Follow us on Facebook Follow us on Twitter Linked In Flickr Watch us on YouTube My Space Blogger
التسجيل
النتائج 1 إلى 9 من 9

كيف تجعل ابنك متخلفا .....بقلم هشام عفيفي............هااااااااااام جدا‏

هذا الموضوع : كيف تجعل ابنك متخلفا .....بقلم هشام عفيفي............هااااااااااام جدا‏ داخل المنتدى العامالتابع الي قسم ملتقى الأعضاء : العنوان غريب لكن المقالة جداااااااااااااااااا رائعة ،، رح تنبه كل أب و أم على تصرفات تلقائية بتأثر على اهم الناس ...

  1. #1
    الصورة الرمزية janat
    مصمم متميز

    الحالة
    غير متصل
    تاريخ التسجيل
    Apr 2008
    المشاركات
    3,333
    Thanks
    0
    Thanked 1 Time in 1 Post
    معدل تقييم المستوى
    83

    Thumbs up كيف تجعل ابنك متخلفا .....بقلم هشام عفيفي............هااااااااااام جدا‏


    العنوان غريب لكن المقالة جداااااااااااااااااا رائعة ،، رح تنبه كل أب و أم على تصرفات تلقائية بتأثر على اهم الناس الهم ،



    تبقي البنت " اربع سنين " واقفه علي كرسي في المطبخ....بتحاول تغسل اطباق..مساعدة لامها

    تيجي امها زي الغول المتوحش..!! : بتعملي ايه يخربيتك .....انزلي من هنا ...انزلي !!!!!!


    تتسائل البنت في جوف قلبها وعقلها ..لماذا ؟؟ ...فتقرر انها

    ...

    تسأل امها : لماذا ؟؟؟

    تقول لها امها : انت عايزه تكسريلي المطبخ....اياكي اشوفك هنا تاني !!!

    فيتكون سلبيا عند الطفله محاولتها لمساعده امها.....هي مجرد تكسير للمطبخ..ومتعملش كده تاني

    ------------

    يكون الاب جالس ..يتناقش مع محسن بيه " راجل مهم " .. فيقولو .والله احنا كزا كزا بس مرضيناش نكزا كزا

    ..عشان كزا كزا وحش متجيبوش منه

    فيجي ابن الاب ..الصغير ذو السبع سنوات قائلا : طب متجربوا كزا بالجبنه ..حلو والناس بتستعمله !!!!

    فيرد عليه الاب..كتنين ذو مئه واربعين جناح كوري الصنع : انت بتتكلم ليه !! انت مش شايفني انا وعمو بنتكلم كلام كبار ؟!!

    الابن المسكين يتسائل في جوف قلبه وعقله : انا بتكلم ليه ؟؟ قبيح انا يعني عشان متكلمش ...

    وبعدين كلام كبار ايه ...بيتكلموا في كلام قبيح بردو....ده انا عارف اكتر منهم !!!

    ويتكون عند الطفل سلبيا.....عدم مشاركه ابيه ومحسن بيه وغيره ..من المناقشه والحوار

    والا يفكر مره اخري في حلول مثل ال " كزا بالجبنه" لانه تكون عنده ان تفكيره في حل مشكلات .....ما هي الا ...... " قباحه "

    ----------------

    يجلس الطفل المسكين في غرفته - طفل تاني مش بتاع محسن بيه -

    فتدخل عليه والدته الغرفه ..لكي تبحث عن شيء ما ..

    فيقول لها ..: ماما ..انا عايز نفكر انا وانتي نعمل مشروع كزا كزا كزا

    ماما : هههههه يا حبيبي انت لسه صغير...لما تكبر يا حبيبي نبقي نفكر تعمل مشروع

    ركز دلوقتي في دراستك

    ملحوظه : دراستك ..المتعلقه بكل ما هو متخلف في المدرسه ..يصب لدي الاولاد صب...عشان الولد يبقي متخلف

    ....

    يكبر الولد ....ماما انا عايز نفكر انا وانتي وبابا نعمل مشروع كزا كزاكزا ..وانا معايا التخطيط

    ماما : يا حبيبي لما تكبر...ابوك مش فاضي وانت لسه صغير...ركز في دراستك واخلص منها الاول يا حبيبي

    وبعدين ابقي اعمل الي انت عايزه ..ان شاء الله تولع في نفسك

    دراستك : مرحله اكثر تخلفها من سابقيها

    .....

    يكبر الولد فحت ...ماما ..انا بفكر انا وبابا نعمل مشروع كزا كزا ..والارباح هتكون كزا كزا ..وده هيساعدنا في تخطيط لشركه كبيره ان شاء الله

    ماما : بص يا محمود يابني..انت تخلص دراستك وتتخرج..وبعدين تشوف مع ابوك ..انا ماليش دعوه بالحاجات دي يابني ...دراستك وشهادتك اهم من الي انت بتقولو ده

    دراستك وشهادتك : اي خريج ذو شهاده ..يكسب لقب عاطل بدرجه امتياز


    يتسائل الشخص الكبير..المتكون في داخله طفل حزين منكسر : ايه العيله المنيله بنيله دي ...مش عامل مشاريع..وان شاء الله عني ماعملت حاجه


    -----------------------

    طفل ذو اربعه سنين او اقل او اكثر.....يكون مش عايز ينام ...

    تيجي امه وهيا شعرها منكوش كده..وحالتها

    حاله : لو منمتش هجبلك ام رجل مسلوخه ..وابو رجل مسلوخه...وام عبايه مشلوحه ...وابو ايد مسلوؤه !!!!!!!!

    الواد يعيني يجيله تخلف ذهني لا ارادي..عن عالم الاشباح الي هوا عايش معاه ده .." ايه ام عبايه مشلوحه دي ؟ "


    طفل تاني :

    امه تيجي تقوله : بص يا حبيبي متعملش كده ..عشان العو هيجي ياكلك ..وتبقي واوا ..ونجبلك هايفا تبوس الواوا

    --------------------------------------------

    المثال الاخير ..والاكثر انتشارا ..وبعديها تحليل منطقي

    يكون مثلا الاب والام بيتكلموا في حاجه خصوصيه " وليكن مصروف البيت "

    يجي الابن يتدخل في حاجه ..يقوم حد منهم - الاب او الام - وليكن الاب

    الاب : بس انت !!!!

    يتسائل الطفل : بس ليه ؟؟

    الاب : ملكش دعوه ..خليك في حالك !!

    الطفل : ليه بردو ؟؟

    الاب : ده انت عيل رخم صحيح..هو كده ملكش دعوه انت " ويقوم يسفخه المين "

    ----------------------------------------

    قد نفعل اشياء...لا ندرك مدي خطورتها..........

    تيجي الام او الاب....في مرحله مراهقه ابنهم....يتسائلون...

    " ليه الواد مبيشاركنيش في الحوار "

    " ليه الواد مبيفكرش بطريقه منطقيه "

    " ليه البت مش عايزه تساعدني في المطبخ "

    " الواد طالع غبي ليه ...لا انا ولا امه اغبيا " - ده هو الي مقتنع بكده -


    ولكن في الاصل.....هم الذين لم يربوا في اولادهم.....التواصل او الذكاء او او او

    يظل الطفل يعامل معامله الطفل حتي يبلغ مرحله المراهقه .....ملازم يطلع متخلف طبعا !!!


    اكثر الناس ذكائا واستيعابا للامور...هتلاقي وهما صغيرين.....والديهم..بيعاملهم علي انهم اذكياء..او كبار

    ده بينمي الذكاء لا ارادي في العقل الباطن...انت بتتعامل انك ذكي....فلازم تطلع ذكي

    انما الابهات والامهات الي فوق ...بيعاملوا الطفل ..انه تافه ولا له اي لزمه..ومينفعش يفكر

    ومينفعش يتواصل مع والديه ..في اي شيء....فيطلع الواد متدمر يا حبه عيني !!

    وفي تصرفات بنيه طيبه بتتفهم غلط من عند الطفل

    يبقي الواد عنده اربعه سنين ..وامه تقوله : يا خلاااااااسي كوتي كوتي كوتي انجيغغغااا !!!

    الواد يقول في نفسه : عبيطه دي ولا ايه ...مبتتكلمش عدل ليه ..اتخرست !!

    في الحقيقه الواد مبيقولش كده جوا نفسه ..انما هو بيتقبل انه يتعامل ك عبيط

    فبيطلع عبيط ...

    الواد بردو كام سنه...بيبقي ماشي في بيتهم ..تطلع امه زي الغول وتقوله " بخ !!!!! "

    الواد يتسرع يعني....يخاف من امه بعد كده




    الواد يجي يشتكي لابوه حصل كزا كزا في المدرسه....يبوه يقوم يرنه علقه ..تعرفه ان الله حق

    طبعا مش هيجي يشتكيلك تاني !! ..وهيبقي عنده قصر تواصل مع الناس

    وبالتالي هيطلع متخلف


    ناصر عفيفي - والدي رحمه الله عليه -

    هو سبب اني بكتب المقاله دي دلوقتي

    كان من صغري..يعاملني علي اني ذكي ..ورجل كبير...وذو شأن

    كان بيتكلم معايا في السياسه من و انا اربع سنين ..

    كنت متقن الكمبيوتر واوامر " الدوس " من وانا خمس سنين

    كنت بخش علي النت من وانا عندي ست سنين.." كان ساعتها النت بالزمبللك "

    كان ممكن ياخدني ونخرج بليل انا وهوا رحمه الله عليه ...ويقعد معايا كانه قاعد مع واحد صحبه

    وكان بياخدي ديما مع صحابه الي بيخرج معاهم..ولما اجي اناقشهم ..يسمعولي كاني فرد منهم



    لما تيجي تعامل ابنك علي انه غبي ..حتي لو كان في اقصي صغره..لازم يطلع غبي


    الحل والنصيحه وكل حاجه حلوه :


    هتخسر ايه لما تسمع لابنك .في رأيه ....ولا حاجه

    هتخسر ايه لما تعامل ابنك علي انه راجل وقد المسؤوليه..وله صوت مسموع ...نو ثينج = No Thing

    هتخسري ايه لما بنتك تيجي تساعدك في المطبخ..وتكسرلها طبق..مش مشكله خد الشر وراح

    واحتويها وعرفيها ازاي متكسرش طبق تاني.....والبنت هتحبك وتساعدك لما تكبري وتعجزي ومتلاقيش الي يشيلك

    حينما تنهي ابنك عن شيء ما مثل : اسكت انت !!!

    وضح له السبب..ويكن سبب مقنع..حتي ميقفلش منك..وميحبكش..وميتواصلش معاك تاني

    ..والنصيحه الاهم والاكثر اهميه :

    دائما عامل ابنك علي انه ذكي - ولكن احذر الغرور - ..عامله علي انه قادر علي التصرف في المشكلات

    واذا احتاج مساعده ف انت موجود..عامله علي انه من اذكياء العالم..في حل كل شيء..

    عامله انه محلل سياسي يستطيع مشاركتك في مناقشاتك السياسيه وغيرها

    عامله علي انه يتملك عقل رهيب...حتي يمتكله بالفعل في المستقبل

    واجعل تواصلك انت وابنك ..تواصل صداقه ..وليس تواصل ممارسه سلطه

    وصدقني...هيطلع من اذكياء العالم

    هشام عفيفي

    في حياتنا مواقف .. تأتي دون ان نفهم كيف حدثت .. تؤثر بنا واحيانا تغير مجرى حياتنا ...وتنتهي وتختفي
    دون ان نفهم كيف انتهت ومن كان وراءها


  2. #2
    الصورة الرمزية سنووايت2222
    مصمم مجتهد

    الحالة
    غير متصل
    تاريخ التسجيل
    Jun 2008
    الدولة
    مصرية مقيمة بالشارقة
    المشاركات
    538
    Thanks
    0
    Thanked 0 Times in 0 Posts
    معدل تقييم المستوى
    22

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    مقال تحفة تحفة تحفة رااااااااااااااااااائع جدا استفدت منو كتييييييير وصعب عليا الواد شريف اوى بس انا بخلية يشيل الاطباق بعد الاكل هههههههه وهوا اتعود خلاص لدرجة انو لما بيخلص بيشيل الاطباف من ادامى
    عـــــــــام مضـــــــى والاخر ميــــــــلاد والعمر يمضى كلمــــــا يــــــزداد كل على درب الحياة مســــافر والذكريات لدى المسـافر زاد

  3. #3
    الصورة الرمزية MOSTAFA3D
    احباب طريق الجرافيك

    الحالة
    غير متصل
    تاريخ التسجيل
    Aug 2007
    الدولة
    مصراوي في الكويت
    العمر
    31
    المشاركات
    3,630
    Thanks
    2
    Thanked 1 Time in 1 Post
    الصور
    4
    معدل تقييم المستوى
    101

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    بالفعل معاملة الأبناء ليه تكنيك خاص وإلا الواد ممكن يطلع معقد زي الأمثلة دي .... شكرا أخت جنات عالموضوع المفيد
    ( إقرأوا القرآن فإنه يأتي يوم القيامة شفيعاً لأصحابه )

    إحفظ القرآن في سنة عالفيس بوك


  4. #4
    الصورة الرمزية الغد الأحلى
    مصمم متميز

    الحالة
    غير متصل
    تاريخ التسجيل
    Apr 2010
    الدولة
    بين همس القوافي
    المشاركات
    1,614
    Thanks
    0
    Thanked 0 Times in 0 Posts
    معدل تقييم المستوى
    43

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    مقااااااااااال بجد رااااااااااائع تسلم ايديكي حبيبتي جنااااااات
    ويعطيكي الف الف عافية يا رب وكل الاطفاااال الي ذكروا بجد بشفقوا ولازم يكون عنا الوعي الاجتماعي للتعامل معهم
    لحتى النهاية ما تكون كواقع الكثير من ابناء مجتمعنا
    اللهم حققْ حُلماً باآت يكبر ُبداخِلي يوماً بَعدَ يومْ ღ


  5. #5

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    موضوع روعة جدا جدا جدا جنات بجد
    أول ما بيخطو الطفل خطواته الأولى بيفرحوا جدا و يعملو حفلة أول ما بتطلع اسنانه و أول ما بيحكي و بعدين 12 سنة بالمدرسة ما بيسمع فيها غير كلمة انت صغير خليك بدراستك
    التعامل مع المادة الجامدة حتا لو كانت معقدة أسهل بمليون مرة من التعامل مع كائن حر فيه روح و شخصية بحاجة تتعلم تكون صح و تتعامل صح مع الحياة .. لأنك مع كل موقف و كل كلمة بتشكل جزء من شخصيته و بتحدد و لو خط صغير غير واضح ملامح من مستقبله يعني بالنهاية ممكن تساهم بانه يكون انسان جيد لما يكبر أو انك تخليه يدعي عليك طول عمره لما يفكر ان لولا وجودك بحياته كان من الممكن يكون شخصية أفضل

    بجد تسلم ايديكي جنات


  6. #6
    الصورة الرمزية M.Nawara
    مصمم متميز

    الحالة
    غير متصل
    تاريخ التسجيل
    Aug 2010
    الدولة
    Egypt
    المشاركات
    1,662
    Thanks
    0
    Thanked 0 Times in 0 Posts
    معدل تقييم المستوى
    47

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    ايون انا قرات النوت دي في صفحة هشام عفيفي
    وهيه روعة كعادة مقالات هشام كلها


  7. #7


    الصورة الرمزية ام اياد
    الإشراف العام

    الحالة
    غير متصل
    تاريخ التسجيل
    Jul 2007
    الدولة
    مصرية في الامارات
    المشاركات
    7,307
    Thanks
    0
    Thanked 3 Times in 3 Posts
    معدل تقييم المستوى
    179

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    ههههههههههه تحفة اوي يا جنات الماقل ده عجبني جدااا
    بس الحمد لله ان مش بعمل كده خالص مع عيالي انا عمري ماقلهم على ابو رجل مسلوخة والكلام الاهبل ده ولا العو انا بالعكس بخليه ينام عشان اعملهخ حاجة هو بيحبها يعني مثلا اقوله نام عشان لما تصحى ان شاء الله نخرج باي او مثلا عشان اوديك المدرسة (( بيحبها لا تقلقوا )) . وانا ابوه بنهتم باللي هو بيقوله ونسمعله حتى مؤيد بس عيبي بقى اني انا بقوم بدور امنا الغولة لما بيجنونوي وبدور فيهم الضرب هو واخوه . على فكرة انا عايزة اقولكم على حاجة مهمة جدااااااااااااااااا بجد انا جدي الله يرحمه كان بيقعد يحكيلنا حكايات عن العفاريت وامنا الغولة والنداهة والهبل ده عشان يخوفنا بيه وانا كطفلة كان خيالي واسع جداا وكنت بتاثر جداا بالقصص دي والكارثة اني متاثرة بيها لحد دلوقتي رغم اني بقيت ام بس لسه بخاف من الظلمة ومن تحت السرير بخاف خوف ملوش معنى لاني عقلي عارف ان مفيش حاجة اخاف منها لكن خلاص نفسيتي ارتبطت بخوف مش بيروح فبجد نصيحة اوعواااااااااا تقولوا لعيالكم الكلام ده ايه الفايدة اني ازرع في ابني انو يبقى بيخاف بجد اكبر فكرة غبية على وجه البشرية نام احسن ابو رجل مسلوخة يطلعلك .

  8. #8

    الصورة الرمزية الفنان العاشق
    عضو مميز

    الحالة
    غير متصل
    تاريخ التسجيل
    Feb 2010
    الدولة
    ×؛°”?`”°؛×(Aswan) ×؛°”?`”°؛×
    العمر
    31
    المشاركات
    3,964
    Thanks
    0
    Thanked 0 Times in 0 Posts
    الصور
    9
    معدل تقييم المستوى
    104

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    هههههههههههههههه موضوع ومقال قمه قمه فى الروعه أختى جنات ........ تسلموا الايادي والله

    فعلا أكبر غلط اللى بيعملوا ده ازاى انا أقدر اخوف أبنى بالطريقه البشعه دي ...... انا متعقد جدا بسبب المواضيع دي لحد وقتنا هذا وانا بخاف تتطلعلي حاجات من تحت السرير هههههه لان زمان كانوا بيقولولى ان الميت بعد ما يدفن بيرجع روحي وتقعد تحت السرير اللى كان بينام عليه وانا من هبلي صدقت الموضوع ده وبقيت أبص تحت السرير كل شويه خايف انه يطلعلى .........

    بارك الله فى عمرك أختى جنات
    بسم الله الرحمن الرحيم
    ـــــــــــــــــــــــــ

    وَقَالَ رَبُّكُمُ ادْعُونِي أَسْتَجِبْ لَكُمْ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ
    صدق الله العظيم

    http://hlali.com/up/uploads/a1f60b6945.gif


    WWW.CGWAY.NET

    قسم الرسم والخط والزخرفــــة


    "Mohamed Elansary"





  9. #9
    الصورة الرمزية janat
    مصمم متميز

    الحالة
    غير متصل
    تاريخ التسجيل
    Apr 2008
    المشاركات
    3,333
    Thanks
    0
    Thanked 1 Time in 1 Post
    معدل تقييم المستوى
    83

    رد: كيف تجعل ابنك متخلفا .....بقلم هشام عفيفي............هااااااااااام جدا‏

    اقتباس المشاركة الأصلية كتبت بواسطة سنووايت2222 مشاهدة المشاركة
    مقال تحفة تحفة تحفة رااااااااااااااااااائع جدا استفدت منو كتييييييير وصعب عليا الواد شريف اوى بس انا بخلية يشيل الاطباق بعد الاكل هههههههه وهوا اتعود خلاص لدرجة انو لما بيخلص بيشيل الاطباف من ادامى
    لا هيك صار استغلال الطفولة ههههههههههه ،،
    مرسي لمرورك حبيبتي

    اقتباس المشاركة الأصلية كتبت بواسطة MOSTAFA3D مشاهدة المشاركة
    بالفعل معاملة الأبناء ليه تكنيك خاص وإلا الواد ممكن يطلع معقد زي الأمثلة دي .... شكرا أخت جنات عالموضوع المفيد
    من أصعب المهام في الدنيا تربية الأبناء
    أهلا فيك دايما


    اقتباس المشاركة الأصلية كتبت بواسطة dodom91 مشاهدة المشاركة
    مقااااااااااال بجد رااااااااااائع تسلم ايديكي حبيبتي جنااااااات
    ويعطيكي الف الف عافية يا رب وكل الاطفاااال الي ذكروا بجد بشفقوا ولازم يكون عنا الوعي الاجتماعي للتعامل معهم
    لحتى النهاية ما تكون كواقع الكثير من ابناء مجتمعنا
    طبعا واكيد كلامك ،، كتير بتعامل مع ناس بالغة بحس عندهم عقد اصلها من الطفولة
    أهلا حبيبتي

    اقتباس المشاركة الأصلية كتبت بواسطة قمر مشاهدة المشاركة
    موضوع روعة جدا جدا جدا جنات بجد
    أول ما بيخطو الطفل خطواته الأولى بيفرحوا جدا و يعملو حفلة أول ما بتطلع اسنانه و أول ما بيحكي و بعدين 12 سنة بالمدرسة ما بيسمع فيها غير كلمة انت صغير خليك بدراستك
    التعامل مع المادة الجامدة حتا لو كانت معقدة أسهل بمليون مرة من التعامل مع كائن حر فيه روح و شخصية بحاجة تتعلم تكون صح و تتعامل صح مع الحياة .. لأنك مع كل موقف و كل كلمة بتشكل جزء من شخصيته و بتحدد و لو خط صغير غير واضح ملامح من مستقبله يعني بالنهاية ممكن تساهم بانه يكون انسان جيد لما يكبر أو انك تخليه يدعي عليك طول عمره لما يفكر ان لولا وجودك بحياته كان من الممكن يكون شخصية أفضل

    بجد تسلم ايديكي جنات

    عجبتني اخر جملة حكيتيها ،،فعلا عدم وجود بعض الاباء والامهات بيكون افضل للأسف
    مرسي لمرورك الحلو على طووووووووول

    اقتباس المشاركة الأصلية كتبت بواسطة ™ M®.SaSa مشاهدة المشاركة
    ايون انا قرات النوت دي في صفحة هشام عفيفي
    وهيه روعة كعادة مقالات هشام كلها

    مرورك الاروع اخي

    اقتباس المشاركة الأصلية كتبت بواسطة ام اياد مشاهدة المشاركة
    ههههههههههه تحفة اوي يا جنات الماقل ده عجبني جدااا
    بس الحمد لله ان مش بعمل كده خالص مع عيالي انا عمري ماقلهم على ابو رجل مسلوخة والكلام الاهبل ده ولا العو انا بالعكس بخليه ينام عشان اعملهخ حاجة هو بيحبها يعني مثلا اقوله نام عشان لما تصحى ان شاء الله نخرج باي او مثلا عشان اوديك المدرسة (( بيحبها لا تقلقوا )) . وانا ابوه بنهتم باللي هو بيقوله ونسمعله حتى مؤيد بس عيبي بقى اني انا بقوم بدور امنا الغولة لما بيجنونوي وبدور فيهم الضرب هو واخوه . على فكرة انا عايزة اقولكم على حاجة مهمة جدااااااااااااااااا بجد انا جدي الله يرحمه كان بيقعد يحكيلنا حكايات عن العفاريت وامنا الغولة والنداهة والهبل ده عشان يخوفنا بيه وانا كطفلة كان خيالي واسع جداا وكنت بتاثر جداا بالقصص دي والكارثة اني متاثرة بيها لحد دلوقتي رغم اني بقيت ام بس لسه بخاف من الظلمة ومن تحت السرير بخاف خوف ملوش معنى لاني عقلي عارف ان مفيش حاجة اخاف منها لكن خلاص نفسيتي ارتبطت بخوف مش بيروح فبجد نصيحة اوعواااااااااا تقولوا لعيالكم الكلام ده ايه الفايدة اني ازرع في ابني انو يبقى بيخاف بجد اكبر فكرة غبية على وجه البشرية نام احسن ابو رجل مسلوخة يطلعلك .
    أيوه الكبير وصاحب الخبرة وصل ههههههههه
    يخليكي انتي وابوهم إلهم يارب ،، وتشوفوهم احسن شباب بالدنيا



    اقتباس المشاركة الأصلية كتبت بواسطة الفنان العاشق مشاهدة المشاركة
    هههههههههههههههه موضوع ومقال قمه قمه فى الروعه أختى جنات ........ تسلموا الايادي والله

    فعلا أكبر غلط اللى بيعملوا ده ازاى انا أقدر اخوف أبنى بالطريقه البشعه دي ...... انا متعقد جدا بسبب المواضيع دي لحد وقتنا هذا وانا بخاف تتطلعلي حاجات من تحت السرير هههههه لان زمان كانوا بيقولولى ان الميت بعد ما يدفن بيرجع روحي وتقعد تحت السرير اللى كان بينام عليه وانا من هبلي صدقت الموضوع ده وبقيت أبص تحت السرير كل شويه خايف انه يطلعلى .........

    بارك الله فى عمرك أختى جنات
    ههههههههههههههههههههه ،، بس صدقني الجيل الجديد ما اله دخل بهالكلام ،،
    والله ولاد اخواني هما عاملين اللي رعب وافلام أكشن ،، هما كل شوي بيعملوا لي عووووووووو ههههههههههههه
    علما اكبرو احد فيهم لسه 4 ونص ،، بس عصابة مافيا


 

 

المواضيع المتشابهه

  1. هشام الجخ الجدديد
    بواسطة asanasuos في المنتدى المنتدى العام
    مشاركات: 2
    آخر مشاركة: 10 / 03 / 2013, 17 : 10 AM
  2. اين اجد كرت شاشة Quadro 4000 في مصر هذا طلب هااااااااااام جدا
    بواسطة Mahmoud Helmy في المنتدى Autodesk 3D Studio Max
    مشاركات: 1
    آخر مشاركة: 13 / 05 / 2012, 43 : 11 AM
  3. مجرد رأى بقلم عماد بدر
    بواسطة emadosh في المنتدى المنتدى العام
    مشاركات: 2
    آخر مشاركة: 03 / 03 / 2011, 36 : 07 PM
  4. تعلم من هذا الحكيم كيف تربي ابنك
    بواسطة الفارس الملثم في المنتدى المنتدى العام
    مشاركات: 0
    آخر مشاركة: 13 / 12 / 2010, 22 : 09 PM
  5. آخر اعمالي بمساعدة هشام حمدي
    بواسطة moumou84 في المنتدى عرض ونقد الأعمال | Exhibition & Criticism Designs
    مشاركات: 5
    آخر مشاركة: 03 / 08 / 2009, 42 : 08 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 22 : 02 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO