Follow us on Facebook Follow us on Twitter Linked In Flickr Watch us on YouTube My Space Blogger
التسجيل
النتائج 1 إلى 6 من 6

موضوع مفتوح للنقاش

هذا الموضوع : موضوع مفتوح للنقاش داخل الدورات والدروس التعليمية | 3dsMax Tutorials & Tipsالتابع الي قسم Autodesk 3D Studio Max : السلام عليكم الي من لديه الخبري في الاظهار المعماري اود فتح باب النقاش عن فرص العمل في هذا المجال في ...

  1. #1
    مصمم جديد

    الحالة
    غير متصل
    تاريخ التسجيل
    Feb 2009
    الدولة
    Egy
    المشاركات
    11
    Thanks
    0
    Thanked 0 Times in 0 Posts
    معدل تقييم المستوى
    0

    موضوع مفتوح للنقاش

    السلام عليكم
    الي من لديه الخبري في الاظهار المعماري اود فتح باب النقاش عن فرص العمل في هذا المجال في مصر والخليج وما جدواه المادية والطلب عليه من السوق وماهي متطلبات العمل به
    اشكركم


  2. #2
    الصورة الرمزية صالح رواسي
    احباب طريق الجرافيك

    الحالة
    غير متصل
    تاريخ التسجيل
    Sep 2008
    الدولة
    الأردن
    المشاركات
    2,168
    Thanks
    0
    Thanked 0 Times in 0 Posts
    معدل تقييم المستوى
    74

    رد: موضوع مفتوح للنقاش

    أهلا بك أخي عمر في المنتدى وبنسبة لعمل الإظهار المعماري وأنت بإعتقادي لا تقصد الهندسة المعمارية ولاكن العمل الذي يليه
    من أعمال الثري دي والرندر .

    أنا شخصيا لست مهندسا معماريا وتعلمت الماكس لوحدي والفيري والأوتوكاد وشوية فوتوشوب وهذا من فضل الله ثم الشباب في
    طريق الجرافيك وبعض المنتديات الأخرى أيضا .

    أعمل في الأردن في هذا المجال بعد ما وصلت لمرحلة إستطعت الدخول من خلالها لسوق العمل ، أعمل مع بعض مكاتب الديكور
    وأيضا بعض مكاتب الهندسة بشكل جزئي بعد عملي الرسمي في إحدى الشركات ، هذا العمل الجزئي ولمدة ساعتين تقريبا في
    اليوم الواحد يدخل علي تقريبا 350 دولار في الشهر هذا طبعا وأنا غير متفرغ تماما له . طبعا لا أدري كيف ممكن يكون مردوده في الخليج ولاكن بالتأكيد سيكون أفضل من ذلك .
    بالنسبة لفرص العمل أعتقد أنه إذا أصبح مستواك ممتاز فهناك فرص جيدة للعمل في هذا المجال .
    وأما المتطلبات فهي بإعتقادي الأوتوكاد والفوتوشوب وأحد برامج الثري دي وأنا أفضل الماكس لإنتشاره أكثر من غيره ووفرت مستلزماته كالمجسمات والمقابس و المواد التعليمية له.

    أرجو أن أكون وفقت لتوضيح ما تريد الوصول له .

    بالتوفيق أخي الكريم .

  3. #3
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    Thumbs down رد: موضوع مفتوح للنقاش






    السلام عليكم ( وعليكم السلام ورحمة الله وبركاته )
    الي من لديه الخبرة في الاظهار المعماري ( اغلبنا لدينا الخبرة في هذا المجال )
    اود فتح باب النقاش عن فرص العمل في هذا المجال في مصر والخليج ( سيدي الفاضل ان كنت تبحث عن هذا المجال في مصر فهو يختلف اختلافا تاما عن الخليج في الكثير والقليل اولا ان هذا المجال في مصر هو مجال واسع وكبير ممكن تلاقيه في كتير في المكاتب الهندسيه او الشركات حتي شركات المقاولات نفسها بتحتاج الكلام ده في فرع عندهم اسمه المكتب الفني
    او technical office وهو مش بس بيشتغل في الحاجات دي وبس الاظهار المعماري ؟ بالعكس هو بيشتغل في حاجات تانيه اضافه الي الاظهار المعماري وقد يكون هم مقسمينه لاكثر من فرع والاظهار المعماري ده حاجه جمبهم زي الحصر والمواصفات والبنود والمقايسات و الورد والعطاءات والحاجات دي كلها ومعاهم بيكون في حدب يشتغل اظهار معماري لكنه في الاخر بيطلق عليه اسم المكتب الفني وفي الغالب هنا في مصر بيكون اللي بيشتغل في المجال ده لازم يكون مهندس معماري زي حضرتي مثلا وللاسف اللي احب ابلغك بيه ان اغلبه بيفضل يكون بنات علي اساس ان الاولاد بينزلوا الموقع يتنفخوا في الشمس والصحرا والمواقع والحاجات دي الخ لكن مش معني انه ان مفيش اولاد بيشتغلوا في المجال ده بالعكس في وكتير بردو .

    تعالي للنقطه التانيه اللي احب اقؤلك عليها وهي ان اللي بيطلب واحد زي ده في الغالب بيبقي حديث تخرج وفي الغالب بيبقي بيشتغل كاد وفوتوشوب وماكس ويبهدلوه وينفخوه ويخلوه يشتغل دوام كامل يعني طول اليوم وفي الاخر بيدوله الف جنيه او الف ونص بالكتير اوي بس في نفس الوقت هو بيشتغل .

    في حاجه كمان انه ممكن يشتغل في شركة او في مكتب انترناشيونال شويه وفي الوقت ده بيتنفخ شغل اكتر لكن بيتعلم حاجات كتيره افضل طبعا بس ده صعب اوي انه يدخله وهو صغير محتاج انه يطبق نظرية المرمطة اللي كنت عرضتها قبل كده هنا في المنتدي علشان يوصل لمكان زي ده .

    في حاجة تالتة اوعي تفتكر انه بس بيشتغل في الشغل ده بالعكس انا مثلا قعدت فترة بشتغل علي مشاريع الطلبة كليات الهندسة والعمارة والمدني بل ووصلت اني كنت بشيل مشاريع تخرج من كليات صيدلة واهي كلها شاسيهات في الاخر شويه الوان وتنسيق علي الفوتو واخرها دعايه يعني الاظهار مبقاش مجال اظهار معماري بس ده في اكبر من كده .

    الكلام اللي فات ده كله يتقال لو انت في مصر وينطبق علي الراضعين من نيلها واللي بيغنولها لما بالنسبة لدول الخليج فهو بردو موجود بتطبيق نفس النظرية السائده مع خلاف الاتي انه بردو بيشتغل في مكتب هندسي او استشاري او شركه او مؤسسه او مقاولات وبيطبق فيها نفس نظرية العمل لكن في بعض الدول النضيفه في الشغل شويه واللي اتعرض عليا منها عقد بالطريقه دي وهي عمان او قطر بيكون فيها نظام تيم وررك وبيبقي في اصطف وفيه مدير للقسم المعماري وفي مدير للتصميمات التنفيذيه وفي النهايه المحترف الاكبر هو اللي بيسيطر علي عملية الاخراج والاظهار المعماري من تحت تيم كبير اوي تحت ايده بيبدأ من تصميم الشاسيهات انتهاء بالاخراج النهائي وده بيبقي عنده فكر كبير اوي مش ماكس وبس ولا كاد وفوتوشوب وخلاص لا طبعا بتبقي مهااراته عاليه جدا ودايس في حاجات كتيره اوي علشان يوصل للمستوي ده .

    في بعض الشركات المتخصصه في المجال ده ومشهوره جدا منها انيمتكس وهي قويه ورائده في المجال ده وفي شركات تانيه زيها بردو اي نعم مرتباتها كويسه لكن انت عارف حجم ضغوط العمل فيها بتوصل لايه ؟ اعتقد انك محتاج تقرا مقابلة مع شركة انيماتكس علشان تستوعب الموضوع اكتر .

    نسيت اقؤلك ان في دول الخليج او السعوديه اذا زاد عملك عن الدوام المحدد في اليوم وهو ال 8 ساعات مثلا يبقي تعرف كويس انك اتنصب عليك وبيستغلوك خصوصا ان المكاتب بتشتغل لحد ساعات متأخرة . )


    وما جدواه المادية ( والله بالنسبه لجدواه الماديه فهو في بدايه العمل لو انت حديث التخرج كبيرك في مصر الف جنيه او الف ونص لما تتنطط ولما تكون واد فتك ومقطع السمكه وديلها يبقي هتاخد الفين جنيه اكتر من كده يبقي انت حاوي مش معماري اما بالنسبه لخبرتك لو زادت وبقيت اصطف مثلا وتحتك ناس والحوارات دي مرتبك بيزيد طبعا لكن مش بيعدي مش بيطير يعني يعني متحلمش انك تاخدلك بتاع عشر الاف ولا الكلام ده لانك في الاول وفي الاخر مشربتش من نيلها .
    نيجي للخيج لو انت سافرت بره او كده يبقي الوضع مختلف لانك عامة انت بتاخد مرتب مهندس مش بتاخد مرتب اظهار معماري هو مالوش دعوه انت بتظهر ولا بتخفي ولا حاوي حتي كده كده المرتب نازلك علي انك مهندس معماري هتشتغل اظهار هتشتغل اخفاء هتشتغل اللي تشتغله وهترضي بمرتبك ولو زادت خبرتك بيزيد مرتبك لكن في النهايه انت مهندس مش مظهر فبتتعامل علي الاساس ده .

    وممكن تدخل شركه من الشركات الخاصة زي انيماتكس زي ما قؤلتلك قبل كده بس بردو هتبدأ بنفس المرتب .

    خلي بالك انك ممكن تشيل شغل مع نفسك وكلنا بنعمل كده في الغالب يا بنشيل شغل من طلبه يا من مكاتب لوحدنا وبنتحاسب بسعر القطعه وقطعه عن قطعه تفرق في حسابها وكل قطعه بتفاصيلها وكل قطعه باسعارها ومالهاش اسعار محدده لكن كلها بتبدأ من 200 جنيه لحد 1500 جنيه ومتسألنيش ليه ؟ ! مش لاني مش عارف ليه هو انا عارف ليه بس لو كتبت ليه هنقعد لحد بكره
    فهمت ؟ )


    والطلب عليه من السوق ( كتير علشان اريحك لكن انت عارف يعني ايه تبقي اللقمه كبيرة واللي بيقسموا فيها صغيرينودلؤقتي بقت اللقمة صغيرة واللي بيقسموا فيها كتااااااااااااااااااااار جددددددددددددددددا من اللي عايز ياكل واللي مش عايز ياكل واللي بيعرف ياكل واللي كمان مبيعرفش ياكل انت فاهم قصدي ؟ )

    وماهي متطلبات العمل به ( عادي متطلبات العمل ان يكون عندك جهازين جهاز في البيت وجهاز لاب توب ويكون عندك احتراف وسرعة لما يأتي الاوتوكاد والفوتوشوب والماكس والفيراي طبعا وياريت بقي لو تعرف تتعلم في السريع افتر ايفيكت واسكتش اب وريفيت معماري وحبه فلاش ان قدرت وياسلام لو شويه الستريتور علي ارك كاد وكمان متنساش يكون عندك شويه دعاية لنفسك علي الفيس مع حتة بلوجر صغيره كده علي قدك مع شويه يوتوبات لنفسك ومتنساش تطبعلك شويه كروت ترميها في الشارع او تدخل كل يوم هاردير وماكدونالز وكنتاكي وتسيبلك قد عشر كروت علي الترابيزة وبالمره تطبعلك كام بوستر تقؤل فيهم اتحاد المعمارين العرب يقدم لكم مكتب الفضايح للاظهار المعماري هنفضحك هنفضحك ادينا مشروعك النهارده نخلصهولك بكره ! هتسلم يعني هتسلم مفيش حاجه اسمها تأجيل ولا شيلان مشاريع معانا هتوصل لبر الامان ومشروعك هيتقطع يا مان .
    اه نسيت اقؤلك كمان انك احتمال تحتاج علاقات جامده جدا مع كل من هب ودب في السوق علشان توصل اسمك للناس وتوصل صوتك لميدان التحرير .
    نسيت اقؤلك انك هتحتاج حاجة كده نظام حرص ولا تخون بس اعتقد انك مع الزمن هتغيرها لخون ولا تحرص يعني حاجه زي علامة مائية او انك تشوة المنتج اللي انت بتديه للطرف الاخر لحد ما تاخد فلوسك ضمانا لحقك ده ان عرفت تاخده اصلا .
    وكمان نسيت اقؤلك ان مقدار الاحباط اللي هتشوفه من اللمز والغمز والتريقه والقيل والقال علي شغلك هتبقي كتيره اوي احتمال تسمع ان شغلك لا يرقي كونه معماري بل يدوبك معمارجي
    واحتمال تدخل بيه الحمام وتشد عليه السيفون وتقرر انك متشتغلش في المجال ده تاني
    وتشوفلك شغلانه تانيه او تنام في البيت

    اشكركم ( لا شكر علي واجب ده هو ده الواجب اللي المفروض عليا اني اعمله معاك واديني عملت معاك الصح يا معلم ابقي تعالى كل يوم )

    مهندس معماري / احمد محرم

    ahmedmoharram@Live.com
    01113530300

  4. #4
    الصورة الرمزية صالح رواسي
    احباب طريق الجرافيك

    الحالة
    غير متصل
    تاريخ التسجيل
    Sep 2008
    الدولة
    الأردن
    المشاركات
    2,168
    Thanks
    0
    Thanked 0 Times in 0 Posts
    معدل تقييم المستوى
    74

    رد: موضوع مفتوح للنقاش

    والله حرام عليك يا مهندس أحمد حتعقد الواد

    هي الحكاية مش بسوء لهاي الدرجة أنا شغال من ثلاث سنوات في المجال وبكرر أنا مش مهندس يعني ما بشتغلش بالإسكتشات التنفيذية .
    ومع هيك مستورة والحال ماشي الحمد لله .

    إذا كان الأخ هاوي الشغلانة دي خلي ينوي والله الرزاق طبعا مع الإجتهاد والمثابرة .

    وتحياتي لك م أحمد محرم .

  5. #5


    الصورة الرمزية ام اياد
    الإشراف العام

    الحالة
    غير متصل
    تاريخ التسجيل
    Jul 2007
    الدولة
    مصرية في الامارات
    المشاركات
    7,307
    Thanks
    0
    Thanked 3 Times in 3 Posts
    معدل تقييم المستوى
    179

    رد: موضوع مفتوح للنقاش

    اخي الكريم
    هذا المجال مطلوب وبكثرة وخصوصا في مجال الديكورات .
    ولكن يتطلب منك التميز والاتقان والتفاني في عملك لان هناك الكثيرون الذين بمجرد تمكنهم من الضغط على ايكونة ريندر ينتقولون بعدها مباشرة الى سوق العمل عارضين اعمالهم بابخس الاسعار ولهم زبائنهم ولكن ان اهتتمت بالموضوع وسعيت له حق سعيه فباذن الله تكون فتحت لنفسك باب رزق كبير ولكي تتاكد من كلامي قم بالبحث على الانترنت عن مواقع الاخراج المعماري . وسوف تجد اعماللهم واسعارهم وهو مجال مفتوح بالفعل وراقي جدااا لانه خليط بين الهندسة والفكر والفن والابداع . وعليك السعي وعلى الله الرزق .
    المجال مفتوح في كل البلاد خصوصا دول الخليج . وعندما تحقق نجاحا وتميزا في عملك لن يكون عملك قاصرا على بلد وانما عملك سيفرضك على الجميع باذن الله تعالى .
    والعائد المادي يعتمد على النصيب وعلى تميزك والشخص الذي تتعامل معه . ليس ثابتا ولا محددا قد يكون كبير جدااا بشكل لا تتخيله وقد يكون ضئيل جدااا وهذا وذلك يعتمد كما قلت اولا نصيبك ثانيا مستواك ثالثا طبيعة العميل والعمل . ان احببت العمل في هذا المجال توكل على الله واتقن عملك اولا وتميز فيه ليكون لك باب الي الله تساله به الرزق .

  6. #6
    مصمم مجتهد

    الحالة
    غير متصل
    تاريخ التسجيل
    Aug 2007
    الدولة
    مصر
    العمر
    33
    المشاركات
    547
    Thanks
    0
    Thanked 0 Times in 0 Posts
    معدل تقييم المستوى
    23

    رد: موضوع مفتوح للنقاش

    نقاش حلو بس ياريت باقي الاعضاء يشاركوه


 

 

المواضيع المتشابهه

  1. ||@|| ايه افضل بنك اعمل فيه حساب !! موضوع للنقاش ||@||
    بواسطة Sir-Mando في المنتدى المنتدى العام
    مشاركات: 2
    آخر مشاركة: 13 / 12 / 2011, 28 : 04 PM
  2. افضل بريد مجاني موضوع مفتوح للنقاش
    بواسطة ahmedmoharram في المنتدى المنتدى العام
    مشاركات: 2
    آخر مشاركة: 20 / 03 / 2011, 58 : 02 PM
  3. موضوع مفتوح للنقاش
    بواسطة omarsaid777 في المنتدى المنتدى العام
    مشاركات: 0
    آخر مشاركة: 15 / 03 / 2011, 56 : 07 AM
  4. المواقع العربية - موضوع للنقاش
    بواسطة eslam mohamad في المنتدى الويب وتطوير المواقع | Websites Design & Development
    مشاركات: 0
    آخر مشاركة: 05 / 09 / 2009, 00 : 02 AM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 19 : 12 PM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO