Follow us on Facebook Follow us on Twitter Linked In Flickr Watch us on YouTube My Space Blogger
التسجيل
النتائج 1 إلى 12 من 12

زغروطة وحشة

هذا الموضوع : زغروطة وحشة داخل المنتدى العامالتابع الي قسم ملتقى الأعضاء : أحمد حلمي يكتب : زغروطة وحشة أحمد حلمي أنا عارف إن كلمة «زغروطة» بتكتب بالدال مش بالطاء.. يعني «زغرودة».. بس ...

  1. #1


    الصورة الرمزية ام اياد
    الإشراف العام

    الحالة
    غير متصل
    تاريخ التسجيل
    Jul 2007
    الدولة
    مصرية في الامارات
    المشاركات
    7,307
    Thanks
    0
    Thanked 3 Times in 3 Posts
    معدل تقييم المستوى
    179

    زغروطة وحشة

    أحمد حلمي يكتب : زغروطة وحشة





    أحمد حلمي



    أنا عارف إن كلمة «زغروطة» بتكتب بالدال مش بالطاء.. يعني «زغرودة».. بس أنا حابب أكتبها زغروطة.. بدون ما أبقي مخرب للغة العربية.. بس أنا حاسس إن حرف «الطاء» مناسب أكتر لمعني الكلمة.. يعني تخيل لو أنت في خطوبة ولا في فرح ولا حتي في طهور، وسمعت واحدة راحت مزغرطة زغروطة حلوة، وحبيت تعرف مين اللي زغرطت دي.. بذمتك الأحلي إنك تقول..



    مين اللي زغرطت؟ ولا مين اللي زغردت؟ ده مش بعيد لو جوزها سمعك بتقول علي مراته «زغردت» ممكن يطاهرك مع العيل اللي بيطاهر.. أو تخيل لو نجحت بعد ما سهرت الليالي في المذاكرة ومققت عينيك في الكتب وشرب شاي وقهوة ودروس خصوصية وجبت مجموع كبير جدًا وراجع البيت فرحان إنك هاتدخل طب وتبقي دكتور.. ووسط ده كله مامتك تقولك: والله لأنا مزغردالك..



    راحت الفرحة.. والمجموع الكبير نقص النص.. وكلية الطب بالنسبة لك بقت معهد كمبوسكو.. مرة سمعت صوت زغروطة في المطار.. سمعتها من غير ما أشوف مين اللي مزغرطها.. صوتها كان وحش أوي وبايخ.. الأهم بالنسبة لي كان السؤال..



    اللي هو.. يا تري اللي بتزغرط في المطار دي بتزغرط ليه؟! حد وصل من الحج؟.. بس ده مافيش حج في شهر محرم.. جايز حد نجح؟! طب واللي نجح ده نتيجته متعلقة في المطار مثلاً، وجاي يشوفها.. ولا واحدة حامل في التاسع كانت مسافرة ولا راجعة وجالها الطلق وولدت؟!..



    بس أكيد لو واحدة جالها الطلق وهاتولد في المطار أهلها هايطلبوا الإسعاف أوقع من إنهم يقعدوا يزغرطوا في صالة السفر.. تخمين خاطيء.. طب إيهّ؟! إيه سبب الزغروطة الوحشة اللي رنت في مطارنا دي! صوت الزغروطة اللي ملهاش صاحب دي، كان بيقرب مني كل شوية، لحد ما أخيرا لقيت مجموعة ناس كده ووسطهم عروسة لابسة فستان فرح أبيض أوحش من الزغروطة..



    وفي رقبتها شبكة ألماظ ذوقها بشع.. لقيت الناس دول ملفوفين حوالين العروسة وكان ناقص يعملوا دايرة ويرقصوا حواليها ويغنولها يا طالعة سلالم الطيارة يا ماشالله عليها.. إيه اللي جاب العروسة دي المطار بفستان فرحها.. جايز اتلخبطوا بين المطار والفندق اللي جنب المطار.. كل ده مش مشكلة.. مش مشكلة إن العروسة بيزغرطولها في المطار ولا إنها جاية تتجوز في صالة تلاتة.. المشكلة مش في فستان الفرح أبو ديل طويل أوحش من فستانه ده..



    المشكلة هاتركب بيه الطيارة إزاي؟! هاتعدي بيه من بوابة الكشف بتاعت المعادن اللي علطول بتصفر دي إزاي؟! هاتطلع بيه سلم الطيارة إزاي؟! هاتقعد بيه علي الكرسي إزاي؟! هاتاكل إزاي؟! لو حبت تروح الحمام هاتروح إزاي.. وإزاي.. وإزاي.. وإزاي.. إزيات كتير قوي خلتتني أهنج.. معقولة في عروسة تسافر بفستان فرح أكبر من الطيارة؟! ده فستان عايز طيارة لوحده.. ده الواحد بيبقي في الطيارة عايز يقلع كل هدومه من الزهق..



    طيب لو الطيارة وقعت في المحيط وجالنا فرق الإنقاذ ينقذونا، ولقوا عروسة بفستان أبيض بتعوم وسط المحيط.. أكيد هايفتكروها عروسة المحيط، ومش بعيد يسيبوها عشان المحيط مايبقاش من غير عروسة.. الله يكون في عون المحيط وعون عريسك.. آه صحيح.. هو فين؟.. ولأن العريس لازم يبقي لابس بدلة، فدورت عليه بعنيا.. بس مالقيتش أي بدل ملبوسة.. فين العريس؟! جايز يكون مش لابس بدلة.. وليه مش واقف جنبها وسايبها واقفة لوحدها وسط الدايرة.. فجأة ظهر راجل لابس شورت ووقف جنبها وهو بيضحك ومبسوط أوي.. فضولي إني أحدد ده العريس ولا لأ.. نساني آخد بالي إن الراجل ده ياباني.. عريس ياباني.. ياسلااااام..


    صحيح كل واحد بيلاقي نصه التاني، حتي لو كان ياباني.. الحقيقة أنا ماكنتش عارف هو ياباني ولا صيني.. أصلهم قطعية واحدة.. ارتحت بعد ما شفت العريس الياباني.. بس ارتياحي ده راح مع ضربة فلاش من كاميرا صغيرة كانت في إيد واحدة يابانية قصيرة بشورت برضه واقفة بتصور العروسة مع الراجل الياباني ده..



    الراجل طلع جوز اليابانية.. أيوه كده الصورة تبقي صح.. الياباني لليابنية.. لأنه لو كان الياباني ده هو جوز العروسة دي.. أكيد ماكانتش اليابان وصلت للي هي فيه دلوقتي.. طلعوا اتنين سياح يابانيين كانوا بيتصورا مع العروسة عشان يرجعوا اليابان يسيحولنا بالصور.. طيب والعريس المصري بقي إمتي هايبان؟ إظهر وبان عليك اليابان.. لم يظهر العريس المصري.. فضولي اللي هايوديني في داهية خلاني اتخفي ورا شنطة وأقرب منهم أكتر وأحاول أسمع أي حاجه تقتل فضولي..


    سمعت الست الفرحانة اللي كانت بتزغرط زغاريط وحشة بتتلكم مع ست تانية زعلانة ماكنتش بتزغرط خالص.. الزعلانة قالت للفرحانة: مش كان محمود ابني أولي بعزة بنتك.. أهو علي الأقل كنتوا عارفينه وحافظينه ومربينه وابن خالتها وجارها، وكان زميلها في الكلية والشغل.. الفرحانه قالت لها وهي باصة علي عزة بنتها: كله قسمة ونصيب يا أختي.. الزعلانة قالت لها: والقسمه والنصيب يقولوا إنكوا تجوزوها لواحد ماتعرفهوش..



    إفرضي طلع متجوز.. الفرحانة قالت لها: الشرع حلله أربعة.. قامت الزعلانة قايلالها: ده إنتوا حتي ماتعرفوش شكله.. الفرحانة ماسكتتش وقالت لها: مين قالك؟! ما هو بعت لنا صورة حلوة قوي.. الزعلانة بزعل مليان فقدان أمل قالت لها: أنا مش مصدقة إنك تجوزي بنتك لواحد بتوكيل.. لا تعرفه ولا يعرفها، ولا شافته ولا شافها، وتسفروها كده كأنها كرتونة ولا شنطة.. الفرحانة بفرح مليان مصلحة وجهل قالت لها: هي هاتعوز إيه تاني أكتر من كده.. ده بعتلها مهرها ميتين وخمسين ألف جنيه.. ده غير الشبكة التحفة اللي في رقبتها.. ولا فستان الفرح اللي هاياكل منها حتة..


    ده كمان تلاقيه بشيء وشويات.. الزعلانة بزعل صادق قالت لها: الحاجات دي فرحتكوا إنتوا.. بصي علي بنتك كده.. شكلها مبسوط؟ بصت الفرحانة وبصيت معاها.. إحنا الاتنين مبتسمين، وفضلت الفرحانة مبتسمة، وأنا راحت ابتسامتي.. اللي شفته علي وش عزة زعل وحزن كبير ماخدتش بالي منه.. أصلي كنت مشغول بفستانها أبو ذوق وحش اللي ماكنش عندها حق اختياره.. اتشغلت بشبكتها اللي أكيد خنقاها دلوقتي واللي ملهاش ذنب في وحاشتها.. عزة مابتضحكش..



    وشها جامد كأنه بلاستيك.. عينها ثابتة كأنها كفيفة.. باصة علي لوحة مواعيد الطيارات.. لسانها مستخبي جوة بقها وبيدعي إنه يارب الطيارة ما تطلع.. عزة مقهورة زي أم محمود وأكتر.. ماصدقتش اللي سمعته بوداني.. عروسة متجوزة بتوكيل وهاتتشحن علي جوزها.. جوزها اللي الحاجة الوحيدة اللي شافتها منه صورة أمها بتقول إنها حلوة أوي، وانا لا يمكن أصدقها.. وإلا كنت صدقت إن فستانها هاياكل منها حتة، وشبكتها تحفة زي ما قالت..


    عرفت عريس الغفلة من غير ما أعرفه ولا أشوفه.. بس عرفته.. من ذوقه.. فستان وحش وشبكة أوحش.. عزة كانت باصة ناحية باب الدخول.. بتشب علي طراطيف صوابعها تخطف نظرة من بين زحام الناس.. بتميل يمين وشمال بنظرة نفسها تكمل لحد الباب القزاز.. الباب القزاز اللي كان واقف وراه محمود.. محمود ابن خالتها وزميلها وحبيبها.. محمود اللي كان نفسه يتجوزها.. محمود ابن أم محمود الزعلانة.. عرفته من غير ما أعرفه.. عرفته من دموعه، ولو كان كل الدعا بيستجاب ماكنش جه ميعاد الإعلان عن إقلاع الطيارة.. اللي رن في سماعات المطار وكأنه حكم إعدام محمود.. بص في عينها أكتر ما كان بيبص.. عيط أكتر ما كان بيعط.. حاول يمنع دموعه اللي فضحت حبه وسط شيالين المطار.. بس معرفش.. معرفش يمنعها ومعرفتش أنا كمان.


    مقال اعجبني جدااا لاحمد حلمي في اليوم السابع


  2. #2

    احباب طريق الجرافيك

    الحالة
    غير متصل
    تاريخ التسجيل
    Oct 2007
    الدولة
    وطنى الدى يحترمنى
    المشاركات
    5,642
    Thanks
    1
    Thanked 0 Times in 0 Posts
    معدل تقييم المستوى
    139

    رد: زغروطة وحشة

    اختيار موفق لهدا الموضوع اختى نانو تسلمى عن جد عجبنى لانه بتطرق لطمع الاهل وبيعهم لبناتهم تحت ستار الزواج الى فى الاصل رباط مقدس ومن اركانه الالفو والمودة مش شوال فلوس
    http://www.islamway.com/?iw_s=Quran
    ادعوا لي ربى ان يغفر لى وللوالدي ولكل المسلمين
    جزاكم الله كل خير
    ربى لو بلغت دنوبى عنان السماء ما يئست من رحمتك
    أكتب ما يقوله النّاس ضدك في | أوراقّ *

    . . . . . . . . . . . . . . . وضعها تحت قدميك !

    فـ كلما زادت الأوراق (ارتفعت أنت الى الأعلى )


  3. #3
    الصورة الرمزية احمد البدرى
    احباب طريق الجرافيك

    الحالة
    غير متصل
    تاريخ التسجيل
    Jan 2007
    الدولة
    Médinat El-Fayoum, Al Fayyum, Egypt, Egypt
    العمر
    47
    المشاركات
    6,352
    Thanks
    2
    Thanked 5 Times in 3 Posts
    الصور
    8
    معدل تقييم المستوى
    155

    رد: زغروطة وحشة

    مقال جميل وشدنى جدا .. وللاسف بيحصل كتير فى الواقع ..

  4. #4


    الصورة الرمزية مسلمة
    الإشراف العام

    الحالة
    غير متصل
    تاريخ التسجيل
    Nov 2007
    الدولة
    qatar
    المشاركات
    10,885
    Thanks
    0
    Thanked 4 Times in 4 Posts
    معدل تقييم المستوى
    270

    رد: زغروطة وحشة

    على اد ما ضحكت فى اول المقالة بكيت فى اخرها هذه والله مأساه تتكرر كل يوم وقد يكون سببها الأحتياج المادى فى الأسرة وحتى لو كان هناك احتياج مادى شديد هذا لا يبرر ان يبيعون الأهل بنتهم سواء كان بموافقتها او غير موافقتها لأن المأساه تحدث بعد ذلك

    عندما نعيش لذواتنا فحسب تبدو لنا الحياة قصيرة ضئيلة
    تبدأ من حيث بدأنا نعي وتنتهي بانتهاء عمرنا المحدود
    أما عندما نعيش لفكرة فإن الحياة تبدو طويلة عميقة
    تبدأ من حيث بدأت الإنسانية وتمتد بعد مفارقتنا لوجه هذه الأرض


  5. #5

    الصورة الرمزية heba gaad
    طالب بالمركز التعليمي

    الحالة
    غير متصل
    تاريخ التسجيل
    Nov 2006
    الدولة
    EGYPT
    العمر
    28
    المشاركات
    1,423
    Thanks
    0
    Thanked 0 Times in 0 Posts
    الصور
    3
    معدل تقييم المستوى
    48

    رد: زغروطة وحشة

    موضوع رائع جدا
    شكرا لكي ام اياد على نقل الموضوع
    اجمل شئ بيعجبني في افلام و مواضيع احمد حلمي اختياره لمواضيع مهمه
    على الرغم من كميه الضحك المش طبيعيه الا انه بيكون عنده فكره و موضوع مميز وراء كل هذه الكوميديا
    I'll try to follow your way
    And do my best to live my life
    As you taught me
    I pray to be close to you
    On that day and see you smile
    When you see me

    Salu ala rasool ellah
    Habibi el mostafa

  6. #6
    الصورة الرمزية الغد الأحلى
    مصمم متميز

    الحالة
    غير متصل
    تاريخ التسجيل
    Apr 2010
    الدولة
    بين همس القوافي
    المشاركات
    1,614
    Thanks
    0
    Thanked 0 Times in 0 Posts
    معدل تقييم المستوى
    43

    رد: زغروطة وحشة

    قصة رااااااااااااائعة بطرح مشوق جداا
    ومضمون محزن ومؤسف جدااااااا

    تسلم ايديكي يا احلى ام اياد ويعطيكي الف الف عافية
    اللهم حققْ حُلماً باآت يكبر ُبداخِلي يوماً بَعدَ يومْ ღ


  7. #7
    الصورة الرمزية janat
    مصمم متميز

    الحالة
    غير متصل
    تاريخ التسجيل
    Apr 2008
    المشاركات
    3,333
    Thanks
    0
    Thanked 1 Time in 1 Post
    معدل تقييم المستوى
    83

    رد: زغروطة وحشة

    يا الله ، فعلا مأساة ونهايتها معروفة واكيدة ،،
    تسلمي ام اياد على النقل والله عجبتني كتير خصوصا انه اسلوب احمد حلمي فظيع في الكتابة زي تمثيله
    في حياتنا مواقف .. تأتي دون ان نفهم كيف حدثت .. تؤثر بنا واحيانا تغير مجرى حياتنا ...وتنتهي وتختفي
    دون ان نفهم كيف انتهت ومن كان وراءها


  8. #8
    الصورة الرمزية mohamedali2010
    مصمم متميز

    الحالة
    غير متصل
    تاريخ التسجيل
    Jun 2008
    الدولة
    أفتخر بمصريتي وعروبتي
    العمر
    30
    المشاركات
    3,243
    Thanks
    0
    Thanked 2 Times in 2 Posts
    الصور
    17
    معدل تقييم المستوى
    82

    رد: زغروطة وحشة

    مقال أعجبك وأعجبني أختي الغالية / أم إياد .. لما تبقى البنت زي علبة التونة بتتشحن على بلد ماتعرفشي فيها حد ...
    وتروح لحد بيقولوا عليه جوزها ... قال إيه .. متجوزها بتوكيل .. بالذمة مش حرام ... حسبنا الله ونعم الوكيل ...

    جزاكي الله خيراً ووفقكي لما يحبه ويرضاه
    أيمن مختار
    ::: الفقير إلى الله :::
    سبحان الله وبحمده .. سبحان الله العظيم

    اللهم لك الحمد حتي ترضي ولك الحمد إذا رضيت
    ولك الحمد بعد الرضي ولك الحمد علي كل حال
    لك الحمد كالذي نقول وخيرا مما نقول

    http://img63.imageshack.us/img63/9902/palestine2nv3.jpg




  9. #9

    الصورة الرمزية الفنان العاشق
    عضو مميز

    الحالة
    غير متصل
    تاريخ التسجيل
    Feb 2010
    الدولة
    ×؛°”?`”°؛×(Aswan) ×؛°”?`”°؛×
    العمر
    31
    المشاركات
    3,964
    Thanks
    0
    Thanked 0 Times in 0 Posts
    الصور
    9
    معدل تقييم المستوى
    104

    رد: زغروطة وحشة

    قصه ما اروع بجد تسلموا الايادي فعلا أحمد حلمي له طابع خاص فى الكتابه والتمثيل وايضا الرسم فهو فنان فعلا و موهوب وده كله عرفتوا من قعده وحده معاه

    تسلموا على الموضوع المميز ده
    بسم الله الرحمن الرحيم
    ـــــــــــــــــــــــــ

    وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ
    صدق الله العظيم

    http://hlali.com/up/uploads/a1f60b6945.gif


    WWW.CGWAY.NET

    قسم الرسم والخط والزخرفــــة


    "Mohamed Elansary"





  10. #10
    الصورة الرمزية MOSTAFA3D
    احباب طريق الجرافيك

    الحالة
    غير متصل
    تاريخ التسجيل
    Aug 2007
    الدولة
    مصراوي في الكويت
    العمر
    31
    المشاركات
    3,630
    Thanks
    2
    Thanked 1 Time in 1 Post
    الصور
    4
    معدل تقييم المستوى
    101

    Red face رد: زغروطة وحشة

    قصة مؤثرة فعلاً .... حاجة غريبة ؟؟يعرفو واحد من عالنت ويبعتلهم صورته اللي ممكن ماتكونش صورته وكام ألف علشان يخزي عينهم ويرموا بنتهم الرمية دي ؟؟ حسبي الله ونعم الوكيل
    ( إقرأوا القرآن فإنه يأتي يوم القيامة شفيعاً لأصحابه )

    إحفظ القرآن في سنة عالفيس بوك


  11. #11
    الصورة الرمزية مشمش
    مصمم مشارك

    الحالة
    غير متصل
    تاريخ التسجيل
    Oct 2009
    الدولة
    مصر
    العمر
    26
    المشاركات
    215
    Thanks
    0
    Thanked 0 Times in 0 Posts
    معدل تقييم المستوى
    14

    Smile رد: زغروطة وحشة

    الموضوع جميل وسلمت ايدك ام اياد
    الحقيقة الوقع كله بقى كده كل بيفكر فى الفلوس والسعاده والامله اللى بنتهم هتبقى فيه وهما كمان
    بس مابصوش هي هاتبقى سعيده ولا
    ودى بقيت اكتر المشاكل اللى بنقبله كل يوم وفى كل البرامج
    وحكاوى بتتقال عن الزوج بالاسلوب ده
    واهليهم بتفتكر انه كده وفرتلها كل سبل الترفيه فى الحياه
    بس للاسف فى الغالب الناتج عكسي
    لا تشغل فكرك فلربما ساءتك اوائل الامور وسرتك اخرها: كالسحاب أوله برق ورعد ، وآخره غيث هنيئ .

  12. #12

    الصورة الرمزية issam
    مشرف الماكس والأفتر افيكت

    الحالة
    غير متصل
    تاريخ التسجيل
    Nov 2006
    الدولة
    الجزائر
    المشاركات
    3,030
    Thanks
    0
    Thanked 24 Times in 23 Posts
    الصور
    8
    معدل تقييم المستوى
    98

    رد: زغروطة وحشة

    يسلمو إديك على ها المقال الرائع

    لا إله إلا الله محمد رسول الله
    معرض أعمالي
    http://forums.cgway.net/cg44544/

 

 

المواضيع المتشابهه

  1. زغروطة يا ام فاروق لولو ولى
    بواسطة الفارس الملثم في المنتدى القسم الإسلامي والديني
    مشاركات: 6
    آخر مشاركة: 21 / 11 / 2010, 49 : 01 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 53 : 05 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO