Follow us on Facebook Follow us on Twitter Linked In Flickr Watch us on YouTube My Space Blogger
التسجيل
صفحة 2 من 3 الأولىالأولى 123 الأخيرةالأخيرة
النتائج 16 إلى 30 من 31

°°•.♥.•°° ***"عجبني فيكي لون عينيكي "°°•.♥.•°° ***

هذا الموضوع : °°•.♥.•°° ***"عجبني فيكي لون عينيكي "°°•.♥.•°° *** داخل القسم الإسلامي والدينيالتابع الي قسم ملتقى الأعضاء : مرحبا بكم من جديد مع فاطمة ومغامراتها و الحلقة السادسة من وكنا توقفنا عند . . الشاب يتصل بك.... فاطمة ...

  1. #16
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***



    مرحبا بكم من جديد مع
    فاطمة ومغامراتها



    و الحلقة السادسة من



    وكنا توقفنا عند
    .
    .

    الشاب يتصل بك....
    فاطمة : يوووووووووووه

    يارب استر , يا تري عايز يقولي ايه ؟

    والبطارية عايزة تتشحن

    ويفصل الموبايل

    والحمد لله
    ربنا خلي التليفون يفصل عشان يخليني اعرف افكر واركز في قرارالتوبة
    وصاحبنا هيولع .
    كل دا هي كانت في الطريق ,
    وتوصل البيت وتلاقي ماما قاعدة في الصالة مش طبيعية
    وحاطة ايديها علي خدها وزعلانة.......
    فاطمة : ازيك يا ماما ؟ مالك في ايه ؟ وكنتوا فين امبارح انا قعدت ادور عليكوا في الشقة ملقتكوش ومكنتوش بتردوا كمان ع الموبايلات انا قلقت عليكوا .
    ماما : والله ؟ قلقتي علينا ؟ ليه كدة يا شيخة افتكرتي ان ليكي اهل تسألي عليهم وتعبريهم !!
    وماما عينيها تدمع ...
    فاطمة : متقوليش كدة يا ماما انا بس انشغلت بالدراسة وكدة .
    ماما : الدراسة ؟ لالالا انتي للاسف اتغيرتي جداااا
    من ساعة دخولك الكلية , مانتي كنتي في ثانوية عامة والدراسة كانت اشد من الجامعة بكتيييييييييييير بس كنتي بتحبينا ..علطول معانا ..روحك معانا ..ارائك معانا ..تهزري معانا ..تساعديني ف اي حاجة ف البيت انما دلوقت لالالالا بقيتي واحدة غريبة في البيت .. واحدة مش حاسة باهلها خااااالص ولا بأبوها اللي كان ف المستشفي امبارح ( ماما عياااااااااااااااااط )
    فاطمة بالدموع : ؟؟؟؟؟؟؟؟
    مستشفي ؟ ليه ؟ ماله ؟ بابا ماله يا ماما ؟

    ماما : ابوكي جه امبارح من الشغل وشكله متغير جدااا وكان تعبان جدااا ومرهق وفجأة لاقيته أُغمي عليه ووقع في الأرض



    فاطمة بالدموووووع
    ايـــــــــــــــــــــه ؟ اغمي عليه ؟ ليه ؟ يا حبيبي يا بابا !!!
    ماما : وانتي بسلامتك كنتي نايمة في سابع نومة وعمالة انادي عليكي واصوت واقولك تعالي شوفي ابوكي او كلمي المستشفي ولا كأنك هنا وعايشة معانا يا فاطمة .


    فاطمة مع احساس بالذنب فظييييع :
    امممممممممممممممم
    ماما : لولا ان ام احمد جارتنا سمعت صوتي بصوت وانا بنادي عليكي جت خبطت عليا والست كتر خيرها اتصلت بالمستشفي وعربية الإسعاف جت وخدت ابوكي ع المستشفي ,

    فاطمة : اسعاف ...! مستشفي ....! لبابا ... ؟
    وانا مش داريانة بكل دا ازاااااااااي
    طيب هو عامل ايه وهو فين دلوقت ؟
    ماما :هو الحمد لله دلوقت كان الضغط عالي جدا لدرجة الخطر وكان هيدخل ف غيبوبة بس الحمد لله ربنا ستر , والدكتور كتبله ع علاج ولازم يمشي عليه ,
    فاطمة : يا حبيبي يا بابا .... انا هدخل اشوفه

    ماما : لا خليه نايم يستريح .

    فاطمة : طيب متزعلش مني يا ماما انا هتغير صدقيني .


    ماما : ربنا يهديكي يا بنتي .




    وتدخل فاطمة اوضتها
    وتبدأ في الصراعات

    انا لازم اتغير
    كل دا حصلي من ورا معصية ربنا



    انا لازم اتوب لربنا
    لازززززززززززززززم
    وتدخل تتوضا
    وتصلي ركعتين توبة بين يدي الرحيييييم الغفووووور الشكوووور التواااااااب

    قال الله تعالى :
    {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ }الزمر53

    {إِلاَّ الَّذِينَ تَابُواْ مِن بَعْدِ ذَلِكَ وَأَصْلَحُواْ فَإِنَّ الله غَفُورٌ رَّحِيمٌ }آل عمران89

    {وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ} النور/31

    وحست براحة شديدة جداااااااااا بعدها

    هداكِ الله يا فاطمة


    وتقول في نفسها:
    انا هنسي الموضوع دا من دماغي خالص
    وهركز في المذاكرة
    وبابا العيان دا
    وماما الحزينة دي
    واخويا الصغير اللي معرفش عنه حاجة بقالي شهووووووور
    وبيتي كله اللي انا مقصرة فيه جداا







    وتبدأ توازن شوية بين الأمور

    ولكن
    .
    .
    .
    .
    هل إبليس هيسيبها كدة ؟
    .
    .
    .
    .
    هل الشاب هسيبها كدة ؟؟
    .
    .
    .
    .
    .

    مستحيل طبعا



    طيب هل هي هتبقي قوية وهتقاومهم وهتلتزم بقرار التوبة ؟
    .

    .
    .
    الاجابة ..... عند فاطمة ..
    وهتعرفوها من خلال باقي الاحداث إن شاء الله .







    طيب هي دلوقت ما شاء الله بقالها كذا يوم ماشية تمام



    - بتصلي الصلوات في أوقاتها
    -متمسكة جدا بقرار التوبة
    - بتذاكر كويس وانجزت كتير ف المذاكرة
    - بتعامل ماما كويس , وبتشوف طلبات بابا المريض
    - بقت تطول الطرحة زي زمان
    - ومبقتش تحط مكياج
    - بقت تلبس عبايات واسعة وحشمة
    _ مبقتش تسمع أغاني
    - قافلة الموبايل نهااااائي


    ما شاء الله ربنا يثبتك يا فاطمة


    ولكن

    ابليس ... أعوذ بالله منه ... بدأ معاها ... :



    ايه يا فوفو ؟
    انتي هتفضلي كدة كتير ولا ايه ؟
    انا قلت اسيبك شوية كدة تغيري جو وتستعيدي نشاطك وترضي عني شوية , لاحسن انا عارف ان الكام موقف اللي حصلوا دول فوقوكي وكرهوكي فيا والبت العفريتة دي كمان اللي اتصاحبتيلي عليها
    _ قصده ع الاخت المنتقبة _
    ودا انا مكنتش عامل حسابه خالص حرام عليكي ضيعتيني

    بقي بعد كل دا والخطط اللي خططتها دي كلها

    والحيل عشان اوقعك في الحرام
    تتوبي لربنا ؟؟!
    دا كلام ؟!

    يعني ناوية تسيبي طريق الضياع !!! لالا


    يعني نويتي تبرّي والديكي عشان تدخلي الجنة !!!
    مستحيل !!!!!!
    وايه الطرحة الكبيرة دي والعبايات الواسعة دي ؟؟!
    امال اللبس الضيق دا لمين ؟؟
    هيجسّد جسم مين عشان يغري الشباب ؟
    لالالالا لازم تتعري زي ما عرّيت ابوكي وامك ءادم وحواء
    وعلبة المكياج دي لتزيين وجهك وتكحيل عينيكي الملونة دي كدة سبتيها واتملت تراب؟
    كدة يا فوفو ؟
    انتي متعرفيش ان انتي كدة بتدمريني ؟!
    انتي متعرفيش ان بتوبتك دي معانا هلاكي ؟!

    (( يقول ابن الجوزي : قال إبليس : أهلكت ابن ءادم بالذنوب .. وأهلكوني بالاستغفار ))

    وكمان الواد دا كدة اللي انتي سايباه مش دا حبيبيك برده اللي كنتي معاه في المكان الهادي ف الجامعة !

    انتي نسيتي ولا ايه ؟!
    كدة تخليه يراجع نفسه ويقول عليكي ان دي بنت محترمة ومتستحقش مني اني اعمل فيها كدة وافكر فيها بالطريقة القذرة دي ؟
    واني اسيبها ف حالها يا اما اروح اتقدملها



    بجد لو بحبها ؟!

    _ بس انا ضبطته متقلقيش وفهمته وبرمجته ع انك واحدة ضايعة وهتضعفي قدامه تاني وشهواتك هتحركك تاني طبعا بفضلي انا ووسوستي انا ,
    وان توبتك دي مش هتغير فيكي حاجة عشان كمان
    انتي ضايعة زي الولد تمام
    فلازم اوفق بينكوا
    ولا رأيك يا فوفو ؟
    ها .... فوقتي شوية من حالة التوبة دي وانصلاح دا
    ؟
    اينعم انتي دمرتيني فيهم
    وأهلكتيني وخلتيني اصرخ واصرخ وانتي بتدعي ربنا وبتصلي وبتسجدي

    عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "أَقْرَبُ مَا يَكُونُ الْعَبْدُ مِنْ رَبِّهِ وَهُوَ سَاجِدٌ فَأَكْثِرُوا الدُّعَاءَ". أخرجه مسلم

    وأهلكتيني وانتي بتطيعي ماما وبابا لانك بكدة هتنولي رضا ربنا لان رضا الرب من رضا الوالدين

    {وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا . وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا . رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأَوَّابِينَ غَفُورًا } {الإسراء/23-25}

    كما رُوي أن رجلا سأل النبي صلى الله عليه وسلم :
    أي الأعمال أفضل ؟ قال : ( الصلاة لوقتها ، وبر الوالدين ، ثم الجهاد في سبيل الله )



    ( البخارى )


    وأهلكتيني بكل حاجة عملتيها صالحة

    لكن ..
    مش مهم

    انا مش بيأس
    انا ربنا أنظرني ليوم الدين
    وانا بقى هغوي بني ءادم كللللللللللللللهم وهدخلهم جهنم زيي اشمعنا انا !!
    يعني يا فاطمة انا عايش لحد يوم القيامة
    عشان اغويكي انتي وكل الناس
    يعني مستحيل هيأس
    واعرف ازاي اتعامل مع البنات واوقعهم ..
    اول حاجة عن طريق العري وإظهار انوثتها وجمالها قدام الشباب
    وإغواء الشباب اول حاجة طبعا هي البنات وكيفية توقيعهم في الحرام بكل الوسائل وتحريك الغرائز والشهوات
    وإغواء الستات ازاي اخليها تتخانق مع زوجها وتستفزه وتطلب منه الطلاق ( اسعد خبر في حياتي )
    وإغواء الرجالة ازاي اخلّي الرجل خُلْقه ضيق ومش طايق زوجته واسد الابواب كلها قدامه مفيش غير باب انه يبص برا للحرام ويسيب حلاله

    او يطلقها علي الفور لاي سبب هايف تافه بحب انا اوي اشعلل الدنيا بين الزوجين .
    وحتي الاطفال مش بيلسموا مني طبعا دانتي عارفة كمان يا فاطمة انا بركز اوي ع الاطفال اني برسّخ جواهم من صغرهم الضياع وحب الشهوات وووووو عشان يطلعوا ضايعين من صغرهم ولما يكبروا يخففوا عني الحمل في إغوائهم وادخلهم في الكبائر علطول اول ما يكبروا


    فالمهم يعني يا فوفو
    عايز اقولك ان انا إبليس


    عمري مهسيبك تتوبي لربنا ابدااااااا إلا لو كنتي من دول ؟
    اوعي يا فوفو تكوني منهم
    مين دول يا إبليس يا لعين ؟
    ( إلا عبادك منهم المخلصيـــــــــــــــن )

    اوعي تكوني يا فاطمة من المخلصين دول
    انا مش بقدر اقربلهم

    {قَالَ رَبِّ فَأَنظِرْنِي إِلَى يَوْمِ يُبْعَثُونَ قَالَ فَإِنَّكَ مِنَ الْمُنظَرِينَ إِلَى يَوْمِ الْوَقْتِ الْمَعْلُومِ قَالَ فَبِعِزَّتِكَ لَأُغْوِيَنَّهُمْ أَجْمَعِينَ إِلاَّ عِبَادَكَ مِنْهُمُ الْمُخْلَصِينَ قَالَ فَالْحَقُّ وَالْحَقَّ أَقُولُ لَأَمْلَأَنَّ جَهَنَّمَ مِنكَ وَمِمَّن تَبِعَكَ مِنْهُمْ أَجْمَعِينَ} الحجر:39، 40

    .


    .


    .




    نعوذ بالله من الشيطان الرجيم

    نعوذ بالله منه ومن إغوائه
    ربنا يجعلنا من عباده المخلصين
    آميــــــــن
    قولي آآآمين معايا يا فاطمة
    بالله عليكي يا فاطمة


    اثبتي علي قرارك



    ها يا فاطمة ساكتة ليــــــه ؟



    اصله ....


    اصله وحشني اوي


    امممممممممممممم مين دا يا فاطمة الله يهديكي ؟




    الشاب ... مخبيش عليكي يا نفسي انا بحبه جدااا ومتعلقة به جداااا



    فاطمة انتي مكفكيش اللي حصلك من ورا الشاب دا .؟
    انتي مفيش فايدة فيكي ؟
    عايزة ايه تاني يحصلك ؟

    انا ضعييييييييييييييييييييييي يييفة يا نفسي قدام شيطاني ورجعت حنيت له تاني ونفسي اكلمه ولو حتي بالتليفون ممكن يا نفسي ؟




    امممممممممممم اقولك ايه بس يا فاطمة غير اني بصررررررررررررخ جواكي ومنهاااااااارة
    مش انا قولتك متقوليش كلمة " انا " ووراها حاجة سلبية ومش بس سلبية دي مدمرة ومش بس مدمرة لحاجة سهلة ممكن تتعوض _ انا فاشلة , انا ضعيفة, انا مش نافعة في حاجة, مش هقدر _

    لا دي مدمرة لسُمعتك لحيائك لشرفك لأسس دينك !!!!!




    اتقِ الله يا فاطمة وخُذي من اسمك _ فاطمة _قدوة وعظة وعبرة وفوقي بقي يا شيخة تعبتيني حرااااااااام .






    وفاطمة في حيييييييييييييييييييييييي يييييرة بين :






    ( نفسها الأمارة بالسوء ) اللي خلتها تفتقد وتشتاق للمشاعر اللي كانت بتحسها مع الشاب
    وبين ( الشيطان ) اللي عايزها ترجع للضياع تاني






    وبين ( نفسها اللوّامة الصالحة ) اللي بتصحّي فيها كل جميل وتقي وبتثبتها ع الطريق الصح .








    يا تري مين اللي هيغلب ؟؟؟؟؟؟؟؟؟؟؟؟؟؟


    يا تري اللي هيفوز في الصراع دا ؟؟؟؟؟؟؟؟؟؟؟


    يا تري من هيظئطط من الفرحة لانتصاره ؟؟؟؟؟؟؟؟؟؟؟؟



    تابعونا مع







    .

    .



    فاكهة الحلقة :




    نشيد سفري بعيد للشيخ محمد حسان

    مقطع لحظة ندم للدكتور حازم شومان (مؤثرة جداً)













    والي اللقاء في الحلقة القادمة إن شاء الله


    والسلام عليكم ورحمة الله وبركاته





    نسأل الله تعالى أن يرزقنا واياكم الإخلاص في القول والعمل

  2. #17

    الصورة الرمزية قمر
    مصمم متميز

    الحالة
    غير متصل
    تاريخ التسجيل
    Jun 2009
    المشاركات
    4,763
    Thanks
    0
    Thanked 0 Times in 0 Posts
    معدل تقييم المستوى
    119

    رد: °°•.♥.•°° ***"عجبني فيكي لون عينيكي "°°•.♥.•°° ***

    الله يعطيك الف عافية استاذ فارس
    متابعينك ان شاء الله

  3. #18

    الصورة الرمزية محمود علاء
    طالب بالمركز التعليمي

    الحالة
    غير متصل
    تاريخ التسجيل
    Nov 2009
    المشاركات
    1,360
    Thanks
    9
    Thanked 3 Times in 2 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    بارك الله فيك أخي الكريم وجزاك خير الجزاء
    منتظرين باقي الحلقات إن شاء الله
    :: اللهم بلغنا ليلة القدر وأكتبنا فيها من العتقاء من النيران ::
    أم المؤمنين عائشة رضي الله عنها
    ( http://rasoulallah.net/Aisha/ )

  4. #19
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    جزاكم الله خيرا على المرور
    حفظكم الله ورعاكم

  5. #20
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    بسم الله ..

    اهلا بكم من جديد من مسلسل :




    ومع فاطمة اللي مغلبانا معاها
    ومع
    .¸¸۝الحلقة السابعة ۝,,.
    كنا توقفنا في الحلقة الماضية
    مع الصراااااااعات بين النفس الأمارة بالسوء وبين الشيطان نعوذ بالله منه , وبين النفس اللوّامة التي تدفع الانسان للخير وتلومه لإرتكابه المعاصي
    وتعالوا بنا لنعرف من المنتصر فيهم ؟؟
    ولكن ...
    بعد صلاتنا علي الحبيب
    صلي الله علي محمد
    صلي الله عليه وسلم



    تبدأ يومها بالصلاة

    والمذاكرة
    وطاعة الوالدين
    وكله تمام والحمد لله




    وتفتح الموبايل وهي خايفة
    لقت رسالة واردة من :
    يا تري من ميـــــــن ؟؟؟
    فاطمة بتفتح الرسالة لاقتها من
    الأخت المنتقبة
    فاطمة فرحت بيها جداااا لانها حبتها جدااا
    وكان نص الرسالة " السلام عليكم حبييتي فاطمة ,
    ايه يا فاطمة قلقتيني عليكي جدااااااااا , انتي قافلة الموبايل ليه ؟؟ وليه مش بشوفك في مسجد الجامعة ؟؟ طمنيني عليكي حبيبيتي ضروري "
    فاتصلت بيها وكان الحوار كالآتي :
    الاخت المنتقبة : السلام عليكم
    فاطمة : وعليكم السلام ازيك يا اختي
    الاخت: فاطمة ؟ كدة برده يا فاطمة ؟ انا زعلانة منك جدااااااااا انك سايباني كل دا قلقانة عليكي .
    فاطمة : معلش والله يا اختي غصب عني كان عندي ظروف كتير .
    الاخت : مالك حبييتي ظروف ايه خير ؟ طمنيني ؟ واخبار الموضوع إياه ايه ؟
    فاطمة لخصت الظروف عشان الكارت ميخلصش : يعني بابا كان تعبان , وانا حالتي النفسية كانت وحشة جداا وكنت في صراعات داخلية وربنا يهديني .
    الاخت : لا حول ولا قوة إلا بالله , شفاه الله وعافاه يارب وهو كويس دلوقت ؟
    فاطمة : اه الحمد لله بس لسه ميقدرش يتحرك كتير .
    الاخت : أسأل الله أن يُتم شفائه علي خير , وانتي بقي مالك ؟
    فاطمة : آمين , طيب يا اختي ينفع نتقابل ؟
    الاخت : طبعا حبييتي بصي انا عندي درس علم في المسجد اللي جمب الكلية وبعدها حلقة تجويد , وبعدين هطلع ع الجامعة بإذن الله , ايه رأيك تيجي تحضريهم معايا ونطلع ع الجامعة سوا ؟؟
    فاطمة : ما شاء الله انا نفسي اكون زيك كدة ولكن انا وحشة اوووي
    وعيطت فاطمة .
    الاخت: ايه يا فاطمة حبييتي مالك بس وبعدين انتي احسن مني وجواكي الخير بدليل دموعك دي حبييتي , يلا اهدي كدة ,
    و هستناكي ماشي ؟
    فاطمة بصوت مخنوق: ربنا يسهل إن شاء الله
    وخلصت المكالمة وقفلت الموبايل علطول من خوفها
    وطبعا الصراعات عمّالة تزيد
    و
    الشيطان قلقان من الاخت المنتقبة لتبوظ عليه خططه كلها فيعمل ايه _نعوذ بالله منه _ ؟

    يروح لميــــن ؟



    للشاب

    ويقوله : ايه يا عم انتي هتسيب العفريتة دي تخد منك فاطمة ولا ايه ؟
    فين الشهامة يا راجل ؟ هو دا لعبك بفاطمة ؟ دا انت طلعت لعيب أي كلام !!
    الشاب : طيب اعمل ايه ؟؟؟
    مهي الهانم فاطمة قافلة موبايلها خالص ولا بتيجي الجامعة خالص , انا هشوفلي لعبة غيرها بقي .
    الشيطان : ايه ؟ لا مستحيل دي فاطمة يا واد !
    حبيبة قلبك اللي خطفته اول ما شفتها خالص ,
    لالالا اوعي تستسلم كدة وتسيبها تضيع منك لطريق الصلاح والتقوي والعفاف اوووووعي .
    الشاب : طب ايه اعمل طيب ؟
    الشيطان : طيب بص انت فاكر لما فاطمة حكيتلك ع اول حوار دار بينها وبين العفريتة دي _ قصده ع الاخت المنتقبة _ مش هي قالتلك ع رقم العفريتة دي برده ؟
    الشاب عمّال يفتكر : ااااااااااااه صح دانت شيطان بجد يخرب بيتك .
    الشيطان : انا بيتي مخروب اصلاً انا بخرب بيتك انت وفاطمة وبيت كل المسلمين ادعيلي بالتوفيق .
    الشاب : توفيق ايه , قولي هنعمل ايه برقم البت دي ؟ انا عمّال ادور عليه اهو ..
    الشيطان : نعمل ايه ؟ دي عايزة سؤال يا بطل ؟ طبعا هنظبتها رسايل من إياها تخدش حياءها ,
    وبعدها رسايل رعب وتهديد , ومعاكسات ف نص الليل
    واتصالات وووووو
    دانا مفقوووووووووع منها سيبهالي انت بس واسمع كلامي ف كل كلمة هقولك عليها , ها لاقيت النمرة ؟
    الشاب : بدور اهو مش عارف راحت فين دي ؟ مع اني مسجلها بايدي ؟!!!!!!!!!!
    اووووووووووبس دنا افتكرت للأسف انا كنت عملت حاجة كدة في الموبايل لغت كل النمر اللي علي العدّة نفسها واتصور كانت نمرة البنت دي بس اللي كانت ع العدّة
    يااااااااه سبحان الله ربنا حفظها مني ومنك يا شيطان يا لعين , روح أعوذ بالله منك انا لا يمكن أئذي بنت بتاعة ربنا ومحترمة
    مستحييييييييييييييييل إلعب غيرها يا شيطان .
    الشيطان

    غار في ستين دهية من ذكر الشاب لله وكلامه الجميل علي الأخت المنتقبة

    _مهو الشاب مسلم بالفطرة وجواه الخير لكن للأسف بيجري ورا هواه _
    سبحان الله فعلا علي رأي الشاب _ هداه الله _
    شوفتي يا اخت يا منتقبة ربنا يبحبك ازاااي ؟!!
    شوفتي يا فاطمة ربنا بيحفظ عباده المتقين ازاااااي

    إن الله قال : من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته

    الراوي: أبو هريرة المحدث: البخاري - المصدر: صحيح البخاري - الصفحة أو الرقم: 6502

    خلاصة حكم المحدث: [صحيح]

    المهم فاطمة تروح عليها نومة وملحقتش معاد الدرس ولا حلقة التجويد ,
    _لسه يا فاطمة يتخاف منك برده _
    فتصحي بسررررررعة
    تفتح الموبايل بسرررررررعة
    تلاقي رسالتين ...
    الاولي واردة من الاخت المنتقبة :
    " كدة يافاطمة ؟ مش جيتي , انتي فين يا بنتي ؟ طيب هاتيجي ع الجامعة وهنتقابل؟ , انا في انتظارك ؟ "
    وتزعل فاطمة ......


    وتفتح الرسالة التانية
    واردة من .......... الشاااااب
    وتخاف فاطمة .....
    " ازيك يا فاطمة ؟ افتقدتك جاااامد ارجعي يا فاطمة انا مش قادر
    مش قاااااااااادر بجد , سامحيني علي كل حاجة , بس ارجعيلي ,
    انا عايز اقابلك واحكيلك علي خطوة مهمة في حياتنا هتفرحك, عشان خاطري يا فاطمة , حسي بيّا انا حبيبك مستني منك تليفون او رنة او رسالة او اوفلاين او ايميل او اي حااااااااااجة _ وش تمساح بيعيط _ "


    احم احم
    آآآآآآآآآآآآآآآآه ياني
    تاااااااااني انا كنت ارتحت منك ومن كلامك دا
    بس علي فكرة
    انا كمان افتقدتك جدااااااا ,
    اووووووووبا
    ويوصل إبليس اول ما سمع الكلمة دي من فاطمة
    ويبدأ الشيطان : ايوة كدة يا فوفو
    حرام عليكي يا شيخة وقعتي قلبي
    اينعم الشاب دا زعلني امبارح بس اهو طلع جدع وعمل حاجة تفرحني
    طبعا انتي لازم تروحي المعاد
    فاطمة : معاد الاخت المنتقبة ؟
    الشيطان :الاخت المنتقبة ؟ العفريتة ؟ انا هدلك ع العفاريت برده يا فوفو ؟ انتي اتجننتي ؟ طبعا معاد الشاب حبييك ,
    شوفتي رسالته حنينة ازاي ؟ وكمان جدّ في نفس الوقت وعايز يقولك خطوة مهمة ف حياتكوا _ خطوة ايه دي يخرب بيته ليكون عايز يطلب ايدها بجد تبقي مصيبة _ .
    فاطمة : اممممممممم ومعاد الاخت المنتقبة ؟ دي هتزعل مني اوي
    برده بتسألي إبليس يا فاطمة يا مستحكم انتي ؟؟!
    الشيطان : يادي العفريتة دي قررررررررررفتني , تزعل ولا تتفلق, بصي يا فوفو اعتذريلها باي حاجة
    _يارب تقفد الامل فيكي يارب_ .


    فاطمة للأسف الشديييييييييييد تضعف قدام شيطانها ونفسها الأمّارة بالسوء
    ونفسها اللوّامة
    بتصرررررررررررررررخ
    لالالالالالالا يا فاطمة
    بالله عليكي اوعي تضيعي نفسك
    حراااااااااااااااااااام عليكي
    وقرار التوبة رجعتي عنه ؟؟
    انتي مش فاكرة اللي حصلك من ورا العلاقة المحرمة دي ؟؟
    مش انتي ذقتي حلاوة الطاعة ؟
    وحلاوة بر الوالدين ؟ والإلتزام ؟
    ليــــــــــه يا فاطمة ليــــــــــــــــه ؟

    فاطمة :مهو قال ان في خطوة مهمة هتفرحني .
    دي خطوة هلاكك يا فاطمة صدقيني
    فاطمة : لا طبعا هو بيحبني بدليل الرسالة الجميلة دي , واكيد الخطوة انه هيجي يخطبني من أهلي .
    يخطبك ايه بس يا فاطمة دا بيعلب بيكي

    فاطمة : لالالالالالالا انا هروح اقابله ,
    حرام عليكي يا فاطمة
    فاطمة : هرووووووووووووووووووووووح اقابله انا افتقدته
    جدااااااااااااااا مليش دعوة يا نفسي , سامحنيني وسامحني يارب
    بتقولي يا رب يا فاطمة وانتي جعلتيه أهون الناظرين إليكِ؟؟
    ولا حول ولا قوة إلا بالله



    و إلي اللقاء في الحلقة القادمة إن شاء الله

    و


    " عجبني فيكي لون عينكي "







    فاكهة الحلقة



    والسلام عليكم ورحمة الله وبركاته


    .
    .

  6. #21
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***





    مرحباً بكم من جديد
    والحلقة الثامنة
    من


    بداية قبل ما ندخل في احداث الحلقة
    نريد أن نقف وقفة
    هل ترون أن هذا ما يحدث بالفعل في دهاليز الجامعة ؟
    ولا دا مجرد سرد مسلسل ؟

    فنحن نري العجب العجاب في الحرم الجامعي ...
    حرم؟؟! ..

    فكلمة حرم بريئة منهم ومما يفعلونه داخل هذا الصرح ,

    والله ثم والله ثم والله إن القلب ليحزن وإن العين لتدمع وإنّا لغياب الحياء والعفة والرجولة لمحزونووووووووون .
    ولكن ما العمل ؟
    وما بأيدينا نحن فعله حتي لا نُسأل عن ذلك يوم العرض علي الله ؟؟؟
    وهل الذهاب للجامعة حرام ام حلال ؟
    وهل التعليم للبنت حرام ام حلال في ظل هذه الفتن والإنحرافات ؟
    وما هي المجالات والتخصصات التي تصلح للبنت دراستها والعمل فيها دون أن تختلط بالرجال ؟؟؟؟
    وهل نحن الملتزمين _ نحسب أنفسنا كذلك _نترك الجامعة لتتحول إلي _نأسف في الكلمة _كباريه علني ؟؟

    كل هذه التساؤلات ترددت كثيراً علي ألسن العفيفات التقيّات نحسبهن كذلك

    ..... وبإذن الله سنوافيكم بالأجابات التي تطمئن قلوبكن من شيوخنا الأفاضل , ليس من عند أنفسنا بالطبع
    فنحن ولله الحمد مدّعمين من شيوخ أفاضل ربنا يجازيهم عنّا كل خيـــر .




    نررررررررجع لفاطمة
    و


    وكان عندها معادين في نفس الوقت تختار واحد فيهم
    & معاد الاخت المنتقبة
    & معاد الشاب

    وضعفت تاني رغم كل اللي حصلها قبل كدة بسبب علاقتها المحرمة بالشاب دا ,
    ولكن ........ فاطمة اختاااااااارت معاد الشاب تحت
    تأثير الثلاثة : الشيطان + نفسها الأمّارة بالسوء + مراوغة الشاب


    وتضحي بمعاد الاخت المنتقبة
    وتقرر تروح معاد الشاب ,

    ولا حول ولا قوة إلا بالله
    وتقنع نفسها اللوّامة : دا هو اكيد عرف ان انا واحدة كويسة وبتاعة ربنا وحسّ بقيمتي وقرر يخطبني , اكيـــــــــــــــــــــد .
    ونفسها اللوّامة للاسف مبتردش عليها عشان هي بإصرارها دا خرصتها - كتمتها .

    وتقوم تتوضي وتصلي الصبح قضي
    _ من أول اليوم معصية يا فاطمة وهي
    ضاااااعت صلاة الفجر التي تُشعر الواحد بالبهجة والسرور طول يومه _
    اما نشوفك يومك عامل ازاي يا فاطمة ؟




    وتفتح الدولاب وتفكر هتلبس ايــه ؟
    ومين شريكها في التفكير ؟
    طبعا إبليس نعوذ بالله منه : طبعا يا فوفو هتلبسي الجيبة الضيقة البني مع الفيست البيج وتحته البضي البني عشان تبقي آآآآآآآخر شياكة .
    فاطمة انا هلبس العباية والطرحة الكبيرة طبعا عشان يعرف اني اتغيرت وبقيت محترمة .
    إبليس : يااااادي النيلة مش هنخلص من لهجة الاحترام اللي بقيتي طالعة فيها دي _ اعمل ايه في العفريتة بس ؟؟_ ماشي يا فوفو انتي عارفة ان انا مبفقدش الامل ابداااااا البسي العباية يا سيتي بس الطرحة الطويلة دي لا ع الاقل البسي طرحة قصيرة تبين مفاتنك مش معقول هتروحي تقابلي حبيبيك كدة .
    فاطمة : امممممممم طيب انا هلبس الطرحة دي أقصر شوية والعباية واسعة اهي .

    إبليس : يا مسهل , طيب فين علبة الميكب خوديها معاكي طبعا ف الشنطة , الصراحة وشك باهت اوي من حالتك النفسية الفترة اللي فاتت لازم تنعنشيه كدة انتي عايزاه يقول مريضة دي ولا ايه ! .

    وتجيب فاطمة علبة الميكب من الدولاب عشان تحطها ف الشنطة,
    ولكنها لاقت الشنطة مليانة جداااا مفيش مكان لعلبة الميكب يا إما تشيل حاجة منها
    والشنطة فيها الكشكول والمحفظة والاقلام

    و..........المصحف ,
    هتشيلي ايه يا فاطمة مفيش حاجة ينفع تتشال ؟
    وتفكر ومعاها إبليس : هي دي محتاجة تفكير يا فوفو شيلي المصحف طبعا انتي راحة الجامعة ولا راحة
    كُتّاب؟؟!
    وتقول اه فعلا منا مش بلحق اقري خالص فيه وتشيل فاطمة المصحف وتحط مكانه

    علبة الميكب

    آآآآآآآآآآآآآآآآآآآه
    ياااااااااااااااااااااااا اااااااااااااااااا يا فاطمة
    تتخلي عن هُويتك ؟ تتخلي عن مُصحفك ؟ دا المصحف يتحط في الشنطة
    قبل بطاقتك الشخصية لان دا هُويتك ...ياااااااااااااااااااااا اااا
    جالك قلب يا فاطمة تشيلي المصحف وتحطي مكانه ايه ! وسيلة لمعصية الله !؟!؟ ياااااااااااا يا فاطمة .

    وتصحّي ماما وتقولها : انا نازلة ..
    ماما : راحة فين ؟ انتي مش قلتي مش راحة الكلية تاني لحد الامتحانات ؟
    فاطمة : اه فعلا قلت يا ماما بس راحة اصوّر ورق مجاميع ومحاضرات واشتري كتاب وجاية علطول .
    _ وبدأت في الكذب تاااااااااااااااااااااني _
    ماما : طيب متتأخريش يا حبييتي عشان أم احمد كانت عايزانا في موضوع وقالت ياريت تكون فاطمة موجودة .
    فاطمة : ام احمد ! عايزاني انا ليه ؟
    ماما : مش عارفة يا بنتي , تعالي بسرعة بقي ماشي !.
    فاطمة : حاضر يا ماما , وغطي بابا كويس وهو نايم , سلام .


    وتوصل الجامعة
    والاخت المنتقبة عمّالة ترن عليها وتتصل وهي متردش ,
    لحد ما وصلت لمكاااااااااااااااااان المقابلة ,
    ولاقت البيه الشاب في انتظارها ...

    وينظر لها نظرة عتاب مع اشتياق مع لوم مع إبليس مع كل حاجة .
    وهي : ازيك عامل ايه ؟
    هو : ازيك ؟! وعامل ايه ؟! عامل كفتة بالقنابل اللي هرميها ف وشك .
    هي : ايه دا ؟ ايه التريقة السخيفة دي ؟
    هو : ايه يا بنتي للدراجادي هونت عليكي ؟ متكلمنيش طوووووووووول الفترة دي وقافلة موبايلك وايميلك وكله , ايه القسوة دي ؟
    هي : لا مش قسوة بص بقي , انا حصلتلي بلاوي من وراك وانت كنت السبب ف كل دا , لازم ننهي العلاقة دي حااااااااااالا .
    هو _ ليلة فل انا عارف اعمل فيك ايه يا إبليس دبستني فيها _ : طيب اهدي بس كدة وقوليلي ايه اللي حصل ؟
    هي : لا مش هقول ومش فايقة اتكلم ف اي حاجة , ياريت تتفضل تقول ع الخطوة اللي قولتلي عليها ف المسدج ؟
    هو _ خطوة ؟ خطوة ايه ؟ لكون دبست نفسي وانا مش واخد بالي _ : امممممممممممممم اه اسكتي مش انا كلمت ماما عنك وقولتها انا عايز اخطبها يا ماما ياريت تكلمي بابا عليها , بس قالتلي يا بني انت لسه مخلصتش استني كام سنة كدة لما تخلص الجامعة بس مفيش مشكلة طالما بتحبوا بعض ممكن نقري الفاتحة او تقراها انت وهي في الكلية وانا موافقة .


    _ الله يهديك ايها المراوغ في كل كلمة قلتها
    اولا : والدته متوفية تمام كدة ؟ يعني
    كذب بشع .
    ثانيا : مفيش حاجة في الإسلام اسمها قراية فاتحة
    والدليل :

    اقتباس:
    وقد سئل الشيخ ابن عثيمين رحمه الله : قراءة الفاتحة عند عقد الزواج حتى قد أصبح البعض يطلق عليها قراءة الفاتحة وليس العقد فيقول : قرأت فاتحتي على فلانة ، هل هذا مشروع ؟

    فأجاب : "هذا ليس بمشروع ، بل هذا بدعة ، وقراءة الفاتحة أو غيرها من السور المعينة لا تقرأ إلا في الأماكن التي شرعها الشرع ، فإن قرئت في غير الأماكن تعبداً فإنها تعتبر من البدع ، وقد رأينا كثيراً من الناس يقرؤون الفاتحة في كل المناسبات حتى إننا سمعنا من يقول : اقرءوا الفاتحة على الميت ، وعلى كذا وعلى كذا ، وهذا كله من الأمور المبتدعة والمنكرة ؛ فالفاتحة وغيرها من السور لا تقرأ في أي حال وفي أي مكان وفي أي زمان إلا إذا كان ذلك مشروعاً بكتاب الله أو بسنة رسوله صلى الله عليه وسلم ، وإلا فهي بدعة ينكر على فاعلها " انتهى .

    "فتاوى نور على الدرب" (10/95) .

    ثالثا : تقراها انت وهي ف الكلية ؟ لا حول ولا قوة إلا بالله _

    هي : اممممممممممم ايه دا مفيش حاجة اسمها نقراها انا وانت هنا ف الكلية مامتك جابت الكلام دا منين ؟
    هو : يا بنتي انتي ازاي مفرحتيش لخبر زي دا ؟
    هي : خبر ايه اصلا ؟ دا اسمه عك اللي بتقوله دا .
    هو : عك ؟! بتسمي حبي ليكي عك ؟ شكرا يا فاطمة شكرا اوي ومع دموع تمساحية .
    هي وإبليس اشتغل : انا مقصدش بس كلامك مش مقنع خالص الصراحة .
    هو : طيب نستني شوية لحد منخلص الجامعة دي فيها ايه ؟ دا الايام بتمر هوا مفيش اسرع منها .
    _ وكله من عمرك يا بن ءادم فهلّا استغليت الايام فيما يُرضي الله قبل فوات الأوان ؟ _
    هي : اممممممممم متردش , وتلاقي التليفون يرررن ,
    من الاخت المنتقبة .
    هو : ميــــن ؟
    هي مش عايزة تقوله : ثواني كدة .
    هو : مين طيب الاول ؟ اوعي تكون البت اللي كلمتيها قبل كدة واحنا قاعدين هنا ؟
    هي : استني بقي.

    لسه هترد عليها
    لاقيتها في وشها
    طبعا مع خجل فظيع منها و مش عارفة تقولها ايه ؟
    الاخت المنتقبة : كان قلبي حاسس للأسف , عامة يا فاطمة انا في المسجد لو احتاجتيني ف حاجة انا موجودة .
    _ ودا من سمات الداعية الناجح انه ميفقدش الأمل في الناس مهماكاااااان وميبغضّهمش من نفسهم ويكرهوا طريق ربنا وعفوه وصفحه عن عباده _

    فاطمة مع احساس بالذنب : ربنا يكرمك يا اختي انا بحبك اوي والله .


    ومشيت الاخت وكلها حزن طبعا ,


    وفاطمة راحت للشاب
    ويقولها : ايه دا هو انتي لسه بتقابليها ؟ تبقي هي السبب بقي ف اللي حصلك قبل كدة دا وبُعدك عني منها لله .
    فاطمة : اسكت خالص دي حبييتي ملكش دعوة بيها خاااااااااااالص انت فاهم ! ومتتكلمش عليها ابداااااااا .
    _ وقلت هنا "فاطمة "وليس "هي " لكلامها الطيب وموقفها الطيب مع الشاب عن الاخت المنتقبة , انما لما بقول" هي " مع عدم ذكر اسمها للنكرة ـ ـ ـ ـ ـ>نكرة ما تقوله وسلبية موقفها واستسلامها _

    هو : حاضر حاضر متتنرفزيش كدة .
    هي : يعني من الاخر الخطوة اللي انت كنت بتقولي عليها دي هي اللي انت قولتها بتاعت ماماتك دي ؟
    هو : الخطوة هي
    اني بحبببببببببببببببك وهفضل احببببببببببببببببببببك
    وبطلي شدة عليا بقي عشان مش قاااااااااااااااادر استحملها منك .
    _ طبعا لازم ينغم الجو _

    هي : دي مش شدة انت المفروض تفرح بيا وتعرف اني بنت محترمة .
    هو : طبعا طبعا انا مقلتش غير كدة ودا اكتر ما بيشدني ليكي .
    هي : مع بصة في الأرض مكسوفة .
    وقالها متيجي نروح الكافتيريا نكل حاجة بقالي كتير مش عزمتك ع حاجة .

    _ ع اي اساس يصرف عليكي ؟ مهو طبعا لازم يبقي عايز المقابل منك .
    ولا حول ولا قوة إلا بالله _

    هي وعايزة تروح للاخت المنتقبة بس الثلاثة مأثرين عليها للأسف : اممممممم طيب ,
    وهي ماشية عمّالة تبص ورا علي المسجد وتبعد عنه .
    هو : ايه يا بنتي انتي عجيبة النهاردة .


    * وكلت
    * وشربت
    * وانبسطت ع الآخر
    * وضحكت
    * ونسيت كل ما مضي
    * ولا راحت للاخت المنتقبة ,
    * ولا صلت طبعا الظهر ولا عصر,
    * ولا صورت مجاميع ولا محاضرات زي ما قالت لماما
    * ولا اشترت كتاب !
    بل اشترت بفلوس الكتاب كارت شحن عشان لما تروح تكلمه
    * ولا جت بدري زي ما ماما وصيتها عشان معاد ام احمد
    فتوصل البيت
    _ طبعا ام احمد جت ومشيت من زماااان _
    ماما ومش طايقة فاطمة : انتي رجعتي تاني لأرف زمان دا ؟ انتي مش كنتي اتعدلتي الفترة اللي فاتت ؟ ايه اللي حصل يا بت انتي ؟ اتأخري ليه كدة ؟
    فاطمة بترد بكل بجاحة: هو في ايه يا ماما بتزعئي اوي ليه كدة ؟
    ماما : مش عارفة بزعيء ليه ؟ بت يا فاطمة اتعدلي احسنلك ؟ ولا انتي مستغلية ان ابوكي تعبان ؟
    فاطمة : ماما بجد في ايه ؟ انا مش فاهمة حاجة ؟
    ماما : ليه انتي شاربة حاجة ولا ايه ؟ هو انا مش قولتلك تعالي بدري عشان ام احمد عايزاكي ؟
    فاطمة : اااااااااااااااااه معلش يا ماما نسيت خالص .
    ماما : نسيتي ؟ مش بقولك شاربة حاجة ؟ وفين بقي المحاضرات والمجاميع اللي صوّرتيها ؟
    فاطمة اووووووووه يا نهاري دانا نسيت الموضوع دا برده وعمّالة تدور ف شنطتها عليهم وتدور مفيييييييييش حاجة .
    ماما : ايه وقعوا ؟ ولا العصفورة خدتهم عشان تذاكر؟
    فاطمة : اظاهر يا ماما اني نسيتهم مع صاحبتي يوووووه هتصل بيها اهو .
    ماما : عارفة يا بت يا فاطمة لو اكتشفت انك بتكذبي يا ويـــــــــــــــــلك مني ؟
    انا لولا ان ابوكي نايم جوا تعبان ومش عايزاه يسمع صوت الزعيء اكتر من كدة كنت اديتك كام قلم ع وشك يعدلوكي .
    يلا غووووووووووووري من وشي .


    وتدخل اوضتها طبعا مغمومة جدااا من اللي حصل دا
    والتليفون يرررررن
    ميـــــن ؟
    نمرة غريبة
    01 ... يتصل بك ...
    وترد فاطمة : ...... محدش يرد عليها ....وبعدين تقول الووووو .....برده محدش يرد .......
    قامت قافلة _ انا ناقصة قرف _ .
    ويررررررررن تاني ....
    وتفتح وتقول الوووووو :
    تسمع صوت اغاني بس .... فتتنرفز وتقول الوووووووووووو
    فتسمع صوت شاب عمّااااااال يضحك بسخرية جداااا ... ويقول فطوم فطوم فطوم علي هيئة لحن
    وقام قافل السكة .



    فاطمة : امممممممممممم ايه دا ؟
    مين اللي عارف رقمي واسمي دا ؟؟

    رغم دا مش صوت الشاب إياه

    يا تري ميـــــن ؟
    ويا تري عارف اسمها ورقمها منين ؟
    ويا تري ام احمد كانت عايزة فاطمة ف ايه ؟
    ويا تري ايه اللي هيحصل بعد كدة ؟؟؟

    هذا ما سنعرفه في الحلقة القادمة بإذن الله تعالي
    و




    والي اللقاء في القادمة إن شاء الله



    &&فاكهة الحلقة&&

    * الى متى الغفلة .
    * خطوات الشيطان وكيفية التحرز من وساوسه


    والسلام عليكم ورحمة الله وبركاته



  7. #22
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    السلام عليكم ورحمة الله وبركاته

    مرحبا بكم من جديد مع

    الحلقة التاسعة

    من :

    ومع اختكم ..... نقول اسمها ولا زعلانين منها !
    طبعا زعلانين

    بس هنقول اسمها ونفكرها به
    " فاطمة "
    يا حفيدة فاطمة الزهراء رضي الله عنها
    فاااااااااااااااطمة
    انظرى يا فاطمة لرمز العفاف و الحياء
    انظــرى
    لحياء فاطمة رضى الله عنها و ارضاها
    عفاف و حياء حتى الممات
    لما مرضت «فاطمة الزهراء» رضي الله عنها مرض الموت الذي توفيت فيه، دخلت عليها «أسماء بنت عميس» رضي الله عنها تعودها وتزورها فقالت «فاطمة» لـ «اسماء» والله إني لأستحي أن أخرج غدا (أي إذا مت) على الرجال جسمي من خلال هذا النعش!!
    وكانت النعوش آنذاك عبارة عن خشبة مصفحة يوضع عليها الميت ثم يطرح على الجثة ثوب ولكنه كان يصف حجم الجسم، فقالت لها «اسماء» أو لا نصنع لك شيئاً رأيته في الحبشة؟!
    فصنعت لها النعش المغطى من جوانبه بما يشبه الصندوق ودعت بجرائد رطبة فحنتها ثم طرحت على النعش ثوباً فضفاضا واسعا فكان لا يصف!فلما رأته «فاطمة» فالت لـ «اسماء»: سترك الله كما سترتني!!
    فما أعظم السيدة فاطمة رضى الله عنها
    شديدة الحياء حتى انها تخشى على عفتها
    و تحافظ على حيائها حتى بعد موتها



    أين الحياااااااااااااء يا فاطمة يا بنت الإسلام
    ويا بنات ونساء المسلمين جميعاً
    أين ذهب ؟
    ألا نستحى من الله ؟؟؟!!
    ألا نعلم ان الله يراقبنا فى كل أحوالنا؟؟؟!!!
    ألم نسمع قول رسول الله صلى الله عليه و سلم

    (إذا لم تستح فاصنع ما شئت) ؟؟؟!!!

    ( رواه البخاري).
    ولا حول ولا قوة إلا بالله




    كنا توقفنا عند استغراب فاطمة من الاتصال المجهول بها من شاب يعرف رقمها واسمها يا تري من مين ؟
    وفاطمة هتجنن

    مين اللي عارف رقمي واسمي دا ؟
    انا معرفش اي حد غير الشاب اياه
    انا هتصل بيه كدة واشوف ايه الموضوع ؟
    او الاول اتصل بالرقم اللي اتصل بيا دا واشوف الشاب دا عرفني منين ؟
    وتجيب التليفون وتتصل والشاب دا يرد :
    الشاب : الو
    فاطمة : السلام عليكم
    الشاب بطريقة ساخرة : وعليكم السلام ازيك يا فطوم ؟
    فاطمة : انت مين؟ وعرفت رقمي واسمي منين ؟
    الشاب : انا مين انا الملامين هههههههههه
    فاطمة : يعني مش عايز تقول انت مين طيب انا هعرف ...
    الشاب : انا صاحب فلان اصل فلان خلاني اعملك اختبار واشوفك هتكلميني ولا لأ بس طلعتي جدعة .
    فاطمة : امممممممم فلان؟ هو اللي قالك تعمل كدة ؟؟
    الشاب : اه فلان عادي يعني لموأخذة يعني بيشوفك بت من اياهم ولا لأ بس انا هطمنه انك مية مية وزي الفل
    وملكيش ف المشي البطّال ليكي بس في المشي في الجامعة , بس كان شكلك يصعب ع الواحد اوي وانت ماشية ورا الظابط هههههههههه

    فاطمة مصدومة من موقفه وقفلت السكة
    وتكلم نفسها :ازاي يعمل حاجة زي كدة ؟
    اززززززززززززززاي ؟

    وتلاقي رسالة اتعبتت من نفس الولد صاحب الشاب :
    (( علي فكرة يا فاطمة هو حس معاكي بحنان الأم خاصة ان أمه متوفية وهو صغير , فمتزعليش منه ابدااااا وخليكي مطيعة جدااا له عشان يحبك اكثر واكثر ))
    وخلصت الرسالة ...
    وفاطمة هتجنن اكثر :
    أمه متوفية ؟؟ ازاي وهو لسه مكلمها عني !
    وقالتله اخطبها ؟!!!!!
    يا كذااااااااااااااااااااااا ااااااب !!!!!!!!!!

    ربنا بعتلي صاحبك عشان يكشف كذبك قدامي

    والشاب عرف من صاحبه انه بوظ الدنيا ونسي وقالها ان أمه متوفية فاتصل بسرعة يصلح الموقف والتليفون يرررن :
    فاطمة فتحت السكة بس مش بتتكلم
    فالشاب حاسس بحالتها : ايه يا جميل مش عايز ترد عليا ليه ؟
    فاطمة في حالة انهيار : يا كذااااااااااااااااااااااا اااااب

    الشاب _ الله يخرب بيتك يا فلان يقصد صاحبه _ : ايه يا فاطمة بس ايه اللي حصل ؟
    فاطمة : وليك عين تسأل ببجاحة كمان ؟
    الشاب : طيب فهميني , كل دا عشان حبيت اطمن علي خطيبتي المستقبلية ,فعملت عليكي تمثيلية صاحبي دي !!
    فاطمة : ياريت ع كدة وبس , وقالي ان مامتك متوفية مش عايشة وقالتلك انا موافقة ع الخطوبة زي ما قولتلي يا كذااااااااااااب

    الشاب :اااااه ع كدة يعني , بصي يا فاطمة انا كنت بحب أمي اوي فانا بحب اجيب سيرتها كل شوية مع الناس اللي بحبها .
    فاطمة : تجيب سيرتها ؟! انت هتكذب تاني ! بص بقي الحركات بتاعتك دي انا فهمتها كويس اوي وزهئت منك جدااااااااااا ومعتش قادرة استحمل اي مصايب تحصل من وراك .
    الشاب خرج عن اعصابه : يعني انا اللي قادر استحملك ؟
    فاطمة : ايه ؟ بتقول ايه ؟
    الشاب رجع تاني لحالته : يا فاطمة انا مبقدرش استحمل اسلوبك القاسي اوي دا عليا .
    فاطمة : مع السلامة .


    طبعا فاطمة في حالة نفسية سيئة جداااااااا
    و تكلم نفسها واتضح لها بالفعل انه شاب سيء وكذاب
    ولكن....
    انا متعلقة به ومقدرش ابطّل تفكير فيه .....
    وتبص في النتيجة تلاقي الوقت بيجري صواريخ
    والامتحانات خلااااااااص باقي عليها اسبوع
    وطبعا فاطمة متعرفش اي حاجة ,
    فاطمة اللي كانت من الأوائل في الثانوية العامة
    لكنها للاسف مشيت في طريق البعد عن الله
    مشيت في طريق المعاصي
    وما زالت تمشي فيه رغم كلكعة الطريق وكثرة المطبّات التي به مُصرة تمشي فيه .

    {وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ }آل عمران135
    وفاطمة :يا نهااااااااااااااري هعمل ايه ؟
    وهذاكر امتي ؟

    تسمع صوت آآآآآآآهات بابا من التعب
    فتنتبه وتقول بابا حبيبي وتقوم جرررررررررررررري تشوفه
    _ ماما كانت تحت بتشتري لوازم البيت _

    وتدخل فاطمة علي بابا : بابا حبيبي مالك حاسس بايه ؟
    بابا مش قادر يتكلم : فاطمة انتي مش مريحاني يا بنتي - فاطمة طبعا مفكرة ان محدش واخد باله من حاجة- انا زعلان منك اوي .
    فاطمة : ليه بس يا بابا يا حبيبي ؟
    بابا : عشان انتي مبقتيش تحبي بابا زي زمان ومش بشوفك خالص ولا بتيجي تقعدي معايا
    فاطمة بالدموع
    علي حال بابا :
    لا طبعا يا بابا انا بحبك جداااااا

    انا مقصرة في حقك انا عارفة سامحني يا بابا .
    بابا : وكمان مزعلة امك علطول ليه ؟ بسمع صوتها دايما وهي بتزعئلك ؟
    فاطمة : ماما ! هي بس ماما بقت عصبية شوية اليومين دول
    , مش عايز حاجة يا بابا اعملهالك ؟
    بابا : خلي بالك من نفسك يا فاطمة ومن مذاكرتك انا مش بسمعك بتذاكري خالص يا بنتي الامتحانات خلاص اهي صح ؟ .
    فاطمة : اه يا بابا حاضر هذاكر كويس

    فــ ماما توصل البيت وتلاقي فاطمة خارجة من اوضة بابا وتقولها بخضة: ابوكي ماله ؟
    فاطمة : هو كويس يا ماما الحمد لله انا كنت بطمن عليه بس
    ماما : والله ؟ عجيبة دي
    فاطمة : يا ماما عشان خاطري بلاش اللهجة دي انا مش مستحملة .
    ماما : ليه خير مالك يا هانم ؟
    فاطمة : مليش يا ماما .
    ماما : طيب واخبار المذاكرة ايه ؟ الامتحانات الاسبوع الجاي خلاص وانا مبشوفكيش بتذاكري خالص .
    فاطمة : الحمد لله بذاكر وهشد اكثر إن شاء الله اليومين دول
    ماما : ربنا معاكي ويوفقك مع اني زعلانة منك ومن حركاتك اللي مش واضحة .
    فاطمة : حركات ايه بس يا ماما , منا كويسة اهو .
    ماما : طيب , يعني مسألتنيش ام احمد كانت عايزة ايه ؟
    فاطمة : اه صح كل اما افتكر اسألك انسي , هي كانت عايزة ايه ؟
    ماما : كانت طالبة ايدك لاحمد ابنها .. ايه رأيك بقي ؟ اظن خبر رائع .
    فاطمة : امممممممممم ايه ؟ احمد ؟

    ماما : ايه مالك استغربتي اوي ليه كدة ؟
    دا ولد زي الفل ومتدين ومحترم ورجل بمعني الكلمة ومستوي كمان انا كنت معترضة شوية عشان لحيته دي بس مش مشكلة طبعا , دانا فرحت جدااا لما ام احمد قالتلي .

    فاطمة : يا ماما انا مبفكرش ف الخطوبة دلوقت خالص - والاخت فاطمة طبعا بتكذب -,لما اخلص دراستي .
    ماما : ايه الكلام دا ! دانتي اللي قدك بيتجوزوا , وبعدين انتي ممكن تتخطبي عادي وانتي ف الدراسة .
    فاطمة : يا ماما لا مش هينفع مش عايزة انا كدة خالص بقي .
    ماما : ايه الجنان دا ؟ انا مش فاهماكي خالص يا بت انتي هو احمد دا يترفض ؟
    فاطمة : لا يا ماما ولا احمد ولا غيره , انا مبفكرش خالص في المواضيع دي دلوقت -
    شغااااااااالة كذب, وده طبيعي لاي حد بيعمل حاجة غلط ومخبيها عن عيون الناس - وياريت تقولي لام احمد بقي انا رافضة .

    ماما في استعجاب وحسرة من بنتها : طيب امشي يلا من قدامي .

    فاطمة ودماغها بتفكر في الف حاجة ولكن الشيطان مسيطر عليها ومخليها تتمسك بالسراب الحرام الضائع _ مشيها مع هذا الشاب في الحرام _ وترفض الحلال المضمون بمشيئة الله _ رفضها لأحمد الشاب المتدين _ .

    وللاسف بدئت فاطمة في التخطيط السيء واستغلت موضوع احمد دا كوبري لتهديد الشاب اياه لو اتقدمش لها رسمي
    وتبعتله رسالة تهديد
    وتقوله ان خلاص علاقتنا هتنتهي وانا ومتقدملي عريس ممتاز .

    ويحاول هو يتصل كتير بيها

    ولكنها مش بترد عليه

    فبعت لها رسالة : يعني ايه يا فاطمة اللي بتعمليه دا ؟ عايزة تفهميني انك هضيعي مني ؟ مستحيـــــــــــــــــــل انتي فاهمة مستحيـــــــــــــــل ,

    فتسعدها الرسالة اوي وتقول خطتي نفعت واكيد هيجي يخطبني

    ويحاول يتصل تاني ....متردش

    ويتصل تالت ....... متردش برده

    ويتصل رابع .....متردش

    ويبعت رسالة تاني :
    " فاطمة لا مينفعش كدة , انتي فاكرة اني هسيبك كدة ؟ يبقي بتحلمي هعرف اوصلك ,لو مقابلتنيش بعد الامتحان الاول ف نفس مكانا بجد صدقيني مش هسكت "


    فاطمة خافت من تهديده وف نفس الوقت فرحت ان خطتها نفعت .

    ويمر الاسبوع طيرااااااان
    وخلاص بكرة الامتحان الاول
    ورايحة الامتحان وبالبركة كدة
    وتسلم ع ماما وبابا وتنزل بزيها القديم المتمثل في ( لبس ضيق وعليه طرحة قصيرة )


    وهي نازلة ع السلم مين يشوفها ؟؟؟؟


    أحمد


    فبيصلها كدة بصة استغرااااب واستنكار ويكلم نفسه
    هي دي اللي ماما بتقولي اخطبها
    ؟؟؟؟
    وهي تبصله بصة رد علي بصته معناها
    " اه انا كدة ومش موافقة عليك "


    وتوصل الامتحان وتقريبا قدمت الورقة بيضااااااا ومش مصدقة انها هي دي فاطمة الشاطرة اللي كانت بتخرج مقفلة الورقة بالاجابات الصحيحة .......وطبعا حالتها النفسية سيئة جداااااااا

    والشاب طبعا عمال يرن ويرن ويتصل بيها فراحت تقابله ولا حول ولا قوة إلا بالله بعد كووووووووووول دا

    ولقاها جاية فرح وبنفس زييها القديم فرح اكثر
    هو : اهلا يا هاااااااااانم ياللي معذباني معاكي
    هي : اهلا
    هو : عملتي ايه ف الامتحان الاول ؟
    هي :اه ربنا يستر , وانت ؟
    هو : ربنا يستر برده
    هو : ايه بقي اللي انتي قولتيه دا واللي بتعمليه دا كله؟
    هي : ايه في عريس كويس جداااا متقدملي
    وانا موافقة - بطلي كذب بقي يا فاطمة حرام عليكِ - .

    هو : بجد ؟ وبتقوليها في وشي كمان ؟ دا ع اساس اني هسكتلك او اسيبك كدة يعني !
    هي : هتعمل ايه يعني ؟
    هو : لا من ناحية اعمل ايه فالعمايل كتير .
    هي : زي ايه يعني هتيجي تخطبني يعني ؟ _ يا عيني عليكي يا فاطمة وعلي عبطك _
    هو : ايه؟؟ اه اه طبعا هخطبك امال انتي فاكرة ايه !
    هي : اه بامارة امك اللي متوفية .
    هو وعايز يغير الموضوع بطريقة مقنعة : لالا مبحبش سيرة أمي دي كتير لو سمحتي , وبعدين بقي انتي ناوية ع ايه ؟
    هي : انت اللي ناوي ع ايه ؟ تقدر تقولي انا لو رفضت هقول لماما ايه ؟
    هو : يا ستي قوليلها اي سبب دلوقت لحد مكوّن نفسي السنة دي وخلاص إن شاء الله .
    هي وعايزة تفرحه وتفرح الشيطان : منا عملت كدة يا استاذ .
    هو : ايوة كدة يا استاذة , تعجبيني اوووووي .
    طيب بعد اما طمنتيني كدة تعالي ع الكفيتريا نكل حلاوة فرحتنا
    _ كُلي يا فاطمة حلاوة تعاستك في الدنيا والآخرة _



    هو : هاتي كدة موبايلك اجيب اغنية
    هي : اصلي مسحت كل الاغاني اللي كانت عندي
    هو : ايه ؟ طيب هاتيه انقلك شوية اغاني من عندي
    معايا اغاني جديدة لانج .


    هي مع استسلام تااااااااام للاسف اعطته الموبايل

    وهو خد موبايلها وكان هدفه مش يحطلها اغاني وبس
    لا
    في هدف اساسي ....


    وهو ..



    انه ياخد نمرة تليفون الاخت المنتقبة


    ولكن نيته هذه المرة ليست سيئة

    وهنعرف نيته الحقيقية فيما بعد بإذن الله

    وبالفعل اخذ النمرة


    وبعتلها الأغاني عبر عنكبوت الموبايل "البلوتوث "

    وفاطمة بتسمع واستسلام تاااااااااااااام
    ولا حول ولا قوة إلا بالله
    وماما بتتصل بفاطمة عشان تتطمن عليها في الامتحان
    وترد فاطمة وتطمئن ماما
    _ وهي مِسلِّمة الورقة بيضة اصلا _
    فاطمة كل مادي ما بنتزل من نظر الشاب شيئاً فشيئاَ
    وهو شايفها بتكذب دايما
    وبتتخلي عن مبادئها
    ن دينها



    وتتوالي الامتحانات وطبعا فاطمة حزينة علي نفسها وعلي مستواها المنحدر في كل شيء ,

    وخايفة من مواجهة ماما وبابا ساعة النتيجة لانها متأكدة انها ساقطة بالثلث ولكنها بتقنع نفسها بغير ذلك ..

    وخلصت الامتحانات
    وطبعا علاقتها مستمرة مع الشاب دا
    واي تليفون من الاخت المنقبة بها بتقفل الموبايل علطول
    ومن مواصلة الاخت المنتقبة جزاها الله خيراً للاتصال بها
    فتهزق منها
    _ رغم انها نفسها تكلمها ولكن شيطانها يمنعها والشاب _

    فيقترح عليها الشاب تغيير الخط
    عشان تخلص من الاخت المنتقبة
    فيعجبها الاقتراح طبعا وتنفذه ع الفور
    وتبقي نمرة الاخت المنتقبة مع ذلك الشاب
    ويمر 3 اسابيع علي هذا الحال

    وتظهر النتيجة .........

    وماما وبابا منتظرين النتيجة بفارغ الصبر

    يا تري يا فاطمة هتفرحيهم ولا هتقطمي وسطُهم وتتعسهم ؟!

    يا تري يا فاطمة اخرتها ايه معاكي ؟

    يا تري الشاب اياه ناوي معاكي ع ايه ؟
    يا تري الشاب دا هيعمل ايه بنمرة الاخت المنتقبة ؟!


    طيب احمد موقفه ايه من فاطمة والعكس ؟!

    كل هذا سنتناوله في الحلقة القدامة بإذن الله تعالي




    فاكهة الحلقة

    * المرأة المتميزة



    *الصبر على الفتن لـلشيخ : محمد العريفي

    انتظـــــــــــــــــــــ ـرونا

    في الحلقة العاشــــــــــــــرة

    و


  8. #23
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***




    مرحبا بكم من جديد
    مع " الحلقة العاشرة "من :




    مع فاطمة


    ومع ظهور النتيجة
    وفاطمة مرعووووبة
    وتفتكر حلها السيء جدااا في الامتحانات

    وتفتح النت
    وتدخل رقم جلوسها
    والصفحة بتفتح
    ومغمضة عينيها
    وتلااااااااااااااقي الحسرة

    التقدير العام
    -----> ض . ج ----->ضعيف جدا

    " باق للإعادة "

    ايــــــه ؟!

    ساقطة ؟؟؟؟؟
    وتنهمر حبيبة قصدي فاطمة في



    _ فاكرين حبيبة ؟ لما فرحتنا بالامتياز ؟ _


    وتعيط فاطمة ومنهاااااااااااارة في
    وماما تدخل ع فاطمة وتقولها ها يا فاطمة طمنيني يا بنتي
    نفسي نفرح والسعادة والفرح يدخلوا بيتنا
    وابوكي العيان دا يستعيد صحته بفرحتنا بيكي
    ها يا بنتي ؟
    فاطمة انتي بتعيطي ؟


    وفاطمة تبص لماما بكل حسرة وندم وعين بتبكي بدل الدموع دم ..........
    ومش قادرة تنطق ولا تتكلم



    ماما : فاطمة ! في ايه ؟! جبتي النتيجة ؟
    فاطمة : بتهز دماغها بأه

    ماما : ايه مجبتيش تقدير ؟ مش مشكلة المهم تنجحي .



    وفاطمة تزززززززززززززيد في العيااااااااااااااط


    وماما تتجه ناحية الكمبيوتر
    وتلاقي صفحة النتيجة موجودة ومكتوب اسم فاطمة وتحته التقدير العام
    وماما بتقري كلمة ( ضعيف جدا ) وكلمة ( باق للإعادة ) كأنها زي السيف ع قلبها


    وتبص لفاطمة ومش عارفة تقول ايه ولا تعمل ايه
    وتمسك فاطمة ماسكة قوية وتهزها وتقول لها:
    هو دا اخرة تعبي فيكي ؟
    هو دا اخرة صبري عليكي ؟
    تسقطي يا فاااااااااااااااااااااااا ااااااطمة ؟؟؟؟؟؟؟؟؟؟؟؟؟؟
    ليه يا فاطمة حرااااااااااااااام عليكي ليــــه !!
    دنا كنت شايلاكي علي كفوف الراحة عشان تذاكري !!
    دانا كنت شايلة البيت كله وابوكي تعبان نايم في السرير وكل الحمل علي دماغي انا !!
    دانا مكنتش برضي اخليكي تعملي قشاية معايا في البيت عشان عارفة انك بتذاكري وبتروحي جامعتك !!
    ومكنتش برضي ازعلك ابدااا واعاقبك ع اسلوبك السيء معايا دايما وعلي تصرفاتك الغريبة عشان عارفة انك بتذاكري
    وقلت اتحامل انا علي نفسي عشان هي بتذاكر
    وفي الاخررررررررررررررررررررر ررر تسقطي يا فاطمة ؟
    آآآآآآآآآآآآآآآآآآآآآآآآآ آآآآآآآآآآآآآآآآآآآآآآآآه
    ياااااااااااااااااااااااا اااااااااااااااااااااارب
    اجرني في مصيبتي في بنتي يااااااااااااااااااااارب




    وماما يًغمي عليها من
    العياط والحسرة
    وطبعا فاطمة تكاد تدخل في حالة انهيار عصبي
    وتصرخ فاطمة : ماماااااااااااااااااااااا ااااااااااااااااااااا
    ردي عليااااااااااا
    وتجري جري ع المطبخ تجيب مية وتحاول تفوّق ماما
    وماما مش بترد ...
    ياااااااااااااااااااااارب استر
    يارب خدني انا وماما لا
    يارب انا اللي استاهل اموت

    يارب انا عصيتك كتير اوي وانت بعتلي رسايل وانا مفوقتش
    يارب انا حقيييييييييييييييييييرة اوووووووووووي
    يارب اشفي امي
    يارب انا بحبها اووووي يارب قومهالي بالسلامة
    يارب انتقم مني انا واشفيها هي
    ياااااااااااااااااااااااا ااارب



    وماما تتحرك ولسانها يردد :
    ليه كدة يا فاطمة كسرتي قلبي ؟ ليه يا بنتي؟

    وفاطمة تسمعها بكل حسرة

    الحمد لله انك فوقتي يا ماما
    وتقوم وتسيبها نايمة

    وتقرر فاطمة تخرج من البيت دلوقت


    وطبعا دا قرارشيطاني
    منك يا فاطمة



    في حد يسيب البيت في وهو في الحالة دي ؟
    وكمان هتروحي فين وانتي بنت ؟؟؟؟؟



    وتمشي في الشارع
    تكلم نفسها
    يارب انا عايشة ليه ؟
    انا ايه لازمتي ؟
    انا مليش اي لازمة
    انا بعصيك وبس
    انا بجرح في الناس اللي حواليا بس
    انا كسرت فرحة ماما وكانت هتموت بسببي
    وبابا دا لما هيعرف ممكن يحصله حاجة فعلا
    وانا ازاي اسقط بعد اما كنت من المتفوقين دايما


    الشيطان
    : طيب ما تنتحري يا بنتي وريحي الناس منك وانتي تستريحي , ارمي نفسك تحت العربية واخلصي , انا بنصحك بس انتي عارفة ان انا فاعل خير دايما _ نعوذ بالله منه _.
    فاطمة : أعوذ بالله منك يا شيطان عمري ما اموت على المعصية دي.
    _شفت يا بني ءادم إغواء الشيطان وصل لفين ؟؟؟؟؟؟؟؟
    الكفر والعياذ بالله _

    اقتباس:
    الانتحار كبيرة من كبائر الذنوب ، وفاعلها متوعد بالخلود في نار جهنم أبداً ، ويعذبه الله تعالى بالوسيلة التي انتحر بها ، فعن أبي هريرة رضي الله عنه عن النبي صلى الله عليه وسلم قال : ( مَن تردى من جبل فقتل نفسه فهو في نار جهنم يتردى فيه خالداً مخلداً فيها أبداً ، ومَن تحسَّى سمّاً فقتل نفسه فسمُّه في يده يتحساه في نار جهنم خالداً مخلداً فيها أبداً ، ومَن قتل نفسه بحديدة فحديدته في يده يجأ بها [أي يطعن] في بطنه في نار جهنم خالداً مخلداً فيها أبداً ) رواه البخاري (5442) ومسلم (109) .
    وعن ثابت بن الضحاك رضي الله عنه أن رسول الله صلى الله عليه وسلم قال : ( مَن قتل نفسه بشيء في الدنيا عذب به يوم القيامة ) رواه البخاري ( 5700 ) ومسلم ( 110 ) .
    وعن جندب بن عبد الله رضي الله عنه قال : قال رسول الله صلى الله عليه وسلم : ( كان فيمن كان قبلكم رجل به جرح فجزع فأخذ سكيناً فحز بها يده فما رقأ الدم حتى مات . قال الله تعالى : بادرني عبدي بنفسه حرمت عليه الجنة ) رواه البخاري ( 3276 ) ومسلم ( 113 ).
    فعلى المؤمن أن يتصبر ويستعين بالله تعالى ، ويعلم أن كل شدة تصيبه في الدنيا ـ مهما كانت شديدة ـ فإن عذاب الآخرة أشد منها ، ولا يصح عند أحد من العقلاء ، أن يستجير الإنسان من الرمضاء بالنار ، فكيف يفر من ضيق وشدة مؤقتة ـ لابد لها من نهاية ـ إلى عذاب دائم لا نهاية له .
    وليتأمل المسلم أنه ليس هو الوحيد في الدنيا الذي يصيبه البلاء والشدة ، فقد أصاب البلاء سادات البشر وهم الأنبياء والرسل والصالحون ، وأصاب أيضاً شر البشر وهم الكافرون والملحدون .
    فالبلاء سنة كونية ، لا يكاد يسلم منها أحد .
    فإذا أحسن المؤمن التعامل معها ، فصبر ، وجعل ذلك سبباً لرجوعه إلى الله واجتهاده في العبادات والأعمال الصالحة ، كان البلاء خيراً له ، وكان مكفراً لذنوبه ، حتى لعله يلقى الله تعالى وليس عليه خطيئة .
    فقد قال صلى الله عليه وسلم : ( مَا يُصِيبُ الْمُسْلِمَ مِنْ نَصَبٍ وَلَا وَصَبٍ وَلَا هَمٍّ وَلَا حُزْنٍ وَلَا أَذًى وَلَا غَمٍّ حَتَّى الشَّوْكَةِ يُشَاكُهَا إِلَّا كَفَّرَ اللَّهُ بِهَا مِنْ خَطَايَاهُ ) رواه البخاري (5642) ومسلم (2573) .
    وروى الترمذي (2399) عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَا يَزَالُ الْبَلَاءُ بِالْمُؤْمِنِ وَالْمُؤْمِنَةِ فِي نَفْسِهِ وَوَلَدِهِ وَمَالِهِ حَتَّى يَلْقَى اللَّهَ وَمَا عَلَيْهِ خَطِيئَةٌ ) صححه الألباني في سلسلة الأحاديث الصحيحة (2280) .


    وتمشي في الشارع تبكي
    نفسي اترمي في حضن حد يحس بيا




    وتفتكر مين ؟؟؟؟

    الأخت المنتقبة

    وتجيب الموبايل وتدور ع نمرتها ؟؟؟؟
    وتفتكر انها غيرت الخط ومش معاها نمرتها

    يوووووووووووووو

    يــــــــــاربي
    ياريتني مسمعت كلامك يا وش المصايب انت
    بس انا فاكرة اني كنت ادتيله نمرة الاخت


    وتجيب سيرته وتلاقيه بيتصل بيها
    وطبعا مش طايقاه
    ولكن قالت انا هرد لسببين :
    * عايزة تعرف عمل ايه في النتيجة .
    * وعايزة نمرة الاخت المنتقبة



    وتقول : السلام عليكم
    هو : وعليكم السلام , اخبارك ايه .؟ عملتي ايه في النتيجة طمنيني ؟
    هي : .............الحمد لله علي كل حال
    هو : الحمد لله طبعا بس تقصدي انه حال بالظبط ؟
    هي : مقلتلك الحمد لله بقي , سقطت استريحت بقي
    هو : اوووه بجد , معلش يا بنتي تعوضيها السنة الجاية إن شاء الله .
    _ وتستغرب فاطمة من طريقة مواساته كأنه هو بقي المتفوق الناجح _
    هي : وانت عملت ايه ؟
    هو وبكل فخر : الحمد لله صاااااااافي
    هي مع صدددددددددددددمة : ايه ؟؟؟؟
    انت بتتكلم جد ولا بتهزر ؟

    هو : اه يا فاطمة انتي عايزاني اسقطت ولا ايه ؟
    هي وكل الحسرة تملئها : يااااااا وكنت بتسيبني انا اللي ضايعة بسببك ولا بذاكر وبضيع كل حاجة جميلة في
    حياتي عشانك ....
    هو : ايه يا فاطمة انتي بتلوميني عشان نجحت ولا ايه دا بدل متباركيلي ؟
    هي وتعرف انه مش حاسس بيها ابداااااااا وانه .......: لو سمحت عايزة نمرة الاخت المنتقبة اللي انا
    اديتهالك قبل كدة
    هو : اه صح هو انتي بتقابليها ؟
    هي : بتسأل ليه ؟
    هو : امممممممم عادي بسأل عايز اعرف .
    هي : لا بقالي كتير مش بقابلها ها كام النمرة .
    هو : خدي اهي 01
    هي : بس غريبة يعني ان النمرة لسه معاك مش عوايدك انك بتحتفظ بالنمر اللي ملهاش لازمة

    هو : اممممممم عادي يعني نسيت امسحها .
    هي : طيب سلام

    وتتصل بيها مش بترد
    فتبعت لها رسالة :
    " انا فاطمة يا اختي الحبيبة , سامحيني , نفسي اتكلم معاكي اوي متتخيليش انا حالتي عاملة ازاي , محتاجالك اوي يا اختي اكتر من اي وقت تاني , ياريت تكلميني ع النمرة دي "


    وبعدها تتصل بماما تطمن عليها وتشوف احوال البيت
    ومحدش يرد
    فتقلق فاطمة
    وتروح جررري علي البيت


    وهي طالعة ع السلم تسمع كلام عجيب من الجيران زي :
    - شوفوا يختي البت !...
    وليها عين تظهر بعد ما اتفضحت

    - يا خسارة تعب امها فيها
    - ابوها عيان فتمشي هي علي حلّ شعرها مع الشباب اخصصصصص
    - ادي بنات اخر زمن
    .
    .
    .
    .
    وفاطمة تلاقي الكلام عليها
    وطالعة سلّمة سلّمة وفي صدمة بشعة
    _ اكيد انتوا متخيلنها معايا طبعا _
    وتلاقي ام احمد نازلة من ع السلم
    وتبصلها بصة من فوق لتحت وتنزل



    وفاطمة في صدمة عصبية من كل اللي بيحصل
    هو في ايه ؟
    والناس دول بيقولوا ليه كدة ؟
    وهم عرفوا منين اني علي علاقة بشاب ؟
    وقبل ما توصل البيت
    تلاقي اخوها الصغير ( عليّ ) كان نازل يشتري دوا من الصيدلية ويشوفها
    وتقوله هو في ايه يا علي ؟
    علي : في ان انك اتفضحتي في كل حتة يا فاطمة
    انا اول مرة اسمع عنك حاجة وحشة كدة
    انا زعلان اوي
    فاطمة : اتفضحت في ايه قولي ؟؟؟؟؟؟؟؟؟؟؟؟؟؟
    علي : في ناس من الجيران شافوكي وانتي ماشية مع ولد في الجامعة وقالوا لكل الناس في العمارة وبقت سيرتك ع كل لسان .


    فاطمة : ايييييييييييييييييييه ؟

    طيب ماما وبابا عرفوا ؟

    علي : ماما بس هي اللي عرفت انما بابا نايم وتعبان اوي وماما حالتها صعبة جدا .



    فاطمة طلعت البيت وماما قاعدة ع الكرسي اللي جمب باب الشقة وكانت سامعة حوراها مع علي


    وتدخل فاطمة
    وماما تمسكها من ايديها وتجرّها لمكان بعيد عن اوضة بابا




    وتراااااااااااااااااااااا خ اقلام ع وشها وضرب وووووووو
    _ طبعا انتوا مقدّرين حالة ماما
    سقوط +
    سُمعة بنتها ع كل لسان

    وفاطمة .......استسلام تااااااااااااااااام
    وكأنها ميتة لا تحس ولا تشعر ولا تبكي .
    وماما تقولها بكل حسرة : انتي خلاص مبقاش عندك احساس , ايه اللي انتي بتعمليه دا يا بت انتي , هو انتي مفيش حد عارف يحكمك ,
    انا مش عارفة اقول ايه ولا اودّي وشي من الناس ازاي !
    يعني سقطتي ...
    وكمان علي علاقة بولد ... وسيرتك ع كل لسان ..
    يا تري كنتي بتعملي ايه معاه لدرجة الناس كلها بتتكلم عليكي وعلي وقاحتك كدة ..!
    واكيد بقي طول الوقت كنتي معاه هو مش في الجامعة ..
    اكيد دا الولد اللي كان بيتصل بيكي في نص الليل وانا حذرتك منه وانتي وعدتيني انك مش هتكلميه تاني انما بنتي اكبر كذابة !


    آآآآآآآآآآه
    دي اخرة تربيتي !
    دي ثمرة فؤادي اللي كانت هي مصدر فرحتي وسعادتي وعزتي !
    دي اللي انا كنت بتباهي بيها قدام الناس كلها !
    قال انا كنت بتأمّر علي ام احمد لما جت تطلب ايدك لابنها احمد ! واحنا منجيش ظفرهم !!
    وابوكي لما يعرف كل البلاوي دي هيعمل ايه ؟ دا ممكن يروح فيها !!


    ياااااااااا حسرتي ...




    وفاطمة طبعا اكيد شايفين حالتها وهي قاعدة تحت رجل ماما بعد الضرب والاستماع لكل كلام ماما ..



    و تقوِّم ماما فاطمة من الارض وتقولها ليه عملتي كدة ؟
    انتي عايزة تقضي علينا ؟ ردي عليا !



    وطبعا فاطمة عياط :

    يا ماما انا معملتش حاجة وحشة لسمح الله , الناس دول بيكدبوا وبيفتروا عليا وقصدهم يفضحوني ! انا كل اللي عملته اني كنت زي كل البنات , انتي لو جيتي يا ماما وشوفتي كل البنات في الجامعة ومناظرها انا مجيش جمبهم حاجة .

    ماما : اخرررررررصي دول كلهم بنات قليلات او عديمات التربية والأدب والأخلاق وللاسف انتي زيهم معرفناش نربيكي وانا اللي كنت فاكرة بنتي متربية وملتزمة ووثقت فيكي ,
    _صح انتي يا امنا الفاضلة من ضمن الاسباب او انتي السبب الاساسي عشان انتي اللي فتحتلها الباب من البداية خالص _





    انما من هنا ورايح انا هوريكي

    وابقي اعرف انك كلمتي الولد دا او اي ولاد تاني

    وغوري من قدامي مش طايقة اشووووووووفك


    توضيح لجيران فاطمة :

    اقتباس:
    انتوا مش عارفين اللي بيتكلم في أعراض البنات دا عقابه ايه ؟؟؟؟!
    اسمعوا الله تعالي يقول في سورة النور :

    إِنَّ الَّذِينَ جَاؤُوا بِالْإِفْكِ عُصْبَةٌ مِّنكُمْ لَا تَحْسَبُوهُ شَرّاً لَّكُم بَلْ هُوَ خَيْرٌ لَّكُمْ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ (11) لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْراً وَقَالُوا هَذَا إِفْكٌ مُّبِينٌ (12) لَوْلَا جَاؤُوا عَلَيْهِ بِأَرْبَعَةِ شُهَدَاء فَإِذْ لَمْ يَأْتُوا بِالشُّهَدَاء فَأُوْلَئِكَ عِندَ اللَّهِ هُمُ الْكَاذِبُونَ (13) وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ (14) إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّناً وَهُوَ عِندَ اللَّهِ عَظِيمٌ (15) وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَذَا سُبْحَانَكَ هَذَا بُهْتَانٌ عَظِيمٌ (16) يَعِظُكُمُ اللَّهُ أَن تَعُودُوا لِمِثْلِهِ أَبَداً إِن كُنتُم مُّؤْمِنِينَ (17) وَيُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ (18) إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنتُمْ لَا تَعْلَمُونَ (19) وَلَوْلَا فَضْلُ اللَّهِ عَلَيْكُمْ وَرَحْمَتُهُ وَأَنَّ اللَّه رَؤُوفٌ رَحِيمٌ (20)



    وبابا صحي من النوم وسامع دوشة كتير

    وماما طمنته ان مفيش حاجة
    _ حفاظاً علي صحته _

    والأخت المنتقبة تشوف رسالة فاطمة وتسعد بها وتدعي لها بالهداية ولسه هتكلمها , لقت نمرة غريبة بتتصل بيها وتعتقد انها تكون فاطمة


    وترد: السلام عليكم ورحمة الله وبركاته

    المتصل وصوت شاب : وعليكم السلام
    الاخت ومع ارتباك لمعرفة انه شاب : مين حضرتك ؟
    الشاب : ممكن اتكلم مع حضرتك بوضوح وارجو ان تتفهمي موقفي ؟
    الاخت : ميــن حضرتك ؟ ووضوح ايه ؟ وموقف ايه ؟ النمرة غلط يا فندم والسلام عليكم وقامت قافلة السكة
    ..فالشاب يتصل تاني وهي متردش وتبدأ تتوتر وتفكر ايه الموضوع دا ومين دا .اكيد نمرة غلط .

    فتلاقي رسالة اتبعتت من الشاب دا :
    " انا زميل فاطمة اللي حضرتك كنتي بتنصحيها بالهداية , وانا دلوقت قررت اسيبها واقطع علاقتي بيها لان هي كانت بتخون اهلها بمشيها معايا وبتكدب عليهم , فانا نفسي ارتبط بواحدة محترمة جدا زيك ممكن ؟ وانا علي فكرة اتغيرت جداا والحمد لله بقيت اصلي واتصلح حالي , منتظر ردك "


    والاخت


    وإلي اللقاء في الحلقة القادمة
    بإذن الله تعالي






    فاكهة الحلقة
    * الشباب والعفة

    * وهذا النشيد :
    إذا ما قال لي ربي أما استحييت تعصيني ..؟
    وتُـخفي الذنبَ عن خلقيَ وبالعصيانِ تأتيني
    فكيف أجيبُ يا ويحي ومن ذا سوف يحميني؟
    أسُلي النفس بالآمالِ من حينٍ الى حيني ..
    وأنسى ما وراءُ الموت ماذا سوف تكفيني
    كأني قد ضّمنتُ العيش ليس الموت يكفيني
    وجائت سكرة الموتُ الشديدة من سيحميني؟؟
    نظرتُ الى الوُجوهِ أليـس منُهم سيفدينـــي؟
    سأسأل ما الذي قدمت في دنياي ينجيني
    فكيف إجابتي من بعد ما فرطت في ديني
    ويا ويحي ألــــم أسمع كلام الله يدعوني؟؟
    ألــــم أسمع بما قد جاء في قاف ويسِ
    ألـــم أسمع مُنادي الموت يدعوني يناديي
    فيا ربــــاه عبدُ تــائبُ من ذا سيؤويني ؟
    سوى رب غفور واسعُ للحقِ يهدييني
    أتيتُ إليكَ فارحمني وثقــّـل في موازيني
    وخفَفَ في جزائي أنتَ أرجـى من يجازيني


    والسلام عليكم ورحمة الله وبركاته

  9. #24
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***




    فاااااااااااااااااااااااا اااااطمة

    وخلاااااااااااااااااااااا اااص هتستريحوا منها

    ومعادنا مع :
    الجزء الأول من


    وصف لأحوال أبطال المسلسل لحد الحلقة الماضية

    فاطمة طبعا في حالة سيئة جداااااااااااااااااااااا :
    طبعا اولا عشان سقطت
    ثانيا : الجرح اللي تسببته لماما وحسرتها وكسر قلبها
    ثالثا : حاسة باحساس اللا قيمة واللا احساس واللا قلب
    رابعا : الشاب مبقاش يعبرها خاااااااااااااااااااالص
    خامسا : خايفة اوي علي بابا لما يعرف كل البلاوي دي
    سادسا : مش قادرة تنزل الشارع ولا حتي تقف في البلكونة خوفاً من عيون الناس وكلامهم السيء عليها .
    سابعا : مش قادرة تتكلم مع ماما او تحط عينيها في عينها فحابسة نفسها في الاوضة 24 ساعة .
    فحالتها دمااااااااااااااااااااااا ااااااار
    نقول ايه بس يا فاطمة !!
    قلنا كتير قبل كدة ولكن كنتي سادّة اذنيك

    خلينا نكمل
    .
    .
    .

    أما البطلة الثانية فهي ماما :
    مش طايقة فاطمة طبعا وحالتها النفسية وحشة جداا وحزينة دايما .
    طب وبابا ؟؟
    ميعرفش اي حاجة بس حاسس ان البيت في حالة سيئة , بس الحمد لله بدء يتحسن شوية بفضل الله ثم بفضل عناية ماما "الزوجة الوفية" .
    طب واحمد ؟؟
    مش مقتنع بفاطمة تماماً
    والمنتقبة ؟؟
    تعالوا نشوف حالتها بعد الرسالة اللي جاتلها من الشاب إياه


    تندهش الاخت المنتقبة من الرسالة
    وترتبك
    وترتعش
    وتخاف علي نفسها من الفتنة
    فتذكر الله علي الفور
    _ هذا حال المؤمن فليكون الله اول ما يفكر فيه دوما ً واول ما يستعين به _
    وتستعيذ بالله من الشيطان الرجيم
    وتدعي الله ان يبعد عنها كل شر وأن يحفظها من شرار خلقه إن ارادوا بها شراً .
    وتفكر تفكر ..
    فتعمل ايه !!؟
    صلوا علي النبي
    عليه الصلاة والسلام
    تتصل بفاطمة وتعرف منها ايه اللي بيحصل بالظبط
    فاطمة : السلام عليكم

    الاخت : وعليكم السلام ورحمة الله وبركاته
    ازيك يا فاطمة ؟!
    فاطمة : اهلا اختي الحبيبة وحشاااااااااااااااااااني جداااااااااااا وعايزة اقولك سامحيني ع الانقطاع دا ومتزعليش مني .
    الاخت : لا عليكي اختي المهم طمنيني عليكي واخبار النتيجة ايه ؟
    فاطمة اتغمت : بلاش احسن يا اختي , طيب قوليلي انتي عملتي ايه ؟
    الاخت : بلاش ليه ؟ انا الحمد لله نجحت بتقدير جيد جدا
    فاطمة بحســــرة : ما شاء الله مبارك اختي .
    الاخت : وانتي يا فاطمة عملتي ايه ؟
    فاطمة بالدمووووووووع : انا سقطت , سقطت يا اختي , سقططططططت .
    الاخت : لا حول ولا قوة إلا بالله , هوني علي نفسك حبييتي قدّر الله وما شاء فعل معلش حاولي تذاكري كويس السنة الجاية .
    فاطمة : الحمد لله .
    الاخت : وانتي برده يا فاطمة بصراحة مكنتيش بتذاكري خالص رغم اني كنت بفكرك دايما , وكنتي بتفضلي دايما الانشغال باشياء اخري , فاطمة بمناسبة الاشياء الاخري ممكن اسأل سؤال ؟
    فاطمة : اتفضلي ..
    الاخت : انتي لسه علي علاقة بالشاب إياه ؟؟؟
    فاطمة : امممممممممم , مش عارفة تقول ايه !!!!!
    الاخت : قولي بصراحة يا فاطمة عشان في حاجة مهمة عايزة اقولك عليها تخص الموضوع دا .
    فاطمة : حاجة مهمة ؟! ايه هي ؟ وبالنسبة للعلاقة فـ اه الصراحة .
    الاخت : ازااااي لسه العلاقة موجودة والشاب قطعها خلاص ؟ انتوا اتخانقتوا يا فاطمة وانتي ادتيله نمرتي وسيط بينكوا ولا ايه ؟؟؟
    _ الاخت عايزة تجرجرها ف الكلام عشان تعرف الحقيقة ومين الصادق ومين الكاذب !_
    فاطمة : امممممممممممممم ! ايه ؟ ايه الكلام دا يا اختي ؟ خناق ايه ووسيط ايه ونمرتك ايه ؟ انا مش فاهمة حاجة !!!
    الاخت _ اتضح لها بنسبة 60 % ان الشاب كلامه صدق وانه قرر يسيب فاطمة _ : بصي يا فاطمة يا حبيبتي اللي حصل ان الشاب دا بعتلي رسالة بيقولي فيها انه قرر يسيبك _ ومش هتقولها انه عايز يرتبط بيها عشان خايفة ع مشاعر فاطمة وهنعرف اصلا هي هتوافق ولا

    فاطمة صدمة عمرها : اممممممممممممم
    انتي بتقولي ايه يا اختي ؟ مستحيل طبعا احنا علاقتنا كويسة اوي مع بعض _ وهو من ساعة النتيجة وهو مش بيكلمها وقافل موبايله _ اكيد مش هو اكيد النمرة غلط , اكيـــد مع خنقة في الصوت

    الاخت : انا اسفة حبييتي اني ضايقتك كان لازم اقولك اللي حصل وصدمني انتي مش متخيلة حالتي ان في شاب بعتلي رسالة وعارف رقمي .
    فاطمة مستغربة ان الاخت مركزة ع حاجة تافهة جداا بالنسبالها وهي " ان في شاب عارف رقمها وبعتلها رسالة " ومتعرفش ان دا الاصل اصل الحياء والعفة والأدب أن لا يعرف اي شاب اي معلومات عنك ايتها المسلمة العفيفة" : طيب يا اختي بعد ممكن اقفل دلوقت !
    الاخت خافت من طريقتها : طيب انتي ناوية ع ايه يا حبيبتي تعالي نفكر سوا
    فاطمة + الشيطان وصل
    : بعد إذنك يا اختي اصل ماما بتنادي عليا مع السلامة , وقفلت السكة وطبعا بتكذب عشان تخلص منها .
    فتخاف الاخت من رد فعل فاطمة


    وفاطمة الشيطان يوسوس لها من جديـــد :
    فوفووووووو
    الف مبروك علي السقوط فرحتيني جدااااااا بدل الشطارة اللي كنتي فيها علطول ,
    سقوط الطلبة في التعليم دا شيء رائع جداا وطبعا بيكون بفضلي انا بكرههم في المذاكرة وبزهئهم منها وافكرهم بكل حاجة اثناء المذاكرة واشغلهم عنها زي ما شغلتك كدة يا فوفو عنها بالواد دا طول السنة لحد ما سقطتي هييييييييييه
    وسعيد جدا بالحالة اللي انتي فيها دي حالة اليأس والإحباط والقنوط من رحمة الله وانك مش فاكراه من اصله خليكي كدة يا فوفو عشان تسعديني كفاية العفريتة بتغمني دايما وبتصدني دايما بذكرها لله واستعاذتها مني علطول وطاعتها ياااااااااااااا مسيرها تقع في ايدي ,
    المهم يا فوفو خلينا في موضوعنا دلوقت
    طبعا انتي مش مجنونة عشان تسيبي الواد يضيع منك بعد كل الحب دا والرومانسية والتضحية دي اكيـــد
    واهو نجح اهو وانتي سقطتي يعني فروق السنين كثرت ما بينكوا
    واكيد هيبدأ يكوّن نفسه ويتجوزك ولا ايه ؟

    فاطمة _ آآآآآآآآآآآآآآه منها فاطمة _بتسمع لكلام الشيطان + نفسها الأمّارة بالسوء
    واقتنعت انها لازم تعمل حاجة عشان تتمسك به
    _ حرااااااااااااااااااااااا ااااااااااااااام عليكي يا فاطمة
    عايزة تخسري ايه تاني ؟
    عايزة ايه تاني ؟
    كفاااااااااااااااااية معصية لله ؟
    ارحمي نفسك وارحمي أهلك وارحمي إسلامك وارحمينــــا


    فتتصل بالشاب .........وهو قافل موبايله
    مش عارفة تعمل ايه وتوصله ازاااي !!!!!
    فالشيطان يفكرها انه كان قايلها علي مكان بيتجمع فيه
    هو واصحابه محل او نقول كوفي شوب فتقول انا هروح
    اشوفه هناك

    نهارك ابيض يا فاطمة !!!!!!!!!!
    للدرجادي درجة انحدار !!!!!
    تروحيله انتي وفي مكان قدام صحابه !!!!!!!
    لا دا مكان عام يعني مش شقة ولا كدة طبعا
    انا هندهله بسرعة وهو هيجي علطول
    لا حول ولا قوة إلا بالله
    وتقول لنفسها المشكلة في ماما دلوقت هقنعها بالنزول اازااااي وهي مش طايقة تبص في وشي حتي ؟؟!
    ويدور الحوار الآتي :
    فاطمة : ماما انتي هتفضلي زعلانة كدة علطول قوليلي اجيبلك اي حاجة من تحت اشيل عنك حمل البيت شوية .
    ماما ووشها الناحية التانية : شكرا مش عايزة منك حاجة .
    فاطمة : يا ماما قولي بس عايزة ايه من تحت وانا اجيبهولك وانتي ارتاحي .
    ماما : قلت مش عايزة حاجة ومفيش نزول ليكي ابدااااااا يا وش الفضايح انتي .
    فاطمة : امممممممممم _ مش عارفة تعمل ايه ومش طايقة رفض ماما طبعا لان الفكرة الشيطانية عششت في دماغها للاسف .
    تعمل ايه ؟؟
    تروح لبابا
    ويدور الحوار الآتي :
    فاطمة : ازيك يا بابا يا حبيبي عامل ايه دلوقت ؟
    بابا : انا الحمد لله يا بنتي وانتي اخبارك ايه فينك يا بنتي ؟ هو انا مش ابوكي يا بت متسأليش عليا خالص والبيت حاسه كدة بكآبة وحزن ليـــه ؟
    فاطمة : امممممممم يا بابا انا بحبك اوي واترمت في حضنه , يااااااااااااا بقالي كتير اوي نفسي في الحضن دا , يلا بقي يا بابا خِفّ بقي انا محتجالك اوي يا بابا نفسي اتكلم معاك اشكيلك همي وفاطمة تعيط وتعيط وتعيييييييييييييييييييط في حضن بابا .

    همسة لكل أب
    والدي العزيز اوعي تغيب عن بيتك وبناتك وولادك بالذاااااااااات في مرحلة المراهقة متتخيلش هم مجتاجينك قدّ ايه ؟؟؟ اكثر من الفلوس ومن الشغل ومن الأكل ومن الشرب
    بالله عليك يا كل أب لا تترك بيتك للضياع
    وخاصاً بناتك لان البنات بتبقي محتاجة لاحساس بالحب والحنان والاهتمام والشعور بجمالها وحيائها خاصاً من الجنس الأخر وهو دورك ايها الأب لان لو قصرت فيه للاسف ابشرك بضياع بناتك لان لو البنت مش متأسسة كويس جدااا ع الالتزام والعفة والحياء والأدب هدوّر علي الحب والاهتمامبرا البيت فخلوا بالكوا اوووووي علي ولادكوا خاااااااصاً في هذا الزمان المليء بالفتن البشعة علي اولادنا وبناتنا والله المستعان.

    بابا يقلق علي فاطمة : في ايه يا بنتي مالك يا حبيبتي بتعيطي ليه ؟؟؟
    فاطمة _ مش هتقول حاجة طبعا لبابا وفاقت من حالتها حالة فقدان ما ذكرناه في الهمسة _ : يعني يا بابا نفسي تخف بقي وتبقي وسطنا زي زمان ربنا يشفيك يارب .
    بابا : ربنا يبارك فيك يا بنتي يارب وافرح بيكي بنتيجتك وبفرحك يارب .
    فاطمة : امممممممممممم بالدموع يارب , مش عايز حاجة يا بابا من تحت اجيبهالك ؟
    بابا : انتي نازلة ولا ايه ؟؟
    فاطمة : انا بعرض المساعدة بس يا بابا لو عايز اصل قلت لماما وهي مش عايزة حاجة .
    بابا : اه طيب بصي عايزك تروحي تحجزيلي عند الدكتور فلان عشان يجيلي البيت .
    فاطمة وطبعا فرحانة : حاضر يا بابا .
    وفاطمة راحت تلبس لبسها القديم برده _ المتبرج _ مفيش فايدة


    وماما تشوفها وهي بتلبس وتقولها : ايه دا ؟
    انا مش قلت مفيش نزول ؟
    فاطمة بشماتة : اصل بابا قالي اروح احجيزله معاد عند الدكتور .
    ماما وحست أنها بتلوي دراعها ببابا : انتي بجحة جدااااا يا بت انتي روحتي اتسحبتي لابوكي عشان يوافقلك ع النزول عشان هو عيان ومش عارف حاجة عن بلاويكي صح ؟
    فاطمة : لا يا ماما انا روحت اشوفه محتاج حاجة قالي انه عايزني احجزله عند الدكتور .
    ماما : طيب انا هسيبك وانا حذرتك قبل كدة وهتشوفي يا فاطمة معاملتي ليكي هتبقي عاملة ازاي وتاني يا ويــلك لو اكتشفت حاجة عليكي تاني , وايااااااااااااااك تتأخري .
    فتخاف شوية من تهديد من ماما
    وبابا اللي وثق فيها
    فتفكر تراجع نفسها
    بس ازاي الشيطان
    _ نعوذ بالله منه_ يسيبها !
    ونفسها الامّارة بالسوء اقوياء عليها وهي عايزة كدة
    فتصمم تخوض التجربة تاااااااااااااااااااني
    وتنزل
    وهي نازلة
    ام احمد كانت واقفة ف البلكونة بتنشر الغسيل
    فشافتها وبصتلها نفس البصة من فوق لتحت
    المرة دي فاطمة ببجاحة ردت لها البصة وأسوأ منها كمان


    وتوصل لمكان تواجد الشاب
    وبالفعل كان موجود مع شلة صحابه
    وماسك شنطة رجال الأعمال
    وتشوفه وتندهله من بعيــد
    فالشاب يلمحها ويستغرب منها جدااااااااااااااااااااااا
    ومن تصرفها البذيء
    ويسمع من صحابه : ايه يا عم انت مش قلت تبت عن الحاجات دي !

    وبقيت بتاع ربنا !
    وجيالك علي الملأ كمان !
    روحلها يا عم باينها هتموت عليك



    طبعا هو بيسمع وشاااااااااااااط غضباً منها
    وقام راحلها
    ودار الحوار الآتي :
    الشاب : في ايه ؟ ايه اللي جابك هنا ؟ انتي اتجننتي يا فاطمة تيجي هنا قدام الناس كدة ؟ انتي ايه مفيش حياء عندك خالص ؟ اتمسح باستيكة مع سقوطك ولا ايه ؟؟
    فاطمة والكلام جرحها طبعا واتصدمت من رد فعله واتأكدت انه بايعها : انت بتقول ايه ؟ وايه اللهجة دي ؟ هو دا استقبالك ليا ؟
    الشاب : يا شيخة روحي بقي استقبال ايه انتي فاكرة نفسك ف فندق ؟
    لالالالالا خلاص انسيني بقي من دماغك زي ما انا نسيتك .
    فاطمة مع دموع ومع قادرة تنطق من الصدمة
    يعني ايه ؟ انت كدة خلاص هتسيبني ؟ ولا قصدك عشان تكوّن نفسك وتيجي تخبطني ؟
    الشاب : بصي يا بنت الحلال بالنسبة لتكوين نفسي انا الحمد لله اشتغلت في شركة بسيطة كدة مع الدراسة عشان ابدء ابني بيتي واستعد للزواج واعف نفسي بدري بدري , بس سامحيني يا فاطمة يوم ما افكر اتزوج وابني بيت بجد مش عايزك تكوني انتي زوجتي ولا ام اولادي ؟
    عارفة ليه ؟
    عشااااااااااااااااااااااا اااااااااااان :


    عجبني فيكي لون عينيكي
    ضحكتك لمسة ايديكي
    بس لما اتمني زوجة
    عمري يوم ما ابص ليكي

    عجبني فيكي اجمل كلام
    والغرام والانسجام
    بس لو كلمت أهلي
    أنكسف تبقي المدام

    عجبني فيكي البنطلون
    وحلوة قوي رسمة العيون
    بس عند الارتباط
    بعتذر انا مش مجنون

    عجبني فيكي نبقي شلة
    فأي رحلة معانا ياله
    بس تكوني أم العيال
    لا يا بنتي ابعدي يلا

    عجبني فيكي إنك معايا
    دايماً جاية علي هوايا
    بس لما ابدأ حياتي
    علاقتي بيكي تكون نهاية

    عجبني فيكي حاجات كتير
    بس فيّا عيب خطير
    إني شرقي وطبعي غالب
    أصلي م الاخر بغير

    يعني يوم ما اختار شريكة
    عمري ما ادور عليكي
    انتي م الاخر صديقة
    مش راح اطلب يوم ايديكي

    عجبني فيكي ..عجبني فيكي
    اعذريني مش هابقي ليكي
    العلاقه لعبة بينا
    م الآخر بتسلى بيكي

    وفاطمة بتسمع ومصدوووووووووووومة
    ولسه واقفة بتسمع

    مين يشوفها وهي واقفة معاه ؟؟؟؟؟
    .
    .
    .
    .
    .
    .
    .
    .
    .
    .
    .
    .
    .
    " بابا "

    لما لقالها اتأخرت قال انا الحمد لله بقيت كويس واقدر انزل اروح انا للدكتور بدل مهو يجيلي ,
    وراح للدكتور وسأل عن حجز بإسمه
    قالوا له لا يوجد حجز بهذا الاسم
    ورجع الأب دون أن يكشف وراح عليه الكشف لانه مش حاجز ,
    فقلق علي ابنته فاطمة
    وتعب من المشوار اوي لانه اول مرة يخرج من بعد مرضه وكمان لوحده , كان معتقد انه هيقابل فاطمة وتسنده لكن للاسف فاطمة مشغولة بحاجة تاني .
    وهو راكب وسيلة المواصلات وبدء يتعب شوية
    فبيبص من الشباك والعربية ماشية .....
    شاف بنته واقفة مع شاب
    واتأكد انها هي بنفس لبسها وكل حاجة
    طبعا اتصدم وزاد تعبه ,
    حاول يقوم عشان ينزل يشوفها مقدرش والعربية مشيت بعيد عنها ,
    وطبعا عقله عمال يفكر ..
    بنتي انا تسيبني وتروح تقابل شاب ؟ ويفكر ويتعب اكتر
    ووصل عند العمارة
    وسمع شوية ستات مورهمش غير خراب البيوت بيتكلموا ع فاطمة وكانوا قاصدين يتكلموا جمب ابوها عشان عارفين ان هو ميعرفش حاجة عنها :
    شوفوا البت ماشية ع حل شعرها مكفهاش الفضيحة اللي عملتها ,
    ومكفهاش كمان انها سقطت
    ومش مكفيها ابوها العيان دا
    وامها الشقيانة عشانها
    ف الاخر تعمل كدة !
    اخصصصص ع بنات اخر زمن

    وطبعا والد فاطمة سامع كل دا
    وكلامهم كمان يوضح انها فعلت فاحشة عياذاً بالله
    _ هذا هو القذف والبهتان أعاذنا الله منهم_
    {إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَالآخِرَةِ وَلَهُمْ عَذَابٌ عَظِيمٌ يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُوا يَعْمَلُونَ} (سوره النور)
    وكمان سقطت
    وكمان شافها مع الولد وكان شكلها حزين
    وكمان افتكر كلامها له قبل ما تنزل لما كانت في حضنه وبتعيط
    يبقي هي فعلا جابتلنا العاااااااااااااااااااااا اار
    كووووووووووول دا عمّال يدور في دماغ الوالد

    ويسقط الوالد طريحاً علي الأرض
    ويراه ابنه الصغير عليّ
    بابا
    بابا
    بابا
    بابا
    رد عليااااااااااااا

    الحقي يا ماما
    بابا واقع علي الارض عند باب العمارة
    ايـــــــــــه ؟
    ابو علي
    ابو علي
    مالك ؟؟
    رد عليا يابو علي
    الحقووووووووووووووووووووو ووووووووني !!!!!!!!!

    وتأتي الإسعااااااااااااااااف بسرعة بسرعة

    ودقات قلب الوالد تقل تقل
    وماما هتموت بحسرتها جمبه
    ويوصل المستشفي
    ويُنقل بابا للعناية المركزة علي الفور
    ويفوق قليلاً
    ويقول لهم اريد التحدث مع زوجتي بسرعة
    يقولون له لالالالالالالالا فحالتك خطيرة جدااااا
    يقول لهم متخافوش عليا انا هستريح ريحوني بس بالله عليكوا عايز اسألها على
    .
    .
    .
    شرف بنتي وسُمعتها .
    بالله عليكووووووووووووووا
    عايز اموت وانا مرتاااااااااااااااااااااا ااااااااااااااااااااااااا ااااااح
    وينفذوا له طلبه
    والام واقفة تبكي بكااااااااااااااااااء الخوف من الموت
    ويأتي الطبيب لها ليخبرها عن طلبه ويقول لها المريض عايز يشوفك ضروري , خلي بالك اوي عليه وحاولي طمنيه بأي شيء يسعده
    وتدخل الام علي الاب وهو في حالة الموت خلاص
    :
    وتبكي الام من حاله
    وتجلس بجانبه ويحس بها فتقول له بعد مسح دموعها : انت بخير يا ابو عيالي انت بخير وإن شاء الله ربنا هيشفيك وهتنورنا من تاني .
    الأب : اشهد الله انك وقفتي جمبي وانك كنتي مثال للزوجة الوفية وان انا راضي عنك يا ام عيالي
    الام : بلاش اللهجة دي يا ابو العيال ارحمني حرام عليـــــــك .
    الاب : متزعليش عليا انت ست بميت راجل ربنا يبارك فيك يارب واوعي تصوّتي عليا وخلي بالك اوي من الولاد .
    الام : عيااااااااااااااااااااااا اااط

    الاب : وريحي قلبي يام عيالي وقوليلي هي فاطمة سُمعتنا اتفضحت ليه ؟ وليه الجيران بيتكلموا عليها كلام وحش ؟ ومين الولد اللي انا شوفته معاها دا ؟ وهي سقطت في الكلية فعلا ؟
    الام : امممممممممممم ايه دا انت عرفت منين ؟
    الاب : يعني الكلام دا صحيح ؟
    الام : الجيران بيفتروا وبيكذبوا هي كل الحكاية كانت ع علاقة بشاب ف الجامعة وناس شافوها معاه بس كانوا ف الجامعة وبالنسبة للسقوط مش مشكلة تعوضها السنة الجاية المهم انت قوم بالسلامة يا ابو عيالي .
    الاب : ليه كدة بس يا فاطمة ؟ ليـــه ؟؟
    وسكت الأب قليلاً
    وتوقف القلب وأصبح
    ______________________

    وإنا لله وإنا إليه راجعون
    الام : ابو عيااااااااااااااااااااااا اااااااااااااااااااالي لالالالالالالالالا
    إنا لله وإنا إليه راجعون , اللهم أجرني في مصيبتي .

    وفاطمة راجعة البيت نهارة من كلام الشاب


    ووصلت عند العمارة
    لاقيت المصيبة اللي بجد
    المصيــــــــــــــــبة
    مش انتي مكفكيش يا فاطمة المصايب اللي فاتت !
    خدي بقي المصيبة دي
    وما أعظمها من مصيبة
    _الله جل جلاله قد سمى الموت «مصيبة»، في قوله تعالى في سورة المائدة من الآية 106
    (فأصابتكم مصيبة الموت)
    كما أن النبي صلى الله عليه وسلم سماه «هادم اللذات» عن أبي سعيد الخدري قال: دخل رسول الله صلى الله عليه وسلم يوماً مصلاه، فرأى أناساً كأنهم يكثرون، فقال: (أما إنكم لو أكثرتم ذكر هادم اللذات لشغلكم عما أرى. أكثروا من ذكر هادم اللذات، ومفرِّق الجماعات، فإنه ما ذُكِر في كثير- أي من المعاصي- إلا قَلَّلَه، وما ذكر في قليل- أي من الطاعات- إلا كَثَّرَه)
    فلقت زحمة عند العمارة
    وناس لابسة اسود
    وصوت قرءان عالي
    فانقبض قلبها
    وطلعت جررررررررررري
    والناس تنظر لها
    وتقول لها " البقاء لله "
    فتقول لهم ايه ؟ بتقولوا ايه ؟
    البقاء لله يا فاطمة
    والدك توفي
    ايــــــــــــــــــــــ
    ـــــــــــــــه !!!!


    بابا
    بابايا انا
    ماله ؟
    ايه ؟
    توفي ؟
    لا طبعا
    انتوا كذابين
    اكيد بتكدبوا زي ما كذبتوا واتهمتوني وفضحتوني اكيـــــد
    وسابتهم وطلعت جررررررررررررررري علي البيت
    تلاقيه فيه قراءن وزحمة بالستات وكلهم لابسين اسود
    لالالالالالالالالالالالال الالالالالالا
    انتوا مين .؟ وجاين عندنا ليه ؟
    وتدخل ع ماما وتلاقيها منهاااااااااااااااااااارة وعينيها مش باينة من العياط ولكنها صابرة ساكتة ساكنة
    _ لا تصوت ولا تولول ولا تلطم _
    ماما فين بابا يا ماما
    فين باباااااااااااااااااااااا اااااااااااااااااا؟
    لا ترد الأم وتبكي اكثر
    وتدخل فاطمة علي سرير بابا وتلاقيه فاااااااااااااضي
    وتصررررررررخ فاطمة فين بابا يا ماماااااااااااااااااااااا اااااااا ؟؟
    ماما : اسكتي يا بنت متصوتيش ابوكي وصّاني اننا منصوتش عليه
    فاطمة :وصاكي ؟ ابويا فين ؟ انا لسه كنت في حضنه قبل ما انزل راح فين يا ماما ؟
    ماما : ابوكي مات يا فاطمة مات
    ماااااااااااااااات

    وانتي السبب وقبل موته
    شافك وانتي واقفة مع الشاب
    وسمع كلام الجيران انك اتفضحتي
    وسقطتي
    انتي السبب
    وتضرب فيها وتضرب فيها وتضرب فيها
    _ كلامك شديد اوي علي فاطمة يا امنا مش كدة انتي عايزاها تروح منك هي كمان ؟!_
    وتسقط فاطمة مغشية عليها في حالة انهيااااااااااار عصبي شديدة خطيرة


    ونُقلت المستشفي علي الفور
    والأم المسكينة معها
    وتنظر لها في حسرة وندم
    وتكلم نفسها
    يارب .. يارب .. يارب .. يارب هو انا للدرجه دي قصرت في تربيتها !
    يارب سامحني علي تقصيري في حق ابو العيال
    وفي حق بنتي فاطمة
    وفي حق ابني الصغير علي
    يارب ربيلي عيالي علي الصراط المستقيم
    يارب أصلح من حال بنتي فاطمة وابعد عنها ولاد الحرام واكرمها واعيني علي احتوائها وحسِّن تربيتي لها
    ياااااااااااااااااارب

  10. #25
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    وتلاقي تليفون فاطمة يرن :
    مين :
    ۝الاخت المنتقبة ۝
    الام : السلام عليكم مين معايا
    الاخت : وعليكم السلام ورحمة الله وبركاته لو سمحتي هو مش دا تليفون فاطمة ؟
    الام : اه يا بنتي مين معايا ؟
    الاخت : انا صاحبتها , هو حضرتك ماماتها ؟ وفين فاطمة مش بترد خالص ليه ؟
    الام : اه انا مامتها وفاطمة تعبانة في المستشفي .
    الاخت : ايه ؟ مستشفي ؟ ليه سلامتها؟.
    الام : عندها حالة انهيار عصبي من وفاة والدها .
    الاخت : ايه ؟ وفاة والدها ؟ لا حول ولا قوة إلا بالله , البقاء لله يا طنط
    _ انتظروا وقفتنا مع كلمة " طنط " هذه _ .
    الام : ونعم بالله يا بنتي الحمد لله علي كل حال
    الاخت : طيب معلش يا طنط ممكن عنوان المستشفي عشان اجي .
    الام : اتفضلي يا بنتي جزاك الله خيرا

    وتيجي الاخت بسرعة المستشفي
    وتقابل والدة فاطمة وتحبها اوي وكأنها بنتها بالظبط وقعدوا يتكلموا ع فاطمة كتير وع مسيرة حياتها , والاخت تطمن ماما علي فاطمة ونقائها رغم افعالها
    وتقولها فاطمة كانت بتحكيلي ع كل حاجة وانا كنت بنصحها دايما وهي ما شاء الله عليها جواها دين وأخلاق ولكن الشيطان بس كان ساعات بيغويها انما هي كويسة جداا , بالله عليكي يا طنط ما تزعلي منها وحاولي تبقي حنينة عليها عشان كانت ساعات بتقولي ماما شديدة وقاسية عليا وووووو
    وجرح ماما اللي سببته فاطمة يبدأ يتلم
    ويعود الحب والحنان والصفاء من قلب الام لفاطمة نظراً لسوء حالتها وانها كانت من ضمن اسباب انهيار حالتها بكلامها السيء لها .
    وتتقلب فاطمة وهي تقول :
    بابا سامحني يا بابا يا حبيبي
    سامحني يا بابا انا بحبك اوي يا بابا
    تعالي يا بابا وانا ابوس رجليك واقولك سامحني
    عايزة اترمي في حضنك تاني
    باباااااااااااااااااااااا ا
    باباااااااااااااااااااااا اااااااااا
    متسبنــــــــيش
    وتسووووووووء حالتها
    وماما تبكي
    وتندم انها قالتها كدة وتحس بالذنب
    والاخت تبكي ع حالهما
    وتنده للدكتور بسرعة ويعطوا فاطمة حقنة مهدئة
    وتنام تاني
    وكل ما تصحي تقول نفس الكلام
    والاخت تطلب من ماما تروّح ترتاح وهي هتبقي مع فاطمة
    وبعد نقاش بينهم واقفت الأم وحست بالأمان مع الأخت المنتقبة وروّحت ماما وبقت الاخت المنتقبة مع فاطمة




    وتفوق فاطمة الحمد لله
    وتلاقي الاخت المنتقبة قاعدة فتفاجأة بها وتفرح جدااا
    الاخت : حمد الله علي سلامتك حبييتي الف سلامة علي الغالين
    فاطمة : الله يسلمك حبيبتي وتاعبة نفسك ليه بس يا حبييبتي وجاية تقعدي معايا ؟
    الاخت : يا سلام انا ليا كام فطوم يعني
    فاطمة : ربنا يكرمك يارب ويديمك لي صاحبة واخت ترشدني للخير والصلاح ,
    الاخت : ربنا يكرمك حبيبتي انتي اللي هترشديني دلوقت يا جميل علي الاكل اللي بتحبيه !!
    فاطمة : لالا انا كدة تعبتك خالص هي فين ماما ؟
    الاخت : ماما يا سيتي زمانها جاية انا قولتها تروح تستريح شوية وعشان تجيب لكي اللوازم .
    فاطمة : ربنا يبارك فيكي يارب والله ونعم الاخت , انا من ساعة ما اتكلمت معاكي وانا حبيتك علطووووووووول
    الاخت : وانا كمان يا حبييتي حبيتك جدا وحبيت ماما اوي وع فكرة ماما بتحبك اوي اوي متتخليش امبارح واول كانت عاملة ازاي عشانك ....... حنينة اوي يا بختك ياعم ربنا يباركلك فيها يارب .
    فاطمة : ماما ! ماما دي انا معتقدتش انها ممكن تسامحني ف يوم من الايام ومعاها حق طبعا انا عملت فيها عمايل ......
    وتيجي ماما في الوقت المناسب وتقول : مين قالك كدة يا فطوم يا حبيبة ماما , فاطمة دي حبيبة القلب ونور العين وثمرة الفؤاد .
    وترد فاطمة علي ماما وتقول : لا يا ماما انا مستحقش انك تسامحيني مستحقش ابدااااااااا ولو سامحتيني انا مش هسامح نفسي انا وحشة اوي انا السبب في كل اللي جرا لاسرتي وانا السبب ف موت بابا انا مستحقش اعييييييييييييش يارب كنت انا اللي اموت مش بابا , بابا كان طيب اوي وانا اللي موته ومروحتش احجزله الكشف وروحت اقابل الشاب دا انا اللي موّت باباااااااااااااااااااااا اااااااااااااااااا يارب خدني انا وبابا لالالالالالالالالالالالال الالالالالالالالالالا
    انا عايزة باباااااااااااااااااااااا اااااااا
    وتسوء حالة فاطمة تاني
    وماما منهارة من العياط ع بنتها وكلامها المؤثر جداااااااااا
    والاخت تحاول تهدي فاطمة وماما وتبكي لحالهما
    وتخرج الاخت خارج اوضة فاطمة لتتصل تطمئن والديها عليها وتبلغهم بحالة اسرة فاطمة وانها هتعد معهم شوية .
    فتفاجيء برسالة واردة من ......... الشاب اياه وش المصايب
    " لم اتلقي اي رد من حضرتك علي طلبي ممكن اعرف الرد سواء بالسلب او بالايجاب ؟! "
    فترتبك تاني الاخت
    ومش عارفة تعمل ايه ؟؟
    فتفكر بسرعة وتستعين بمن ؟
    اخوها
    وتتصل به وتحكي له موجز الموضوع بدون ذكر فاطمة بشيء سيء
    ويقول لها انا سأتصرف يا اختي الحبيبة لا تقلقي .
    _ وهنا نود التركيز علي العلاقات الاخوية التي تكاد ان نقول انعدمت في اغلب البيوت إلا من رحم ربي , وسنقف وقفة هنا في وقفاتنا بإذن الله تعالي _
    فأخو الاخت المنتقبة يأخذ رقمه منها
    ويتصل به ويرد الشاب :
    اخوها : السلام عليكم ورحمة الله وبركاته
    الشاب : وعليكم السلام
    اخوها : انا اخو الاخت اللي حضرتك بعتلها رسالة لتطلب منها الارتباط بعد ان دمرت الاخت التي قبلها .
    الشاب : اممممممممممممم نعم ؟ مش فاهم ... حضرتك بتتكلم عن مين اللي دمرتها ؟
    اخوها : عن الاخت اللي لعبت عليها وضحكت عليها واتسليت بيها ودمرتها وفي الاخر كنت انت السبب في موت ابيها والان انت السبب في دخولها المستشفي بين الحياة والموت .
    الشاب : اممممممممممممممم انت بتتكلم عن ...
    واخو الاخت يقاطعه ويقول له : لا تذكر اسم اي اخت علي لسانك , وامسح رقم اختي من عندك ويا ويلك لو فكرت فيها واتقي الله في بنات المسلمين حتي لا يُفعل باخواتك والسلام عليكم .
    وتلقي الشاب الكلام كالصاعقة علي قلبه
    واسترجع شريط علاقته بفاطمة
    ونظر الي حالها الآن
    وأخذ في البكااااااااااااااااااااا ااء
    ويطلب من الله العفو والغفران

    ويقول هو همسة لكل شباب الجامعة وشباب المدارس وكل الشباب : اتقوا الله في البنات
    اتقوا الله في اخواتكم المسلمات
    اتقوا الله فيهن فهن اخواتكن حافظوا عليهن
    كونوا عوناً لهن علي العفة والتقوي والعفاف لا تكونوا مثلي مدمرين لهن
    , لا تكونوا مثلي فخذها عظة وعبرة وكن علي يقين ايها الشاب ان اللي هتعمله مع البنات هيعود لك في اخواتك شقيقاتك زوجاتك اولادك
    فاتقوا الله اتقوا الله اتقوا الله .




    وتوصل الجارة ام احمد المستشفي للوقوف بجانب جارتها
    وتلاقي حال ام فاطمة حزين وحسرة وندم ع بنتها فتصعب عليها وتنسي ما مضي من افعال فاطمة وتعرض لها يد العون والمساعدة
    وام فاطمة تنظر لها بحزن وتقول : اشكرك جدا يا ام احمد لو عايزة تساعديني فعلا خوديلي حقي وحق بنتي وحق زوجي اللي راح دا من الجيران وكلامهم وقذفهم لاعراض الناس , مش احمد ابنك ملتحي ومتدين ! خليه يفهمهم ويقولهم ان بنتي اشرف من الشرف , عشان اقدر ارفع راسي من تاني وعيااااااط .
    وام فاطمة نفسها احمد يتقدم تاني لفاطمة
    _ولكن عذرا يا ام فاطمة عذرا لكي انتي وفاطمة _
    ام احمد : انا متكلمتش ع فاطمة ابدا انتي عارفة اني بحبها جداااا هم الناس التانية دي وبعدين انتي ملكيش دعوة بحد انتي راسك مرفوعة اصلا ومحصلش حاجة وانا هتصرف معاهم إن شاء الله متشغليش بالك انتي وخلي بالك من نفسك ومن بنتك
    وعليّ قاعد عندنا لحد ما فاطمة تخرج بالسلامة .
    وام احمد تخد بالها من الاخت المنتقبة
    وتستعجب لها
    وتسأل ام فاطمة عليها : مين الشابة دي يا ام فاطمة انا اول مرة اشوفها .
    ام فاطمة : دي صاحبة فاطمة ما شاء الله عليها بنت حلال مصفي وقفت جمبنا ولا اقرب الاقربين يعملوا كدة .
    ام احمد بانبساط واعجاب بالاخت : ما شاء الله .
    وام احمد تخد الاخت المنتقبة علي جمب من غير ما حد يعرف وتقولها : حبييتي انتي مرتبطة ؟
    الاخت ف استغراب وكسوف : لا
    ام احمد : الحمد لله ,
    وروّحت جررررررررررري علي احمد
    انما انا بقي شوفتلك حتة عروسة هتطير بيها , فيها كل المواصفات المطلوبة وزيادة كمان
    احمد : يا سلام يا امي ولا هتبقي زي فاطمة ؟
    امه : لالا يا احمد مش عايزة اسمع منك كدة ابدا ع فاطمة , فاطمة محترمة جدا هي بس كانت تعرف شاب
    وخلاص البنت ف حالة صعبة جداا من بعد وفاة والدها ربنا يتولاها يارب
    احمد : يا امي انا مقلتش حاجة وحشة عليها ربنا يكرمها بس معلش مش هي دي اللي انا عايزها تبقي شريكة حياتي بصرف النظر عن اللي حصل .
    ام احمد : وماله يا ابني , انا عندي بقي واحدة هتعجبك جدااا إن شاء الله .
    احمد : فين دي يا امي الحبيبة ؟ ومواصفاتها ايه ؟
    امه : منتقبة وبنت ما شاء الله متفوقة وانا ارتاحتلها اوي بس المشكلة انها صاحبة فاطمة .
    احمد : اممممممممممم ايه ؟ حرام عليكي يا امي مُصّرة تحطيني ف مواقف محرجة .
    امه : انا هتصرف وربنا يقدر اللي فيه الخير وافرح بيك يا ابني ..





    وتذهب ام احمد للمستشفي
    وتلاقي فاطمة الحمد لله فاقت
    وحالتها بقت احسن
    وتلاقي الاخت المنتقبة بتأكّل فاطمة
    وامها قاعدة معاها بتحضر اللوازم عشان خلاص الحمد لله ماشين من المستشفي ع البيت
    وام احمد تدخل تبارك لفاطمة ع الشفاء
    وام احمد تسمع كلام فاطمة للاخت المنتقبة وهي بتقولها : انا بجد مش عارفة اشكرك ازاي ع كل اللي انتي عملتيه معانا , انتي اختي وحبيبيتي وصديقتي وكل حاجة ,
    فـ ام احمد تعمل انها عايزة توصل فاطمة لحد العربية
    ويدور الحوار الاتي :
    ام احمد : الحمد لله ع شفائك يا حبيبتي , اوعي يا فاطمة تكوني زعلانة من امك ام احمد انتي زي بنتي بالظبط يا حبيبيتي واحمد زي اخوكي الكبير لو احتاجتيه ف اي حاجة .
    _ فاطمة تستغرب احمد زي اخويا الكبير !!؟ _ : شكرا يا طنط
    ام احمد : امال ايه يا حبيبتي دانا احنا جيران واهل طبعا واللي يسعدك يسعدنا واللي يسعدنا يسعدك صح ؟
    فاطمة مش فاهمة حاجة : اه صح اكيد يا طنط
    ام احمد : طيب يا بنتي انا هكون صريحة معاكي وعايزة اخد رأيك ف حاجة ؟ ممكن ؟
    فاطمة : اتفضلي يا طنط
    ام احمد : ايه رأيك في صاحبتك حبيبتك دي تكوني عروسة لاحمد ابني ؟
    فاطمة باندهااااااااااااش : امممممممم عروسة ؟
    ام احمد : اصلي شايفاكوا بتحبوها اوي فايه رايك نوفق بينها وبين احمد ؟
    فاطمة والموضوع صعب عليها والموقف محرج لنفسها : ربنا ييسر الخير يا طنط .
    ام احمد : يارب يا حبيبتي .
    والمنتقبة روحت ع بيتها
    وام احمد روحت كمان
    وماما وفاطمة بيتكلموا بعد اما وصلوا البيت :
    فاطمة : ياااااااااااااااا يا ماما انا حاسة اني كنت ف حلم ومش مصدقة ان كول اللي حصل دا كان حقيقة .
    ماما : فاطمة حبيبتي حاولي تنسي كول اللي فات
    ونبدأ صفحة جديدة ونحاول نستثمر اللي باقي من عمرنا في طاعة الله .

    فاطمة : عندك حق يا ماما الواحد لازم يبدأ صفحة جديدة ويشكر ربنا علي كل حال وربنا يرحم بابا رحمة واسعة ويسكنه فسيح جناته وصبرنا علي فراقه .
    ماما مع غرغرة من سيرة بابا : اللهم آمين
    فاطمة : اه يا ماما شوفتي ام احمد عايزة تخطب صاحبتي لاحمد ابنها قالتلي كدة بنفسها .
    ماما : ايه ؟ بجد .؟
    فاطمة : اه بجد يا ماما انا مبقتش اتستعجب اي حاجة دلوقت , كل شيء جايز وممكن , والحمد لله انا بقيت اقوي من الاول بكتيييييييييييير .
    ماما : بس يا بنتي انا كان نفسي اوي احمد دا يكون من نصيبك .
    فاطمة : يا ماما النصيب دا بتاع ربنا , وبعدين هو اتقدملي وانا رفضته فمش من حقي اطلبه تاني , والصراحة فعلا انا شايفة انهم لايقين جداااااااااا ع بعض ,
    انا اول عمل ايجابي هعمله اني اوفق بينهم وربنا يقدر اللي فيه الخير .
    ماما : ربنا يبارك فيك يا بنتي ويسعدك ويسعدني بيكي .
    وتكلم فاطمة صاحبتها " العروسة " وتقولها ع احمد
    وتكلم اهلها ويوافقوا
    وفاطمة تكلم ام احمد وتبشرها انها كلمت صاحبتها ع احمد وهي موافقة ,
    وام احمد تفرح جداااااااا
    ويتقفوا ع معاد للمقابلة الشرعية
    وفاطمة تصمم انه يكون عندها بحضور والد ووالدة العروسة وحضور احمد ووالدته
    وتتم المقابلة الشرعية
    وتتم الموافقة علي خير من الطرفين
    وتفرح فاطمة جداااااااااا ان ربنا جعلها السبب في التوفيق بينهم .
    وكلا من المنتقبة واحمد يشكرا فاطمة جدااااااااا
    ويتتحدد معاد للخطوبة
    ثم الزواج السعيد
    ( مبارك للاخ احمد وللاخت المنتقبة )

    ومرت بعض السنين
    وفاطمة ما شااااااااااااااااء الله عليها
    ارتدت النقاااااااااااب
    و اصبحت داعية لله في كليتها توّعي البنات وتحذرهم من لعب الشباب
    وبفضل الله كل سنة تجيب تقدير امتياااااااااز .
    و وعملت مقرأة في بيتها
    وكل اولاد الجيران عند مُحفظتهم فاطمة
    اولاد الجيران ها ! واخدين بالكوا معايا
    الجيران اللي زمان كانوا وكانوا .......
    بلاش نفتكر القديم وأتبِع السيئة الحسنة .
    وكأن لسان حال فاطمة الآن


    ويأتي اخو الاخت المنتقبة صاحبة فاطمة من السفر
    وقد كوّن نفسه
    وهو شااااااااااااااب ملتزم جدااا ما شاء الله
    ونازل مخصوص تلبيةً لطلب اخته الحبيبة وطلبه هو ايضاً
    وما هو طلب اخته يا تري ؟؟؟
    صلوا علي النبي الأول
    عليه الصلام والسلام
    أن يطرق بيت فااااااااااااااااااااطمة ويطلب يدها
    لما فيها من مواصفات راااائعة
    * منتقبة
    * داعية لله
    * بارة بأمها وبأخيها الصغير
    * حسنة المعاشرة
    * تُحسن الي جيرانها
    * تحب الخير للجميع
    * بارة بأبيها المتوفي تدعو ليلا ونهارا بالرحمة والمغفرة لابيها
    * تطلب العلم الشرعي
    * تسعي لحفظ كتاب الله كاملا وتعليمه للاطفال
    * متفوقة دراسياً


    وحدثت المقابلة الشرعية
    والحمد لله
    وتمت الموافقة والحمد لله
    وتمت الخطوبة
    وتم الزواج
    وماما فاطمة لولولولولولولوليييييييييي ييييييييييييييييييي



    وفي نهاية المطاف يقول زوج فاطمة لزوجته فاطمة الوفية الطائعة التي ترضيه دايما وتسعده هذه القصيدة لعلها تعجبكم هي من كتابة احد الاخوة جزاه الله خيراً ف موقعنا الطريق الي الله :

    حبيتك لإلتزامك . . . . حبيتك لاحترامك
    حبيت فيكي التواضع . . . . والعزة اللي ف كلامك
    مبسوط منك لأنك . . . . إسلامك كل همك
    أنا أصلي كلمت أختي . . . . وادتني فكرة عنك
    وسألتها عن طباعك . . . . وإن كانت يعني هادية
    فحكتلي عن سماعك . . . . لكلام ماما وانت راضية
    وازاي بتسلي نفسك . . . . بذكرك وانت فاضية
    وحلاوة صوت تلاوتك . . . . وازاي بتكوني شادية
    * * *
    وسألتها إن كنتي فاهمة . . . . معنى كلمة زوجين
    قالتلي هتكونوا ورقة . . . . مطبوعة نسختين
    غني كنت أو فقير . . . . ليك عند فاطمة دين
    سرك هيكون في بير . . . . معرفش مكانه فين
    تفضل دايماً كبير . . . . في نظرها حبتين
    لو جيت بفلوس كتير . . . . تطمن جت منين
    * * *
    هتكون دايماً معاها . . . . سيرتك هتكون هواها
    والشوق اللي ف خيالك . . . . تلقاه لحظة لقاها
    لو جيت زعلان ف مرة . . . . إرمي همومك وراها
    ومهما شوفت بره . . . . مش هتشوف مستواها
    واطمن ياخويا خالص . . . . عقلها مافيهوش تفاهة
    * * *
    وسألتها عن ولادي . . . . منك هيكونوا إيه؟
    قالتلي هيكونوا عادي . . . . فسألتها يعني إيه؟!
    قالتلي العادي إللي كان . . . . عند الناس من زمان
    العادي بتاع سراقة . . . . وحذيفة بن اليمان
    العادي بتاع أسامة . . . . وابن الحكيم لقمان
    ده العادي بتاعنا إحنا . . . . بنربي عليه عشان
    لو جينا ولا رحنا . . . . هنقابل الرحمن
    عمرك ما تخاف عليهم . . . . ولادك في الأمان
    دي فاطمة هتربيهم . . . . ع السنة والقرآن
    هتشوف ابنك بيصحى . . . . مادام سمع الأذان
    ينزل في الفجر يقرا . . . . بالسجدة والانسان
    * * *
    هتشوف في حجاب بناتك . . . . العفة والإحسان
    هتشوف إزاي مراتك . . . . هتعينك إنت كمان
    * * *
    وسألتها عن حياتك . . . . من قبل الالتزام
    قالت أتذكر في ليلة . . . . مش فاكرة أنهي عام
    أذان الفجر أذن . . . . رنيت عليها رنة ومش ردتهالي
    ورنيت عليها تاني .. وردت قالتلي سيبيني أنام
    رنيت عليها تالت قولتها حرام .. دا الفجر يا فطوم ومتقوليش أنام
    رنيت عليها رابع .. لاقتها رجعت في الكلام
    وردت ليّا الرنة...... وان الفجر تمام
    الله يجازي الشيطان . . . . خلاها تقول أنام
    بس اطمن خلاص. . . . . دلوقتي بقت تمام!
    * * *
    رُحت بيتها فوراً ... في حضور ماما وخالها
    ماما قدمتلي مكة كولا . . . . قالتلي اتفضل وسمي
    أحسن من سكة كولا . . . . صدقني وخدها مني
    قلتلهم طيب . . . . يسعدني أقولكوا إني
    بطلب بنتكوا ونفسي . . . . تناسبوني وترضوا عني
    راح خالها شادد فجأه لبسي . . . . وقلب وشه وسألني
    * * *
    حافظ كم جزء يابني . . . . وقاري كم كتاب
    احكيلي كده عن مؤت . . . . أوغزوة الأحزاب
    وسمع كم حديث . . . . في الأخذ بالأسباب
    وكمان سمعلي آيه .. . . . ذكرت فيها الدواب
    واحكيلي حلم يوسف . . . . وبراءة الذئاب
    واخواته لما جولوه . . . . دخلوا من أنهي باب
    واديني فكرة برضه . . . . بتقبض كم ثواب
    وناوي ازاي تحسن . . . . أنا شايفك لسه شاب
    * * *
    وسأل نفسه وسألني . . . . هيعوز إيه يعني مني؟
    لو عندي كل حاجه . . . . وديني مش شاغلني
    أحسن لك تنسى بنتي . . . . ومهرك مش لازمني
    قلتله صبرك ياعمي .. . . . وبراحتك امتحني
    يبقى اما أسأل تجاوب . . . . خليك دايماً فاهمني
    سألتك وانت ساكت . . . . خليتني أظن ظني
    وفضل يسأل واجاوب . . . . . وعشان خاطرك عصرني
    وظهرت النتيجة . . . . وبفضل الله قبلني
    * * *
    قاللي مقبول في نظري . . . . مبروك عليك ياسيدي
    لكن في نظرها هي . . . . نجاحك مش بإيدي
    وهي زمانها راجعة . . . . من تمرين السويدي
    خليك قاعد شوية . . . . استنا لما تيجي
    هعملك من إيديا . . . . كباية شاي صعيدي
    * * *
    سابني وقعدت أفكر . . . . هل ممكن ترفضيني
    طاب قولي حتى أفكر . . . . مش يمكن تفهميني
    وفضل مخي يلاعبني . . . . يجيبني ويوديني
    وخايف م المقابلة . . . . مرعوب بينك وبيني
    ودق الباب في ثانية . . . . وشوفتك مرة تانية
    مش قادر أنسى يومها . . . . وفاكر كل ثانية
    * * *
    ونده خالك عليكي . . . . عشان أول لقاء
    دخلتي وشوفت وشك . . . . عليه نور الحياء
    نور والله فعلاً . . . . مش نور بودرة وزواء
    كان أول مرة أخاف . . . . من فتنة النساء
    أخلاقك مش عادية . . . . وجمالك كان شفاء
    * * *
    قعدتي جنب خالك . . . . وسألتيني وجاوبتك
    وفكل مرة أجاوب . . . . . كنت باشوف ابتسامتك
    ف أقول من جوه نفسي . . . . يارب أكون عجبتك
    وبعد شوية قمتي . . . . ندهت عليكي مامتك
    ورحتي دخلتي جوه . . . . وراح وراكي خالك
    وانا قلت مش مروح . . . . غير لما أكون خطبتك
    * * *
    وخالك جاني تاني . . . . وقرب من وداني
    لابس كرفته سوده . . . . وبدله لون فراني
    المنظر يعني كله . . . . ميدلش ع التهاني
    قلتله مالك ياعمي . . . .من فضلك قول عشاني
    عرقي غرقلي كمي. . . . سايبني ليه أعاني
    قاللي مستني إيه . . . . فين إيدك إديهاني
    البنت مش موافقة . . . . تتجوز حد تاني
    * * *
    كان أول مرة أعرف . . . . إزاي الناس بتفرح
    سعادتي كات غريبة . . . . مش ممكن هقدر أشرح
    من كتر حبي ليكي . . . . نويت أضحي وادبح
    رحت اشتريت خروف . . . . وكان خروف بينطح
    ده أخيراً هبقى جوزك . . . . وشجرة صبري تطرح
    * * *
    خطوبتنا كات بسيطة . . . . مكانش فيها زيطة
    وفرحنا كان في جامع . . . . يعني مش خلطبيطة
    صعبت عليا مامتك . . . . الموقف كان شديد
    لكن فعلاً خطفتك . . . . ورحنا مكان بعيد
    فاكرة ولا انتي ناسية . . . . أكيد فاكرة أكيد
    من يوم ما بقيتي زوجتي . . . . وانا متهني وسعيد
    معايا ف كل يوم . . . . . ويوم لؤاكي عيد
    عمرك ما دقتي نوم . . . . وانا تعبان أو مريض
    فلوسي كات بتكتر . . . . والخير عندك يزيد
    وعامله ليه دفتر . . . . ومرتبه المواعيد
    وبفضل الله قدرتي. . . . وجبتيلي الوليد
    وبعديها بشوية . . . . جبتيلنا عليه يزيد
    وبعديه جت سمية . . . . وآخرهم كان حميد
    بدعيلك كل يوم . . . . وأفضل أعيد وازيد
    ربيتي عيالي دول . . . . ع القرآن المجيد
    طول عمرك وانتي صافية . . . . قلبك لون الجليد
    أخلاقهم مش عادية .. . . .طلعنلك مش بعيد
    * * *
    عشت معاكي ف حكاية . . . . أحلى وأجمل رواية
    حكايتي كات معاك . . . . وحكايتك كات معايا

    ****************************
    وتقول فاطمة لبنات الإسلام :

    اختي المسلمة خلي بالك علي نفسك اووووووي يا جوهرة
    انتي درة مصونة لؤلؤة لا تلوثي نفسك بالاختلاط والعلاقات المحرمة
    اياااااااااااااكي يا بنت الاسلام ان تسلكي الطريق الذي مشيت فيه انا في البداية فهو طريق الضيااااااااااااع والهلاك والحسرة والندامة والآسي والحزن والنااااااااااااااااااااا ااااااااار
    فاياكي اختي ان تستهوني وتقولي دي مجرد علاقة بريئة
    وكوني قوية متمسكة بمباديء اسلامك .
    فبصلاحك انتي يا درة الاسلام ... هو صلاح للأمة كلهااااااااااااااااااا
    لإنكـِ غاليــــة
    وكوني علي يقين أن بحجابك وعفتك وغضك لبصرك وعدم خضوعك بالقول وحفظك لنفسك ولمبادئك
    انتي أولا طائعة لله
    ثانيا متشبهة بأمهات المؤمنين
    " ومن تشبه بقوم فهو منهم "
    ثالثا انتي جندية من جنود الله بإذن الله تحاربي أعداء الإسلام الذين لا يريدون بمؤمن ولا بمؤمنة إلّا ولا ذمة .
    رابعا انتي قدوة لغيرك ..فكوني إسلام يمشي علي الأرض




    و
    توتة توتة خلصت الحدوتة

    حدوتة فطومة ومغامرات الجامعة
    و




  11. #26
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    اخواني الكرام أخواتي الفضليات
    المتابعون والمتابعات معنا ...
    أود توضيح بعض الأشياء التي وعدناكم بها في نهاية الحلقات مثل :
    1) عدم ذكر اسم كلاً من " الشاب " و "الأخت المنتقبة " :
    فعدم ذكر اسم " الشاب " ليس أهمية يكفينا أن نعرف انه شاب يغوي بنات المسلمين .
    وعدم ذكر اسم " الاخت المنتقبة "ايضا ليس له أهمية يكفينا انها اخت منتقبة تعمل بنقابها وتنصر دينها وتدعو لله بالإيجابية والصبر والمثابرة علي الدعوة لدين الله تعالي .

    2) الحكمة من اسم المسلسل " عجبني فيكي لون عينيكي " :
    زي ما انتوا شوفتوا القصيدة اللي قالها الشاب لفاطمة في كلامه معاها ف الاخر , وكمان أغلب البنات دلوقت وللاسف ممكن يكون ظاهرها ملتزم وتحط عدسات " لنسس"
    إليكم هذه الفتوي "
    اقتباس:
    س: ما حكم وضع المرأة عدسات ملونة في العينين بقصد الزينة؟

    لا يجوز ذلك, فإن كمال الزينة للمرأة فيما خلق الله, وَخَصَّهَا به من الجمال في العينين والأحداق والأجفان, فعلى المرأة أن ترضى بعطاء الله لها. أما إذا ضَعُفَ البصر, واحتاجت إلى تقويته بالعدسات التي تُكَبِّر الحروف والأشخاص, وتساعد على قوة البصر فلا مانع من ذلك, ولكن لا بد أن تكون العدسات بلون العين, ولا يجوز عمل عدسات ملونة, لما في ذلك من تغيير خلق الله.
    عبد الله بن عبد الرحمن الجبرين




    وانتظروووووووووونا مع
    اهم الوقفات والتي هي اهم ما في الموضوع

    إضافة إلى فتاوى الإختلاط في الجامعة والعمل

    وفي الختام
    الحمد لله ... الحمد لله .. الحمد لله
    الذي تتم بنعمته الصالحات
    نرجو ان يكون المسلسل قد حاز علي إعجابكم
    ونسأل الله أن يتقبل منا صالح الأعمال وأن يرزقنا الإخلاص في القول والفعل والعمل .
    اللهم آآآآآميــــن
    وسبحانك اللهم وبحمدك نشهد أن لا إله أنت نستغفرك ونتوب إليك

    كل الشكر والتقدير لصاحبة قصيدة عاجني فيكِ لون عنيكي
    الأخت/
    كيف أحزن وربي الرحمن


  12. #27
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    السلام عليكم ورحمة الله وبركاته

    قال رسول الله صلى الله عليه وسلم

    (من لا يشكر الناس لا يشكر الله )

    الراوي: أبو هريرة المحدث: الترمذي - المصدر: سنن الترمذي - الصفحة أو الرقم: 1954
    خلاصة حكم المحدث:
    حسن صحيح



    ومن هذا المنطلق وجب علينا شكر جميع من ساهم في هذا العمل



    ونسأل الله الإخلاص والصدق والقبول
    وجزاكم الله خيـــــــــــرا


    فجزاهن الله خيرا
    ورزقنا الله واياهن الاخلاص في القول والعمل
    وتقبل منا ومنهن


    وجزا الله خيرا كل من تابع هذا الموضوع
    وسعى في نشره
    والدال على الخير كفاعله

    بارك الله فيكم

  13. #28
    الصورة الرمزية Ayah
    مصمم مجتهد

    الحالة
    غير متصل
    تاريخ التسجيل
    Nov 2010
    العمر
    24
    المشاركات
    1,134
    Thanks
    0
    Thanked 1 Time in 1 Post
    معدل تقييم المستوى
    38

    رد: °°•.♥.•°° ***"عجبني فيكي لون عينيكي "°°•.♥.•°° ***

    رهيــــــــــــــــب رهيــــــــب رهيــــــــب بجد في كل شئ
    ماشاء الله من قصة ومن شعر ومن اسلوب ومن ومن
    ماشاءالله عمل جماعي فوق الممتاز

    جزاكم الله كل خير وجعله الله في ميزان حسناتكم ان شاء الله
    شكرا لكم جميعا

    http://up.cgway.net/out.php/i11315_11.jpg

    رضيت بــالله رباً
    وبــالإسلام دينا
    وبــمحمدٍ صلى الله عليه وسلم
    *******


  14. #29
    مصمم متميز

    الحالة
    غير متصل
    تاريخ التسجيل
    Aug 2007
    الدولة
    egypt
    المشاركات
    2,316
    Thanks
    0
    Thanked 0 Times in 0 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    جزاك الله خيرا على المرور
    تقبل الله منا ومنكم

  15. #30

    الصورة الرمزية محمود علاء
    طالب بالمركز التعليمي

    الحالة
    غير متصل
    تاريخ التسجيل
    Nov 2009
    المشاركات
    1,360
    Thanks
    9
    Thanked 3 Times in 2 Posts
    معدل تقييم المستوى
    64

    رد: °°•.♥.•°° ***"عجبني فيكي لون عينيكي "°°•.♥.•°° ***

    جزاك الله خير الجزاء أخي الكريم وكل من ساهم في هذا العمل الرائع
    وجعله الله في ميزان حسناتكم (اللهم آمين )


 

 
صفحة 2 من 3 الأولىالأولى 123 الأخيرةالأخيرة

المواضيع المتشابهه

  1. سوني" تتحدى "آبل" و"سامسونج" في قطاع الهاتف الذكي
    بواسطة waleed_ali في المنتدى أخبار الثري دي والتقنيات |Graphic news , Techniques
    مشاركات: 2
    آخر مشاركة: 04 / 10 / 2013, 26 : 06 PM
  2. برنامج "الكلم الطيب" للعلامة الاسلامي فضيلة الشيخ "محمد حسين يعقوب"
    بواسطة waleed_ali في المنتدى القسم الإسلامي والديني
    مشاركات: 0
    آخر مشاركة: 30 / 11 / 2012, 16 : 05 PM
  3. "سامسونغ" تطبق "إس هيلث" على هواتف "غالاكسي إس3"
    بواسطة waleed_ali في المنتدى أخبار الثري دي والتقنيات |Graphic news , Techniques
    مشاركات: 0
    آخر مشاركة: 13 / 07 / 2012, 57 : 07 PM
  4. "جوجل" تكشف عن حاسب "نيكزس 7" اللوحى بالتعاون مع شركة "آسوس"
    بواسطة 4MAX في المنتدى أخبار الثري دي والتقنيات |Graphic news , Techniques
    مشاركات: 2
    آخر مشاركة: 13 / 07 / 2012, 58 : 10 AM
  5. كيفية قطع الفيديو بالافتر "" ارجو الاجابة """
    بواسطة sofiensd في المنتدى طلبات واستفسارات الأفتر افيكت | Requests and Inquiries
    مشاركات: 3
    آخر مشاركة: 27 / 08 / 2009, 34 : 11 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 42 : 04 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO