Follow us on Facebook Follow us on Twitter Linked In Flickr Watch us on YouTube My Space Blogger
التسجيل
النتائج 1 إلى 4 من 4

مهرجان الافلام القصيرة للكوميونيتي العربي للجرافيكس 2012

هذا الموضوع : مهرجان الافلام القصيرة للكوميونيتي العربي للجرافيكس 2012 داخل أخبار الثري دي والتقنيات |Graphic news , Techniquesالتابع الي قسم نشاطات طريق الجرافيك (لحظه بلحظة) : مهرجان الافلام القصيرة للكوميونيتي العربي للجرافيكس يهدف المهرجان ليس فقط للتسابق وتنمية مواهبنا وامكانياتنا التقنيه في الجرافيكس بشكل عام .. ...

  1. #1

    الصورة الرمزية hwpa2001
    مشرف قسم الـ Cinema4D

    الحالة
    غير متصل
    تاريخ التسجيل
    Dec 2006
    الدولة
    مسلم ومصرى وأفتخر
    العمر
    50
    المشاركات
    1,181
    Thanks
    0
    Thanked 1 Time in 1 Post
    معدل تقييم المستوى
    36

    مهرجان الافلام القصيرة للكوميونيتي العربي للجرافيكس 2012

    مهرجان الافلام القصيرة للكوميونيتي العربي للجرافيكس



    يهدف المهرجان ليس فقط للتسابق وتنمية مواهبنا وامكانياتنا التقنيه في الجرافيكس بشكل عام .. ولكن لدفع المجال للامام باننا نساعد المبتدئين بدخول صناعة الجرافيكس والاحتكاك مع محترفي المجال والتعلم منهم .. وعلي الجانب الاخر نساعد في نشر مفهوم انتقال الخبرات بالتعاون الذي يتم مابين المبتدئين والمحترفين داخل كل مجموعه.

    ومن اهم اهداف المهرجان واللي نحب ناكد عليه هو اننا بالمهرجان ده بنوسع دائرة السوق … باننا سوف نسوق للمهرجان ده لكي تحضر جهات انتاجيه كثيرة … وجهات اعلاميه … بحيث نكشف عن الطاقات الشابه الموجوده والمكبوته تحت ضغط الشركات المهيمنه علي السوق … مما يتيح الفرصه للفنانين بالتسويق لاعمالهم … ويعطي لهم الفرصه لانتاج اعمالهم من خلال هذه الجهات …
    لذلك … ندعو كل الفنانين اختيار افكار قابله ان تكون اعمال كبيرة كمسلسل او فيلم طويل مثلا … حتي اذا وقع عليهم الاختيار من قبل جهة الانتاج … يكون العمل مجهز ومعد

    الفارق الوحيد بين المهرجان اللي عاوزين نقيمه واي مهرجان في العالم اننا عاوزين ندعم المجال ... ونحل مشكلاته
    مشكلات المجال تتلخص في 3 اطراف ... (أ) الشركات المهيمنة علي السوق. (ب) شركات الانتاج. (ج) العاملين في المجال



    (أ) الشركات المهيمنة علي السوق.
    الشركات دي ضغطه علي الناس ... وبتهدر حقوق الناس

    ======الحل======
    نسعي في اننا نفجر طاقات الشباب في اطار منظم ((خارج عن سيطرة الشركات دي)) ويعطي لهم الفرصه لتخريج هذه الطاقات مما قد يتيح لهم انتاج اعمالهم علي نطاق كبير ((من خلال شركات الانتاج))




    (ب) شركات الانتاج.

    تعتقد هذه الشركات ان اخر ما يمكن الوصول له من جودة اعمال هي امكانيات الشركات المهيمنه علي السوق ..!! ولكن اللي ماتعرفوش هذ الجهات ... ان طبيعة العمل داخل هذه الشركات يحدث بالضغط علي العاملين ... ومعاملتهم باسوء الطرق لتنفيذ الشغل ده ... وتهديدهم المستمر بعدم الاستقرار في العمل .... والتقليل من قيمة الفنان ... وجعلهم دائما في اطار انت فاشل ... وانت ولا حاجه .... وعلي الجانب الاخر بيبيعو شغلهم بارقام خياليه ....!!!!!!

    فالعاملين في الشركه دي ... بيقلبو الشغلانه عشان يخلصو من الضغط ده...!!! ومن كتر الحاله النفسيه المزريه اللي بيبقو فيها .... من المعامله السيئة ...!!!

    يعني معني الكلام ده .. ان الناس دي عندها امكانيات وطاقات اكبر من اللي بتتنفذ داخل الشركات دي ..!! بس غير ظاهرة ... بسبب الضغط والمعامله ...!!!

    ======الحل======
    نعمل مهرجان ... نعرض فيه الطاقات الحقيقيه لكل فنان ... ونقول ان ده يا جماعه يا منتجين امكانياتنا الحقيقيه ... مش اللي بتشوفوه في الشركات دي ...!!! ادونا الفرصه ... واحنا هنكسر الدنيا ...!!!




    (ج) العاملين في المجال
    معظم الناس في المجال غير قادرين علي العمل داخل مجموعه ... غير قادرين علي اتباع تعليمات رؤسائهم في العمل ... غير قادرين علي تقبل النقد ... غير قادرين علي الالتزام بجداول العمل والتسليم .... الخ الخ

    عدد الافراد اللي في مجال (((حقا وصدقا))) اللي لما بتوصل لمستوي خبرة كبير وبتحاول مساعدة الناس و بينقلو خبراتهم للمبتدئين عدد ضعيف جدا بالنسبه لعدد العاملين في المجال ...

    عدد المبتدئين والناس التايهه في المجال واللي مش عارفه طريقها ... ولا منين تبتدي ... ولا ازاي تمشي ... ولا تتخصص في ايه وازاي ...!!! نسبه مرعبه جدا ...!!! وللاسف قليل جدا اللي بيحاول يوجه ويساعد الناس دي ...!!

    وانا اساعده ليه ؟؟؟ انا مش فاضي ...!!!

    ======النتجيه======
    اعداد الغير محترفين في تزايد مستمر ... اعداد المحترفين ثابته .... كل واحد مبتدء بيدأ من صفر .... كل واحد محترف بينتهي عند نقطه 5 ..... وبتفاوت الامكانيات .... هانقول من 4 الي 6 ....ومستوي الناس بيقف عند النقطه دي

    المبتدئ في مشواره في المجال بيبدء من صفر وبرضو بيقف عند 4 الي 6 ...!! عشان كده المجال مستواه من سنة 2006 تقريبا واقف علي اعلي جوده عملتها اروما ... ولم يسجل في المجال جوده تعدت هذا الخط (((كمستوي شركات عام مش علي اعلان ولا اتنين...!!))

    ======الحل======
    عمل مهرجان جماعي ... يدعم العمل الجماعي ... يشترط انتقال الخبرات ... كل مجموعه تدخل مبتدئ (((ااااااااااااوووووووووو))) ) متوسط الخبرة ((((((( ااااااوووووو )))))) متوسط الخبرة يمسك جزئيه معينه ((انتم احرار هي ايه)) بس يبقي مسئول عنها ... فياخد فرصه انه يثبت نفسه ...وبمشاركته في الفيلم ويشوف الشغل بيتنفذ ازاي ... ويحاول يزاكر ويحاول يتماشي مع المجموعه ... فيطور نفسه ....

    وبكده ... فيلم ورا فيلم ... مهرجان ورا مهرجان ... بنبني المجال صح ... بنرفع مستوي الجرافيكس العام ... خبراتنا بتتناقل .... بيحصل حاله من التواصل بين المبتدئين ... والمحترفين .... بنخلق روح تعاون جديده ... جو نضيف الناس تشتغل فيه

    ساعدنا الناس كلها تشتغل في جو جماعي ..
    وزاي مابيقولو ..... في اتحادنا قوة ... وفي فرقتنا ضعف

    هوه ده هدف المهرجان ... هي ده مهمتنا عشان نساعد المجال والناس ...



    الشروط


    اطار المسابقه من حيث الافكار

    الهويه العربيه… هي هدفنا في هذا المهرجان … وشرط من اهم الشروط هو ان فكرة الفيلم تدور في اطار الهويه العربيه .. فكرة نابعه من داخل مجتماعاتنا العربيه … او من داخل تراثنا
    ليس بالضرورة انها لا تحتوي علي افكار فانتزيا او خيال علمي ..!! ولكن تخيل هذا العالم في اطار عربي ولا تنقل فكر الغرب في اعادة تنفيذ افكار مثل ترانسفورمرز او الابطال الخوارق مثل سوبر مان وباات مان … فيجب علينا بناء فكرنا الخاص … النابع عن حضاراتنا العميقه… ونبني رؤيتنا لعالمنا الخيالي النابع من عالمنا العربي الواقعي.


    الترشيحات

    افضل فيلم
    افضل اخراج
    افضل قصة وسيناريو
    وتصميم شخصيات Concept Artافضل
    افضل تحريك
    افضل فيلم لطلبة
    – شرط ان يكون كل الفنانين طلاب مازالو في الدراسه
    حتي الان لم نحدد قيمة الجوايز لاننا لم نتفق مع راعي للمهرجان حتي الان ... ولكن بمجرد الاتفاق مع راعي سوف يتم تحديد قيمة الجوائز .... وسوف تحدد وفق الترشيحات السابق ذكرها

    للتوضيح دي مبادرة مننا كشباب لحل مشكلة المجال ... يعني احنا مش منظمه او جمعيه او حتي كيان ضخم ...!! فياريت الناس لا تتحامل علينا في موضوع الجوائز الغير معلنه حتي الان ... فالجوائز ماهي الا وسيلة تشجيعيه ... ولكن المكسب الحقيقي هو تحقيق حلم خروجنا من تحت سيطرة شركات المجال .... وتوصيل اعملنا لشركات الانتاج في اطار احترافي ...!!



    طريقة المشاركة

    يتقدم مجموعة من فنانين المجال (راجع شروط العدد داخل المجموعه) بطلب مشاركه في المهرجان باسم الفيلم ويقدمو نبذة عن القصه مختصره .. وقائمه باسماء المشاركين ومهمة كل شخص في الفريق (modeling, animation, render .. etc)وتحديد اسماء الفنانين المبتدئين / المتوسطين المشاركين …
    ثم ترسل هذه البيانات في ملف بصيغة بي دي اف (اكروبات ريدار) الي الكوميونيتي علي الايميل التالي
    (acgc_filmfest@arabcgcommunity.com)
    للشباب اللي متخوفين من سرقة افكارهم .... لو ده مثلا قصتك ...!!



    ابعت وقول اسم الفيلم : خليك مصري بجد
    نبذه عن الفيلم: الفتنه الطائفيه في مصر بين المسلمين والمسيحيين لتدمير الثورة

    1) فلان ... موديل .. محترف (قائد المجموعه)
    2) علان ... انيميشان ... محترف
    3) زيدان ... رندر.... محترف
    4) حماده هلال .... رندر ... مبتدئ
    الخ الخ ....

    مثلا .. وكان الله بالسر عليم ...!!
    ولا تذكر اي سر من اسرار الاحداث .... هو ده المقصود بالنبذه





    الاعمال المسموح بها في المهرجان,

    2D, 3D, 3D & live integration, Clay animation.


    العدد داخل المجموعه

    كحد ادني ٣ فنانين .. وكحد اقصي ٨ فنانين .. علي ان كل مجموعه يدخل فيها واحد علي الاقل مبتدئ او متوسط الخبرة.


    مشاركة الفنان الواحد في اكثر من عمل

    مسموح به للمحترفين … ولكن غير مسموح به للمبتدئ ولا متوسطي الخبرة بذلك. لان المطلوب منهم التعلم من مجموعه واحده والتركيز علي اكتساب كل الخبرات الازمه وفي نفس الوقت تنفيذ اعمالهم باعلي جوده ممكنه.


    تاريخ انتاج الفيلم

    يجب ان يكون الفيلم من انتاج 2012 واول عرض له في هذا المهرجان لتحقيق هدف المهرجان في تطوير المجال


    مقابلة ثابته لكل المجاميع

    سوف يتم عمل صفحه خاصه تجمع كل المجموعات المشاركه بحيث يتم عمل اجتماع كل شهر “هذه المده قابله للتغير وفق ماتراه الكوميونيتي انه الانسب” بحيث يتم وضع اخر تطورات كل مجموعه “ليس بشكل شرح وانما بشكل يوضح المرحله التي تم الوصول لها” بحيث ان المجموعات كلها تشجع بعض.


    مدة الفيلم

    مفتوحة .. بدون شروط


    ميعاد تسجيل الاشتراك

    بدءا من 1/11/2011 علي ان يكون احر ميعاد للتسجيل في 31/12/2011


    ميعاد تسليم الاعمال

    بدءا من 1/7/2012 علي ان يكون اخر ميعاد لتسليم الاعمال في 31/7/2012

    اليكس اوليفر هو اول شخص علي قائمة لجنة التحكيم
    Alex Oliver studio

    منقول من الفنان حازم صبرى


  2. #2

    الصورة الرمزية issam
    مشرف الماكس والأفتر افيكت

    الحالة
    غير متصل
    تاريخ التسجيل
    Nov 2006
    الدولة
    الجزائر
    المشاركات
    3,030
    Thanks
    0
    Thanked 24 Times in 23 Posts
    الصور
    8
    معدل تقييم المستوى
    98

    رد: مهرجان الافلام القصيرة للكوميونيتي العربي للجرافيكس 2012

    بارك الله فيك أستاذ إيهاب على المعلومة
    لا إله إلا الله محمد رسول الله
    معرض أعمالي
    http://forums.cgway.net/cg44544/

  3. #3
    الصورة الرمزية hany_201083
    مصمم متميز

    الحالة
    غير متصل
    تاريخ التسجيل
    Dec 2007
    الدولة
    egypt
    المشاركات
    1,844
    Thanks
    0
    Thanked 2 Times in 1 Post
    معدل تقييم المستوى
    48

    رد: مهرجان الافلام القصيرة للكوميونيتي العربي للجرافيكس 2012

    ايه الجمال ده .. بصراحة حاجة ممتازة جداً ... ويارب يكون لنا نصيب فيها ..
    يضيع العلم بين الحياء والكبر

  4. #4

    الصورة الرمزية {.®™REDHA™®.}
    مشرف السينما فوردي والافتر افيكت

    الحالة
    غير متصل
    تاريخ التسجيل
    May 2011
    الدولة
    Everest - قمة ايفرست
    المشاركات
    777
    Thanks
    0
    Thanked 3 Times in 2 Posts
    معدل تقييم المستوى
    43

    رد: مهرجان الافلام القصيرة للكوميونيتي العربي للجرافيكس 2012


    جاري تكوين فريق من خيرة و افضل المصممين العرب
    فلمن يود المشاركة في فريقنا يرجى مراسلتي على الخاص فورا
    فائق التحية و التقدير ,


    Dedicate yourself ... you gon' find yourself



    للتواصل معي :
    اضغط هــنــا

    My Favorite Programs

    Adobe After Effects , Adobe Audition , Adobe Premier , Adobe PhotoShop ,
    Hollywood FX
    Cinema 4D , AutoDesk ModBox , Quidam , NextLimet RealFlow , Corel Video Studio
    CiberLink PowerrDiractor , FaceGen Modeller , FrootyLoops , Edus Pro , Bojou
    If You Need Help With One Of Those , Be Sure To Let Me Know



 

 

المواضيع المتشابهه

  1. مهرجان الليمون في فرنسا ^_^
    بواسطة الغد الأحلى في المنتدى المنتدى العام
    مشاركات: 4
    آخر مشاركة: 27 / 03 / 2011, 02 : 03 PM
  2. مهرجان منمنمات وزخرفة 2011
    بواسطة karimn7 في المنتدى الرسم اليدوي والخط العربي والزخرفة
    مشاركات: 4
    آخر مشاركة: 11 / 02 / 2011, 58 : 11 PM
  3. مكتبة افلام الانيميشن القصيرة:حتى نأخذ العبرة من ذوي الخبرة - متجدد
    بواسطة IslamZwail في المنتدى فن التحريك وصناعة الانيميشن
    مشاركات: 15
    آخر مشاركة: 03 / 05 / 2009, 54 : 02 AM
  4. برنامج (الكاتب العربي) للكتابة في برامج أدوبي التي لا تدعم العربي بالخطوط
    بواسطة km6372000 في المنتدى البرامج والتقنية | Programs & Software
    مشاركات: 5
    آخر مشاركة: 21 / 07 / 2008, 30 : 01 AM
  5. مهرجان المعادن الاول بمصر
    بواسطة moataz2007h في المنتدى عرض ونقد الأعمال | Exhibition & Criticism Designs
    مشاركات: 0
    آخر مشاركة: 01 / 11 / 2007, 44 : 12 AM

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
الساعة الآن 12 : 07 PM
Powered by vBulletin® Version 4.2.3
Copyright © 2017 vBulletin Solutions, Inc. All rights reserved.
Search Engine Optimization by vBSEO