Follow us on Facebook Follow us on Twitter Linked In Flickr Watch us on YouTube My Space Blogger
التسجيل

مشاهدة نتائج الإستطلاع: هل اعجبتك الدورة

المصوتون
17. أنت لم تصوت في هذا الإستطلاع
  • رائعه

    17 100.00%
  • جيده

    0 0%
  • سيئه

    0 0%
إستطلاع متعدد الإختيارات.
صفحة 1 من 3 123 الأخيرةالأخيرة
النتائج 1 إلى 15 من 45

هاردك اتحرق ؟ باظ ؟ ولع ؟ ده كان زماااااان !

هذا الموضوع : هاردك اتحرق ؟ باظ ؟ ولع ؟ ده كان زماااااان ! داخل البرامج والتقنية | Programs & Softwareالتابع الي قسم المنتديات التقنية : السلام عليكم ورحمة الله وبركاته هاردك اتحرق ؟ باظ ؟ ولع ؟ بجد ؟ مش قادر تستحمل انك ممكن تكون ...

  1. #1
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    هاردك اتحرق ؟ باظ ؟ ولع ؟ ده كان زماااااان !

    السلام عليكم ورحمة الله وبركاته


    هاردك اتحرق ؟ باظ ؟ ولع ؟ بجد ؟ مش قادر تستحمل انك ممكن تكون قاعد في يوم من الايام وفاجاه وبدون مقدمات كل حاجه تروح منك هباء منثورا كل الشغل اللي اشتغلته ؟
    كل حاجه عملتها في الماكس ؟
    طيب في المايا ؟
    سينما فور دي ؟
    اوتوكاد ؟
    واي حاجه تانيه ان شاء الله شويه العاب علي شويه افلام

    طب وعلي ايه وجع القلب ده
    خطوه خطوه براحه حبه حبه تاته تاته
    نتعلم كلنا سوا كل حاجه من اولها لاخرها عن حاجه اسمها ؟
    الهارد ديسك
    ومش هنتطرق في موضوعنا لاي حاجه تانيه غير الهارد ديسك

    واي حد مش فاهم اي حاجه يسالني ومرحبا باي استفسارات والدورة دي هتكون علي هيئه اجزاء كاملة متكاملة
    بشرح وافي كافي مستوفي باذن الله تعالي
    لوجه الله عز وجل واتمني ان الكل يشترك في الدوره علشان يفهم ويستوعب وكلنا نتخلص من النصب المتتالي من شركات اللابتوب والكمبيوتر تصلح هارد وتدفع فيه دم قلبك ويؤول بيك الامر في النهايه انك ممكن ترميه في الزباله نتيجه ان في واحد مش فاهم لعبلك فيه او نتيجه لعبك انت شخصيا

    يبقي نتعلم سوا كل حاجه براحه وخطوه خطوه وعلي مهلنا كل كبيره وكل صغيره باذن واحد احد

    بس رجاء شخصي الدوره مش هتكمل من غير ما تدعولي اصل انا كده طماع مش عايز فلوس انا عايز الدعاء الصالح وخير الدعاء الصالح

    اخوكم الصغير
    احمد محرم

    الجزء الاول


    قبل اي حاجه

    جاهز ؟

    اوك عايزك تركز


    اكيد انت دورت كتير على النت علشان تعرف معلومات عن الهارد ديسك وازاي تقسمه ...والخ.


    اما اذا كنت تريد معرفة المزيد عن الهارد ديسك فإنك ستحتاج لمعرفة تركيبة وكيفية تخزين البيانات وعملية التقسيم والمعلومات الاخرى المتعلقة به . والموضوع فى غاية السهولة حيث انه مهما تعددت والشركات المنتجة فإن التركيب الاساسى يعتبر ثابت بالنسبة للجميع. حيث انه بالنسبه إلى الكثيرين فإن الهارد لا يمثل اكثر من كونة مخزن للبيانات فإذا كنت لا تهتم سوى بتخزين البيانات من افلام وكليبات وبرامج وغيرها فلا تكمل قراءة هذا الموضوع وانصرف !


    فارجو من الله أن ينال الموضوع اعجابكم.




    يتكون الهارد ديسك من اجزاء ميكانيكية وأجزاء الكترونية يمكن تقسيمها إلى الأقراص Platters ومحور (عمود) دوران Spindle ورؤوس للقراءة والكتابة Read and Write Heads بالاضافة الى مجموعة من الدوائر الالكترونيةIntegrated Electronics .



    الأقراص الدائرية Platters



    يتكون الهارد من عدة اقراص دائرية الشكل وتكون متلااصة فوق بعضها وكل الأقراص تكون مثبتة على عمود دوران مشترك تدور حوله بنفس السرعة وهذه الأقراص مغلفه بطبقة من ماده قابله للمغنطة حتى يمكن تخزين البيانات على سطحها على شكل شحنات.
    وكل قرص منهم مقسم الى مسارات Tracks وكل مسار مقسم الى قطاعات Sectors .



    رؤوس القراءة والكتابة



    هى عبارة عن اذرع ممتدة فوق الاقراص فى وضع افقى وتتحرك هذه الاذرع ذهابا وايابا بين مراكز الاقراص وحافتها الخارجية وبسرعه كبيره هذه الحركة مع حركة دوران الاقراص تمكن من تخزين البيانات على كامل مساحة هذه الاقراص. حيث ان عملية تخزين واسترجاع البيانات تتم عن طريق رؤوس القراءة والكتابة.





    الدوائر الالكترونية


    تقوم بالتحكم فى دوران القرص وكذلك حركة رؤوس القراءة والكتابة مما يسمح لها بقراءة وكتابة البيانات المطلوبة بناءا على الاوامر الصادرة.


    Tracks & Cylinders



    المسار Track

    ترتب الـ Bits على كل قرص من الاقراص على شكل دوائر يطلق على كل منها "مسار" وبالطبع هذه الدوائر متحدة المركز, وهذه المسارات تقسم الى اقسو ام صغيرة متساوية تسمى قطاعات Sectors وهى تستخدم لتخزين كمية ثابتة من الـ Bits وهى تقدر بــ 512 Byte .

    السلندر (الاسطوانة) Cylinder

    إذا تخيلنا ان المسارات مجتمعة فوق بعضها فانها تكون حلقات فوق بعضها وتكون معا ما يشبة الاسطوانة لانه فى الحقيقة يتم تخزين البيانات على مستوى الاسطوانة Cylinder وليس على مستوى القرص Platter وذلك لان رؤوس القراءة والكتابة مربوطة مع بعضها بمحور مشترك.

    بعد الانتهاء من معرفة الاجزاء الرئيسية للهارد فانك تجتاج الى معرفة مكونات الهارد بشىء من التفصيل وهو ما سنتناولة فى الصور القادمة


    الصوره التالية توضح الهارد ديسك من اعلى



    الصورة التالية توضح الهارد ديسك من اسفل ولاحظ انك ترى لوحة التحكم.




    الصورة التالية توضح لوحة التحكم من اعلى



    الصورة التالية توضح عازل يوضع بين جسم الهارد ولوحة التحكم



    الصورة التالية توضح الهارد من اسفل بعد ازالة لوحة التحكم



    الصورة التالية توضح المنظر الداخلى لأجزاء الهارد ولاحظ ان الاقراص السوداء هى الـــ Platters



    الصورة التالية توضح المنظر الداخلى للهارد بعد ازالة الغطاء العلوى



    الصورة التالية توضح اجزاء رؤوس القراءة والكتابة من اعلى



    الصورة التالية توضح اجزاء رؤوس القراءة والكتابة من اسفل



    بعد ازاله الاقراص فاننا سنجد الموتور الذى يقوم بتحريكها



    وهناك نوعان من الهاردات يعتبران الاكثر شهره وهما IDE HDD بالاضافة الى Sata HDD وحاليا يعتبر الهارد الساتا الاكثر انتشارا .

    وطبعا الكل يعرف ان كابل الــ IDE يكون شكله كالتالى




    اما كابلات الساتا يكون شكلها كما فى الصورة التالية. ولا حظ ان الكابل الموجود ناحية اليمين هو كابل الداتا



    واماكن تركيب كابلات الساتا والــ IDE فى اللوحة الام تكون مميزة



    وبعد التعرف المكونات المادية للهارد هناك مجموعه من المعلومات والتعريفات الهامة التى يجب علينا معرفتها


    تخزين البيانات


    يخزن الكمبيوتر البيانات على الهارد كسلسلة من الـ Bits كل Bit يمثل شحنة موجبة او سالبة على طبقة من ماده قابلة للمغنطة على الاقراص.
    فعند تخزين ملف على الهارد فانه يبحث عن قطاع فارغ ويقوم بتخزين الملف به فاذا كان الملف اكبر من القطاع فانة يقوم باستخدام قطاع اخر وهكذا. ويفضل ابعاد الهارد عن اى مصدر مغناطيسى وذلك حفاظا على سلامة البيانات.

    تهيئة القرص Disk Formatting


    التهيئة هى عملية اعداد الهارد حتى يتمكن من كتابة البيانات على الهارد مع امكانية استرجاع البيانات المطلوبة فيما بعد وبسرعه كبيرة. حيث يتم تنظيم القرص الصلب من خلال تميزة لاقسام منفصلة.
    ولابد من تهيئة الهارد بطريقتين اولا التهيئة المادية Physical Formatting والتهيئة المنطقية Logical Formatting .

    أولا : التهيئة المادية او الفيزيائية

    هذه المرحلة لابد ان تسبق التهيئة المنطقية والتهيئة المنطقية يطلق عليها ايضا التهيئة منخفضة المستوى Low-Level Format والتهيئة المادية تقوم بتقسيم الهارد الى عناصرة المادية الاساسية المسارات والقطاعات والسلندرات وهذه العناصر التى تحدد كيفية تخزين واسترجاع البيانات من على الهارد.

    ثانيا : التهيئة المنطقية

    هذه المرحلة تاتى بعد عملية التهيئة المادية ولاب من القيام بها حيث انها تضع نظام الملفات للهارد مما يسمح لنظام التشغيل مثل ويندوز باستخدام المساحة المتوفرة على الهارد لتخزين واسترجاع الملفات ويتم تحديد نظام الملفات تبعا لنظام التشغيل الذى تستخدمة ومن اشهر انظمة الملفات FAT32 & NTFS


    المعلومات القادمة تعتبر مهمة ويجب معرفتها وذلك لاننا سوف نحتاج الينا اثناء شرحنا لكيفية تقسيم الهارد بإذن الله

    ahmedmoharram@Live.com
    01113530300

  2. #2
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    الجزء الثاني

    انواع الاقسام Partition Types

    هناك ثلاثة انواع من الاقسام ابتدائى Primary ممتد Extended ومنطقى Logical ويعتبر القسمان الابتدائى والممتد هما القسمان الرئيسيان للهارد اما القسم الممتد فيمكن ان يحتوى على اكثر من قسم منطقى.


    القسم الابتدائى Primary Partition

    و غالبا القسم الذى سيتم تثبيت نظام التشغل علية ولذلك يجب ان يتم تهيئتة بنظام ملفات ملائم لنظام التشغيل عند بدء تشغيل الجهاز وسوف نتعلم باذن الله كيفية جعله نشط Active باذن الله فى السطور القادمة.

    القسم الممتد Extended Partition

    هذا القسم لايحمل بيانات مباشرة بل يتم انشاء اقسام منطقية بداخلة لتخزين البيانات ويمكن ان يتم استخدام نظام ملفات مختلف لكل قسم منطقى.

    القسم المنطقى Logical Partition

    وهو يوجد ضمن القسم الممتد وهو يحتوى على الملفات والبيانات .

    هناك نظام اخر للتقسيم وهذا اذا قمت بالتحويل الي dynamic disk

    ايه يا عم العك بتاعك ده بيحكي في ايه ده ؟

    هفهمك بص ياسيدي




    ايه العك اللي انت حاطه ده ؟

    هقولك

    ده ياسيدي حاجه بسيطه بتقسم بيها الهارد بتاعك بس من جوه الويندوز ؟
    من غير بارتيشن ماجيك ولا اي برامج خالص ده ده اصلا جاي مع الويندوز ؟
    ياراجل ؟
    اه والله

    مش مصدق

    اعمل زي الصور دي كليك يمين علي my computer واختار manage وهكذا












    ومن الشاشه الاخيره دي كده وصلت لتقسيم الهارد بتاعك اللي موجود تقدر بقي تمسح تضيف تزود مساحه تقلل مساحه وهكذا

    بس احنا هنشرح الكلام ده بعدين

    لكن المقصود من ده هو انك لو اخدت بالك هتلاقي الهارد بتاعك كله معمول باللون الازرق كل الدرايفات اللي فيه امال الصوره دي مالها فيها هارد بلون مختلف كده ليه ؟





    علشان دي اتقسمت وبعدين اتحول نظام الهارد لنوعيه اخري اسمها
    dynamic disk

    وده مش بيتعامل مع
    primary disk
    logic disk

    لكن بيتعامل بتقنيه تانيه مختلفه خالص

    ازاي يعني ؟

    اقؤلك



    الحقيقه احنا قدام مفهوم جديد ( هو جديد بالنسبة لنا لكنه مش جديد كعلم ) ومع طرق جديده للتعامل مع الهارد ديسكات ووحدات التخزين وهي بصراحه نقله كبيره بالنسبه لنا ومحتاجه مننا خيال علشان نستوعبها
    الطبيعي في تعاملنا مع الهاردات اتفقنا من شويه ان الهارد بيتقسم الى بارتيشنات partitions والبارتيشنات دي ليها انواعها زي extend او logical
    وطبعا بنختار ان البارتيشن يكون fat او ntfs وعارفين ان ال ntfs مابيتشافش على انظمة التشغيل 9x ( زي ويندوز 95 وويندوز 98 )
    اللي فات ده هو ال basic disks
    انسى الكلام ده خالص واعتبر انك بتتعلم من اول وجديد لان فيه مفهوم جديد تتعامل بيه مع الهاردات انك تخليها dynamic
    يبقى احنا عندنا دلوقتي مع الويندوز سيرفر ( والاكس بي كمان ) طريقتين للعب مع الديسكات
    الطريقه الاولى : Basic disks ( بارتيشنات )
    الطريقة الثانيه : Dynamic disk ودي اللي اقصده
    وعلشان نفهمها اكتر نحتاج لان نفهم الفرق بينها وبين ال basic disk فاذا كان ال basic disk عباره عن تقسيم القرص ( الصلب ) الى بارتيشنز فان الديناميك يغير من مفهوم هذه الصلابه ويضيف قدر من المرونه او السيوله او اللزوجه الى ال hard disk فلو شبهنا التقسيم من خلال ال basic disks بانه تقسيم مكعب من الخشب ( الهارد ديسك ) الى اجزاء مختلفه ( يسمى كل جزء بارتيشن ) فان التقسيم من خلال ال dynamic disk يتم تشبيهه بانه تقسيم حمولة سياره من الرمل ( الهارد ديسك ) الى كومات مختلفه ( كل جزء هنا يسمى volume ) مع ملاحظة ان هناك نقطه هامه في التشبيه لا تنطبق وهي ان في حالة الرمل فانه غير ثابت ومن الممكن فقد كومة الرمل او جزء من مكوناتها بسهوله اما في حالة ال dynamic disk فالتقسيم رغم المرونه الا انه يتسم بانه مصمم لتغطية الاخطار المتوقعه disaster recovery
    انا حاسس انكم تهتم وعلشان كده مش محتاجين نعرف من الكلام اللي فوق ده كله الا ان طريقة التعامل مع الهارد ديسك نوعين : نوع بيسمى basic disk و ده اللي كلنا نعرفه وفيه بيتقسم الهارد الى partitions والنوع التاني اللي ح نتعامل معاه النهارده اسمه dynamic disk وفيه بيتقسم الهارد الى volumes وموضوع المرونه والصلابه والرمل والملوخيه ح نفهمها بأذن الله لما نشتغل بايدينا


    ابدا معايا خطوه خطوه

    ال default بتاع اعداد الويندوز ان الهارد ديسك بيكون basic ولو عايزين نحوله ل dynamic بيكون بعد الانتهاء من اعداد الويندوز كالتالي
    كليك يمين ونختار manage



    بيتفتح لنا computer management ونختار disk management



    على اليمين يوجد وحدات التخزين المتصله بالجهاز وهي في حالتنا هذه
    عدد 1هارد ديسك 16 جيجا بايت dynamic
    عدد 2 هارد ديسك 16 جيجا بايت basic



    وعلشان نحول من basic الى dynamic مش مطلوب اكتر من اننا نعمل كليك يمين على الهارد المطلوب تحويله ونختار convert to dynamic



    ونلاحظ حاجه مهمه جدا ان الطريق مش رايح جاي بمعني اني ممكن احول الهارد من basic ل dynamic بسهوله جدا ولكن من الصعب جدا ( لغير المتخصصين ) التحويل من dynamic ل basic وده ح نلاحظه لو عملنا right click على اي هارد dynamic سنجد انه لا توجد امكانية تحويله الى basic



    نرجع تاني لموضوع التحويل , بمجرد اختيار convert to dynamic بيفتح لنا wizard و بيطلب اختيار الهارد المطلوب تحويله



    نختار الهاردين ال basic ونصبر شويه



    تم التحويل ولله الحمد



    والان سنبدأ في تقسيم ال dynamic disks الى volumes ( وهو كما قلنا المعادل لل partition في ال basic disks )
    يمكن لنا انشاء عدة انواع من ال volumes من خلال الويندوز سيرفر 2003 ( يمكن انشاء بعضها ايضا من خلال الاكس بي ) و سنتناول فيما يلي هذه الانواع وكيفية انشاؤها



    simple volume
    --------
    كما هو واضح من اسمه و هو شبيه لدرجة كبيرة بال partition والفرق بينهما لا يظهر الا عند التعامل معه من خلال باقي انواع ال volumes ( ح نشوفها بعدين )
    نرجع لموضوعنا و right click في اي مكان فاضي من الهارد الذي سننشيء به ال volume ( ويفضل الالتزام بما اتبعه في الشرح سواء تقسيم الهاردات او الاختيارات وذلك حتى يتاح لك تجربة كل الخطوات المشروحه في الدرس )
    نختار new volume



    نختار simple volume



    امامنا صندوق حواري محتاج تركيز
    على اليسار نحدد الهارد الذي سننشيء به ال volume ونختار ونضيف ونحذف من خلال الازرار الموجوده في المنتصف والتي تعاملنا معها في برامج عده ( add – remove – remove all) وطبعا لن نعدل شيء لاننا في البدايه حددنا الهارد المطلوب
    في الاسفل نختار الحجم المطلوب لل volume



    بعد الانتهاء نضغط next



    نختار الاختيار الاول ونحدد الحرف العبر عن ال volume ثم next



    اعتقد اننا معتادين على هذه الشاشه



    ما ننساش نختار quick format ونختار اسم معبر لل volume ونضغط next



    نراجع الاختيارات و ثم finish



    تم انشاء ال volume بحمد الله






    simple volume( mounted)
    --------
    خاصية رائعه تتيح لنا ان ننشيء volume و نضيف حجمه بالكامل الى folder موجود بالفعل
    يعني مثلا اذا عندنا فولدر اسمه sheen واردنا ان نخزن عليه مجموعه من الملفات حجمها كبير جدا ( على سبيل المثال اكبر من حجم الهارد الموجود عليه هذا الفولدر ) وزياده في الصعوبه فانه ليس امامنا اي فرصه لتغيير مكان هذا الفولدر ( على سبيل مثال هناك برنامج يتعامل مع مكونات هذا الفولدر ومن الصعوبه اعادة اعداد هذا البرنامج ) فالحل يكون هنا من خلال انشاء simple volume واضافته mount ليكون ضمن الفولدر
    ونجرب مع بعض

    كليك يمين على dynamic disk ونختار new volume



    نفس الاختيار



    طبعا اعتدنا على التعامل مع هذه الشاشه
    نحدد الحجم المطلوب



    next



    ونختار الاختيار الثاني



    نحدد الفولدر الذي سنربط به mount ال volume



    ثم ok



    و next



    ونتاكد طبعا من اختيار quick format واختيار اسم لل volume ثم next



    وبعد مراجعة الاختيارات نضغط finish



    تم انشاء ال volume ونلاحظ انه لا يوجد حرف له drive letter وذلك لاننا لن نتعامل معه ك volume ولكن سنتعامل معه ضمن الفولدر الذي اخترناه



    وبهذا اصبح لدينا folder حجمه 2 جيجا بايت




    mirror volume
    --------
    وهي من الانواع الغير موجوده الا في الويندوز سيرفر وغير متاحه في الاكس بي وهي كما يتضح من اسمها مرأه يتم من خلالها عمل مراه لل volume باستخدام حجم مماثل تمام لحجم ال volume الاصلي وياخذ كافة خصائصه مثل ال drive letter فاذا قمنا بعمل mirror volume فاننا لن نراها من خلال ال explorer الا ك volume عادي ولن نتعامل معها ك mirror الا عن طريق computer management
    والرسم التالي بيوضح كيفية التعامل مع ال mirror من خلال اثنين volumes حيث يتم الكتابه على الاثنين معا
    بحيث اذا حدث عطب لاحدهما ( على سبيل المثال 1st. )لا نفقد البيانات المكتوبه عليه لان لدينا نسخه اخرى موجوده على الاخر ( 2nd. )



    لانشاء ال mirror بالنسبه ل volume c كليك يمين عليه ونختار add mirror



    نختار الهارد الذي سيتم عمل الجزء الثاني من ال mirror عليه ( الجزء الاول موجود بالفعل وهو ال volume c على الهارد الاول ) ونضغط add mirror



    ونصبر لانها بتاخد وقت طوييييييييل



    وخلاص على كده وبعدها ح نلاحظ انه يوجد لدينا اثنين volume بنفس ال drive letter وهو c
    - لماذا ؟
    - لانها mirror
    - هل لديك اقوال اخرى ؟
    - شيء مهم جدا في ال mirror عند تكوينها ان نتاكد من التماثليه .
    - مش فاهم ؟
    - يعني احنا هنا عملنا ميرور , طيب لو فكينا الهارد رقم 2 الجهاز ح يشتغل عادي جدا و ال mirror ح تجيب ثمنها ( ياريت تجربوها )
    لكن لو فكينا الهارد رقم 1 الجهاز مش ح يشتغل , ليه ؟
    - انا اللي بسألك , ليه ؟
    - لأن ال volume في الهارد الاول هو اول volume والجهاز بيعمل boot عليه لكن ال volume الثاني مش كده
    فلو فكينا الهارد الاول الجهاز مش ح يقدر ي boot لان ال system ح يكون موجود واسمه c ونسخه طبق الاصل لكن الجهاز في الاول طبعا مش ح boot عليه ولو عايزين الموضوع يكون صح كنا لازم نتأكد من ان ال 2 volume متماثلين تماما و بخاصة في موقعهم من الهارد وطبعا بالذات لما نكون بنعمل mirror لل system
    طبعا اعتقد ان ده ضعف في بنية النظام يسأل عليه شركة ميكروسوفت
    وبالمناسبه اعرف حالات كثيره جدا خذلها ال mirror




    raid 5
    --------
    وهي الشقيقه الكبرى لل mirror وهي خاصة بالويندوز سيرفر فقط ولا يمكن عملها من الويندوز اكس بي
    ويتم التعامل فيها مع عدد لا يقل عن 3 volume و الكتابه على الثلاثه في نفس الوقت بحيث اذا فقدنا احدهم ( الهارد تعطل ) فالبيانات موجوده على الاثنين الباقيين( ونغير الهارد التالف براحتنا )
    ويتم التعامل مع تسجيل البيانات من خلال لوغاريتم رياضي يتيح تعويض بيانات ال volume المفقود
    استيعاب فكرة عمل ال raid 5 صعب الا لمن لديه خيال برمجي , وعن نفسي فقد جربت شرحها للناس بتوع ال network فوجدت مشقه لم اعاني ربعها مع بتوع ال application
    عموما انا حاولت اقرب الفكره فلو نظرنا للرسم التالي ح نلاحظ انه بالنسبه لحرف ال s على سبيل المثال فانه يتم كتابته على الثلاثه volumes , فاذا فقدنا ال volume الاول فان الحرف موجود كاملا على ال volume الثالث وكذلك اذا فقدنا ال volume الثاني فالحرف موجود على الثالث
    اما اذا فقدنا ال volume الثالث فان الحرف سيتم تجميعه من الاثنين volumes الاول والثاني
    s1 + s2 = s
    وهكذا بالنسبه لبقية البيانات المخزنه



    والان نبدأ في انشاء raid
    ونلاحظ ان هناك فرق بين ال mirror وال raid حيث انه لانشاء raid يجب ان يتم هذا من الصفر اي لا يمكن عاضافة خاصية ال raid الى volume موجود بالفعل كما هو الحال في mirror بل يجب ان تكون الاجزاء الثلاثه المستخدمه غير مقسمه
    كليك يمين على اي مكان غير مقسم و نختار new volume



    وكمان next



    نختار raid5



    ال raid يحتاج الى 3 اجزاء على الاقل , لذا سيتم اضافة الاجزاء ( الهاردات ) من الشاشه التالية





    تم اضافة الاجزاء الثلاثه و من الجزء الاسفل من الشاشه يتم تحديد الحجم المطلوب



    ثم next


    نكتب الاسم



    و نختار quick format و next



    و finish



    بحمد الله تم التكوين .






    Spanned
    --------
    يتيح لنا ربط جزئين معا لانشاء volume واحد حجمه عباره عن المجموع الاجمالي للحجمين معا بمعنى ان الجزء الاول اذا كان 2 جيجا و الثاني 9 جيجا فان حجم ال volume المنشأ بهذه الطريقه يكون 11 جيجا
    طريقة التعامل مع ال data في هذه الطريقه تتم من خلال الكتابه على الجزء الاول حتى اذا ما امتلأ يتم اكمال الكتابه على الجزء الثاني
    طبعا لا يوجد اي حمايه في هذه الطريقه بمعنى انه اذا حدث تعطل لاحد الهاردات المستخدمه ضمن النظام فقدنا كل البيانات



    طريقة الانشاء كالعاده right click على اي مكان غير مستخدم في الهارد المختار ثم new volume



    ونختار spanned ثم next




    من هنا تحديد المساحه المستغله من كل هارد , يعني نضيف الهارد الاول ونحدد المساحه



    وبعدها نضيف الهارد التاني ونحدد المساحه



    الحجم الاجمالي عباره عن مجموع الجزئين



    ونكمل المشوار



    و كذلك مثلما



    finish



    وتم التكوين







    striped
    --------
    يتم تكوين ال volume من جزئين يتم دمجهما معا و الغرض من هذه الطريقة الوصول لاعلى سرعه في الكتابه حيث يتم الكتابه على جزئي ال volume معا كما هو موضح بالرسم
    طبعا هذه الطريقة ليس بها اي حمايه وطبعا الحجم الاجمالي يكون عباره عن مجموعين الحجمين المستخدمين



    كالعاده كليك يمين



    ونختار striped




    نحدد الهاردين مع ملاحظة ان المساحه المستغله من الهاردين تكون متماثله




    معلش المره دي كانت صعبه شويه


    انا عارف انكم دلؤقتي بتدعوا عليا
    انا اسف
    متقلقوش بس احنا هنعتمد في شرحنا للتقسيم الهاردات علي برامج كتيره وهنشرحها كلها بالتفصيل ان شاء الله

  3. #3
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    Thumbs down رد: هاردك اتحرق ؟ باظ ؟ ولع ؟ ده كان زماااااان !

    الجزء الثالث

    شرح كيفية تقسيم الهارد بواسطة Partition Magic

    سوف اقوم باذن الله بشرح التقسيم بواسطة البارتشن ماجيك ولكن من خلال اسطوانة البوت وليس عن طريق النسخة المثبتة على الويندوز. ولذلك فاننا نقوم بوضع اسطوانة الــ Hiren's BootCD فى الــ CD-Rom وعند التبويت من الاسطوانه سنجد شكلها كما فى الصورة التالية وللدخول على محتوى الاسطوانة نختار Start BootCD .


    ومتشغلش بالك بالاسطوانه دلؤقتي اجيبها منين واشتريها منين والكلام الفاضي ده
    اتعلم الاول وبعدين يحلها ربنا في الاسطوانات
    هنجيب الاسطوانه ونرفعها باذن الله تعالي بس ركز معايا في الشرح دلؤقتي
    وعلي فكره الاسطوانه هرفعها في اخر الموضوع بس افهم الشرح الاول




    نجد ان الاسطوانة تحتوى على كمية كبيرة من الاقسام التى تحتوى على العديد والعديد من التطبيقات واذا ظغطنا على Next فاننا سنجد المزيد من الاقسام ولكن ما يهمنا حاليا فى هذا الموضوع هو Disk Partition Tools فننتقل اليها عن طريق الاسهم ثم نضط Enter



    نلاحظ ان هذا القسم يحتوى على كمية كبيرة من برامج التقسيم واذا ضغطنا على More سنجد تطبيقات اخرى




    نظغط Back للعوده للشاشة السابقة ونختار Partition Magic Pro 8.05




    نلاحظ الشاشة الافتتاحية لبرنامج البارتشن ماجيك وننتظر قليلا حتى يتم فتح البرنامج






    يكون شكل البرنامج كما هو موضح . وفى هذه الحاله نلاحظ ان الهارد فارغ تماما ولا يوجد به اى اقسام

    الكلام ده قبل التقسيم لكن لو كان هاردك متقسم هتلاقي التقسيمات فيه وطبعا ممكن تعيد تقسيمه براحتك




    ولانشاء قسم جديد هناك اكثر من طريقة
    1- الضغط كليك يمين على المساحه الفارغه ونختار create
    2- من القائمة Operations نختار Create .
    3- سنجد فى واجهة البرنامج c: نضغط عليه.









    الصورة التالية توضح خيارات القسم الجديد وبما انه اول قسم فاننا سنجعله Primary






    بعد جعله قسم اولى نختار نوع نظام الملفات المناسب لنا .



    بعد اختيار الاسم من Label نختار الحجم المناسب لنا من Size .ثم نضغط Ok عند الانتهاء



    نقوم بعمل نفس الخطوات السابقه ما عدا اننا سنجعل هذا القسم Logical Partition ثم نضغط Ok عند الانتهاء



    وبنفس الطريقه نقوم بانشاء قسم جديد حتى ننتهى من تقسم الهارد كله



    بعد الانتهاء من عمليه التقسيم لابد ان نجعل القسم الابتدائى C: نشط Active ويتم ذلك عن طريق الوقوف عليه ونضغط كليك يمين ونختار Advanced ثم نختار Set Active . او من خلال القائمة Operations





    لاحظ الاقسام التى اشرنا اليها سابقا الابتدائى والممتد والمنطقى .

    عند التاكد من الخطوات التى قمنا بها والرغبه فى اتمام العمليات التى قمنا بها نضغط على Apply للننفذ العمليات السابقة



    يطلب منك التاكيد على تنفيذ التغيرات فنضغط Yes للمتابعة






    تمت عملية التقسيم بنجاح وبدون اى اخطاء




    وفى حالة الرغبة من الخروج من البرنامج وعدم القيام بتغيرات اخرى نضغط Exit




    يخبرنا انك تحتاج الى عمل Restart للجهاز فنختار Ok للمتابعه


    ولكن ماذا اذا كان الهارد يحتوى على اقسام ونريد حذفها . ببساطه نقف على القسم الذى نريد حذفه ونضغط Delete ثم نكتب Ok لتاكيد عمليه الحذف ثم نختار Ok للمتابعة




    بعد حذف جميع الاقسام فاننا سنحتاج ايضا الى حذف القسم الممتد ولعمل ذلك فاننا نختارة Extended من النافذه التى بالاسفل ونضغط Delete




    ثم نختار Yes لتاكيد عمليه الحذف





    فنجد ان الهارد اصبح فارغا وغير مقسم كما كان





    والى هنا نكون قد انتهينا من شرح التقسيم بواسطة الــ Partition Magic



  4. #4
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    لسه الحلقات اللي جايه اروع بكتير بس انا مستني تفاعلكم واستفساراتكم باذن الله تعالي

  5. #5
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    Thumbs down رد: هاردك اتحرق ؟ باظ ؟ ولع ؟ ده كان زماااااان !

    الجزء الرابع

    التقسيم بواسطة اسطوانة ويندوز اكس بى

    بعد التبويت بواسطة اسطوانة الاكس بى ننتظر قليلا حتى نصل الى هذه المرحله



    ثم نضغط Enter للمتابعة



    نضغط على F8 للموافقة على اتفاقية الترخيص والمتابعة




    هذه المرحله هى التى نريدها والتى من خلالها سوف نقوم بعمليه التقسيم هنا سنجد ان الهارد غير مقسم

    Unpartitioned Space ولكى نبدا عملية التقسيم نضغط على الحرف c من لوحة المفاتيح




    نجد المساحة الكلية محدده واذا ضغطنا Enter مباشرة فانه سيقسم الهارد كله كقسم واحد وهو طبعا ما لانريده



    ولذلك نكتب المساحة التى نريدها بالنسبة الى القسم الابتدائى ثم نضغط Enter للمتابعه



    تم انشاء القسم الابتدائى ونرى اسفل منة المساحة المتبقية ولاكمال عملية التقسيم نضغط على الحرف C للمتابعة



    ندخل مساحة القسم الثانى وبنفس الطريقه القسم الثالث حتى ننتهى من تقسيم الهارد كله



    الصورة توضح الاقسام التى انشاناها اما المساحة الغير المقسمة فهى لايمكن تقسيمها لانها تكون محجوزه من قبل الويندوز



    والدليل على ذلك انه عند محاولتك لتقسيم هذه المساحه فانك سنجد الرساله التالية



    وبعد الانتهاء من عملية التقسيم نقوم بعملية الفورمات ونكمل تثبت الويندوز



    عملية الغاء اى قسم غاية فى السهولة فما عليك الا الضغط على الحرف D من لوحه المفاتيح واتباع التعليمات البسيطة.
    وبهذا نكون قد انتهينا من تقسيم الهارد بواسطة اسطوانة الاكس بى

  6. #6
    مصمم مشارك

    الحالة
    غير متصل
    تاريخ التسجيل
    Sep 2007
    الدولة
    egypt
    المشاركات
    113
    Thanks
    0
    Thanked 0 Times in 0 Posts
    معدل تقييم المستوى
    14

    رد: هاردك اتحرق ؟ باظ ؟ ولع ؟ ده كان زماااااان !

    جزاك الله كل خير
    أخى الكريم

  7. #7


    الصورة الرمزية abdou3d
    مشرف فن التحريك - ورش عمل ومسابقات

    الحالة
    غير متصل
    تاريخ التسجيل
    Oct 2007
    الدولة
    Egypt
    العمر
    32
    المشاركات
    4,331
    Thanks
    0
    Thanked 2 Times in 2 Posts
    الصور
    10
    معدل تقييم المستوى
    102

    رد: هاردك اتحرق ؟ باظ ؟ ولع ؟ ده كان زماااااان !

    ما شاء الله موضوع قيم جدا جدا جزاك الله كل خير .
    اتمنى لو يحتوي الموضوع على الاسباب اللي بتخلي الهارد يتلف

  8. #8
    الصورة الرمزية janat
    مصمم متميز

    الحالة
    غير متصل
    تاريخ التسجيل
    Apr 2008
    المشاركات
    3,333
    Thanks
    0
    Thanked 1 Time in 1 Post
    معدل تقييم المستوى
    83

    رد: هاردك اتحرق ؟ باظ ؟ ولع ؟ ده كان زماااااان !

    بجد الموضوع مهم والمعلومات اللي فيه أروع ،، انا رح احفظه عندي لأهميته وأرجع أقرأه حرف حرف ،،
    بارك الله فيك ومنتظرين الباقي على أحر من الجمر ،، لأننا بحاجة لفهم هذه المواضيع بشكل جيد
    في حياتنا مواقف .. تأتي دون ان نفهم كيف حدثت .. تؤثر بنا واحيانا تغير مجرى حياتنا ...وتنتهي وتختفي
    دون ان نفهم كيف انتهت ومن كان وراءها


  9. #9

    الصورة الرمزية soad80
    عضو مميز

    الحالة
    غير متصل
    تاريخ التسجيل
    Jul 2008
    المشاركات
    5,519
    Thanks
    0
    Thanked 0 Times in 0 Posts
    معدل تقييم المستوى
    127

    رد: هاردك اتحرق ؟ باظ ؟ ولع ؟ ده كان زماااااان !

    ما شاء الله و لا قوة الا بالله موضوع اكثر من رائع
    تسلم الايادى ممتاز
    جزاك الله الفردوس الاعلى ان شاء الله


  10. #10
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    اقتباس المشاركة الأصلية كتبت بواسطة SAMEH_HABIB مشاهدة المشاركة
    جزاك الله كل خير
    أخى الكريم
    الف شكر اخي الكريم واتمني المتابعه الكامله

  11. #11
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    اقتباس المشاركة الأصلية كتبت بواسطة abdou3d مشاهدة المشاركة
    ما شاء الله موضوع قيم جدا جدا جزاك الله كل خير .
    اتمنى لو يحتوي الموضوع على الاسباب اللي بتخلي الهارد يتلف
    الف شكر اخي الكريم وان شاء الله ساتناول هذه الاسباب كامله

  12. #12
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    اقتباس المشاركة الأصلية كتبت بواسطة janat مشاهدة المشاركة
    بجد الموضوع مهم والمعلومات اللي فيه أروع ،، انا رح احفظه عندي لأهميته وأرجع أقرأه حرف حرف ،،
    بارك الله فيك ومنتظرين الباقي على أحر من الجمر ،، لأننا بحاجة لفهم هذه المواضيع بشكل جيد

    الف شكر اخي الكريم واتمني تثبيت الموضوع للاهميه وحتي يتفاعل باقي الاعضاء

  13. #13
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    Thumbs down رد: هاردك اتحرق ؟ باظ ؟ ولع ؟ ده كان زماااااان !

    الجزء الخامس

    تحميل اسطوانة الهيرين بوت


    علي اربع روابط مختلفه


    واكثر من سيرفر


    اذا لم يعمل اي رابط قم بتحميل الاسطوانه من روابط اخري

    وقمت برفعها علي اكثر من رابط حتي لا يحجب اي موقع عن احد الزملاء او الزميلات وشكرا











    رابط اول للتحميل



    الجزء الاول



    RapidShare: 1-CLICK Web hosting - Easy Filehosting


    الجزء الثاني


    RapidShare: 1-CLICK Web hosting - Easy Filehosting


    الجزء الثالث


    RapidShare: 1-CLICK Web hosting - Easy Filehosting



    رابط ثاني للتحميل


    RapidShare: 1-CLICK Web hosting - Easy Filehosting


    رابط ثالث للتحميل


    http://www.mediafire.com/download.php?m5mjfhm4nae

    رابط رابع للتحميل

    http://www.zshare.net/download/649421378f5f68d9/

    وشكرا

    برجاء خاص تحميل الروابط
    وابلاغي اذا لم يعمل اي رابط
    حتي اعيد رفعها اليكم
    وشكرا

    لا تنسوني من خالص دعائكم
    اخوكم
    احمد محرم




  14. #14


    الصورة الرمزية مسلمة
    الإشراف العام

    الحالة
    غير متصل
    تاريخ التسجيل
    Nov 2007
    الدولة
    qatar
    المشاركات
    10,885
    Thanks
    0
    Thanked 4 Times in 4 Posts
    معدل تقييم المستوى
    270

    رد: هاردك اتحرق ؟ باظ ؟ ولع ؟ ده كان زماااااان !

    الله يجزيك كل خير مهندس احمد موضوع فى غاية الأهمية
    بارك الله فيك اخى الكريم

    عندما نعيش لذواتنا فحسب تبدو لنا الحياة قصيرة ضئيلة
    تبدأ من حيث بدأنا نعي وتنتهي بانتهاء عمرنا المحدود
    أما عندما نعيش لفكرة فإن الحياة تبدو طويلة عميقة
    تبدأ من حيث بدأت الإنسانية وتمتد بعد مفارقتنا لوجه هذه الأرض


  15. #15
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: هاردك اتحرق ؟ باظ ؟ ولع ؟ ده كان زماااااان !

    اقتباس المشاركة الأصلية كتبت بواسطة مسلمة مشاهدة المشاركة
    الله يجزيك كل خير مهندس احمد موضوع فى غاية الأهمية
    بارك الله فيك اخى الكريم

    شكرا اختي الكريمه وان شاء الله اتابع باقي الموضوع


 

 
صفحة 1 من 3 123 الأخيرةالأخيرة

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 04 : 03 PM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO