Follow us on Facebook Follow us on Twitter Linked In Flickr Watch us on YouTube My Space Blogger
التسجيل
صفحة 3 من 3 الأولىالأولى 123
النتائج 31 إلى 41 من 41

تعالوا قولولى رأيكم ؟؟؟

هذا الموضوع : تعالوا قولولى رأيكم ؟؟؟ داخل المنتدى العامالتابع الي قسم ملتقى الأعضاء : المشاركة الأصلية كتبت بواسطة amrfan باين عليكي بنت ممتازه ويااااا بخت جوزك بيكي .. ده على اعتبار ماسيكون .. على ...

  1. #31

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟

    اقتباس المشاركة الأصلية كتبت بواسطة amrfan مشاهدة المشاركة
    باين عليكي بنت ممتازه ويااااا بخت جوزك بيكي .. ده على اعتبار ماسيكون ..
    على فكره الجاله هموا اللي خسروا كتير ..
    هيه فعلا شخصيه ممتازه
    ده بس نوع من الكتابه الساخره ..
    او خلينا نقول تمرد على اوضاع مجتمع ..

    اقتباس المشاركة الأصلية كتبت بواسطة mahmoud-saad مشاهدة المشاركة

    اقتباس المشاركة الأصلية كتبت بواسطة mahmoud-saad مشاهدة المشاركة
    هههههههههههههههههههه
    ما شاء يا اسراء يجازيكي الله علي ضحكاتنا
    انا ما بطلتش ضحك من اول سطر ربنا يبسطك ويسعد ايامك دائما ان شاء الله
    اسلوبها ممتع ويجزب ومضحك جدا جدا جدا ربنا يكمها وتلاقي ابن الحلا عريض المنكبين واسع الابتسامة عميق العينين
    وفعلا عدد النساء اكثر من 3 اضعاف عدد الرجال
    وفي احصائية من سنين بتقول ان علي عام 2020 هيكون عدد النساء 4 اضعاف الرجالة ودي من معجزات ديننا ايضاً لان الرسول علية الصلاة والسلام قال ان من علامات الساعه ان عدد النساء هايكون 40 ضعف عدد الرجال (والله ورسوله اعلم) انا سمعتها كتير بس مش متأكد منها
    وانا مع اقتراح احد الأخوة ان لازم كل راجل يتجوز 4 علشان نحل الازمة دي وأمرنا لله علطول بنضحي بنفسنا

    عندنا اتنين هيضحوا اهمه اخونا محمد وشريف كمان ..
    ياللا محدش عايز يضحى كمان
    ما هو اوكازيون بقى ..
    الرحمه يارب ..



    اقتباس المشاركة الأصلية كتبت بواسطة yones20008 مشاهدة المشاركة
    دى مش ازمه بس بجد دى مصيبة فعلا بجد لازم كل وحده تقبل على نفسها تكون الثانية او التالته كمان لان لو ده محصلش هتكون بتشارك في الفتنة دى (( ووالله انها فتنه عظيمة ))
    وحد الله يااخ يونس
    ايه الجو ده ..

    اقتباس المشاركة الأصلية كتبت بواسطة maryam0salem مشاهدة المشاركة
    يلا اسراء احنا مستنين الباقى
    حاضر ياغاليه ..

    والدفـه لو مـالت نـعـدلها بـكـتافـنا
    أسمك فى أغانينا وكلامنا وهتافنا

  2. #32

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟


    الســـــــادس

    وحشوكوا عرساني؟؟..
    ماتشوفوش وحش..
    أنا شخصیا ماوحشونیش خاالص..
    أنا
    جاتلي منھم حالة اكتئاب كل أما أنام أحلم بكوابیس مالھاش أول من آخر..مرة أحلم
    بأیمن ماسك صابعین جلاش..
    مرة أحلم ببتاع لجنة السیاسات معدي بالمكروباص على الریاض
    و مرة أحلم بالأخ اللي شبھ عمرو موسى ده و أنا واقفة و ماسكالھ
    الطفایة..
    مرتین تلاتھ كمان حلمت بكریم عبد العزیز بس ده مش موضوعنا دلوقتي
    خااااااااالص


    و برضھ من آثار الإكتئاب اللي بیحصل للوحدة بعد كمیة محترمة من التجارب
    المحترمة زي اللي انا مریت بیھا دي..بعدھا مابتبقاش الواحدة عایزة تسمع كلمة
    عریس أو تشم حتى ریحتھ..
    طبعا أصلا لو لھ ریحة یبقى ماینفعش..

    یضرب جرس
    الباب أقوم أستخبى ورا ماما ..
    یرن التلیفون أقوم أجري و أمسك في اید بابا قبل
    مایرفع السماعة و الذعر في عینیا

    لا یابابا بلاش..بلاش یا بابا..حرام علیك ..

    ایھ یابنتي في ایھ ..جرالك ایھ

    لحسن تطلع طنط حشریة یا بابا و جایبالي عریس أرجوك یا حاج..بلاش ترد ع
    التلیفون..اعتبرني زي بنتك


    زي بنتي ..الحقي یاأم براید البت اتھطلت
    ماما تیجي و تسلك اید بابا من ایدي اللي قافشھ علیھا زي الكابوریا
    معلش یا حبیبتي معلش و لله نصیبك ھیبقى زي الفل..اھدي یا حبیبتي كده و صلي ع
    النبي

    عاااااااااااااااااا..آه یا ماما آه..مش عایزة طنط حشریة دي تاني

    خلاص یا بنتي خلاص ..یا رب یبعدھا عن سكتك

    أبواب السما یومیھا كانت مفتوحة و مش ماما تنقي دعوة حلوة كده زیي
    رب تتجوزي بكرة الصبح؟..
    لأ تیجي في حظ طنط حشریة بس كویس برضھ أھو
    قضى أخف من قضى

    قوم ایھ ..ربنا رحمني من طنط حشریة و عوضني عنھا بأونكل دیسكو..
    أونكل
    دیسكو ده -و اسمھ الأصلي دسوقي-

    صاحب بابا من زمان بس راجل شیك كده و
    أمور و روش و یبان علیھ العز...

    نعم؟..

    أتجوزه؟؟..

    أتجوزه ده ایھ؟..

    بقولكم صاحب
    بابا..

    خلاص یعني مافیش تمییز



    المھم أونكل دیسكو ده كان دایما یجي عندنا و یقعد یلعب ھو وبابا..

    طاولة؟؟..
    مین جاب سیرة طاولة؟
    ..قمار؟؟
    ..إمشي ..قمار في عینك انت و ھو..

    بیقعدوا یلعبوا بلاي
    ستیشان
    ..أمال ماھو أونكل دیسكو مش أي كلام

    یقعد یغلب في بابا یغلب في بابا لحد ماتقوم خناقة و بابا یرزع الجھاز في الأرض و
    یبقى صوتھم مسمع آخر واحد في عنبر الغیبوبة بتاع القصر العیني

    انت راجل مالاكش فیھا
    انت اللي مابتفھمش

    یا عم روح انت صحیح بتفھم في البلاي ستیشان بس زي ماشعبان عبد الرحیم بیقھم
    في الطاقة الذریة

    ..و نخش نسلك أنا و ماما تنوبني زغدة في جنبي أو بونیة في عیني و بعدین یخلص
    الموقف و أونكل دیسكو متشعلق في بابا بیبوس راسھ و

    بابا یقولھ الشیطان شاطر یا حاج دیسكو

    و ھو یقولھ حقك علیا یا بو براید
    و تتكرر الحكایة كل خمیس زي الساعة

    لدرجة ان الواد برررق ابن الجیران اللي
    قصادنا بیجیب العیال صحابھ كل خمیس یتفرجوا ع الخناقة ..

    فرقعة و مطاردات في
    البلاكونة و بونیات و شقلبظات ..أحسن من میت فیلم للسقا ده اللي بیقولوا علیھ


    الخمیس اللي فات بأه بابا مجھز البلاي ستیشان و الكراسي في البلاكونة ..
    و انا
    انتھیت من تمارین الضغط و الحدید استعدادا لدوري في التسلیك و ضرب جرس
    الباب
    رحت افتح لقیت أونكل دیسكو مدخل وشھ من فتحة الباب و بیقوللي بلھجة كده
    ماعجبتنیش ..


    إزیك یا براااااااااید..أخبارك ایییییییھ

    عارفینھا الطریقة دي ..اللي الناس بیمطوا بیھا الحروف قبل مایقولولكوا انھم
    جایبنلكوا باكو شیكولاتھ و بعد ماتحلموا بالكادبوري ..تطلع كورونا لبني من أم ربع
    جنیھ



    آآآآآآآآه ..
    عرفت ان الموضوع فیھ إنھ
    بابا فیییییییییییین
    مش ھنا یا أونكل..
    سافر العراق ..
    جاتلھ إعارة
    سلام
    و لسھ ھاقفل الباب الراجل الأروب حط رجلھ في فتحة الباب و زقھ لما فعصني في
    الحیطة و دخل

    ھھھھھھھھ إعارة ایھ یا بنت یا عكروتة إنتي؟..
    و لله دمك زي العسل یا براید من
    ساعة ماكنتي قد كده لغایة لما بقیتي عروسة زي القمر

    آآآآآآه ..

    وضحت الرؤیة مادام قاللي انتي عروسة ..مش بس كده ..
    ده من خلال
    خبرتي الحیاتیة الطویلة ..
    أي موضوع تجتمع فیھا كلمة عروسة مع كلمة عكروتة
    یبقى أكید لا یبشر بأي خیر

    اتجھ للبلكونة اللي عارف طریقھا كویس و انا من الصدمة قعدت على أول كرسي
    قابلني في الصالة انتظارا لوقع القضا المستعجل فوق نافوخي

    شویة كده و سمعت ضحك و ھقھقة و بابا بینادي ماما ماما طلعت م المطبخ اللي
    مقضیة فیھ نص حیاتھا و متجھھ ناحیة البلكونة

    و انا شفتھا من ھنا و رحت مرمیة على رجلھا
    بلاش یا ماما ربنا یخلیكي
    فیھ ایھ یا بنتي ایھ اللي حصل
    ماتدخلیش یا ماما قلبي مش مطمن حاسة انھ كمین
    كمین ازاي یعني؟

    حاسة ان أونكل دیسكو جایبلي عریس
    طب یا بنتي ربنا یبعت..
    انتي مش كنتي ھیتقلعلك عین و تتجوزي

    لا یا ماما..
    خلاص انا عرفت حظي و نصیبي ..أنا مابیتقدملیش غیر العاھات ..أنا
    خلاص یاماما ھاقعد جنبك و ھاسمع الكلام و ھاغسل المواعین

    ایھ ده ..ھتغسلي المواعین بجد

    لألألأ..بلاش استغلال الظروف ده
    ..بس و النبي یا ماما و النبي ماتدخلي

    ماتقلقیش یا براید ..انت عارفة ان اونكل دیسكو بیفھم و راجل محترم و معارفھ كلھم
    ناس محترمین و لو جایبلك عریس أكید ھیقى محترم

    بصتلھا و الدموع في عینیا ..
    ذكیة ماما دي ..
    عكروتة بتعمل معایا زي ماكانت
    بتقوللي زمان ..روحي المدرسة و انا أجیبلك صباع روج.....ایھ دانا كنت في تالتة
    إبتدائي یعني عروسة قد الدنیا

    یووووه ..برضھ عكروتة و عروسة في جملة واحدة بس على رأي ماما أونكل
    دیسكو راجل محترم و غیر طنط حشریة
    خالص و لو جابلي عریس ھیبقى راجل محترم
    مش انتوا رأیكوا كده برضھ


    أختكوا بأه واقفة على باب البلاكونة بتلمع في الأوكر بكل براءة و سمعت الكلمة
    الموعودة..ھما الصراحة حرفین إتنین
    یییییس
    و ده طبعا النص التاني من إسم المأسوف على شبابھ العریس

    عادیكم...
    ركبي سابت و دقات قلبي إرتفعت و الدنیا لفت بیا و وشي إصفر و عینیا
    برقت

    آآآآآآآه یا براید ..عاھة تانیة والا ایھ؟

    ماما خرجت من البلكونة و لقتني مربعة على الأرض رجلي مش شایلاني
    راحت رافعاني بإید واحدة
    ..جامدة ماما و متأسسھ::
    وواخدانا في حضنھا
    و بوسة من ھنا و بوسة من ھنا
    مبروك مقدما یا بربر

    فیھ إیھ یا ماما بس؟

    أونكل دیسكو جایبلك عریس
    و فجأة ماما مالقتنیش قدامھا
    وقعت من وسط دراعتھا و ربعت تاني ع الأرض

    یاااادي النیلة

    نیلة إیھ بس یا بربر یا حبیبتي
    و ھووب..
    شالتني من ع الأرض تاني
    ده عریس بأه محترم محترم و الحكومة كلھا وافقت علیھ قبلنا
    الحكومة كلھا؟؟لیھ؟؟
    یكونش جیمي فرقع خدیجة و رجع لعقلھ و ھیخطبني ..

    یا ماما ده أنا أبقى حتة سیدة أولى ؟... أوجھ نشاطي الخیري كلھ

    للأطفال ضحایاالتلفزیون المصري ..
    و الا أقولك لسواقین المكروباص ضحایا الحزام و الا
    أقولك..الستات ضحایا عملیات الشفط

    ایھ یا بنتي حیلك حیلك جیمي مین و خدیجة دي تطلع إیھ؟؟ده جایبلك عریس أھم من
    كده بكتیر

    أھم من كده؟؟
    قصدك....سیادة ال...؟؟

    یا بنتي ھتودینا في داھیة ..
    بصي طرطقیلي ودانك كده..
    إیھ أول حاجة تخطر على
    بالك لما أقولك...ظابط شرطة

    بوكس و قسم و عصایة مقشة

    عصایة مقشة؟؟
    یا بنتي باقولك ظااابط مش كناس

    و النبي یا ماما انتي طیبھ ماعادتش فارقة دلوقت الأدوات دي بقت بتستعمل في
    المھنتین

    یا بت بلاش غلبة بأه..
    بقولك أونكل دیسكو جایبلك عریس مایترفضش..ظابط و من
    عیلة و متربي تربیة عالیة
    یا سلام
    و لله یا براید یا حبیبتي شكلھا كده ھتمشي المرة دي

    ربنا یستر..و ھییجي إمتى

    ھییجي یوم الإتنین الجاي

    یشرف و یآنس..

    و نبتدي كورس التنضیف
    و طبعا بعد كورس النضافة و التلمیع بقى البیت بیبرق من بره و من جوه جت
    الساعة الموعوده

    دقت الساعة و معاھا جرس الباب

    دقة و نظام ..
    أمال إیھ..
    باحب انا الناس الملتزمة بمواعیدھا دي ..كان عندي دایما
    أمنیة دفینة إني أتجوز واحد دقیق في مواعیده ..یمكن لأن أنا مواعیدي بالظبط
    بالظبط زي مواعید السكة الحدید..غیر موثوق فیھا على الإطلاق


    دخل من الباب و قعدت أبحلق أبحلق من ورا الستارة اللي دابت من كتر ما ببحلق من
    وراھا

    عریض المنكبین
    ریاضي
    قوي الشكیمة
    طول قي عرض في إرتفاع في عمق
    ..عنده كاریزما كده
    باینھ حتى من قفاه
    لله یا براید لله ..
    ھو ده الكلام ..
    أبقى مرات ظابط بأه و أدخل على أي لجنة و أقول
    الكلمة اللي طول عمري باحلم أقولھا...

    إنت یا بني آدم مش عارف بتكلم مین...أنا
    مدام اللوا فلان الفلاني ماتعرفوش


    یا سلااااااااام السلطة حلوة و لله.شكلك كده سرك باتع یا أونكل دیسكو یا جمیل
    .واقفة انا ورا الستارة و سرحانة في اللجنة و البرستیج و باضرب بعیني كده لقیت
    لكوا عینھ راشقھ في الستارة و أنا من وراھا ..یا ماما

    جوز عیون إیھ؟..
    دا غالبا بیبص للواحد كده یقر و یعترف على طول..
    طب كویس
    مش محتاج یعني أدوات الكناسین ولا السمكریة و لا حاجة من دي خالص..
    بس برضھ مشكلة ..
    و انا ھاخنصر مصروف البیت إزاي إن شاء لله..:redface:
    دا لو بصلي بصة
    واحدة ھجیب كل اللي عندي على طول..
    مش مشكلة مش مشكلة مش ھاغلب یعني
    أكید ھحلھا

    ماما جابت لي الصینیة الموعودة و دخلت بیھا قام وقف على طول ..
    مؤدب و لله ..
    و
    كان فاضلھ 3 سنتي و نص و یخبط في السقف..
    و مالھ الطول ھیبھ برضھ ..
    بعد ماقاعدنا بأه بدأت المعاینة ..
    أنا طبعا راسمة الھدوء و باصة في الأرض و كل شویة
    أضرب بجنب عیني كده و ألمحھ ثانیة أو إتنین ..لا و لله شكلھ من قدام الستارة أحلى
    من وراھا بكتیر..
    مش حلو حلو یعني ..
    بس ملامح رجالي كده علیھا مسحة وسامة
    معقولة
    ھو بأه راشق عینھ في وشوشنا كلنا ..
    كل أما حد یتكلم یتعدلھ كده و یبصلھ بصة
    عمییییییقة أوي ..
    ماما جت تتكلم إدیر بصلھا لقیتھا فصلت في وسط الكلام و قامت
    جري كأنھا عاملة عاملة

    بابا بأه جامد ..مش بقولكم بطل بلاي ستیشان..فضل و ھو بیتكلم باصص للعریس و
    ھو باصصلھ .ده یبص و ده یبص ..برافو یا بابا ..إدیلوا نظرات خلیھ یخاف..بس
    مین بابا یا عیني ماقدرش یكمل ماتش البص الدولي ده ..شویة و فصل زي
    ماما..
    بابا صعب علیا صحیح بس برضھ فرحت قوي بأخینا ده ..
    جامد جامد یعني ..
    لله كویس ھي دي الحیطة اللي كنت بادور علیھا من زمان ..حاجة كده الواحدة تتسند
    علیھا و تدخل في أي مشكلة و ھیا قلبھا جامد ..
    یا سلام ھوده الكلام ..
    ھو ده ال..
    في
    اللحظة دي رشقت عیونھ في وشي..أي..و لله حسیت إن وشي وجعني ..


    طب أروح
    فین
    و الا اعمل إیھ..
    قلت أقوم أجري ورا ماما ..
    بس قلت عیب یا بت..لازم تثبتیلھ
    برضھ إن إنتي بنت جامدة

    بصلي و فضل باصصلي ..و لأول مرة من أول ما قعد فتح بقھ و إتكلم

    إسمك إیھ
    براید
    ثلاثي
    ھھ؟
    إسمك ثلاثي مش فاكرة إسمك والا إیھ؟
    فاكراة فاكراة..إسمییییي..إسمیییي؟..
    إیھ؟..

    أونكل دیسكو..ماترد إنت
    أونكل دیسكو مات على روحھ من الضحك ..یا بنت یا عكروتة مش عارفة
    إسمك؟..إسمھا یا سیدي

    رفع إیده في وش أونكل دیسكو و خلاه بلع بقیت الكلام

    أنا سألتھا ھیا..و المفروض ھیا اللي ترد علیا

    یا دي النیلة ..
    إیھ الدھولة اللي أنا فیھا دي..
    مش عارفة أتكلم ..
    و لسھ ھافتح بقي لقیتھ
    مطلع حاجة بتلمع كده من جیبھ ..

    یا حلولي یا حلولي ..خاتم ده والا إسورة ..یا سلام
    راجل ذوق برضھ الناس الشیك دایما لازم تدخل في إیدیھا حاجة دھب..مسكھا
    بطراطیف صوابعة و إدھالي

    ..إیھ رأیك؟

    مدیت إیدي ألحقھا قبل مایغیر رأیھ و یرجعھا في جیبھ تاني

    أول مامسكتھا في إیدي إتذھلت

    إیھ ده..دي ولاعة

    آه ..حلوة؟..عجبتك؟

    بس أنا مابادخنش

    عارف عارف ..أنا بس بافرجھالك ..عجبتك؟..شوف كده یا عمي؟

    بابا بص من بعید ..آه كویسة

    لأ إمسكھا كده شوف تقیلة و الا خفیفة دي دھب 24 قیراط

    بابا مسكھا و قلبھا في إیده شویة و قالھ

    یس أنا برضھ مابادخنش

    كویس و لله أحسن حاجة عملتھا ..ممكن تنادي طنط تتفرج علیھا
    خلاص یا إبني و لله مصدقین إنھا دھب
    معلش معلش نادیلھا برضھ

    خلاص یا إبني قلنا

    من فضضضضلك نادیلللھا

    الجملة الأخیرة دي قالھا بأسلوب خللا الدم یتجمد في عروقي ..


    معلش یا براید..بكره
    تبقي تعلمیھ یبقى حنین شویة في الكلام..مش عایزین نفركش الموضوع من أول قاعدة..

    معلش یا بابا ماھو بكرة یبقى نسیبك و ماحادش ھیقدر یكلمك
    ماما جت بعد ما بابا نده علیھا و دخلت و ..شكلھا كانت خایفة و بصت على الولاعة

    حلوة قوي تعیش و تجیب

    قام جري و أخدھا من إیدھا

    لا ..دي بتاعتي..

    أنا بس كنت عایزكم تتفرجوا علیھا

    أونكل دیسكو قام و قالھ

    ..ممكن أشوفھا

    لأ..مش لازم إنت یا أونكل

    و مسك الولاعة بطراطیف صوابعة و حطھا جوه جیبھ و إتجھ ناحیة الباب
    أنا ھاستأذن بأه ..

    أنا سعید جدا إن أنا إتعرفت بیكم..إن شاء لله ھابقى أتفق مع أونكل و
    ھو ھیقولكم على المیعاد الجاي..

    عن إذنكم


    و ھوب لف و خرج من الصالون و فتح الباب و مشي..

    و أحنا واقفین مش فاھمین
    حاجة خالص

    بابا بص لأونكل دیسكو
    حاج دیسكو..
    إیھ النظام ده؟
    أونكل دیسكو و ھو بیضحك
    ھھھھ..خیر یا أبو براید خیر..ده راجل لیھ ھیبھ و مالوش في الدلع..و مادام قال انھ
    ھیتفق معایا یبقى ماتقلقش مبروك مقدما
    و ھوب لف ھو كمان و خرج

    ماما یاعیني أعصابھا ماستحملتش و إترمت على الكرسي و ھیا بتنھج
    أنا لا یمكن أوافق على الجوازة دي أبدا..یا لھوي ..ده إیھ الرعب ده
    جرى إیھ یا ماما و إنتي خایفة من إیھ..تكونیش ھربانھ من حاجة و خایفة تتقفشي؟

    إمشي یا مھروشة إنتي ..یعني بتدافعي عنھ..یا بنتي ده ممكن في أي خناقة یجرك ع المعتقل إنتي ماشفتیش كان بیبصلنا إزاي

    یا ماما حمش شویة بس

    حمش ؟؟..بكرة لو إتجوزك ده یكسر دماغك..

    یا أم براید أدینا ھانستنا لما نشوف أخرتھ إیھ ..بلاش نوقف إحنا المراكب السایرة و خلینا ورا الكداب لباب الدار

    ھو ده الكلام یا بابا...

    شكلھ مش عاھة قوي..مش كل یوم ھامشي عریس ..أنا عایزة
    أخلص بأه

    یا سلام یاختي؟؟..أما نشوف أخرتھا معاكي إیھ

    طبعا أنا لیلتھا ماجالیش نوم عمالھ أحلم بالظابط و اللجنة و النجوم اللي علي كتفھ و
    وانا مسنودة بأه..

    و من كتر التفكیر مانمتش غیر بعد الفجر أنا و انا بمرمط في خلق الله

    بعدها قمت صلیت الفجر و استغفرت ربنا

    و قلت خلاص یا رب مش ھامرمط في حد:redface:

    و لا ھاكسر أي إشارة و ھاكون مواطنة مثالیة تلتزم بالقانون..بس طبعا نتیجة السھر

    ماقدرتش أروح الشغل تاني یوم و قعدت في البیت و طول النھار ماما تبصلي و
    تتنھد ..

    زي ماتكون بتقوللي اما نشوف ھاتودینا فین وراكي

    عدى الیوم على كده و تاني یوم رحت الشغل ..أول مادخلت من باب المستشفى عم محمد الأشكیف البواب بتاعنا اللي كل یوم بیستقبلني بتلات أربع دعوات أول
    ماشافني دیر وشھ الواحده التانیة..خیر اللھم أجعلة خیر ..یظھر المدام صبحتھ بخناقة

    أو مستھ على أنغام الشبشب أبو وردة..ماعلینا مانا مش ھاقف أقرره و یشكیلي حالھ

    قلت أطلع على شغلي أحسن قابلتني مدام عواطف على السلم
    دكتورة براید

    أیوة یا مدام عواطف فیھ حاجة
    أیوة یا دكتورة لو سمحتي عایزاكي في مكتبي شویة
    دلوقت؟
    یا ریت
    رحت معاھا على مكتبھا في شؤون العاملین و كل أما أعدي على موظف یبصلي و
    یھز راسھ

    فیھ إیھ یا جماعة ؟..

    كلكم نایمین على أنغام الشبشب أبو وردة والا إیھ؟
    أیوة یا مدام عواطف خیر

    أستاذ حسین ..أستاذ فتوح ..لو سمحتوا شویة كده


    إیھ القلق ده بأاااه ..ده الموضوع خطیر بأه..طب لو إختلست حاجة كانوا حولوني
    الشؤون القانونیة لكن شؤون العاملین

    قولیلي یا دكتورة..إنتي عندك مشاكل في حیاتك و الا حاجة؟

    مشاكل زي إیھ یعني؟

    یعني حالتكوا المادیة كویسة .

    .باباكي بیصرف علیكوا كویس

    في إیھ یا مدام عواطف إیھ الأسئلة العجیبة دي..مانتي عندك ملفي و عارفة بابایا
    بیشتغل إیھ


    طب معلش ..أنا زي والدتك ..صارحیني..حد من صاحباتك مشیھا بطال و حبت تجر
    رجلك معاھا

    إیھ أنتي إتجنیتي یا ست إنتي والا إیھ؟

    أمال بس المخبر بتاع الآداب ده كان ماشي یسأل علیكي في المستشفى إمبارح لیھ

    آداب؟..آداب؟..آداب إیھ یا ست إنتي ..أنا ماعرفش حد بتاع آداب

    أمال یا دكتورة یعني بیسأل علیكي لیھ

    مخبر ؟..آداب؟...یخرب بیییییییتك یاللي في بالي


    ماقدرتش أستحمل و الا أفكر جالي شلل في مخي أخدت شنطتي و طیران ع البیت
    إلحقیني یا ماما..شوفي المصیبة ..أنا ضعت ..،أنا إتدمرت...أنا إتبھدلت بھدلة
    الزمالك في الدوري یا ماما
    عاااااااااااااااااااااااا ا

    طبعا ماما لما عرفت رقعت بالصوت و اتصلت ببابا و جابتھ على ملى وشھ و لما
    حكتلھ نزل عشان یجیب أونكل دیسكو من قفاه وأونكل دیسكو بعد ماخد دش محترم
    من بابا قرر عمل مؤتمر قمة و بعت جاب سیادة وزیر الداخلیة مستقبلا


    الحدیث كلھ بیدور بیننا و احنا مولعین و بینھ و ھو أسقع من أطول لوح تلج قابلتوه
    في حیاتكم


    إیھ یا بني آدم اللي انت عملتھ ده

    إیھ عملت إیھ

    إنت باعت واحد من الآداب یسأل على بنتي في شغلھا

    عادي أمال یعني ھانزل أسأل بنفسي أمال المخبرین دول لازمتھم إیھ

    ھو انت بتتحرى عن مجرم دي عروسة ..و بعدین مالاقیتش غیر مخبر من الآداب
    یسأل علیھا و في شغلھا

    طبعا ماھم مخبرین الآداب دول خبرة في السؤال عن البنات..

    المخبر بتاع حضرتك
    بأه من قسم المخدرات

    یا سلام سلم إنت كمان بعت مخبر یسأل علیا شویة شویة تقوللي إنك بعت مخبر یسأل
    على مراتي

    طبعا..بس ده بأه تبع التموین

    إنت یا بني آدم إنت بتستھبل ..إنت فضحتنا كلنا

    یا عمي النار ماتحرقش مؤمن

    یا عیني یا عیني ع العقل و الحكمة

    و ان شاء لله التحریات اللي انت جمعتھا دي

    أثبتتلك إن إحنا مجرمین یعني ھتیجي تجرنا ع القسم إمتى إن شاء لله


    لا یا عمي لا.. التحریات أثبتت إنكم ماشاء لله لا غبار علیكم خالص و الفیش كمان
    جاي نضیف خالص

    أفندم؟..فیش؟؟..

    إنت إستخرجت الفیش بتاعنا و فتشت علیھ

    لا یا فندم و دي تیجي..أنت عارف ان الفیش لازم یتجدد كل 3 شھور..أنا عملتلكم
    واحد جدید

    یا سلام و ان شاء لله أخدتنا نعمل فیش و احنا مانعرفش ..
    خدرتنا یعني

    لا یا عمي مانا عندي بصامتكم

    بصینا لبعض
    بصامتنا؟
    أه..من ع الولاعة

    یا خرااااااااااااااااااااااب ي

    دا أنا بصوت ..مافیش داعي أقولكم ع الباقي كفایا تعرفوا إن لولا وساطة أونكل
    دیسكو كنا إترمینا كلنا في المعتقل بتھمة إھانة ظابط أثناء تأدیة وظیفتة

    كانت إیھ وظیفتھ بقى؟
    جمع تحریات عن خلیة إرھابیة مكونة من 4 أشخاص..إحنا التلاتة.....و أونكل
    دیسكو

    والعاقبه عندكم فى المسرات



  3. #33



    الصورة الرمزية امة الله
    الإشراف العام

    الحالة
    غير متصل
    تاريخ التسجيل
    May 2009
    الدولة
    earth
    المشاركات
    4,308
    Thanks
    0
    Thanked 3 Times in 3 Posts
    معدل تقييم المستوى
    118

    رد: تعالوا قولولى رأيكم ؟؟؟

    -

    يا بنت الاييييييييية رهييييييييييييييييييييييي ييييبة
    اجرى بسرعة يا ايسو كملى الحكاية مستنياكى يا توتة
    علمت أن رزقى لا يأخذة غيرى فاطمأن قلبى
    و
    علمت أن عملى لا يقوم به غيرى فاشتغلت به وحدى
    و
    علمت أن الله مطلع على فاستحييت ان يرانى على معصية
    و
    علمت أن الموت ينتظرنى فأعددت الزاد للقاء ربى


  4. #34

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟

    مبسوطه والله انها عجبتكم ..

    قربت تخلص على فكره ..



  5. #35
    الصورة الرمزية هاميس
    مصمم مشارك

    الحالة
    غير متصل
    تاريخ التسجيل
    Nov 2009
    الدولة
    المدينة الباسلة
    العمر
    31
    المشاركات
    137
    Thanks
    0
    Thanked 0 Times in 0 Posts
    معدل تقييم المستوى
    14

    رد: تعالوا قولولى رأيكم ؟؟؟

    يعنى دلوقتى أعمل فيكى و فى صاحبة الموضوع ايه

    أروح أرفع عليكم قضية فضح أسرار عسكرية

    فضحتى البنات كلهم يا اسراء

    بس برضه الستات مخهم مش بيغلب

    ههههههههههههههههههههههههه ه

  6. #36


    الصورة الرمزية abdou3d
    مشرف فن التحريك - ورش عمل ومسابقات

    الحالة
    غير متصل
    تاريخ التسجيل
    Oct 2007
    الدولة
    Egypt
    العمر
    32
    المشاركات
    4,331
    Thanks
    0
    Thanked 2 Times in 2 Posts
    الصور
    10
    معدل تقييم المستوى
    102

    رد: تعالوا قولولى رأيكم ؟؟؟


    أنا شاكك انھا حالة انفلونزا طیور


    البت ھند اللي عندھا 6 سنین بنت أماني جارتنا اللي ھیا أصغر مني ب 3 سنین


    ..تتنطط على السریر و تقول
    ھیییھ ھیییھ طنط براید ھتبیییض

    ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه

    موضوع اكثر من رائع اخت اسراء طبعا متابع

  7. #37

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟

    اقتباس المشاركة الأصلية كتبت بواسطة هاميس مشاهدة المشاركة
    يعنى دلوقتى أعمل فيكى و فى صاحبة الموضوع ايه

    أروح أرفع عليكم قضية فضح أسرار عسكرية

    فضحتى البنات كلهم يا اسراء

    بس برضه الستات مخهم مش بيغلب

    ههههههههههههههههههههههههه ه
    احم ..

    اكيد غير مقصوده ..

    اقتباس المشاركة الأصلية كتبت بواسطة abdou3d مشاهدة المشاركة

    أنا شاكك انھا حالة انفلونزا طیور


    البت ھند اللي عندھا 6 سنین بنت أماني جارتنا اللي ھیا أصغر مني ب 3 سنین


    ..تتنطط على السریر و تقول
    ھیییھ ھیییھ طنط براید ھتبیییض

    ههههههههههههههههههههههههه هههههههههههههههههههه

    موضوع اكثر من رائع اخت اسراء طبعا متابع

    تشرفت بمرورك ..


    جزاكم الله كل خير كل اللى نوروا الموضوع ..

    ومشكورين لتعليقه بس هو عامه كده خلص خلاص ..

    نزلوه بقى ..

    شكرااااااا

    والعاقبه عندكم فى المسرات


  8. #38

    الصورة الرمزية مسلم
    طالب بالمركز التعليمي

    الحالة
    غير متصل
    تاريخ التسجيل
    Apr 2008
    الدولة
    مصر
    العمر
    31
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    24

    رد: تعالوا قولولى رأيكم ؟؟؟

    ما شاء الله قصة جميله ومضحكه
    جزاكى الله خيراً أختى الكريمة

  9. #39

    الصورة الرمزية shevshenko
    طالب بالمركز التعليمي

    الحالة
    غير متصل
    تاريخ التسجيل
    Feb 2009
    الدولة
    مصر
    العمر
    28
    المشاركات
    320
    Thanks
    0
    Thanked 0 Times in 0 Posts
    معدل تقييم المستوى
    17

    رد: تعالوا قولولى رأيكم ؟؟؟

    هههههههههههه

    موضوع جميل

    والاسلوب رائع

  10. #40
    الصورة الرمزية SOHA.
    مصمم متميز

    الحالة
    غير متصل
    تاريخ التسجيل
    Oct 2008
    الدولة
    U.A.E
    المشاركات
    3,251
    Thanks
    0
    Thanked 2 Times in 2 Posts
    معدل تقييم المستوى
    78

    رد: تعالوا قولولى رأيكم ؟؟؟

    ههههههههههههههههههههههههه تحفه بجد يا اسراء
    "طوبى لمن وجد في صحيفته إستغفارا كثيرا"

  11. #41

    الصورة الرمزية yones20008
    طالب بالمركز التعليمي

    الحالة
    غير متصل
    تاريخ التسجيل
    Mar 2009
    الدولة
    Cairo اعيش الى امة الاسلام انتمى
    العمر
    35
    المشاركات
    1,524
    Thanks
    0
    Thanked 0 Times in 0 Posts
    معدل تقييم المستوى
    48

    رد: تعالوا قولولى رأيكم ؟؟؟

    ههههههههههههههههههههههههه هه

    لا اله الا انت سبحانك انى كنت من الظالمين

 

 
صفحة 3 من 3 الأولىالأولى 123

المواضيع المتشابهه

  1. ياجماعة الخير ...ثاني اعمالي بالمنتدي ...ما رأيكم ؟؟؟...ارجوكم رأيكم يهمني
    بواسطة 28ahmed في المنتدى عرض ونقد الأعمال | Exhibition & Criticism Designs
    مشاركات: 23
    آخر مشاركة: 17 / 02 / 2013, 44 : 06 PM
  2. قولولى اعمل ايه فى الظلال السووووداااا
    بواسطة كاريزما في المنتدى Autodesk 3D Studio Max
    مشاركات: 4
    آخر مشاركة: 21 / 08 / 2011, 34 : 12 AM
  3. يا اخوان اعاده رندره المسجد بالفيراى صن و فيراى سكاى قولولى رايكم
    بواسطة محمود المملوك في المنتدى الديكور و الماكس المعماري | Decoration and Architectural
    مشاركات: 2
    آخر مشاركة: 19 / 01 / 2011, 33 : 07 PM
  4. تعالوا نتحدث عن Vue 7
    بواسطة aloamino في المنتدى الدورات والدروس التعليمية | 3dsMax Tutorials & Tips
    مشاركات: 56
    آخر مشاركة: 23 / 12 / 2010, 32 : 11 AM
  5. [درس]: لكل محبي الفيراي تعالوا
    بواسطة aloamino في المنتدى الدورات والدروس التعليمية | 3dsMax Tutorials & Tips
    مشاركات: 19
    آخر مشاركة: 16 / 04 / 2010, 01 : 11 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 23 : 02 PM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO