انا اسفه يامصر
اتاخرت عليكى
بس خلاص
انا ناويه افديكى
وابعت روحى
وقلبى ليكى
وهضحى
واستشهد لاجل عنيكى
لاجل مااشوفك رافعه الرأس
شايفه ولادك بيحموكى
ايوة يامصر عشقتك انتى
وشفت عنيكى بلون البحر
مرسومة على برك انتى
ومراكبى على شطك ضى
اسفه يامصر انا ساكته كتير
بس اليوم راح ناويه اتكلم
واصرخ واكسر كل قيودى
راح ارفع علمك وهكبر
باسم الله .. ومصر بتكبر
ايوة يامصر ..بحبك انتى
رغم ما شفنا فيكى عذاب
ماهو مش هلومك
بس هلومك شويه كمان
علشان كل اللى خانوكى
قتلوا ولادك فى الميدان
بس هلوم كل ولادك
اللى عشانك ضحوا عشانك
وبيحبوكى فى كل مكان
انتى ياامى ياام الدنيا
ياام العالم فيكى بيسرح
ومهما عشانك شفت شهادتى
اصل قليل انى هضحى
ماهو مش موتى هو الحل
انا راح هقدم نفسى كمان
وارسم علمى على قلبى حنان
ايوة تاريخك كله عظيم
ايوة دا شعبك ..كله صميم
ايوة يابلدى ... وحلم الجيل
انى اشوفك ...رافعه الايد
كله صلابه وفكر جديد
انتى يامصر ساكنه فى قلبى
وميدانك كان واقف جنبى
بس عشانك هبعد تانى
لاجل ماانسى كل زمانك
كان بركانك هو كسرنى
واحزنك كان عنوانى
اوعى يابلدى تنسى شهادتى
وانتى هدمتى كل احلامى
اصل دا حبك دا مخلينى
ارجع تانى.. واعشق من تانى
بقلم/ ضحى جبر