Follow us on Facebook Follow us on Twitter Linked In Flickr Watch us on YouTube My Space Blogger
التسجيل
صفحة 1 من 3 123 الأخيرةالأخيرة
النتائج 1 إلى 15 من 41

تعالوا قولولى رأيكم ؟؟؟

هذا الموضوع : تعالوا قولولى رأيكم ؟؟؟ داخل المنتدى العامالتابع الي قسم ملتقى الأعضاء : سلام عليكم ورحمه الله وبركاته بصوا ياجماعه انا بقالى كتير اوى مبكتبش .. بس النهارده بقى انا اجازه .. وقاعد ...

  1. #1

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    Smile تعالوا قولولى رأيكم ؟؟؟


    سلام عليكم ورحمه الله وبركاته

    بصوا ياجماعه انا بقالى كتير اوى مبكتبش ..

    بس النهارده بقى انا اجازه ..

    وقاعد بقلب كده فى امان الله ..

    لقيت كتاب (( انا عايزه اتجوز ))

    بتاع غاده عبد العال..

    الكتاب ده مسمع اوى هنا فى مصر ..

    انا مكنتش قريته قبل كده .

    بس دخلت اقرأه وللامانه

    انا حاليا واقعه ع الارض من كتر الضحك ..

    بجد رائع رائع ..

    لو عايزين تقرأوه معايا ..

    قوليلى اجيب السورس من صاحبته واظبطه بقى اسمايلات وصور ..

    هاه مين عايز ؟؟



    والدفـه لو مـالت نـعـدلها بـكـتافـنا
    أسمك فى أغانينا وكلامنا وهتافنا

  2. #2


    الصورة الرمزية مسلمة
    الإشراف العام

    الحالة
    غير متصل
    تاريخ التسجيل
    Nov 2007
    الدولة
    qatar
    المشاركات
    10,885
    Thanks
    0
    Thanked 4 Times in 4 Posts
    معدل تقييم المستوى
    270

    رد: تعالوا قولولى رأيكم ؟؟؟

    hahahaha how are you esraa I missed you Ok sweety I want to read this book, I am waiting

    عندما نعيش لذواتنا فحسب تبدو لنا الحياة قصيرة ضئيلة
    تبدأ من حيث بدأنا نعي وتنتهي بانتهاء عمرنا المحدود
    أما عندما نعيش لفكرة فإن الحياة تبدو طويلة عميقة
    تبدأ من حيث بدأت الإنسانية وتمتد بعد مفارقتنا لوجه هذه الأرض


  3. #3

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: تعالوا قولولى رأيكم ؟؟؟

    أوك اسراااااااااء

    أنا مع

  4. #4

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟





    بسم الله الرحمن الرحيم

    سموا كده و خليكوا معايا واحدة واحدة...



    خلينا نتفق الأول ان موضوع الجواز و العرسان و تأخر الجواز ده موضوع حساس جدا..
    وصعب جدا انكوا تلاقوا حد بيتكلم فيه بصراحة..خصوصا بالنسبة للبنات
    ....لأن اللي بتتكلم فيه بصراحة يا إما بيتبصلها على إنها قليلة الأدب و ماتربتش ..
    يا إما على انها مسروعة ع الجواز ..يا إما على انها بارت و مش لاقيه حد يتجوزها
    ..



    عشان كده تلاقوا بنات كتير بتقول ..جواز ايه بلا نيلة ..يعني هم اللي اتجوزوا كانوا خدوا ايه...انا قاعده في بيت أبويا معززة مكرمة ,ايه اللي يخليني أروح أتبهدل مع حد ماعرفوش..أنا ما بافكرش في الجواز دلوقتي لما أبني مستقبلي ..و الجملة المستهلكة في كل الأفلام العربية .."لما أحقق ذاتي ""...مش عارفه ايه ذاتها دي و تحققها ازاي يعني



    يمكن فيه بنات كتير ليهم طموح في دراستهم و في شغلهم ..لكن أتحدي ان أي واحدة فيهم مايكونش طموحها الأول انها تبقى زوجة ..على الأقل لأن دي الطريقة الوحيده اللي تخليها تبقى أم
    ...




    نتفق بقه على أسس تانية مهمة ....عدد البنات في مصر أكبر من عدد الرجاله


    دي نقطة أساسية مش عايزة أي حد يناقشني فيها ..و سيبوكوا بقه من إحصائيات الحكومة اللي بتقولك عدد الإتنين زي بعض ..لأن دي إحصائيات عاملة بالظبط زي درجات الحرارة اللي بيعلنوها في النشرة ..يعني الناس بتحلف بالطلاق ان الحرارة أكيد فوق ال 45 ..و هما لا يمكن يزودوها عن 38..أنا ليا واحد صاحب بابا قاللي ممنوع يذيعوا ان الحرارة فوق ال42


    عشان السياحة ماتنضربش و السياح مايهربوش





    موضوع نسبة الإناث للذكور برده فيها لعب بالطريقة دي..ليه بقه النسبة أكبر؟
    أقولكم


    موضوع الستات اللي بيقعدوا يخلفوا عشان يجيبوا الولد..يعني فيه عائلات كتيرة تلاقيها كده..4 بنات وولد..5بنات وولد..6 بنات وولد ..و هكذا...و تفضل الست تخلف تخلف عشان البأف جوزها يجيله الواد..يجيبوا يعمل بيه ايه؟ ماتعرفش ..و بيجي في الآخر خايب و نايب و يقعدوا يدلعوا فيه


    لما يطلع فسدان و يضيعهلم اللي وراهم و اللي قدامهم و اللي جنبهم كمان...


    ما علينا ده موضوع تاني..بس أي حد بيدرس أو درس في أي كلية في جامعات مصر هيلاحظ ان عدد البنات في أي كلية أكبر من عدد الولاد ..في كليتي مثلا كانوا تلتين العدد بنات و التلت ولاد ..يعني الضعف



    نقطة تانية ..الرجالة بقوا حاسين بنفسهم و بيتكبروا على خلق الله من البنات ( يقعدلهم في عينهم و عافيتهم يا رب ) و تلقي الراجل قاعد هو و أمه يتشرطوا ...لازم تبقى بيضا و شعرها بني و عينيها عسلي و شبه نيللي كريم ..الله يخرب بيوتكم طب بص لنفسك يا خويا في المرايه الأول ..طب بلاش بيقولوا الراجل مايعيبوش الا جيبه ..طب شبرقنا كده و ادخل في ايدك ان شالله علبة ملبس ..

    ألا لأ البعيد هو و امه يروحوا يشوفوا العروسة الغلبانه اللي أهلها صارفين عليها الشئ الفلاني و مكلفين قعدة التعارف دي شئ و شويات ..رايحين إيد ورا و إيد قدام ..و البت مافيهاش أي عيب و يقولولكم ..لأ أصلها مش شبه نيللي كريم قوي ..دي قالبه شوية على نجلاء فتحي و انا مابحبش النوع ده ..تقولش حسين فهمي رايح يتقدم للبت





    لأ و الأفراح ..نككككتة..

    ...تلاقي كل أم قاعده هي و بناتها مراقبين الشباب و ياويله اللي يعدي جنبهم...طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معاناطبعا الواد يا إما بيطلع يجري ..يا إما حد من صحابه بياخد باله من الكمين اللي وقع فيه ويجي ينقذه على أساس في حد عايزة و كده





    الكلام ده كله على فكرة مش المفروض تضحكوا عليه..و الله البنات دول غلابة ..زمان ما كانش مطلوب من أي بنت غير انها تحترم نفسها و تقعد في بيت أبوها و تستنا العدل اللي بيكون في الغالب من إختيار أهلها



    دلوقتي الكورة بقت في ملعب البنات ..يعني لازم تخرج و تشتغل و تروح أفراح و تزور أصحابها لأن مسؤلية إحضار عريس بقت ملقاه على عاتقها بالكامل ..أنا أعرف حالات كتيرة أهل البنات بيتخانقوا معاهم خناقات لرب السما عشان يخرجوا و يشتغلوا يا إما عمرهم ما هيتجوزوا ..


    و من الجهة التانية المجتمع في حالات كتير و خصوصا خارج القاهرة و الأسكندرية مابيرحمش أي بنت تخرج مع راجل عشان تتعرف عليه و يمكن يبقى فيه نصيب ..ده غير ان الراجل نفسه في الغالب ما بيرضاش بيها و يقولك عايز واحدة خام لا خرجت و لا اتكلمت مع حد غيري


    طب بالله عليكم البنات يعملوا ايه...ده غير العداد اللي بيعد من أول ماتتخرج من الجامعه ...يعني البنت تعتبر بدأت تعنس من أول ما يعدي عليها سنتين أو تلاتة متخرجه و لسه ماتخطبتش

    أنا شخصيا بدأت أحس اني هاعنس من أول ما كملت 23 سنة..طب نعمل ايه



    بصراحة المجتمع المنيل اللي احنا عايشين فيه و اللي بيقيم البنت بجوازتها واللي تتجوز بسرعة تبقة شاطرة واللي تتأخر يبقى فيها عيب ..و ع الجهة التانية الراجل من حقه ينقي و يتشرط و يبقى مقطع السمكة و ديلها و يتقال عليه مفتح و مدقدق..و يبقى معدي الأربعين و من حقه يتجوز في أي وقت ان شالله واحده عندها 18 سنة



    المجتمع ده ظااالم و مفتري ..و البنات غلابه و الضغط عليهم بيزيد كل يوم والناس بتحاكمهم على حاجه مالهمش يد فيها




    خليكوا معايا بقه ..من المرة الجايه كل حلقة هاحكيلكم على بلوة م البلاوي اللي اتقدمولي ..عشان تعرفوا احنا بنستحمل أد إيه




    المره الاولى



    حلو العنوان كده زي ماكان انور وجدي بيقول في "أمير الإنتقام" ..أصل الموضوع كله أصلا تحس انه فيلم عربي ..بس اول موضوع ده كان فيلم هندي و كوميدي كمان

    واحدة صاحبتي كانت لسه متجوزة قريب و كنت لسه حاضرة فرحها من أسبوعين ..أتصلت بيا تطمن عليا يعني ..كنت لسه سامعه خبر ان واحده من أصحابنا جابت عريس لواحدة تانية صاحبتنا برضه ..و ده موضوع يضايق قوي على فكرة ..يعني تفضل الواحده تقول و اشمعنى يعني ماختارتنيش أنا و مش بعيد تقاطعها و ماتكلمهاش تاني أبدا



    أنا بأه مسكت صاحبتي اللي كانت طالباني في التليفون و قعدت أرصلها ,,شايفة الصحبات ؟..ماطلعش منك انت حاجه زي كده ..أمال مجوزينك ليه؟ مش عشان تشوفيلنا في اصحاب جوزك والا قرايبه حد ينفع



    ..و كل شوية صاحبتي دي تحاول تقاطعني و تسدني و انا ابدا منطلقه زي الصاروخ ..لحد ماراحت موقفاني بصرخه ..يابت اسكتي بأه جوزي بيسمع م السماعه التانية و عايز يتأكد انك كويسة و رقيقة عشان جايبلك عريس





    و في لحظه واحده انقلبت طريقة كلامي 180 درجه و بقيت أرق من أرق واحده تعرفوها ...انتي صدقتي دانا كنت بهزر معاكي..انتي عارفاني رقيقة طول عمري ..دانا أرق م البت اللي طالعه جديد دي اللي اسمها منى زكي ..و اسمع صوت جوزها يحاول يكتم ضحكة ع السماعة التانية و هي حساها بتجز على سنانها و هي بتقوللي عارفه عارفه هو انتي هتقوليلي المهم اتفقنا على معاد..


    و لما اقول اتفقنا على معاد يمكن تعدي ع الرجاله سهلة كده يعني ديتها ايه؟ هيستحمى و هيخلي أمه تغسله القميص و البنطلون و أخته تكويهومله و يشغل كل اللي خلفوه عشان طلعة أهله البهية ..لكن في بيت العروسة اللي هيا المفروض انا ..هيييصة ..غسيل للحيطان ..مسح للأرضية..تنضيف للسجاجيد ..تسييق للسلم..تلميع للكاسات ..تنضيف للستاير و الشبابيك ..و بعد ده كله متوقع من العروسة بعد كل المجهود المقندل ده انها تتزوق و نخش عليهم حلوة و بتبرق ....



    المهم جه المحروس هو و أهله ..هو دكتور على فكرة ..باضرب بطرف عيني كده لقيته لابس لبس ..يا سلاااام ..زي مايكون لم اللي ع الحبل كله و لبسه على بعضه ..و تقريبا كده ماعندهمش مرايا و شكل أمه و أخته عندهم عمى ألوان..البيه لابس قميص أصفر ..بنطلون أزرق ..بلوفر أخضر ..و فوق ده كله كرافته كده الصراحه مش عارفه أحدد بالظبط لونه إيه..لأ واستنوا ..جزمة بني لما اتجعص كده و حط رجل على رجل بصيت لقيت الشراب نبيتي ...آه و النعمة ..


    قلت في نفسي مش مشكله بيقولوا الراحل مايعيبوش الا جيبه ..و أهو يبقى عريس تكني كلر زي التلفيزيون الملون ..مشرق كده و مقبل على الحياة...



    هو صحيح ودانه مخاصمه راسه خالص و سنانه بيحبوا بعضهم جدا لدرجة انهم راكبين فوق بعضيهم ..بس خلقة ربنا يعني ..المهم العقل و الشخصية






    أول ما بابا دخل راح واقف ..حلو مؤدب يعني و انطلقت امه تعرفه زي مانكون في برنامج..الدكتور سامي ..علاج طبيعي ..قام هو مكمل التقديم و قايل ...و بقلد فنانين....إيه الهبل ده بأااااه ..هو احنا عاملين برنامج مواهب و الا ده جاي يعمل انترفيو في كبارية..بابا برقله كده و قاله آه أهلا و سهلا اتفضلوا و بص لماما بصه معناها إيه اللي انتوا جايبينه ده؟





    أنا قاعده و ماسكه نفسي م الضحك و ده منطلق بيتكلم على صولاته و جولاته في عالم التقليد و احنا قاعدين نبص لبعض و امه شكلها منشكح أوي من كلامه ..

    و فجأة



    بص في الساعة



    و بص لبابا



    ..بابا خاف ليطلبني دلوقت و هيبقى موقف محرج أول مرة يتعرضله..لكن ده قاله ..عمي ممكن أسألك حضرتك سؤال و تجاوبني بصراحة؟



    ..بابا قاله بخوف كده خير يا بني؟



    ..قاله هو التلفزيون ده شغال ؟..


    بابا فوجئ كده و قالله آه يابني شغال ..فجأه الحليوة ده راح قايم و فاتح التلفزيون و قعد يقلب في القنوات لحد ما جاب قناه كانت بتزيع ماتش للزمالك..و احنا قاعدين مذهولين و مش قادرين نعمل حاجه و امه قاعده منشكحه زي ما هيا..و هوب و صوته علي ..شوت يا عم ..أيوة كده ..يااااه ..الحكم ده حمار بن كلب ...واحنا قاعدين ..ماما حبت تحرجوا بالذوق كده و قالتله ..و الله يا دكتور انا مش عارفه انت ازاي بتابع الكورة دي اليومين دول ..ده حتى الزمالك بقاله مده مش كويس خالص




    الواد فجأة سكت و لف كده لماما بالتصوير البطئ..و عينيه احمرت لدرجة ان ماما كشت فى مكانها ..و ده راح رافع الجعورة ..لاااااا ..بقولك ايييييه ..إلا الزمااالك ..اتكلمي براحتك على أى
    حد ..على امي على أبويا عليا أنا شخصيا لكن الزمالك لألألأ ..فاهمه ..قومي يا ماما ..أنا لا يمكن
    أدخل بيت الزمالك بيتهان فيهيابن 60 في 70..أكن احنا معديينلك البلاوي اللي انتو السخافات اللي عمال تقولها عشان تبقى أخرتها كده ؟

    ....كلنا فضلنا متسمرين مكاننا بابا يبص لماما و مش قادرين حتى يقوموا من مكانهم
    وانا الأول اتحرق دمي و بعدين وقعت ع الأرض من كتر الضحك..هم يبكي و هم يضحك


    الجميل بأه ان صاحبتي جايه تاني يوم تسألني على رأيي قولتلها لأ طبعا انتي بتستهبلي

    ..و حكيتلها
    ع اللي حصل..

    لقيتها بتقول طب و ايه يعني؟

    عادي ماتبقيش بس تقوليله انك أهلاوية..

    و لما
    أصريت ع الرفض..

    صاحبتي دي قاطعتني و ما رفعتش عليا سماعة التليفون من يوميها ..إزاي
    يعني أرفض عريس لقطة زي ده؟


    صحيح إزاي؟


    لو عجبتكم قولولى اكمل
    عن نفسى مش موافقه على كل المكتوب ولكن الكتاب ككل بصراحه رائع




  5. #5

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟



    التانى

    ما احنا قلنا هنمشيها زي أنور وجدي بأه خلاص
    بصوا بأه ..أولا الحكاية دي برضه من فصيلة هم يبكي و هم يضحك



    ..بس الصراحه يعني الصراحه ..انتوا هتضحكوا عليا أنا..



    هتشوفوا





    ..بس بقولكوا ايه بما اني فتاه ركيكة ..قصدي رقيقة..و مهيضة الجناح..ههه حلوة مهيضه دي..فبليز بليز ..


    بلاش تريقه
    الحكاية دي مايعرفهاش أي حد غير انا و ماما

    ..ماحكيتهاش لأي حد من أصحابي ..يعني ابقوا اتفشخروا قدام كل أصحابكم بالأمتياز ده ....



    حكاية العريس التاني لقصة عايزة أتجوز

    ..إقرا الحادثة ..اقرا


    الحادثةاحمم
    ..مقدمة...عارفين ايه احساس واحده و هي ماشية في الشارع و تحس ان حد معجب بيها..مش معاكسه يعني و كده ..لأ بيبقى فيه كده كيميا زي مابيقولوا الأجانب
    ..


    و على فكرة فيه جوازات كتير بتبدأ كده ...واحد يشوف واحده في الشارع..يمشي وراها ..يعرف ساكنة فين و يسأل عليها و يخطبها ..


    ابن عمي عمل كده و البت لسعته حتت قلم على وشة


    ..علم على وشه 3 أيام ..


    قام هو اتكيف قوي و قال البت دي واضح انها مؤدبة و متربية وراح خطبها ..آه والله ..





    هي صحيح بعد كده اتضح ان ايديها بتطول عليه في كل المواقف مش في الموقف ده بس




    ..بس و الله الراجل مبسوط و بيحلف باليوم اللي شافها فيه..



    المهم أنا يوم نازله من البيت رايحه الشغل..

    حسيت بكيميا م اللي كنت بقولكم عليها دي ..حسيت ان فيه عين هتخرم قفايا



    ..اتديرت بسرعه كده في الخباثة لقيتلكم راجل انما ايه ..طول بعرض بارتفاع.ماسك فى ايده شنطة سودا



    و لابس بدله و كرافته و نضارة شمس....عامل كده زي العيال اللي كانوا بيطلعوا في إعلانات جمعية شباب المستقبل بتاع جمال مبارك "شباب الجيل ..قوام جينا ..هو ..هو"


    فاكرينهم ؟





    ..
    المهم الواد كان حليوة و انا قلبي هفهفله أول مالمحته ..استنيت شوية ع المحطه و بعدين جه الميكروباص..ركبت راح راكب ورايا..قلت الشياكه دي كلها هتركب مكروباص ليه يعني..أكيد في الأمر إن ..و جه كمان قعد جنبي ..
    ..يا حلولي يا حلولي..





    بس كنت خايفه ليعاكس و ساعتها أنا ماعرفش أبويا ..باللي ف رجلي و لايهمني لا شباب المستقبل و لا جمال مبارك ولا حاجه أبدا..




    بس لاقيته في نص المسافه كده ..


    بيميل عليا

    و بيقول باسلوب رزين كده

    ..لو سمحتي ممكن أسأل حضرتك

    على حاجه ..وانتوا

    ماتعرفونيش...

    باتسطل لما حد يقولي حضرتك

    ..بس برضه مش سهله يعني..صدرت الوش الخشب و قلتله ..

    خير بمناسبة ايه ؟...


    يعني كنت عايز أسأل بس ..هو حضرتك مرتبطه ..واضح انك مش مخطوبة ولا متجوزة مافيش دبل في ايديكي ..






    بس الإرتباط بأه لازم أتأكد منه من حضرتك

    ..(حضرتك تاني يا حلولي)..

    والله الكلام ده مايتقالش في مواصلات و بعدين انا ماعرفكش و مش متعوده أكلم حد ماعرفوش ..

    طب يعني أنا لو معجب بحضرتك و عندي نيه أتقدم رسمي ..

    أعمل ايه ..

    أصلي بصراحه متابعك من مده بس دي أول مرة أتشجع و أحاول أكلمك ..ياحلاوة ياحلاوة متابعني من زمان ..

    ده واقع بأه..بس برضه على مين ..لازم أثبت ..والله لو حضرتك متابعني زي مابتقول تبقى عارف بيتي و عارف بابايا ..هو الوحيد اللي ينفع يتكلم في المواضيع دي ..لو سمحت ماتحرجنيش اكتر من كده ..جامده جامده يعني

    :biggrin::biggrin::biggrin:



    ...الحقيقة انت كده أثبتيلي اني أحسنت الإختيار

    ....ياسلام ياسلام..

    الله الله ..هو ده الكلام ..

    لحد كده الأمور كلها صح و مية مية ..

    صديته آه بس كمان قلتله كلم بابا..

    سيبتله سكه مفتوحه يعني


    .
    الواد بأه التباع راح شاخط فيا في اللحظه دي ..الأجرة يا أبله والا هتركبوا

    ببلاش...

    يابن اللذينا ..

    دانا عماله أترسم من ساعتها تبعتر كرامتي كده ؟...



    جيت أمد ايدي جوه الشنطه لقيتلكوا الأخ بأه راح بسرعه مطلع فلوس و محاسبلي

    ..لأ مايصحش ..

    لأ بأه اسمحيلي ..

    أنا لا يمكن أقبل واحده

    هاتقدملها تدفع و انا موجود

    ...وجون وجون وجون




    ..هيتقدملي خلاص أيوة كده

    هو انا صحيح ماعرفش هو بيشتغل ايه

    و الا عايش فين

    والا بيقلد فنانين والا ايه نظامه

    بس الجواب بيبان من عنوانه



    أول ما المكروباص وقف لقيته نزل معايا في نفس المحطه و بصلي و قاللي ..


    أنا حبيت أنقذك يعني في المكروباص ..

    واضح قوي انك ماعاكيش فلوس...

    الدم ضرب في نافوخي..

    قولته انت هتتمنظر عليا والا ايه ؟..

    هو::واضح ان شنطتك فاضية آخر الشهر بأه يالا وفرتلك أجرة المكروباص تنفعك

    ..بصتله بذهول كده و قلت له ..مين اللي قالك الكلام الفارغ ده ..

    انا عمري مامشي بشنطتي فيها أقل من 300 جنيه..قالي باستهزاء كده ..لاااااماصدقش..



    الدم كان خلاص قرب يطلع من نافوخي زي النافورة..

    رحت مطلعه كل اللي في المحفظه مورياهولي ..أهه حتى شوف 50-100-200-220

    لقيته مد ايده اخد الفلوس..

    و بصلها كده

    و عدها

    و قاللي آه صحيح

    انتي معاكي فلوس أهه


    و في لحظه راح مطبقهم

    و حاطتهم في جيبه

    ..و قاللي انا هاخليهم

    معايا بأه سوفينير((تذكار يعنى )) لحد لما

    آجيلكم البيت ..



    ماستوعبتش و قبل ما آخد فرصة أقول كلمه واحده كان راكب ورا واحد على موتوسيكل شكله كده كان ماشي ورا
    المكروباص و هوا ..



    فص ملح و داب
    أختكوا بأه واقفه في وسط الشارع هابلااااااااااه ..







    زي اللي اتدلق عليه جردل ميه مش نضيفة..

    مش عارفه أصوت

    والا أطلع أجري وراه

    والا ألطم على وشي ...


    فضلت واقفه يجي خمس دقايق في الشارع مش عارفه اروح فين

    والعربيات تقعد تزمرلي

    و لما تلاقيني مسهمة تقريبا

    اللي سايقين يقولوا في نفسهم دي يا اما طارشه يا اما مجنونة يا اما م اللي بيبيعوا مناديل ..


    و الناس تعدي تبصلي... و العيال الصغيرة يشدوا في هدوم أهاليهم ..بابا بابا هي الست دي عامله كده ليه؟





    بعد شوية كده لفيت و دخلت المستشفى اللي باشتغل فيها ..و على وشي تعبير كده زي تعبير العمده الآلي بتاع زمان


    ..دخلت الصيدلية..

    قعدت ع المكتب ..

    و فجأه .....


    انفجرت في العياط ..


    و العيال زمايلي اتلموا حواليا..

    مالك ..فيه ايه؟...

    حد زعلك ..حد كلمك؟


    من بين العياط و الشحتفه ما اقدرتش أقولهم غير كلمه واحده .................................................. .............
    .................................................. .........
    .................................
    .............................
    .......................
    .......................
    .............................
    .............
    اتسرقت
    عاااااااااااااااااااااا






    حلوه ؟؟

  6. #6

    احباب طريق الجرافيك

    الحالة
    غير متصل
    تاريخ التسجيل
    Jun 2007
    الدولة
    alexandria
    المشاركات
    1,610
    Thanks
    0
    Thanked 0 Times in 0 Posts
    معدل تقييم المستوى
    47

    رد: تعالوا قولولى رأيكم ؟؟؟

    ههههههههههههه ازيك يا اسراء ايه السيناريو اللى انتى كاتباه ده
    انا قريته على السريع بس اوعدك اقراه بتمعن اكثر
    وانا شايف ان الحل فى الموضوع ده كله ان الرجل يتجوز 4 عشان المشكله تتحل مادام الاناث اكبر من الذكور يبقى مفيش حل غير ان الرجل يبقى الحاج متولى ويجى على نفسه شويه

  7. #7

    الصورة الرمزية yones20008
    طالب بالمركز التعليمي

    الحالة
    غير متصل
    تاريخ التسجيل
    Mar 2009
    الدولة
    Cairo اعيش الى امة الاسلام انتمى
    العمر
    35
    المشاركات
    1,524
    Thanks
    0
    Thanked 0 Times in 0 Posts
    معدل تقييم المستوى
    48

    رد: تعالوا قولولى رأيكم ؟؟؟

    ههههههههههههههههههههههههه ه انا قرات جزء وبصراحه جه الصلاه وعايز اصلى بس ناوى ارجع تانى لان بصراحه اسلوب يضحك وموضوع جميل هههههههههههههه
    لا اله الا انت سبحانك انى كنت من الظالمين

  8. #8

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: تعالوا قولولى رأيكم ؟؟؟

    طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا


    هههههههههههههههههه

    و الله فطستيني من الضحك

  9. #9

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: تعالوا قولولى رأيكم ؟؟؟

    ..و كل شوية صاحبتي دي تحاول تقاطعني و تسدني و انا ابدا منطلقه زي الصاروخ
    و في لحظه واحده انقلبت طريقة كلامي 180 درجه و بقيت أرق من أرق واحده تعرفوها ...انتي صدقتي دانا كنت بهزر معاكي..انتي عارفاني رقيقة طول عمري

    باضرب بطرف عيني كده لقيته لابس لبس ..يا سلاااام ..زي مايكون لم اللي ع الحبل كله و لبسه على بعضه

    بليييييييييييييييز جيبولنا ياها المنتدى و الله حكياتها بتفطس من الضحك
    التعديل الأخير تم بواسطة قمر ; 10 / 12 / 2009 الساعة 36 : 06 PM

  10. #10

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: تعالوا قولولى رأيكم ؟؟؟

    أختكوا بأه واقفه في وسط الشارع هابلااااااااااه ..



    ههههههههههههههههههههههههه ههههههههههههه



  11. #11
    الصورة الرمزية janat
    مصمم متميز

    الحالة
    غير متصل
    تاريخ التسجيل
    Apr 2008
    المشاركات
    3,333
    Thanks
    0
    Thanked 1 Time in 1 Post
    معدل تقييم المستوى
    83

    رد: تعالوا قولولى رأيكم ؟؟؟

    ههههههههههههههههههههههههه هههههههههه
    ههههههههههههههههههههههههه ههههههههههههههههههههههههه هه
    روعة كلمة كلمة قرأته
    شكرا اسراء على هالموضوع ،،،
    طريقة الكتابة بتجذب
    في حياتنا مواقف .. تأتي دون ان نفهم كيف حدثت .. تؤثر بنا واحيانا تغير مجرى حياتنا ...وتنتهي وتختفي
    دون ان نفهم كيف انتهت ومن كان وراءها


  12. #12
    الصورة الرمزية SOHA.
    مصمم متميز

    الحالة
    غير متصل
    تاريخ التسجيل
    Oct 2008
    الدولة
    U.A.E
    المشاركات
    3,251
    Thanks
    0
    Thanked 2 Times in 2 Posts
    معدل تقييم المستوى
    78

    رد: تعالوا قولولى رأيكم ؟؟؟

    ههههههههههههههههههههه تحفه بجد يا اسراء
    صحيح هم يضحك وهم يبكى
    مفيش تكمله ولا ايه ؟؟؟؟؟؟؟؟؟
    التعديل الأخير تم بواسطة SOHA. ; 10 / 12 / 2009 الساعة 06 : 07 PM
    "طوبى لمن وجد في صحيفته إستغفارا كثيرا"

  13. #13

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟

    اقتباس المشاركة الأصلية كتبت بواسطة almasrawy مشاهدة المشاركة
    ههههههههههههه ازيك يا اسراء ايه السيناريو اللى انتى كاتباه ده
    انا قريته على السريع بس اوعدك اقراه بتمعن اكثر
    وانا شايف ان الحل فى الموضوع ده كله ان الرجل يتجوز 4 عشان المشكله تتحل مادام الاناث اكبر من الذكور يبقى مفيش حل غير ان الرجل يبقى الحاج متولى ويجى على نفسه شويه


    الحمد لله يامصراوى دعواتك بقى ..

    اهم حاجه متجيش على نفسك يامصراوى ..



    اقتباس المشاركة الأصلية كتبت بواسطة yones20008 مشاهدة المشاركة
    ههههههههههههههههههههههههه ه انا قرات جزء وبصراحه جه الصلاه وعايز اصلى بس ناوى ارجع تانى لان بصراحه اسلوب يضحك وموضوع جميل هههههههههههههه

    اه شوفت انا قلت برضه مقرهاش لوحدى لازم تضحكوا معايا ..

    اقتباس المشاركة الأصلية كتبت بواسطة قمر مشاهدة المشاركة
    طارق ..إزيك يا ولد ..مش تيجي تسلم على بنات خالتك شوف بقوا حلوين إزاي؟...أنا مش طارق يا طنط و أنا متهيألي كده حضرتك مش خالتي ...صحيح؟ معلش يا حبيبي العتب ع النظر طب ما تعرفنا على نفسك كده ..يمكن ربنا يحبك و يبقالك نصيب معانا


    هههههههههههههههههه

    و الله فطستيني من الضحك


    اقتباس المشاركة الأصلية كتبت بواسطة قمر مشاهدة المشاركة
    ..و كل شوية صاحبتي دي تحاول تقاطعني و تسدني و انا ابدا منطلقه زي الصاروخ
    و في لحظه واحده انقلبت طريقة كلامي 180 درجه و بقيت أرق من أرق واحده تعرفوها ...انتي صدقتي دانا كنت بهزر معاكي..انتي عارفاني رقيقة طول عمري

    باضرب بطرف عيني كده لقيته لابس لبس ..يا سلاااام ..زي مايكون لم اللي ع الحبل كله و لبسه على بعضه

    بليييييييييييييييز جيبولنا ياها المنتدى و الله حكياتها بتفطس من الضحك




    اقتباس المشاركة الأصلية كتبت بواسطة قمر مشاهدة المشاركة
    أختكوا بأه واقفه في وسط الشارع هابلااااااااااه ..



    ههههههههههههههههههههههههه ههههههههههههه





    [QUOTE=janat;313244]ههههههههههههههههههههههههه هههههههههه
    ههههههههههههههههههههههههه ههههههههههههههههههههههههه هه
    روعة كلمة كلمة قرأته
    شكرا اسراء على هالموضوع ،،،
    طريقة الكتابة بتجذب [/QUOTE]

    ثانك يو جنات ..

    ياللا انتظرى التكمله بقى ..:biggrin:



    اقتباس المشاركة الأصلية كتبت بواسطة SOHA. مشاهدة المشاركة
    ههههههههههههههههههههه تحفه بجد يا اسراء
    صحيح هم يضحك وهم يبكى
    مفيش تكمله ولا ايه ؟؟؟؟؟؟؟؟؟

    جارى التكمله ..

    كل ما اقرأ حته هاجيبها تقروها ..





  14. #14

    الصورة الرمزية esraa_88
    عضو مميز

    الحالة
    غير متصل
    تاريخ التسجيل
    Jan 2007
    الدولة
    القاهره
    العمر
    29
    المشاركات
    2,743
    Thanks
    0
    Thanked 0 Times in 0 Posts
    معدل تقييم المستوى
    74

    رد: تعالوا قولولى رأيكم ؟؟؟

    التالت

    الله يرحمك يا أنور و الله ليك وحشة


    المهم ..بتقولكوا ايه...هي مين؟..

    آه آه نسيت أقولكم ..صحبة ماما طنط "حشرية" ..

    (اسمها شكرية ..حشرية ده النيكنيم اللي صحابها الأنتيخ بينادوها بيه )

    جابت لي عريس
    عريس ايه يا برايد ...

    راااااجل
    أيوة طبعا ماهو لازم يبقى راجل امال هتجوز ايه..موتوسيكل؟

    لأ قصدي هيبة كده و مركز عاقل وراسي و بيفهم في كل حاجه

    عريس و بيفهم ؟:biggrin:


    ..أشك ..

    الصراحة لسه ماقابلتش النوعية دي قبل كده ..

    عموما جايز
    ماشي يا طنط حشـ..قصدي شكرية شكرية ..

    و ده هييجي أمتى و مع ميين؟

    ..هيجيب مامته معاه
    مامته؟هي هي هي..

    يا حبيتشي بقولك راااجل
    أيوة يعني أبوه تكاثر ذاتيا و جابه لوحده؟؟...

    ما هو لازم يبقى له ام
    يا برايد لازم تفهمي ده "مستكل" جدا و رأيه من دماغه و مابيديش ودانه لحد و معتمد على نفسه اعتمادا تاماالله..

    "مستكل" و رأيه من دماغه و مابيديش ودانه لحد ..
    انا باموت في النوع ده


    أحمد عبد العزيز في المال و البنون ..

    شريف منير في ليالي الحلمية..

    محمد رياض في أي حاجه مثلها قبل مايتجوز(الوحش)


    الصراحة جسمي قشعر ..

    باموووت في النوعية دي..

    يا سلام بأه لو سنانه مزاحمه بعضها زي نبيل الحلفاوي

    و الا ودانه واقفه زي حمدي قنديل

    و الا بلغد زي عمرو موسى


    الرجالة اللي ليهم شخصية و هيبه لازم يبقى ليهم ديفوهات زي دي

    و هو ده اللي بيميزهم..

    و بعدين انا اتعقدت من الناس اللي شكلها حلو ..

    أنا عايزة واحد وحش مش عايزة بتوع لجنة السياسات

    خلاص
    و جه اليوم الموعود..

    نضاااافنا الشقة و نفضنا السجاد و غسلنا الستاير اللي كانت لسه مغسوله من يومين و كويت الطقم و لبسته و حطيت مكياج نص نص ..مش في الكواليتي .لأ في الكوانتيتي

    ..لو طلع من اللي مابيحبوش الميكاب الكتير و قلب وشه و امتعض ..أخش أغسل وشي واطلعله زي ما ربنا خلقني(هو اللي جابه لنفسه)


    ..أما لو كان من اللي بيحبوا التكني كالر ..عندي صباع روج بطعم الفراولة هاخش أكله كله ..

    ما حدش يغلطني بأه ..:redface::redface:

    عروسة فول أوبشن أهه
    قاعدين مستنيين سمعنا صوت رجلين ع السلم وهوب رن الجرس رننننة رزييييينة قووووي..

    يا سلام الكبير كبير برضه
    دخل م الباب ..

    يااااسلاااام حاجه كده بتاع مترين و نص طول بعرض و عارفين كل الديفوهات بتاع نبيل و حمدي و عمرو ...

    ياسلام زي ماتكون أبواب السما كانت مفتوحة ..

    سنان ايه

    وودان ايه

    و لغد عسسسل ماحصلش تحس انه شايل فيه الخزين


    لابس بدلة مقلمة تقليمة خفيفة كده و كرافته شيك و نضارة طبية ..

    ايه ده وزير المواصلات يا خواتي

    واحنا كلنا لسه واقفين ع الباب بنبص لبعض ..وانا فرحانه قوي .

    الراجل هيبه كده و يخض و يحسس الواحده انها جنبه ولا حاجه ..

    يمكن تلاقي بنات كتير تقوللك لازم احس بشخصيتي ..

    لكن خدوها مني حكمة ..

    كل اما تقلب البنت و تنفضلها كل اما تنفض جيوبك...

    لأ لأ مش دي الحكمة ..سوري ..

    قصدي كل اما تنفض للبنت كل اما تقع فيك اكتر..

    ايوة ايوة هي دي ..

    احنا لسه واقفين ع الباب و ده مد راسه من جوة وبصلنا ..اتفضلوا يا جماعه واقفين بره كدا ليه اتفضلوو


    اتحركنا كاننا تحت التنويم المغناطيسي


    و بابا بيبصلي نظرة معناها..

    ايه اللي انتي جايباهولنا يتأنزح علينا ده

    ..وانا ابصله نظرة معناها

    ..بحبه يا بابا .عااااا



    دخل و قعد و حط رجل على رجل

    و احنا واقفين
    بصلنا و ابتسم ابتسامه انيقة و هزلنا راسه

    اقعدوا

    اقعدوا


    قعدنا قداموا مبهورين

    بنبصلوا زي ما مرات عم محمد البواب بتبص لجوزين الغوايش بتوع مرات عم مصطفى المكوجي


    قاعد هو ع اكرسي اللي في وش الكرسي اللي انا قاعده عليه..

    قعد يبصلي كده و يبص للفازة اللي ع الترابيزة اللي في وسط الصالون و فجأه بدون مقدمات راح قايم شايل الفازة بالورد اللي فيها و حاطتها ع البوفيه..


    وقاعد تاني
    بابا بصله و ال1111 ظهرت على وشة واضحة جلية _

    ملحوظة بابا بيظهر على وشة 1111 مش 111 زي الناس العادية خصوصا لما بيبقى متغاظ-

    بص لبابا و ابتسم برضه الإبتسامه الأنيقة:

    أصلي مش عارف أشوفها كويس..

    دي طبعا اللي تبقى أنا..

    و واضح ان بابا كمان وصل للنقطة دي لأن حواجبوا كانوا خلاص قربوا يندمجوا و يبقوا خط واحد طويل فوق مناخيره اللي احمرت و بقه اللي كان مكرمش لأنه واضح انه بيجز على سنانه


    ماما مدت ايديها و طبطبت على ايده يعني استنى لما نشوف أخرتها ايه


    بابا بصلها يعني ده واضح انه بجح

    و عينه يندب فيها رصاصة


    رفعت حواجبها واتنهدت يعني الرجالة كلها بقت كده ..جيل الدش يا سيدي


    كل ده و اختكوا قاعده غرقانة في عرقها و هو مركز قوي

    ...و
    وفجأة

    برضه و بدون مقدمات تاني اتفتح في الكلام ..
    لو سمحتي ممكن أعلق على حاجه ..

    وبيشاور

    بابا اتحرك بتحفز عشان يقوم بتصرف أبوي لطيف و ينط في كرشه

    و ماما شايفاها بدأت تطلع رجلها من الشوز تحسبا لإحتمال استخدامها كدعم معنوي بابا يحتاجه



    تعلق على ايه

    ضوافرهااه؟

    ضوافر
    مالها

    'انتي ليه بتقصيها مدوره مش عارفه ان المربعه هي الموضه هي الموضه في الدهب ايه دلوقتي الأصفر والا الأبيض؟

    بس اللون الأبيض اللي انتوا داهنين بيه الأوضه ده هايل و اللون اللي انتوا داهنين بيه البيت كمان

    هو البيت ده تمليك والا ايجار؟

    ايجارات الشقق بقت غالية قوي على فكرة اليومين دول

    اليومين دول ساقعه شوية

    باين الشتا داخل بدري السنة دي


    انتوا عارفين ان السنة دي سنة خبيثة

    أصل انا مواليد تسعه و عشرين فبراير

    وباحتفل بعيد ميلادي كل أربع سنين

    مرةهاهاها
    ..

    مرة واحد جه يقعد على قهوة قعد على شاي

    هاهاهاها
    الشاي بتاعي خفيف يا طنط على فكرة و بمعلقة سكر واحده

    ماما بعد ماتاكدت انه أهبل صدرتله الوش الخشب..


    الشاي خلص من عندنا يا حبيبي
    الشاي خلص

    ..طب خلاص نخليها قهوة

    هي القهوة اللي تحت البيت دي مش عاملالكوا ازعاج

    اصل ازعاج الناس ده اسوأ حاجه في الدنيا

    خصوصا الكلام الكتير


    كتير قوي المكياج اللي انتي حطاه يا آنسة..

    آنسه انتي برضه ماقولتليش اسمك ايه

    ..الإسم دايما مهم


    القسم بقه اللي جنبكوا ده بيحميكوا كويس

    بيخوف الحرميه يجوا الناحية دي..

    أصل الناس خلاص هتاكل بعض
    ه

    و انتوا هتاكلوا ايه النهارده انا شامم ريحةملوخية بالأرانب


    الأرانب بقت سهلة دلوقتي على فكرة الواحد

    يدخل بميت جنيه في البورصة يطلعلوا بأرنب..

    مليون

    يعني
    'مليون مرة أقول لطنط شكرية عايز عروسة مش عارف اتأخرت ليه على ماجابتني هنا



    بابا فرمله :
    أنا عارف...



    بره



    نعم يا عمي !!

    قصدك السفر بره

    لأ انا مش ناوي أصلي .....

    بررره..


    أطلع بره ماعندناش بنات للجواز



    هاهاها ..

    بتهزر يا عمي ..

    أمال دي ايه..

    يا جماعه حد
    يقوللي اسمها ايه ..

    هاتجوز واحده ماعرفش اسمها

    انا قلت بره

    ماعندناش بنات للجواز




    مش فاهم حضرتك بتتكلم بجد.

    بتهزر أكيد مقلب..


    آه شوفتوا برنامج مقلب دوت كوم



    و هنا قرائي الأعزاء وصل ارتفاع الضغط

    ببابا حدا لم تشهده البلاد

    من قبل و قام و هو الذي يبلغ طوله 170 سنتي و عمره 62 سنة

    بحمل البيه العريس المترين و نص ده

    هيلا بيلا من الصالون لباب الشقة

    و زقله ع السلم

    و سمعناه
    بيتدحررررج

    دحرررجه

    رزيييينة

    جددددا



    و العاقبة عندكم فى المسرات ..





  15. #15
    الصورة الرمزية احمد البدرى
    احباب طريق الجرافيك

    الحالة
    غير متصل
    تاريخ التسجيل
    Jan 2007
    الدولة
    Médinat El-Fayoum, Al Fayyum, Egypt, Egypt
    العمر
    47
    المشاركات
    6,352
    Thanks
    2
    Thanked 5 Times in 3 Posts
    الصور
    8
    معدل تقييم المستوى
    155

    رد: تعالوا قولولى رأيكم ؟؟؟

    مش ممكن الموضوع ده .. يعنى قريته كلمة كلمة .. الاسلوب جميل جدا .. تحفة والله

    بارك الله فيك اختى اسراء .. فى انتظار البقية ان شاء الله


 

 
صفحة 1 من 3 123 الأخيرةالأخيرة

المواضيع المتشابهه

  1. ياجماعة الخير ...ثاني اعمالي بالمنتدي ...ما رأيكم ؟؟؟...ارجوكم رأيكم يهمني
    بواسطة 28ahmed في المنتدى عرض ونقد الأعمال | Exhibition & Criticism Designs
    مشاركات: 23
    آخر مشاركة: 17 / 02 / 2013, 44 : 06 PM
  2. قولولى اعمل ايه فى الظلال السووووداااا
    بواسطة كاريزما في المنتدى Autodesk 3D Studio Max
    مشاركات: 4
    آخر مشاركة: 21 / 08 / 2011, 34 : 12 AM
  3. يا اخوان اعاده رندره المسجد بالفيراى صن و فيراى سكاى قولولى رايكم
    بواسطة محمود المملوك في المنتدى الديكور و الماكس المعماري | Decoration and Architectural
    مشاركات: 2
    آخر مشاركة: 19 / 01 / 2011, 33 : 07 PM
  4. تعالوا نتحدث عن Vue 7
    بواسطة aloamino في المنتدى الدورات والدروس التعليمية | 3dsMax Tutorials & Tips
    مشاركات: 56
    آخر مشاركة: 23 / 12 / 2010, 32 : 11 AM
  5. [درس]: لكل محبي الفيراي تعالوا
    بواسطة aloamino في المنتدى الدورات والدروس التعليمية | 3dsMax Tutorials & Tips
    مشاركات: 19
    آخر مشاركة: 16 / 04 / 2010, 01 : 11 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 10 : 09 PM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO