السلام عليكم ورحمة الله وبركاته

اخوانى واخواتى احباب طريق الجرافيك

عندى استفسار خاص بالدورات التى تدرس من خلال المنتدى
بالنسبه للعمل بالماكس فى الاتجاه المعمارى

عندى شوية استفسارات واتمنى الاجابه عليهم؟

- اطمح ان اعمل بالماكس فى المجال المعمارى . ما هى الدورات اللى هاخدها وبالترتيب ؟

- ما اسعار الدورات اللى هاخدها . سواء مجمعه او منصله . ولو هشتريها اسطوانات هتبقى بكام ؟

- هل لو اشتريت الدورات فى اسطوانات . هيكون فيه فرق بينها وبين اللى بياخدها ع الموقع ,
ولا الدورات دى بتتسجل تسجيل كامل ومفيش اى فرق

- هحتاج دورات فى اى برامج تانيه . وهل فيه دورات فى البرامج الاخرى دى على الموقع هنا ,
مع العلم انى مش عاوز ادرس البرامج التانيه دى دراسه كامله (( فقط ما يكفينى كمصمم معمارى ))

- هل مع اخر درس فى الدورات هكون قادر انى اتقدم لوظيفه فى اى مكتب هندسى حتى لو متواضع .

-- اما عن طلبى هذا فهو ليس طلب , وانما اطلب النصيحه من اخوانى فى المنتدى
انا طبعا وقبل اى حاجه باعتبركم كلكم فى مقام اخى الاكبر وربنا يعلم مقداركم فى قلبى
انا مضطر انى فى اول شهر 8 اتقدم لبنت
وزى ما قلت (( مضطر ))
فهل لو اتبعت دورات البشمهندس عطيه من النهارده هقدر اتقدم لوظيفه كمان 6 شهور
مش مهم اتقبل ولا لاء
المهم انى هكون عندى الامكانيات اللى تشغلنى
ولا ايه
انا فى حيره شديده من امرى ومتخوف بدرجه متتخيلوهاش
ياريت اسمع رئيكم

-وفى الختام ارجو ان استمع لنصيحتكم بخصوص الطريق الذى سأسلكه فى رحلتى داخل عالم الماكس

بالمناسبه

انا بقالى شهر فى الماكس (( بمقدار ساعتان فى اليوم تقريبا )) , اخدت دوره ابتدائيه عن الماكس (( عرفت الموديلينج والاضائه والخامات وعرفت طبيعة الماكس )) حسيت انى بقيت فاهم يعنى ايه ماكس , بعد ما كنت ببصله وانا مسبهل ههههه ومش فاهم التين من البلح


-- اتمنى مكنش طولت عليكم بس بجد انا مبسوط اوى انى لقيت بيت فيه اخوه اقدر اعتمد عليهم
اتمنى لكم دوام التوفيق والتألق
تحياتى لكم جميعا