Follow us on Facebook Follow us on Twitter Linked In Flickr Watch us on YouTube My Space Blogger
التسجيل
صفحة 1 من 2 12 الأخيرةالأخيرة
النتائج 1 إلى 15 من 18

Lighting and rendering workshop

هذا الموضوع : Lighting and rendering workshop داخل الدورات والدروس التعليمية | 3dsMax Tutorials & Tipsالتابع الي قسم Autodesk 3D Studio Max : من فترة انا بلاقي مواضيع كتير فيها اعمال ممتازة من ناحية المودلينج لكن بتتكعبل في منطقة الريندرينج بما فيها اللايتينج ...

  1. #1
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    Lighting and rendering workshop

    من فترة انا بلاقي مواضيع كتير فيها اعمال ممتازة من ناحية المودلينج لكن بتتكعبل في منطقة الريندرينج بما فيها اللايتينج والشادينج - واسمحولي اربط التلاته هنا ببعض لانهم مرتبطين ببعض ارتباط وثيق ونتايجهم بتظهر اجمالا مع بعض - وكان معظم كلام الناس ليه الصورة النهائيه مش بتظهر بنفس جودة وقيمة العمل النهائي في بلاد بره ((( بلاد الخواجات )))
    وكمان لاقيت مواضيع تانيه فيها خلاف حول الاساليب نفسها لكن ما فيش اهتمام بالمضمون نفسه وفي راي ان ده غلط اسلوب التنفيذ بيختلف من شخص لاخر ومن بروجكت لاخر لكن في الاساس المهم هو تحقيق الهدف
    المهم قولت ليه منعملش ورشه >>> بشكل ادق هي حاجه زي ما تقولوا كده حلقة نقاش<<< نستعرض فيها الاسس والمفاهيم ونتيادل فيها اساليب التنفيذ وننتقدها ونبرز ايجابياتها
    مبدئيا الكلام حيبقى في المنتل راي لانه هو الريندر الاساسي ومش حنتكلم في نقطة الاقوى والافضل والكلام الغير عملي ده لكن لان المتاح للجميع وممكن بعد ما ننتهي منه ننتقل لاي ريندر اينجين تاني
    الورشه حتتقسم لتلت مراحل .......... الاولى حنتكلم فيها عن الاضاءه انواعها وتقسيماتها واعدادتها وحنعمل شوية تطبيقات عمليه لمحاكاة الاضاءات وتاثيراتها المرحلة التانيه ودي حنتكلم فيها عن الشادينج ونتكلم عن الخامات واساليب تكوينها وتركيبها لتحقيق تاثيرات الخامات المختلفه بالاساليب المتنوعه ونشوف مجموعة الاعدادات المرتبطة بيها وطاااابعا حنعمل برده تطبيق عملي لمحاكاة انواع مختلفه من الخامات وتاثيراتها
    اما المرحله التالته حنتكلم فيها عن الريندر اعداداته انواعه اساليبه وحنستعرض بعض التريكس اللي بتستخدم احترافيا لتحقيق صور معينه من الريندر
    الورشه بالنهايه هي محصلة عمل المجموع وليس فقط مجرد طرح المعلومات من ناحيتي فبرجاء من الجميع المشاركه سواء بالطرح او بالمناقشه از بالتطبيق والنقد لان ممكن اوي في النهايه نخرج بمرجع عربي قوي جدا في الجانب ده من الشغل
    وربنا يوفقنا جميعا وبسددنا لما هو صواب


  2. #2
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    اولا الاضاءه
    في البدايه في شوية دردشه معلومات عامه نتكلم فيها عشان بعد كده حيبقى ليها عامل مؤثر في فهمنا للاضاءات
    اول حاجه نتكلم عنها في الضوء هو عباره عن ايه ؟؟؟
    عموما كل المصادر العلميه حاطه من ضمن تعريفه انه عباره عن انبعاث حراري
    ودي معلومه جوهريه لان منه نفهم ان الضوء ناتج عن حراره وبالتالي باختلاف المصدر بيختلف شكله وعليه الضوؤ بيعبر عن جو المكان اللي بينوره
    الضوء دايما بترتبط به مجموعه من الظواهر الطبيعيه زي الانكسار Refraction والانعكاس Reflection والحيود Diffraction والظلال shadow الارتداد الشعاعي Radiosty مجموعة الظواهر دي بتساهم في تشخيص الضوء وتحقيق واقعيته والظواهر دي عادة مرتبطة بتلت حاجات وبالتالي بتاثر في الصورة بتاعتنا بناء عليهم وهم الضوء ومصدره نفسه الحاجه التانيه البيئه الموجود فيها الضوء هواء .. ماء .. فضاء.....
    الحاجه التالته وهي طبيعة خامات الاجسام الساقط عليها الضوء او المعرضه ليه
    وطاااااااااااااااابعا فيه مجموعة ظواهر ممكن نسميها الظواهر التابعه واللي بتترتب على الكلام ده يغني الانكسار Refraction بييجي بعديه الكوستيكس Cuastics الحيود Diffraction بييجي بعديه الطيف اللونيSpectrum طبقيات الضوء ( ودي ترجمه بتصرف ) Volume

  3. #3
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    معلهش هي حتة الدردشه دي فيها رغي شويه بس فعلا هي ضروريه قبل البدء
    نكمل تفسير شوية الظواهر المترتبه عل الضوء
    والانعكاس Reflection
    دي عبارة عن ارتداد للضوء عن سطح جسم اصطدم بيه اثناء مساره ... طبعا ده كلام مفهوم مسبقا طيب الكلام ده بيترتب عليه ايه ...
    بيترتب عليه تلت حاجات تتعلق بالضوء و بالمشهد و بالجسم العاكس
    بالنسبه للضوء بيتغير مساره بزاويه قائمه وتظهر بقعة ضوء في مكان اخر غير مرتبط بموقع مصدر الاضاءه ولكن بشكل اخف
    بالنسبه للمشهد الكلام ده بيعتبر لود على انارة المكان يعني بيزيد فيها حسب قوة الضوء ولو المصدر قوي طبعا ممكن يعمل اوفر شوت Over shot يعني في اماكن بتختفي ورا هالة من الضوء
    اما بالنسبه للجسم العاكس حيحصل عندنا حاجه اسمها بقعة الانعكاس Speculaer ودي بيرتبط شكلها ومساحتها ولونها على طبيعة الخامه نفسها ودرجة قدرتها على عكس الاضواء فالشكل بيختلف من معادن لبلاستيكات لزجاجيات ون اسطح لامعه لاسطح قليلة اللمعان لاسطح شديده اللمعان وهكذا......

  4. #4
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    الانكسار Refraction
    الظاهره دي بتحصل نتيجة انتقال الضوء ومروره من وسط لوسط اخر ثم لوسط ثالث كلهم متغيري الكثافه
    يعني كان مساره في الهواء ثم نفذ خلال زجاج ثم هواء مجددا وبيكون الانكسار عبارة عن انحراف في مسار الضوء نفسه
    وطبعا يشترط لتحقق موضوع الانكسار ده ان كل الاوساط اللي بيمر فيها تكون ليها خاصية الشفافيه وحسب درجة شفافية وكثافة الوسط الثاني بيتكون قوة الضوء في الوسط الثالث ولونه طبعا
    ورغم ان كل شروط وارتباطات الانكسار متوقفه على خامة الوسط الثاني لكن هي ظاهره خاصة بالضوء

  5. #5
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    لحيود Diffraction
    الى حد ما هو يشبه الانعكاس والانكسار فالحيود هو انحناء يحدث للضوء نتيجة مقابلتها لعائق ما تكون خصائصه متتابعه مثل مثلا مروره خلال فتحتين ونتيجه لذلك تتداخل الموجات الضوئيه وتحدث هذه الظاهره

    وتظهر هذه الظاهره في حياتنا اليوميه باشكال متعدده مثلا الحلقات التي تظهر حول الشمس والقمر في حالة وجود سحب خفيفه
    وايضا الحلقات الضوئيه التي تبدو مع سقوط الضوء على سطح السي دي

  6. #6

    الصورة الرمزية arif2008
    مشرف قسم المبتدئين في الماكس

    الحالة
    غير متصل
    تاريخ التسجيل
    Mar 2008
    الدولة
    السودان
    المشاركات
    3,580
    Thanks
    0
    Thanked 8 Times in 7 Posts
    الصور
    9
    معدل تقييم المستوى
    113

    رد: Lighting and rendering workshop

    مشكور أخي الكريم سلمت يداك ياريت لوتضع صور لتوضيح الروؤيه للجميع <<<

    ( حسبنا الله سيؤتينا الله من فضله إنا إلى الله راغبون ) دعاء الفرج بعد التشهد الأخير

  7. #7
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    الظلال shadow

    تحدث الظلال بكل بساطه ((وزي ماكلنا عارفين )) نتيجة وجود حائل غير منفذ للضوء او محدود النفاذيه وعموما اي قدر من الضوء ايا ما يكون مصدره حيعمل ظلال واي جسم ايا ما تكن درجة نفاذيته او شفافيته بردوا ليه ظل
    يعني فوارق الظلال مش في وجودها من عدمه ولكن بتيجي في جوانب اخرى
    كثافة الظل ...
    حجمه ....
    وضوح حدوده
    فمثلا قرب الجسم من مصدر الضوء وبعده عن السطح اللي بيتلقى الظلال بيخلي حجم الظلال كبير واطرافها شديدة النعومه كما ان الظل بيبقة لونه خفيف



    وكمان حجم مصدر الضوء بيفرق في اوصاف الظلال فمصادر الضوء الكبير الحجم او الذي يغطي ضوءه مساحات كبيره (( الشمس مثلا )) بتكون ظلاله ناعمه ومترامية الاطراف لانها بالطبع بتكون بعيده عن الجسم والسطح بيكون اقرب اليه
    وناخد في اعتبارنا برده ان طبيعة الجسم اللى بيستقبل الظلال بتشارك بشكل محدود نوعا في مواصفات الظلال زي الورة دي وشكل اظل على السحاب مع ان السحاب مش سطح ملموس الا انه بيستقبل ظلال وبرده بيرمي ظلال
    !!!!!!



    عموما الظلال هي عنصر مكمل في الحياة ووجوده ضروري مع الاضاءه
    وغياب احدهم ينفي وجود الاخر
    يعني ما ينفعش يكون في نور من غير ظلال
    لكن وجوده بوضوح شديد في الصورة قد يعطي انطباعت غير مرغوب فيها
    عشان كدا بيتم التركيز على النقطه ديه في اللوحات
    فتوازن الضوء والظلال بيشارك في انطباع وجو اللوح والصور
    اضاءه كثيره مع ظلال خفيفه يعطي انطباعات بالتفاءل والفرح
    اضاءات كثيفه وظلال ثقيله حاده يعطي انطباع بالسخونه والملل
    اضاءات خافته وظلال كثيفه يعني غموض وخوف وشر وزكي رستم
    وهكذا

  8. #8
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    اقتباس المشاركة الأصلية كتبت بواسطة arif2008 مشاهدة المشاركة
    مشكور أخي الكريم سلمت يداك ياريت لوتضع صور لتوضيح الروؤيه للجميع <<<

    اشكرك يا عارف
    ان شاء الله الصور تاتي تباعا
    هههههه

  9. #9
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    لارتداد الاشعاعي Radiosty

    وهو عباره الاناره المرتده نتيجة تصادم وتشتت الضوء على الاسطح وهو يعتبر نتيجه للانعكاس لكنه ايضا يحدث مع الاسطح الغير عاكسه في سطح يمتص قدرا من الضوء ويعكس القدر المتبقي وعموما انارة اي مكان بصفه عامه لا تتوقف على مصادر الضوء فقط ولكنها يضاف عليها هذه الظاهره كمصدر اضافي او غير مباشر
    فالشمس هي التي تنير ما حولنا لكنا ايضا تبعثر اشعة الضوء على السحاب والمباني والطرق والاسطح المختلفه هو ما يساهم في توزيع الاناره في عالمنا
    كما ان الوان الاشياء تساهم فيها هذه الظاهره فعند ارتداد الضوء من على سطح هو فهو يحمل معه لون هذا السطح بالتالي فان كل سطح يسقط عليه شعاع الضوء المرتد يختلط لونه باللون الاخر على نحو ما وهو مايسمى النزف اللوني Color Bleading
    وهي من الظواهر التي تسهم في تشخيص الاضاءات في اللوح والصور

  10. #10
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    انواع الضوء
    هناك فئتان اساسيتان يندرج تحتهما الضوء
    الفئه الاولي هي الاضاءه المباشره Direct وهي عباره عن مصدر او منيع للضوء بذاته مثل الشمس والشموع وتامصابيح والنيران وكل ما يصدر عنه نشاط حراري
    الفئه الثانيه وهي الاضاءه غير المباشره Indirect وهي عباره عن مصدر لاضاءه بناء او اعتمادا على مصادر اضاءه مباشره بدونها لايشع هذه الاضاءه مثل اضاءة الافق او السماء فهي تعتمد على الاضاءه القادمه من الشمس والنجوم الاخرى ليكون لها اضاءه من حولنا تسبغ لونها الازرق على العالم ومع غياب الشمس يتغير مستوى الاضاءه
    وايضا ظاهرة الارتداد الاشعاعي Radiosty التي تحدثنا عنها مسبقا هي صوره رئيسيه من صور الاضاءه غير المباشره

  11. #11
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    وبكده اعتقد يبقى وصلنا لنهاية الدردشه (( ياريت لو حد عنده اي اضافه يا ريت يضيفها مشكورا )) ونبدء نتكلم في اساليب الاضاءه في الماكس وهي حتكون متقسمه للنقط دي :
    - ادوات الاضاءه في الماكس
    - الاضاءه المباشره في جو خارجي
    - الاضاءه غير المباشره في جو خارجي
    - الاضاءه المباشره في جو داخلي
    - الاضاءه غير المباشره في جو داخلي
    - حالات خاصه

  12. #12
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    الاضاءه في الماكس
    ادوات الاضاءه
    فعليا ادوات الاضاءه في الماكس تنقسم لثلاث فئات وهي
    1- اضاءه مباشره
    2- واضاءه غير مباشره
    3- وتاثير الاضاءه ( وهم الاضاءه )
    الاضاءه المباشره
    ودي بتعني الاضاءات بصفه عامه واللي بتصدر ضوء بشكل مباشر في المشهد زي الاومني والاسبوت وغيرهم
    ودي نوعين النوع الاول هو الاضاءه القياسيه Standard
    والنوع الثاني زهز الاضاءه الفيزيائيه Photomatric - هي مش ترجمه دقيقه للمصطلح لكن لتقريب لوصف -
    ونبدء بالاضاءه القياسيه Standard

  13. #13
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    Target spot & Free spot
    هذا النوع من الاضاءه يقدم لك اضاءه منبعثه من نقطه لتنتشر في شكل مخروطي او قمعي في اتحاه معين وينتج عنها بقعه ضوئيه ناعمة الحواف

    عشان كده النوع ده من الاضاءه ممتاز في تمثيل الاضاءات الصادره من اسبوتات - طبعا ما هو ده اسمه -
    وكمان بتستخدم في عمل تاثير للفت الانتباه
    يعني ممكن ما نستخدموش نفسه في الاضاءه لكن في عمل يقعه للتركيز وهنا طبعا ما فيش ظلال
    زي مثلا اضاءات الاستوديو
    طيب هل ينفع نستخدمه لتمثيل الاضاءات الطبيعيه
    عموما مش ممكن لان مصادر الاضاءه في الطبيعه مش صادره من نقطه واحده ولكن بسبب كبر المصدر والمسافات التنينيه بين الارض وبينها بتبقى الاضاءه جي من عدة نواحي بالاضافه طبعا لعوامل التشتت والتبعثر
    لكن ممكن نستخدم النوعيه ديه لعمل تاثير اضاءة القبه السماويه لكن بمجموعه منها و شوية لعب في الاعدادات
    طيب اعدادات النوعيه ديه

  14. #14
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    Spot light parameters
    هنا بقى تقدر تتحكم في مواصفات الاسبوت بتاعك اذا كنت عاوز المخروط بتاع الضوء دائري او مربع
    عايزة يكون فيه اوفر شوت يعني نقاط سطوع شديده

    advanced effects
    هنا دي مؤثرات عشان الاضاءه نفسها يعني عندك contrast ودا درجة التباين بين المساحات المضاءه والغير ودرجة التنعيم لحواف البقع الضوئيه وكمان تاثير الضوء ما بين diffuse يعني الضوء بيئثر في الوان الخامات ويكون باين فروق بين اماكن مضيؤه وغير speculaer ودا يعني النور يكون ليه تاثير في الخاصيه دي في الماده فتظهر له بقع سطوع على الاسطح ودا لو ان الضوؤ له وجود مادي في المشهد زي الاضاءات المباشره ( شمس لمبه شمعه ...... ) ambient ودا يعني ان الضوء هنا لانارة المشهد بس لكن ما فيش تاثير ضوئي ملموس زى ظلال وغيره ودا مثلا للاضاءات الغير مباشره زي انارات الافق

    shadow parameters

    في المكان ده تتحكم في مواصفات الظلال لونها درجة قوتها لو عاوز تحط خريطه للاظلال عشان توحي بظلال معينه زي تاثير السحاب اللي بيتحرك ظله على الارض وكمان لو عاوز النور ياثر في الظل ولونه وده طبيعي لان عادة الظل لونه من سببين السطح اللي هو عليه ولون النور اللي عمله
    كمان تتحكم في تاثير الظل على الاتموسفير او البيئه المحيطه

  15. #15
    الصورة الرمزية shrifazmy
    مصمم مشارك

    الحالة
    غير متصل
    تاريخ التسجيل
    Jun 2008
    الدولة
    مصر
    العمر
    40
    المشاركات
    46
    Thanks
    0
    Thanked 0 Times in 0 Posts
    معدل تقييم المستوى
    0

    رد: Lighting and rendering workshop

    ray traced shadow parameters
    المساحه دي بقى مش دايما بنفس الاسم
    لانها دايما بتتغير بتغيير المابه اللي احنا محددينها للظلال في التبويبه بتاعة general parametersيعني لو اختارنا Area shadows حيبقى اسمها اريا شادوس لو اختارنا مابة ابو خليل يبقى حيكون اسمها ابو خليل
    وبالتالي نفهم ان دي عشان نتحكم في اعدادات المابه

    atmosphere & effects

    الاعدادات اللي هنا علشان نتحكم في التاثيرات الجويه للضوء اللي هي التاثيرات اللي بتحصل مع وجود الضوء في ظروف جويه معينه
    زي تاثير العدسات وتاثير الـ Volume light اللي سبق واتكلمنا عليه

    mental ray inderict illumination

    هنا بقى الاعدادات المرتبطه بحساب الاينديركت ليمينشن في المنتل راي فتقدر من هنا تتحكم في مقدار الاضاءه المرتده لكل مصدر ضوئي في المشهد على حدا وبالتالي تظبط توقيت الريندر على الضروري
    زدي حته نوعا احترافيه ومهمه جدا حنتكلم عنها بعدين


 

 
صفحة 1 من 2 12 الأخيرةالأخيرة

المواضيع المتشابهه

  1. [Modeling]: Interior modeling, lighting and rendering with 3ds
    بواسطة cgway center في المنتدى دروس تعليمية اجنبية | Youtube , Vimeo
    مشاركات: 2
    آخر مشاركة: 09 / 09 / 2013, 25 : 10 AM
  2. Maya Lighting and Rendering
    بواسطة y@sser في المنتدى الأرشيف و المواضيع القديمة
    مشاركات: 0
    آخر مشاركة: 18 / 01 / 2008, 24 : 04 PM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12 : 12 AM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO