Follow us on Facebook Follow us on Twitter Linked In Flickr Watch us on YouTube My Space Blogger
التسجيل
النتائج 1 إلى 4 من 4

زمان وأنا صغير ..قابلت بعبع :)

هذا الموضوع : زمان وأنا صغير ..قابلت بعبع :) داخل القسم الإسلامي والدينيالتابع الي قسم ملتقى الأعضاء : زمان و أنا صغير .. كنت لما باشوف واحد ملتحي ماشي في الشارع .. كنت بخاف جداً .. و بحس ...

  1. #1
    الصورة الرمزية adel.des
    مصمم مشارك

    الحالة
    غير متصل
    تاريخ التسجيل
    Jul 2009
    المشاركات
    67
    Thanks
    0
    Thanked 0 Times in 0 Posts
    معدل تقييم المستوى
    12

    Thumbs up زمان وأنا صغير ..قابلت بعبع :)









    زمان و أنا صغير ..



    كنت لما باشوف واحد ملتحي ماشي في الشارع ..


    كنت بخاف جداً .. و بحس إنه راجل شرير و عاوز يقتلني





    وكنت بمشي من شارع تاني !!








    لما كبرت شوية ..

    وعقلت



    مبقيتش بخاف منهم




    بقيت بترعب




    كانت فكرتي عنهم إنهم ناس متطرفين وفاهمين إن الإسلام كله قتل و دمار ..

    بس هم ساكتين عشان بيخططوا


    كبرت كمان شوية ..



    لقيتهم مش بيعضوا ..



    عادي يعني ..



    ناس عادية زينا زيهم ..



    بس فضلت حتة صغيرة ..

    إني كنت متأكد إنهم ناس فاهمين الإسلام غلط
    أنا مش عارف الإسلام بيتفهم صح إزاي !!
    ومش عارف هم فاهمين الإسلام غلط إزاي
    بس المهم إنهم غلط وخلاص






    تعالوا نتكلم بكل صراحة

    هنعمل زوووووووووووم على الناس دي و نعرف هم كويسين ولا وحشين ..

    استنا اوعا تفتكر اني هدافع عنهم واقولك دي ناس زي الفل ..

    شوف وجهة النظر واحكم بنفسك ..

    ووجهة النظر دي طبقها على اي حد مش شرط الملتحين بس


    تعالوا نشوف كده في عالمنا لو اي فئة او مجموعه او بلد .. ولا اقولك تعالى نتكلم بأمثله

    شوف معايا المجموعات دي

    المسلمين ( كل المسلمين ) هل كلهم كويسين ؟

    لأ بالعكس ده في مسلمين بيحاربوا الاسلام أكتر من أعداء الاسلام !

    هل ينفع نقول كل المسلمين وحشين او ان الاسلام ده وحش ! أو فيه عيوب مع العلم ان الاسلام بيأمر بكل معروف وبينهي عن كل منكر يبقى العيب في مين !


    المصريين ( كل المصريين )

    خطورة التعميم دي بتهدم وتبني في لحظة وبنصطدم مع الواقع في اول مشكلة

    لما حصلت الثورة قالك شوف جمال المصريين وشوف المصريين قد ايه منظمين وعممنا ان كل المصريين زي الفل ومفهومش غلطة لكن تتفاجئ بكمية المشاكل الي بتظهر مع البلطجة والسرقة ,, إلخ من البلاوي
    فهل الغلط في المصريين ككل أو في مصر في حد ذاتها ! ؟
    يبقى العيب في مين ؟





    المهندسين والأطباء والمدرسين وظباط الشرطة وكل المهن الي بتجمع فصائل كتير من المجتمع هل أخلاقيات مهنتهم في اصلها وفي دوافعها سيئة ؟ لأ بالطبع .. لكن في ناس بتلتزم بهذه الأخلاقيات وناس بتشرد لدوافع في نفسها وشخصيتها .. ساعتها العيب يعم على الناس الكويسة كلها او على المهنة نفسها ؟ ولا يبقى العيب في مين ؟

    المحجبات ( كل المحجبات )

    ايه رايك واكيد كلنا عندنا في اسرنا نساء وبنات محجبات
    هل كل المحجبات أخلاقهم وحشة ؟ لأ طبعاً ده في ناس اللهم بارك محترميين جداً جداً

    طيب هل كل المحجبات أخلاقهم كويسه ؟ أكيد لأ ده في ناس منهم والعياذ بالله ياخدوا جايزة نوبل في قلة الأدب ! وفي منهم بيعاكسوا الشباب في الشارع !

    طيب وهل الحجاب اصلاً أمر الكويسة تكون كويسة ؟ هنقول اه .. طيب هل أمر الوحشة تكون وحشة ؟ هنقول لأ


    يبقى العيب في مين ؟





    الملتحين
    ( كل الملتحين )


    في منهم ناس كويسة ؟ اه في ناس كويسه جداً جداً

    طيب هل في منهم ناس وحشة آه في منهم ناس وحشة جداً جداً

    طيب هل اللحية في حد ذاتها بتخلي الانسان يعمل الغلط ؟

    لأ طبعاً

    يبقى في منهم ناس فهمت الدين صح وطبقته صح وفي منهم ناس فهمت الدين غلط وطبقته غلط

    طيب في وسط المجموعات الي ذكرتها دي في عنصرين متكررين في كل الحالات ..


    العنصر الاول .. ان اصل الشيء نفسه الي بينتمي ليه الانسان بيأمره بالخير وينهاه عن الشر ..

    العنصر الثاني ...ان كل الي بيحاولوا يطبقوا في الاخر هم ( بشر )

    ومن بشريتهم دي انهم يغلطوا ..

    تعالوا نرجع هم الصحابة مكنوش بيغلطوا ! ؟

    حد ينفع لما يشوف غلط حد من الصحابة يقول دول الصحابة دول وحشين ( والعياذ بالله ) ؟ مع الفارق في الايمان طبعاً لكن في الاخر الصحابة ايضاً بشر وعشان هم بشر بيغلطوا زي ما كلنا بنغلط ..

    فالإنسان الملتحي ده واحد حب يقرب من ربنا وبيحاول يعمل زي ما النبي أمره انه يتشبه بيه ويعفي لحيته تشبهاً بالنبي صلى الله عليه وسلم .

    والنبي مش بس أمره باللحية ده في اوامر كتير جداً تانية مهمة جداً لازم يعملها ولا يكتفي بالشكل الخارجي فقط


    لكن في منهم الي قدر يغير نفسه بسرعه من أي خـُلق وحش فيه .. وفي منهم لسا بيحاول يغير نفسه وفي منهم لسا بيتدرج بيحاول وبيقع


    .. لانه بشر ..

    يعني الناس دي متولدتش بلحية لأ دول عادي زينا والله دخلوا حضانة
    وعملوا على روحهم وكانوا بيضربوا وكانوا بيتفسحوا ويشبطوا في لعب وهم ماشيين . ودخلوا مدارس وكانوا بيذاكروا
    وفي منهم شرب سجاير ومشي مع بنات وحب وصاحب وفي منهم ممكن كان في قلبه حسد او حقد او غيره .. واي ذنوب في الدنيا ممكن يكون كان بيعملها ! الفكرة كلها ان ايمانه زاد وحب يقرب من ربنا .. وتشبه بالنبي صلى الله عليه وسلم في شيء .. وبيحاول واحده واحده يتشبه بباقي الاخلاق والصفات .. في حاجات قدر ينزعها من قلبه وفي حاجات بيحاول ينزعها ويبطلها وفي حاجات مش عارف ينزعها او يبطلها !

    ليه طالبين ان الملتحي ده يكون ملاك مفهوش غلطة !!





    ورسالتي للملتحي ايضاً انه يكون رفيق مع الناس ومينساش انه كان زيهم في يوم من الايام واوحش


    كَذَلِكَ كُنتُم مِّن قَبْلُ فَمَنَّ اللّهُ عَلَيْكُمْ فَتَبَيَّنُواْ إِنَّ اللّهَ كَانَ بِمَا تَعْمَلُونَ خَبِيراً
    [النساء : 94]





    فتعالوا نتفق ان الانسان الي يهتم بظاهره بس وبيعمل كل وحشة ومن جواه وحش ومش بيحاول يغير من نفسه وشايف انه طالما ربى لحيته يبقى كده تمام ومفيش شيء تاني .. ده أخطر بكتير من أعداء الدين ..

    بس نتفق ان مش ظاهره ده ( اللحية ) هي الي قالتله يعمل كده !


    يبقى انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً

    ومننساش زي ما اتفقنا انهم بشر والكل هتلاقيه بيغلط لكن نضع لهم المشانق .. من زمان الاعلام بيصور لنا الملتحيين دول على انهم وحوش كاسرة في اي وقت هيقتلك دايماً بيحب الفلوس دايماً بيحب ينظر للنساء دايماً بيحب ياكل ومفجوع دايماً وحش في مظهره دايماً مكشر دايماً نصّاب ... إلخ

    حد يقولي بس الملتحيين بيكشروا باستمرار .. اقولك غلطان
    في منهم بيكشر وفي منهم بيضحك في منهم دموا خفيف وزي العسل وفي منهم دموا يلطش

    دي شيء في طبيعته هو كإنسان يعني هي لحيته لما طلعت مشدتش حواجبه لتحت عشان تجبره يكشر ..
    لكن خلونا نتفق اننا بناخد بالنا اكتر من الي بيكشر وبنلاحظه اكتر من الي مبتسم وده لان فيه ومن زمان تشويه اعلامي





    دايماً افلام عادل امام كانت تجيب الملتحي ده يقول ثكلتك امك ويصلي في غير وقت الصلاة ووقت الصلاة مصليش ويبص على النساء ومش كويس في عمله ومكشر للعيال الصغيره ..

    فطبعاً انت اول لما تشوف ملتحي هتبقى منتظر منه اي غلطه مني دي وان عملها ( وده وارد انه يعمل غلط لانه بشر مش ملاك ) هتثبت في عقلك الصورة

    وان معملش معاك حاجه غلط وابتسم ليك مثلاً هتقول د اكيد تعبان عشان كده مش قادر يكشر !

    فبقينا زي ما بيقولوا بنقف على السقطة واللقطة



    فدلوقتي لما الناس تشوف واحد في الشارع ملتحي بناء على الخلفية السوداء دي بتتعامل معاه من هذا المنطلق وبيحصل وقتها مشاكل ..

    الناس دي عليها ضغوط كثيرة من زمان ومن كل المجتمع ..

    لما نشوف حد منهم بيعمل شيء كويس نشكره ونشجعه ونحسسه بالرحمة ولما نشوف حد بيعمل حاجه غلط نقوله ( بينا وبينه على جنب ) ميصحش حضرتك ملتحي تعمل كده ..














    كل المطلوب اننا لا نسيء الظن في مجموعة كاملة من ناس طالما أصل عملهم يأمرهم بالخير ونتأكد مليون مرة إنهم بشر في منهم ايمانه قوي ومنهم ايمانه ضعيف وفي الاخر الكل ايمانه بيزيد وبينقص ..

    ومننساش ..

    انسان باطنه كويس ولم يلتزم ظاهرياً ده أفضل من انسان إلتزم ظاهرياً ولم يلتزم باطنه والافضل من الاتنين إنسان إلتزم ظاهراً وباطناً


    ربنا يرحمنا جميعاً ويكتب لنا التوفيق والسداد ويرزقنا الإيمان والالتزام الظاهر والباطن ويرزقنا الاخلاص ويتقبل منا جميعاً صالح الأعمال

    اللهم امين .


  2. #2

    الصورة الرمزية Haitham Zaki
    مشرف القسم الاسلامي

    الحالة
    غير متصل
    تاريخ التسجيل
    Oct 2009
    الدولة
    Egypt
    العمر
    31
    المشاركات
    2,681
    Thanks
    0
    Thanked 2 Times in 2 Posts
    الصور
    7
    معدل تقييم المستوى
    78

    Thumbs up رد: زمان وأنا صغير ..قابلت بعبع :)



  3. #3
    الصورة الرمزية أبو عبد العزيز
    مصمم مشارك

    الحالة
    غير متصل
    تاريخ التسجيل
    Jun 2010
    الدولة
    جدة
    المشاركات
    394
    Thanks
    0
    Thanked 0 Times in 0 Posts
    معدل تقييم المستوى
    19

    رد: زمان وأنا صغير ..قابلت بعبع :)

    أنا نفسي أسأل هو البعبع شكله عامل إيه ... يعني من زمان بنسمع عن البعبع وأمنا الغوله وفي السعوديه زمان كانوا بيقولوا أبو كلبان ووووو الحقيقة إن كل كلمة كتبتها المفرض تكتب بماء الذهب أهنيك على المشاركة المباركه وفقك الله ورعاك وف انتظار جديدك دائما
    الدنيا دار ممر لا دار مقر
    /hhttp://www.flickr.com/photos/alnashi

  4. #4
    الصورة الرمزية adel.des
    مصمم مشارك

    الحالة
    غير متصل
    تاريخ التسجيل
    Jul 2009
    المشاركات
    67
    Thanks
    0
    Thanked 0 Times in 0 Posts
    معدل تقييم المستوى
    12

    رد: زمان وأنا صغير ..قابلت بعبع :)

    جزاكم الله حيرا كثيراً ..


 

 

المواضيع المتشابهه

  1. صحافه زمان
    بواسطة waleed_ali في المنتدى المنتدى العام
    مشاركات: 2
    آخر مشاركة: 05 / 01 / 2013, 29 : 12 AM
  2. ورشة موديلنج طائر .. والله زمان
    بواسطة hany_201083 في المنتدى ورش عمل ومسابقات
    مشاركات: 105
    آخر مشاركة: 30 / 06 / 2011, 34 : 04 PM
  3. أيشتم الرب والدين وأنا حي
    بواسطة الفارس الملثم في المنتدى القسم الإسلامي والديني
    مشاركات: 0
    آخر مشاركة: 25 / 01 / 2011, 57 : 10 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 31 : 03 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO