسمت ورده وبيت و قلب و علـــــــــــم

    عجبي !!!

    والدفـه لو مـالت نـعـدلها بـكـتافـنا
    أسمك فى أغانينا وكلامنا وهتافنا

  2. #47
    الصورة الرمزية k o g d
    مصمم متميز

    الحالة
    غير متصل
    تاريخ التسجيل
    Aug 2007
    العمر
    27
    المشاركات
    8,660
    Thanks
    0
    Thanked 0 Times in 0 Posts
    معدل تقييم المستوى
    195
    تسلم اخي جميل جدا
    ٍسلام عليكم

  3. #48
    الصورة الرمزية shaymaa
    مصمم مجتهد

    الحالة
    غير متصل
    تاريخ التسجيل
    Jan 2008
    الدولة
    مصر
    المشاركات
    719
    Thanks
    0
    Thanked 1 Time in 1 Post
    معدل تقييم المستوى
    29
    ومن لم يحاول صعود الجبال *** يعش سائر الدهر بين الحفر...
    جزاك الله خيرا اخى الشوادفى على الابيات الرائعة
    وجزاك الله خيرا على اثراء الموضوع مرة اخرى فكنا اعتقدنا ان الناس بطلت تقرا والموضوع نام
    ________________
    اخى الكريم archooo تشرفت جدا بمرور حضرتك على الموضوع
    والله ايات تقشعر لها الابدان وكلها طمأنينة للمظلوم
    وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ
    والقصة ايضا جميلة جدا لكن بالنسبه للابيات فحاولت انى افهم حاجة لكن......بلاش بقا
    لتحميل الاف الموديلز ... تابعونا لمعرفة كل جديد
    www.archmodels.net
    www.facebook.com/archmodels.net


  4. #49
    الصورة الرمزية shaymaa
    مصمم مجتهد

    الحالة
    غير متصل
    تاريخ التسجيل
    Jan 2008
    الدولة
    مصر
    المشاركات
    719
    Thanks
    0
    Thanked 1 Time in 1 Post
    معدل تقييم المستوى
    29
    اقتباس المشاركة الأصلية كتبت بواسطة م / غادة مشاهدة المشاركة
    ما شاء الله :أفضل ما سمعت باشمهندس أحمد بالتأكيد يجب أن يكون من القرآن ففيه خشوع و وجل فى القلوب.
    أما عن قصة الشعراء مؤثره جدا ،وطريفه فى نفس الوقت وأنا بالفعل لم أفهم ارتباط الأبيلت ببعضها وأيضا من الذكاء والدهاء والمكر أن يكتب القصيده على الرخام.
    جزاكم الله خيرا.
    جزاكى الله خيرا اختى غادة على المرور

  5. #50
    الصورة الرمزية shaymaa
    مصمم مجتهد

    الحالة
    غير متصل
    تاريخ التسجيل
    Jan 2008
    الدولة
    مصر
    المشاركات
    719
    Thanks
    0
    Thanked 1 Time in 1 Post
    معدل تقييم المستوى
    29
    يظن الناس بى خيرا و إنى *** لشر الخلق إن لم تعف عنى
    جزاك الله خيرا اخى arc_man على الابيات الرائعة
    ________________
    اخى الكريم تامر
    تعلم انه ليس لدينا ما نقولة غير جزاك الله خيرا على متابعتك الدائمة جعل الله هذا الجهد فى ميزان حسناتك ان شاء الله
    تحياتى لك
    ________________
    نعم اخى istiber تستحق فعلا قصة رائعة واعجبتنى كثيرا
    ________________
    اخى محمد واختى اسراء
    جزاكم الله خيرا
    تعلمون انا اعشق الرباعيات
    وانا فى انتظار المزيد منكم ان شاء الله

  6. #51

    عضو مميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    948
    Thanks
    0
    Thanked 0 Times in 0 Posts
    معدل تقييم المستوى
    31
    مشاركات أكثر من راااائعة...
    ====================
    طبعا أخي archooo كتاب الله يعلو ولا يعلى عليه.. وأبلغ وصف قرأته لخير كتاب عرفته:

    اللَّهُ نَزَّلَ أَحْسَنَ الْحَدِيثِ كِتَابًا مُّتَشَابِهًا مَّثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ اللَّهِ ذَلِكَ هُدَى اللَّهِ يَهْدِي بِهِ مَنْ يَشَاء وَمَن يُضْلِلِ اللَّهُ فَمَا لَهُ مِنْ هَادٍ _سورة الزمر الاية 23
    ========================
    ولو تتبعنا آياته سنجد أيدينا تضعها هنا آية آية.. فالحمد لله على نعمة الإسلام والحمد لله الذي هدانا لهذا وما كنا لنهتدي لولا أن هدانا الله..

    ========================

    ومن أجمل ما قرأت في الشعر أيضا قصيدة شاعر النيل حافظ إبراهيم..

    كم ذا يكابد عاشق ويلاقي *** في حب مصر كثيرة العشاق
    إني لأحمل في هواك صبابة *** يا مصر قد خرجت عن الأطواق
    لهفي عليك متى أراك طليقة *** يحمي حماك شعب راقي

    الناس حظهم ذا مال وذا علم*** وذاك مكارم الأخلاق
    فالمال إن لم تدخره محصنا *** بالعلم كان نهاية الإملاق
    والعلم إن لم تكتنفه شمائل *** تعليه كان مطية الإخفاق
    لا تحسبن العلم ينفع وحده *** ما لم يتوج ربه بخلاق

    من لي بتربية النساء فإنها *** في الشرق علة ذلك الإخفاق
    أنا لا أقول دعو النساء سوافرا *** بين الرجال يجلن في الأسواق
    كلا ولا أدعو إلى الإسـ *** ــــراف و التضييق والإرهاق
    الأم مدرسة إذا أعددتها *** أعددت شعبا طيب الأعراق..
    .....
    اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي فاغفرلي فإنه لايغفر الذنوب إلا أنت..

  7. #52

    عضو مميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    948
    Thanks
    0
    Thanked 0 Times in 0 Posts
    معدل تقييم المستوى
    31
    وجزاك الله كل خير أخت shaymaa وإنتي عملتي اللي أنا مقدرتش عليه وتتبعتي المشاركات واحدة واحدة وكلها مشاركات تستحق الإشادة الواحد مبقاش عارف يتكم عن إيه منها ويسيب إيه..

  8. #53
    مصمم مشارك

    الحالة
    غير متصل
    تاريخ التسجيل
    Feb 2007
    الدولة
    kuwat
    العمر
    44
    المشاركات
    73
    Thanks
    0
    Thanked 0 Times in 0 Posts
    معدل تقييم المستوى
    14
    معلش انتم الى فتحتوا الموضوع
    مش هعرف امنع نفسى من انكم تشوفو ا الناس دى معايا

    ( 1 ) في عينيكِ عنواني

    العنوان بتاع القصيدة دى وحده مشكلة مصيبة جابها منين دى ( في عينيكِ عنواني )

    في عينيكِ عنواني
    فاروق جويدة


    يقول الناس يا عمري
    بأنك سوف تنساني
    وتنسى أنني يوما
    وهبتك نبض وجداني
    وتعشقُ موجةً أخرى
    وتهجر دفء شُطآني
    ويسقط كالمنى إسمي
    وسوف يتوه عنواني
    ترى ستقول ياعمري
    بأنك كنتَ تهواني؟
    حبيبي.. كيف تنساني؟

    أتيتُكَ و المنى عندي
    بقايا بين أحضاني
    أُحبك واحةً هدَأَت
    عليها كل أحزاني
    أُحبك نسمةً تروي
    لصمت الناس ألحاني
    أُحبك أنت يا أملاً
    كضوء الصبح يلقاني
    ترى ستقول ياعمري
    بأنك كنتَ تهواني؟
    حبيبي.. كيف تنساني؟

    فلو خُيّرتُ في وطن
    لقُلتُ هواكَ أوطاني
    و لو أنساك يا عمري
    حنايا القلب تنساني
    أماتَ الحب عشاقاً
    و حبك أنتَ أحياني
    إذا ما ضعتُ في دربي
    ففي عينيكَ عنواني
    ترى ستقول ياعمري
    بأنك كنتَ تهواني؟
    حبيبي.. كيف تنساني؟



    ----
    انا مش هتكلم
    رمضان كريم
    يا أرضنا يا مهبط الأنبياء قد كان يكفى واحد لو لم نكن اغبياء ( أحمد مطر )

  9. #54
    مصمم مشارك

    الحالة
    غير متصل
    تاريخ التسجيل
    Feb 2007
    الدولة
    kuwat
    العمر
    44
    المشاركات
    73
    Thanks
    0
    Thanked 0 Times in 0 Posts
    معدل تقييم المستوى
    14
    esraa_88
    ما شاء الله
    كويس ان فى ناس لسه بتعرفة
    shaymaa
    الرباعيات دى خلاصة فلسفة وخفة دم جيل كامل مع شوية شطة مصرية حامية
    مزيج غريب محدش كان يعرف يعملة غير جاهين
    كل سنه وانتم جميعا بخير

  10. #55

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74
    اقتباس المشاركة الأصلية كتبت بواسطة diamond مشاهدة المشاركة
    esraa_88
    ما شاء الله
    كويس ان فى ناس لسه بتعرفة
    shaymaa
    الرباعيات دى خلاصة فلسفة وخفة دم جيل كامل مع شوية شطة مصرية حامية
    مزيج غريب محدش كان يعرف يعملة غير جاهين
    كل سنه وانتم جميعا بخير

    طبعا
    انا عاشقه للرباعيات ((مش كلها طبعا ))
    فعلا ابداع مصرى خالص ((مش كلها طبعا ))
    وخفه دم ورؤيه مفتوحه
    بس بجد روووووووووووعه صلاح جاهين
    لكن فاروق جويده............................ مش هتكلم

  11. #56
    مصمم مشارك

    الحالة
    غير متصل
    تاريخ التسجيل
    Feb 2007
    الدولة
    kuwat
    العمر
    44
    المشاركات
    73
    Thanks
    0
    Thanked 0 Times in 0 Posts
    معدل تقييم المستوى
    14
    انا بقلكم جويدة
    جويدة
    تعرفوا المشكلة دا بالنسبة لى شخصيا
    ان الراجل دا محترم ووطنى ومؤدب بيحب البلد
    واه يا بلد

    دا جزء من قصيدة
    اغضب ولا تسمع أحد



    اغضب فإن جحافل الشر
    القديم تـُـطل من خلف السنين
    اغضب ولا تسمع سماسرة الشعوب
    وباعة الأوهام والمتآمرين
    اغضب فإن بداية الأشياء
    أولها الغضب ونهاية الأشياء
    آخرها الغضب
    والأرض أولى بالغضب
    سافرت فى كل العصور وما رأيت
    سوى العجب
    شاهدت أقدار الشعوب
    سيوف عارٍ من خشب
    ورأيت حربا بالكلام
    وبالأغانى والخـُطب
    ورأيت من سرق الشعوب
    ومن تواطأ من نهب
    ورأيت من باع الضمير
    ومن تآمر أو هرب
    ورأيت كـُهانا بنوا أمجادهم
    بين العمالة والكذب
    ورأيت من جعلوا الخيانة
    قـُدس أقداس العرب
    ورأيت تيجان الصفيح
    تفوق تيجان الذهب
    ورأيت نور محمد
    يخبو أمام أبى لهب
    فاغضب فإن الأرض يـُحييها الغضب
    اغضب ولا تسمع أحد

  12. #57

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74
    حلوه القصيده دى
    جامده جدا
    بس اصل انا مش متابعه للشعر
    بس لو حاجه عجبتى كده بس ممكن اقرأها
    بس يعنى ممكن اقول اللى اعرفه (الى حد ما ) هو صلاح جاهين

    طيب شوفوا دى جامده جدا :
    ----------------------------------
    الحارة الفلسطينية.... عبد الرحمن الابنودي


    الحارة الفلسطينية

    .. عبد الرحمن الابنودي


    الحارة الفلسطينية

    شوف كم سنة عدت وانا صاحي

    اسم بلادي هو سلاحي

    والثورة بتسهر صباحي

    في الحارة الفلسطينية


    الف سلامه


    يا علمي اللي ظلموك ياما

    حتى الدنيا ليها قيامة

    في الحارة الفلسطينية

    أعلامي سودا من الهم

    أعلامي حمرا ودا دم

    في الاكفان البيض نتلم

    من الحارة الفلسطينية


    يا سلالم طالعة

    يا ثوارها

    اجسادنا سلم لقمرها

    الاطفال خلعت اعمارها

    في الحارة الفلسطينية


    يا أرض الرسالات باركينا

    بنوفي الندر اللي علينا


    الثورة ضد الصهيوني

    هي عقلي وهي جنوني

    واتقهقر لما يردوني

    للحارة الفلسطينية

    يا حجارتي

    لسلاح الواطي

    يا قنابل

    يا رصاص مطاطي

    انا ماشي معدول

    وصراطي

    الحارة الفلسطينية

    انا بادي وبيدي حجارة

    وجهنم اولها شرارة

    الوعي اللي كانه بشارة

    من الحارة الفلسطينية

    انا ثورة وسبنالكو الدولة

    بتقولي لا قوة ولا حول؟

    اهو لينا شرف المحاولة

    في الحارة الفلسطينية

    وبواجه كل ما بتقدم

    الدولة ام الجيش متنظم

    امريكا هزمها المخيم

    في الحارة الفلسطينية


    مولود محتل ومتكتف

    مولود متنمر متصنف

    اشنقني..

    اعدم..

    اتعسف..

    الحارة فلسطينية


    انا اعلى ما في صوتي

    سكوتي

    واحلى حياة بعشقها

    موتي

    انا ارضي وجوي وملكوتي

    الحارة الفلسطينية.... عبد الرحمن الابنودي


    او للى عايز يسمعها بصوت عبد الحمن الابنودى :
    حمل من هنا :
    الحاره الفلسطينيه.rar - 258.3 Kb



  13. #58
    مصمم مشارك

    الحالة
    غير متصل
    تاريخ التسجيل
    Feb 2007
    الدولة
    kuwat
    العمر
    44
    المشاركات
    73
    Thanks
    0
    Thanked 0 Times in 0 Posts
    معدل تقييم المستوى
    14
    esraa_88
    ممتاز سيدتى

    هو محدش فاضى اليومين دول علشان يقراء لا شعر ولا غيرة
    دا حتى الكتب بتاعة التلاميذ عملوا لها تلخيصات
    بحيث هم صفحتين = 100 صفحة من الكتاب
    ((مش كلها طبعا )) ههههههههه التحفظات على الابداع مطلوبة
    انا معاكى بس ممكن شوية توسيع للدماغ تعرفى ان الراجل دا ممكن يكون قاصد حاجة تانية وبعدين المعنى فى بطن الشاعر
    - الابنودى
    الحارة الفلسطينية شكرا اا اولا مراة اشوفها وشكرا على انها بالصوت
    الشاعر العامى العبقرى بمفرداته وكلماته ولهجتة
    شعرة له موسيقى رقيقة ( حنينة ) نابعه من بيئة وتجربة شعرية متفردة ميزتة عن كل شعراء جيلة
    مكافح وثورى قديم من طراز منقرض للاسف
    قال كتير وهتف للثورة وللسد العالى وقال تحت الشجر يا وهيبة وبعدين
    قعد يندب ويقول يا عنكبوت
    (( لكن فاروق جويده............................ مش هتكلم )) ليه دا كويس
    على العموم انا كنت هجيب شغل احمد مطر - احمد فؤاد نجم
    بس مش هينفع بقى خليها بعدين اليوم اول يوم صيام والسجاير عامله عمايل فى دماغ الوحد
    رمضان كريم

    رمضان كرم

  14. #59

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74
    اقتباس المشاركة الأصلية كتبت بواسطة diamond مشاهدة المشاركة
    esraa_88
    ممتاز سيدتى

    سيدتى؟؟
    هههههههههههههه
    قول اسراء علطول

    هو محدش فاضى اليومين دول علشان يقراء لا شعر ولا غيرة
    دا حتى الكتب بتاعة التلاميذ عملوا لها تلخيصات
    بحيث هم صفحتين = 100 صفحة من الكتاب

    طبعا ما هى دى كتب لازم تتلخص
    هو الكلام اللى فيها ده يتقرى


    ((مش كلها طبعا )) ههههههههه التحفظات على الابداع مطلوبة
    انا معاكى بس ممكن شوية توسيع للدماغ تعرفى ان الراجل دا ممكن يكون قاصد حاجة تانية وبعدين المعنى فى بطن الشاعر

    لا والله
    طب انا هقولك
    انا طول عمرى بقرأ الرباعيات وبحبها
    ولما حضرتك فتحت الموضوع امبارح عجبنى اوى وجبت شويه منهم بس لما جيت اقراهم تانى
    لقيت بصراحه حاجات فيهم سيئه جدا ولا تليق ابدا
    فعدلتها وحذفتها ....
    بس انا والله مكنتش عارفه ان فيها حاجات سيئه جدا كده
    انا طول عمرى بقرأ الرباعيات المتفلتره

    - الابنودى
    الحارة الفلسطينية شكرا اا اولا مراة اشوفها وشكرا على انها بالصوت
    الشاعر العامى العبقرى بمفرداته وكلماته ولهجتة
    شعرة له موسيقى رقيقة ( حنينة ) نابعه من بيئة وتجربة شعرية متفردة ميزتة عن كل شعراء جيلة
    مكافح وثورى قديم من طراز منقرض للاسف
    قال كتير وهتف للثورة وللسد العالى وقال تحت الشجر يا وهيبة وبعدين
    قعد يندب ويقول يا عنكبوت

    ايوه طبعا
    الحاره الفلسطينه دى من اجمل ما سمعت

    (( لكن فاروق جويده............................ مش هتكلم )) ليه دا كويس

    يعنى مبسمعش ليه حاجه

    على العموم انا كنت هجيب شغل احمد مطر - احمد فؤاد نجم
    بس مش هينفع بقى خليها بعدين اليوم اول يوم صيام والسجاير عامله عمايل فى دماغ الوحد
    رمضان كريم

    رمضان كرم
    كل سنه وانتوا طيبين
    ربنا يقدرك ان شاء الله وتقدر تسيبها بعد رمضان

  15. #60
    الصورة الرمزية istiber
    مصمم مشارك

    الحالة
    غير متصل
    تاريخ التسجيل
    May 2007
    الدولة
    algeria
    المشاركات
    170
    Thanks
    0
    Thanked 0 Times in 0 Posts
    معدل تقييم المستوى
    16
    مجموعه من غرائب وطرائف الشعر ..........
    انتوا عارفين شعراء العرب ومدي فصاحتهم في اللغه العربيه ..............

    l


    ألـــــــوم صــديـــقي . . . . وهـــــــذا محـــــــال
    صــــديقي احـــــــبه . . . . كــــــــلام يقــــــــال
    وهــــــــذا كــــــــلام . . . . بـلــــــيغ الجمـــــــال
    مــحـــــــال يـــــــقال . . . . الـجـمــــال خـيــــــال


    والغريب في هذه القصيده انك تستطيع قراءتها راسيا وافقيا وتعطيك نفس الابيات تماما






    يقول الامام علي رضي الله عنه

    مودته تدوم لكل هول ....وهل كل مودته تدوم

    والعجيب في هذا البيت >>>>>>
    إقرأ البيت بالمقلوب حرفا حرفا واكتشف الإبداع .....
    حيث ان هذا البيت يقرأ من الجهتين ويعطي نفس المعني




    حلموا فما ساءَت لهم شيم **** سمحوا فما شحّت لهم مننُ
    سـلموا فلا زلـّــت لهم قـدمُ **** رشـدوا فلا ضـلّت لهم سننُ


    الابيات السابقه جزء من القصيده الرجبيه ولها ميزه عجيبه الا وهي :
    ان الابيات ابيات مدح وثناء ولكن إذا قرأتها بالمقلوب كلمه كلمه ،اي تبتدي من قافية الشطر الثاني من البيت الاول وتنتهي باول كلمه بالشطر الاول من البيت الاول ، فان النتيجه تكون ابيات هجائيه موزونه ومقفاه ، ومحكمه ايضاً.
    وسوف تكون الابيات بعد قلبها كالتالي :

    مننٌ لهم شحّت فما سمحوا **** شيمٌ لهم ساءَت فما حلموا
    سننٌ لهم ضلت فلا رشـدوا **** قـدمٌ لهم زلــــّت فـلا سلموا





    بيتا مدح يصيران هجاء بقراءة كل بيت عكسا :

    باهي المراحم لابس كرما قدير مسند
    بـاب لكل مؤمل "غنمٌ لعمرك" مرفـد

    إذا عكسنا ترتيب حروف كل بيت >>>>>>

    دنسِِ مريد قام كسب المحارم لا يهاب
    دفـِرٌ مكِرٌ "معلَم" نغل مؤمل كـل بـاب




    هذا البيت لا يتحرك به اللسان :

    " آب همي وهم بي احبابي . . . . . همهم ما بهم وهمي ما بي "

    وهذا البيت لا تتحرك به الشفتان :

    " قطعنا علي قطع القطا قطع ليلةِ . . . . سراعا علي الخيل العتاق اللواحق "



    أبيات كل حروفها بدون تنقيط :

    الحمد لله الصمد حال السرور والكمد
    الله لا إلـــه إلا الله مـــــولاك الأحــــد
    اول كــل اول اصل الاصــول والعمـــد
    الحول والطول له لا درع إلا ما سـرد





    ابيات في كل كلماتها حرف الشين :

    فأشعاره مشهورة ومشاعره وعشرته مشكورة وعشائره
    شمائله معشوقة كشموله ومشهده مستبشر ومعاشره شكور ومشكور وحشو مشاشه شهامة " شمير يطيش مشاجره "

    منقوووووووووووووووووووووو ول



 

 
صفحة 4 من 12 الأولىالأولى 1234567 ... الأخيرةالأخيرة

المواضيع المتشابهه

  1. أسئلة ؟؟؟؟.....سترتاح ...اذا قرأت أجوبتها
    بواسطة saiF في المنتدى المنتدى العام
    مشاركات: 4
    آخر مشاركة: 12 / 11 / 2012, 11 : 01 PM
  2. أجمل ما في ...
    بواسطة الغد الأحلى في المنتدى المنتدى العام
    مشاركات: 6
    آخر مشاركة: 20 / 10 / 2010, 38 : 09 AM
  3. ][:.. من أروع ما قرأت ..:][
    بواسطة قمر في المنتدى المنتدى العام
    مشاركات: 9
    آخر مشاركة: 29 / 11 / 2009, 17 : 08 PM
  4. من أجمل كتب الماكس
    بواسطة testout في المنتدى الدورات والدروس التعليمية | 3dsMax Tutorials & Tips
    مشاركات: 9
    آخر مشاركة: 17 / 11 / 2007, 23 : 11 PM
  5. قرأت لكم ....كتاب (رياض الجنه من اذكار الكتاب والسنه)
    بواسطة Instructor في المنتدى القسم الإسلامي والديني
    مشاركات: 3
    آخر مشاركة: 19 / 08 / 2007, 55 : 08 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 33 : 11 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO